Official Journal L 160 , 28/06/2003 P. 0039 - 0040
Ir-Regolament tal-Kummissjoni (KEE) Nru 1142/2003 tas-27 ta' Ġunju 2003 li jemenda r-Regolament (KE) Nru 2125/95 relatat mal-kwota fuq tariffi għal faqqiegħ preservat tat-tip Agaricus allokata lill-Bulgarija IL-KUMMISSJONI TAL-KOMUNITAJIET EWROPEJ, Wara li kkonsidrat it-Trattat li jistabbilixxi l-Komunità Ewropea, Wara li kkonsidrat ir-Regolament tal-Kunsill (KE) Nru 2201/96 ta' 28 ta' Ottubru 1996 dwar l-organizzazzjoni komuni tas-swieq ta' frott proċessat u prodotti tal-ħaxix [1], kif emendat l-aħħar permezz ta' Regolament tal-Kummissjoni (KE) Nru 453/2002 [2], u b'mod partikolari l-Artikolu 15(1) tiegħu, Billi: (1) Ir-Regolament tal-Kummissjoni (KE) 2125/95 [3], kif emendat l-aħħar minn Regolament (EC) Nru 225/2003 [4], fetaħ u pprovda għall-amministrazzjoni ta' kwoti tat-tariffa għal faqqiegħ preservat. (2) Id-deċiżjoni tal-Kunsill 2003/286/KE tat-8 ta' April 2003 fuq il-konklużjoni ta' Protokoll li jaġġusta l-aspetti kummerċjali tal-Ftehim Ewropej li jistabbilixxi assoċjazzjoni bejn il-Komunitajiet Ewropej u l-Istati Membri tagħhom, fuq naħa waħda, u r-Repubblika tal-Bulgarija, minn naħa l-oħra, biex jikkonsidra r-riżultat tan-negozjati bejn il-partijiet fuq konċessjonijiet ġodda reċiproċi dwar l-Agrikoltura [5], approvat l-arranġamenti għall-importazzjoni fil-Komunità' applikabbli għal ċerti prodotti agrikoli li joriġinaw mill-Bulgarija. (3) Dawn l-arranġamenti ġew fis-seħħ fl-1 ta' Ġunju 2003. (4) L-allokazzjoni ta' kwoti għal faqqiegħ preservat tat-tip Agaricus li jaqa' taħt KodiċI NM 07115100, 20031020 u 20031030 li joriġinaw mill-Bulgarija kif jidher f'L-Anness I ta' Regolament (KE) Nru 2125/95 għandha tkun mibdula kif xieraq. (5) Regolament (KE) Nru 2125/95 għandu għalhekk ikun emendat kif xieraq. (6) Il-miżuri previsti f'dan ir-Regolament huma skond l-opinjoni tal-Kumitat ta Ġestjoni għal Prodotti Proċessati minn Frott u Ħaxix, ADOTTAT DAN IR-REGOLAMENT: Artikolu 1 L-Artikolu 1 ta' Regolament (KE) Nru 2125/95 hu mibdul b'dan li ġej: "Artikolu 1 1. Kwoti tat-tariffi għal faqqiegħ preservat tat-tip Agaricus li jaqgħu taħt Kodiċi NM 07115100, 20031020 u 20031030, li jidhru f'L-Anness I, għandhom ikunu miftuħa skond il-kondizzjonijiet stabbiliti f'dan ir-Regolament. 2. Ir-rata ta' dazju applikabbli għandha tkun 12 % ad valorem fil-każ ta' prodotti li jaqgħu taħt KodiċI NM 07115100 (Nru tas-Serje 09.4062) u 23 % fil-każ ta' Prodotti li jaqgħu taħt Kodiċi NM 20031020 u 20031030 (Nru tas-Serje 09.4063). Madankollu, rata waħdanija ta' 8,4 % għandha tkun applikabbli fil-każ tal-prodotti imsemmija hawn fuq u li joriġinaw mir-Rumanija (Nru tas-Serje 09.4726), u m'għandu jkun hemm l-ebda dazju fil-każ tal-prodotti imsemmija hawn fuq u li joriġinaw mill-Bulgarija (Nru tas-Serje 09.4725)." Artikolu 2 L-Anness I ta' Regolament (KE) Nru 2125/95 għandu jkun mibdul bit-test li jidher fl-Anness ta' dan ir-Regolament. L-Artikolu 3 Dan ir-Regolament għandu jiġi fis-seħħ fit-tielet ġurnata wara l-pubblikazzjoni tiegħu fil-Ġurnal Uffiċjali ta' l-Unjoni Ewropea. Għandu jibda jseħħ mill-1 ta' Ġunju 2003. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, fis-27 ta' Ġunju 2003. Għall-Kummissjoni Franz Fischler Membru tal-Kummissjoni [1] ĠU L 297, tal-21.11.1996, p. 29. [2] ĠU L 72, ta' l-14.3.2002, p. 9. [3] ĠU L 212, tas-7.9.1995, p. 16. [4] ĠU L 31, tas-6.2.2003, p. 10. [5] ĠU L 102, ta' l-24.4.2003, p. 60. -------------------------------------------------- ANNESS ANNESS I Allokazzjoni kif riferuta fl-Artikolu 2 f'tunnellati (piż nett imsaffi) Pajjiż Fornitriċi | 1 ta' Jannar sal-31 ta' Diċembru ta' kull sena | Bulgarija | 2625 | Rumanija | 500 | Ċina | 22750 | Oħrajn | 3290 | Riserva | 1000 | --------------------------------------------------