Ir-Regolament tal-Kunsill (KE) Nru 778/2003

tas-6 ta’ Mejju 2003

li jemenda d-Deċiżjoni tal-Kummissjoni Nru 283/2000/KEFA u r-Regolamenti tal-Kunsill (KE) Nru 584/96, (KE) Nru 763/2000 u (KE) Nru 1514/2002 li jikkonċernaw il-miżuri ta’ kontra d-dumping li applikaw għal ċerti rollijiet illaminati fis-sħana u għal ċertu armar għal tubaturi u pajpijiet, tal-ħadid jew azzar.

IL-KUNSILL TA’ L-UNJONI EWROPEA,

Wara li kkunsidra it-Trattat li jistabbilixxi il-Komunità Ewropea,

Wara li kkunsidra ir-Regolament tal-Kunsill (KE) Nru 452/2003 tas-6 ta’ Marzu 2003 dwar il-miżuri li l-Komunità tista’ tadotta b’konnessjoni ma’ l-effett ikkombinat tal-miżuri d-dumping jew ta’ kontra s-sussidji mal-miżuri ta’ salvagwardja [1],

Wara li kkunsidra l-proposta mressqa mill-Kummissjoni wara li kkonsultat mal-Kumitat Konsultattiv stabbilit skond l-Artikolu 15 tar-Regolament tal-Kunsill (KE) Nru 384/96 tat-22 ta’ Diċembru 1995 dwar il-protezzjoni kontra importazzjonijiet oġġetti ta’ dumping minn pajjiżi terzi li mhumiex Membri tal-Komunità Ewropea [2],

Billi:

A. MIŻURI EŻISTENTI

(1) Bid-Deċiżjoni Nru No 283/2000/KEFA [3], il-Kummissjoni imponiet dazju definittiv ta’ kontra d-dumping fuq ċerti prodotti llaminati ċatti tal-ħadid jew azzar mhux illiegat, ta’ wiesa’ ta’ 600 mm jew iktar, li mhumiex miksija, indurati jew mgħottija, f’rollijiet, mhux aktar minn illaminati fis-sħana (attwalment klassifikabbli taħt il-72081000, 72082500, 72082600, 72082700, 72083600, 72083710, 72083790, 72083810, 72083890, 72083910, 72083990 u min hawn ‘il quddiem msejħa "rollijiet illaminati fis-sħana") li joriġinaw fil-Bulgarija, fl-Indja, fis-Sud Afrika, fit-Taiwan [4], u fir-Repubblika Federali tal-Jugożlavja (min hawn ‘il quddiem imsejħa Sebja u Montenegro), u aċċettat ċerti garanziji. Skond l-Artikolu 1(1) tar-Regolament (KE) Nru 963/2002 [5], dawn il-miżuri ta’ kontra d-dumping adottati taħt id-Deċiżjoni Nru 2277/96/ECSC jibqgħu fis-seħħ minkejja l-iskadenza tat-Trattat KEFA u jkunu rregolati mid-dispożizzjonijiet tar-Regolament (KE) Nru 384/96 b’effett mill-24 ta’ Lulju 2002.

(2) Bir-Regolament (KE) Nru 584/96 [6], il-Kunsill impona miżuri ta’ kontra d-dumping fuq ċertu armar għal tubaturi u pajpijiet (li mhumiex armar fondut, flanġi armar minsuġ), tal-ħadid jew azzar (li ma jinkludix azzar li ma jissaddadx), bl-ikbar dijametru estern li ma jeċċedix 609,6 mm, ta’ tip użat għall-butt welding jew skopijiet oħrajn, attwalment klassifikabbli taħt il-kodiċijiet NMex73079311 (kodiċi TARIC 7307931191 u 7307931199), ex73079319 (kodiċi TARIC 7307931991 u 7307931999), ex73079930 (kodiċi TARIC 7307993092 u 7307993098) u ex73079990 (kodiċi TARIC 7307999092 u 7307999098) (minn hawn ‘il quddiem imsejħa "armar għal tubaturi u pajpijiet") li joriġinaw fil-Kroazja, fit-Thailandja u fir-Repubblika Popolari taċ-¬ina. Il-miżuri fuq importazzjonijiet ta’ armar għal tubaturi u pajpijiet li joriġinaw fiċ-¬ina ġew estiżi għal ċerti importazzjonijiet ta’ armar għal tubaturi u pajpijiet ikkunsinnati mit-Taiwan (minn hawn‘ il quddiem imsejħa Taipei Ċiniża) skond ir-Regolament (KE) Nru 763/2000 [7]. Il-miżuri b’konnessjoni ma’ importazzjonijiet li joriġinaw fil-Kroazja skadew minn dak iż-żmien [8], imma dawk b’konnessjoni ma’ importazzjonijiet li joriġinaw fit-Thailandja u ċ-¬ina, kif estiżi għal importazzjonijiet min Taipei Ċiniża, jibqgħu fis-seħħ bis-saħħa ta’ l-inizjazzjoni ta’ reviżjoni ta’ skadenza [9], skond l-Artikolu 11(2) tar-Regolament (KE) Nru 384/96. Il-Kunsill, bir-Regolament (KE) Nru 1514/2002 [10], impona wkoll miżuri ta’ kontra d-dumping fuq importazzjonijiet ta’ armar għal tubaturi u pajpijiet li joriġinaw fir-Repubblika Ċeka, fil-Malasja, fir-Repubblika tal-Korea, firRussja u fl-Islovakkja.

(3) Bir-Regolament tal-Kummissjoni (KE) Nru 1694/2002 [11], il-Kummissjoni adottat miżuri ta’ tariffi ta’ salvagwardja fuq ċerti prodotti ta’ l-azzar, inklużi l-rollijiet illaminati fis-sħana u armar għal tubaturi u pajpijiet li kienu diġa suġġetti għall-miżuri ta’ kontra d-dumping imsemmija hawn fuq. Skond l-Artikolu 5 ta’ dak ir-Regolament, il-kwoti ta’ tariffi u d-dazji addizzjonali ta’ salvagwardja ("dazju ta’ salvagwardja") b’konnessjoni ma’ rollijiet illaminati fis-sħana ma japplikawx għall-Indja jew għat-Taipei Ċiniża, waqt li l-kwoti ta’ tariffi u d-dazju ta’ salvagwardja b’konnessjoni ma’ armar għal tubaturi u pajpijiet ma japplikawx għaċ-Ċina.

(4) Il-miżuri ta’ kontra d-dumping imsemmija hawn fuq jieħdu l-forma jew ta’ dazju jew ta’ garanzija. Il-miżuri ta’ salvagwardja jieħdu l-forma ta’ kwoti ta’ tariffi li japplikaw għal perjodi speċifikati, u f’eċċess ta’ dawn id-dazju ta’ salvagwardja jrid jitħallas.

(5) La darba il-kwoti ta’ tariffi stabbiliti taħt il-miżuri ta’ salvagwardja jkunu eċċeduti, kemm id-dazju ta’ salvagwardja u kif ukoll id-dazju ta’ kontra d-dumping isiru pagabbli fuq l-istess importazzjonijiet, jew, fejn garanziji ta’ prezz kien ġew aċċettati, id-dazju ta’ salvagwardja jsir pagabbli ma’ l-obbligu li jiġu osservati dawn il-garanziji ta’ prezz.

(6) Bir-Regolament (KE) Nru 452/2003 [12], il-Kunsill ikkunsidra li l-kombinazzjoni ta’ miżuri ta’ kontra d-dumping jew ta’ kontra s-sussidju b’miżuri ta’ salvagwardja fuq l-istess prodott jistgħu jkollhom effett ikar minn dak intiż skond il-politika fuq id-difiża tal-kummerċ tal-Komunità u jista’ jpoġġi piż fuq ċerti produtturi esportaturi li qegħdin ifittxu li jesportaw lill-Komunità, ta’ oneru eċċessiv. B’riżultat ta’ dan, il-Kunsill introduċa dispożizzjonijiet speċifiċi li jippermettu lill-istituzzjonijiet Komunitarji, fejn ikun għalihom approprjat, li jieħdu azzjoni biex ikun żgurat li xi tagħqid ta’ miżuri ta’ kontra d-dumping jew kontra s-sussidju b’miżuri tariffarji ta’ salvagwardja fuq l-istess prodott ma jkollux dan l-effett.

B. MODALITAJIET

(7) Fil-każ preżenti, waqt li hemm xi inċertezza fuq jekk jew meta kull waħda mill-kwoti tariffarji ta’ salvagwardja imposti mir-Regolament (KE) Nru 1694/2002 tkun eżawrita, huwa possibli li importazzjonijiet ta’ rollijiet illaminati fis-sħana jew armar għal tubaturi jew pajpijiet li huma suġġetti għal dazji ta’ kontra d-dumping jew garanziji isiru wkoll suġġetti għal pagament ta’ dazju ta’ salvagwardja.

(8) F’dan il-każ, huwa kkunsidrat li t-tagħqid ta’ miżuri ta’ kontra d-dumping mad-dazju ta’ salvagwardja jista’ jkollu effett akbar milli dak maħsub jew mixtieq skond il-politika ta’ difiża tal-kummerċ tal-Komunità. B’mod partikolari, dan it-tagħqid jista’ jpoġġi piż ta’ oneru li mhuwiex mixtieq, fuq ċerti produtturi esportaturi li qegħdin ifittxu li jesportaw lill-Komunità li jista’ jkollu l-effett li jagħmel impossibli l-aċċess għas-suq Komunitarju. Il-Kunsill għalhekk jaħseb li huwa xieraq li jiġu amendati il-miżuri ta’ kontra d-dumping eżistenti fuq importazzjonijiet ta’ rollijiet illaminati fis-sħana u fuq importazzjonijiet ta’ armar għal tubaturi u pajpijiet.

(9) F’dawn iċ-ċirkostanzi, u biex tkun żgurat iċ-ċertezza legali għall-operaturi ekonomiċi kkonċernati, huwa kkunsidrat xieraq li jiġu speċifikati għal dawn il-każijiet il-miżuri ta’ kontra d-dumping li għandhom japplikaw fl-eventwalità li jiġu eżawriti il-kwoti tariffarji ta’ salvagwardja, jew fil-każ li l-vantaġġ tal-kwota mhuwiex mitlub jew mhuwiex mogħti.

(10) F’dawn il-każijiet meta kemm id-dazju ta’ kontra d-dumping u kif ukoll id-dazju ta’ salvagwardja jkunu normalment pagabbli u fejn id-dazju ta’ kontra d-dumping huwa anqas minn, jew daqs, l-ammont tad-dazju ta’ salvagwardja, huwa kkunsidrat xieraq li l-ebda dazju ta’ kontra d-dumping għandha tkun pagabbli. Meta id-dazju ta’ kontra d-dumping hija ikbar mill-ammont tad-dazju ta’ salvagwardja, huwa kkunsidrat xieraq li l-parti tad-dazju ta’ kontra d-dumping li jeċċedi l-ammont tad-dazju ta’ salvagwardja biss għandu jkun pagabbli.

(11) F’dawk il-każijiet fejn garanzija ta’ prezz ġiet aċċettata, il-Kummissjoni u l-kumpanniji kkonċernati ftehmu riduzzjonijiet ekwivalenti f’dawk il-garanziji ta’ prezz jew, skond kif ikun il-każ, huma ftehmu li l-obbligazzjoni li jiġi osservat prezz minimu ma japplikax meta d-dazju ta’ salvagwardja huwa pagabbli.

C. PROĊEDURA

(12) Il-partijiet kollha direttament ikkonċernati, li huma l-awtoritaijiet nazzjonali tal-Bulgarija, tas-Sud Afrika, tas-Serbja u Montenegro, tat-Thailandja, tat-Taipei Ċiniża, tal-Malasja, tar-Repubblika tal-Korea, tar-Russja u ta’ l-Islovakkja, produtturi esportaturi rilevanti f’dawk il-pajjiżi u l-industrija Komunitarja rċevew ammissjoni ta’ l-inizjattiva proposta deskritta hawn fuq, u ingħataw l-opportunità biex jikkumentaw dwarha.

(13) Ġew irċevuti risposti min-numru ta’ partijiet interessati. L-argumenti kollha tagħhom kienu debitament ikkunsidrati. ċertu partijiet appoġġaw bi sħiħ l-inizjattiva maħsuba mill-istituzzjonijiet Komunitarji. Partijiet oħra sostnew li għal dawk l-importazzjonijiet li għalihom japplikaw il-miżuri ta’ salvagwardja, miżuri ta’ kontra d-dumping m’għandhomx ikunu imposti, jew, jekk huma diġa imposti, għandhom ikunu sospiżi jew imħassra. Oħrajn sostnew li għal dawk l-importazzjonijiet li għalihom japplikaw il-miżuri ta’ kontra d-dumping, il-miżuri ta’ salvagwardja m’għandhomx japplikaw.

(14) Fejn għandu x’jaqsam ma’ l-ewwel argument, huwa kkunsidrat li meta jkun hemm tagħqid ta’ miżuri ta’ kontra d-dumping mad-dazju ta’ salvagwardja biss jista’ jseħħ effett ikbar minn dak maħsub jew mixtieq. Fil-fatt, huwa biss f’dik iċ-ċirkostanza li ċerti produtturi esportaturi huma suġġetti għall-piż kemm tal-miżuri ta’ kontra d-dumping kif ukoll tad-dazju ta’ salvagwardja fuq l-istess importazzjoni. Għalhekk, huwa kkunsidrat li jkun biss xieraq li tittieħed azzjoni meta d-dazji ta’ salvagwardja jsiru pagabbli.

(15) F’dak li għandu x’jaqsam mat-tieni argument, għandu jiġi mfakkar li l-miżuri ta’ kontra d-dumping japplikaw biss għal importazzjoniet ta’ rollijiet illaminati fis-sħana u għal armar ta’ tubaturi u pajpijiet li joriġinaw f’ċerti pajjiżi. Għalhekk, jekk miżuri ta’ salvagwardja ma ġewx applikati għal importazzjonijiet ta’ rollijiet illaminati fis-sħana u għal armar ta’ tubaturi u pajpijiet suġġetti għal miżuri ta’ kontra d-dumping, dawn japplikaw biss għal xi importazzjonijiet ta’ dawn il-prodotti li joriġinaw f’xi pajjiżi u mhux f’oħrajn. Huwa kkunsidrat li dan ikun kuntrarju għall-obligazzonijiet internazzjonali tal-Komunità, li jirrikjedu li miżuri ta’ salvagwardja jkunu applilkati għal prodott li qiegħed jiġi importat indipendentment mill-oriġini tiegħu.

(16) Għalhekk, wara li debitament ttieħed kont tas-sottomissjonijiet magħmula mill-partijiet ikkonċernati, huwa kkunsidrat li l-ebda mis-soluzzjonijiet alternattivi ssuġġeriti mill-partijiet ikkonċernati għandhom jiġu adottati u li l-miżuri preżenti huma l-aktar xierqa biex jintlaħaq l-għan li jiġi evitat piż b’oneru mhux mixtieq fuq ċerti produtturi esportaturi li qegħdin ifittxu li jesportaw lill-Komunità,

ADOTTA DAN IR-REGOLAMENT:

Artikolu 1

"2a. Minkejja il-paragrafu 2, fejn importazzjonijiet tal-prodott kkonċernat li joriġina fil-Bulgarija, fis-Sud Afrika jew fis-Serbja u Montenegro huma suġġetti għal pagament ta’ dazju ta’ salvagwardja addizzjonali skond l-Artikolu 1(3) tar-Regolament (KE) Nru 1694/2002 [*] ĠU L 261, tat-28.9.2002, p. 1., ir-rati tad-dazju ta’ kontra d-dumping għal prodotti ffabbrikati mill-kumpanniji elenkati fit-tabella li ġejja japplikaw għal prezz nett frank fil-fruntiera Komunitarja, qabel id-dazju, ser ikunu:

Pajjiż | Kumpanniji | ADRata ta’ dazju ta’ li tapplika meta d-dazju addizzonali ta’ salvagwardja huwa pagabbli | Kodiċi addizzjonali TARIC |

sa 28.3.03 | minn 29.3.03 sa 28.9.03 | minn 29.9.03 ssa 28.3.04 | minn 29.3.04 sa 28.9.04 | minn 29.9.04 sa 28.3.05 |

il-Bulgarija | Il-kumpanniji kollha | 0 % | 0 % | 0 % | 0 % | 0 % | A999 |

Is-Sud Afrika | Iscor Limited, Roger Dyason Road, Pretoria West, and Saldanha Steel (Pty) Ltd, Private Bag X11, Saldanha 7395 | 0 % | 0 % | 0 % | 0 % | 0 % | A079 |

Il-kumpanniji kollha l-oħra | 20,3 % | 22,1 % | 22,1 % | 23,7 % | 23,7 % | A999 |

Is-Serbja u Montenegro | Il-kumpanniji kollha | 0 % | 0 % | 0 % | 1,3 % | 1,3 %" | |

Artikolu 2

"2a. Minkejja l-paragrafu 2, fejn importazzjonijiet tal-prodott ikkonċernat mit-Thailandja huma suġġetti għal pagament ta’ dazju addizzjonali ta’ salvagwardja skond l-Artikolu 1(3) tar-Regolament (KE) Nru 1694/2002 [14], ir-rata ta’ dazju ta’ kontra d-dumping li tapplika għall–prezz nett frank fil-fruntiera Komunitarja, qabel id-dazju, ser tkun kif ġej: Ir-rata ta’ dazju ta’ AD li tapplika meta dazju addizzjonali ta’ salvagwardja huwa pagabbli

Pajjiż | Kumpannija | Rata ta’ dazju ta’ AD li tapplika meta d-dazju addizzonali ta’ salvagwardja huwa pagabbli | Kodiċi addizzjonali TARIC |

sa 28.3.03 | minn 29.3.03 sa 28.9.03 | minn 29.9.03 tsa 28.3.04 | minn 29.3.04 sa 28.9.04 | minn 29.9.04 sa 28.3.05 |

It-Thailandja | 35,2 % | 37,6 % | 37,6 % | 39,7 % | 39,7 % | 8851 |

Minbarra: Thai Benkan Co. Ltd, Prapadaeng Samutprakarn | 0 % | 0 % | 0 % | 0 % | 0 % | A118" |

Artikolu 3

"2a. Minkejja il-paragrafu 1, bl-eċċezzjoni ta’ dak l-armar prodott u esportat mill-imsemmija Chup Hsin Enterprise Co. Ltd, Rigid Industries Co. Ltd u Niang Hong Pipe Fittings Co. Ltd, meta importazzjonijiet ta’ armar ikkunsinnati mit-Taipei Ċiniża huma suġġetti għal pagament ta’ dazju addizzjonali ta’ salvagwardja skond l-Artikolu 1(3) tar-Regolament (KE) Nru 1694/2002 [*] ĠU L 261, tat-28.9.2002, p. 1, ir-rata ta’ dazju ta’ kontra d-dumping li tapplika għall-prezz nett frank fil-fruntieria Komunitarja, qabel id-dazju, ser tkun kif ġej:

Pajjiż | Kumpannija | ADIr-rata ta’ dazju ta’ li tapplika meta dazju addizzjonali ta’ salvagwardja huwa pagabbli | Kodiċi addizzjonali TARIC |

sa 28.3.03 | minn 29.3.03 sa 28.9.03 | mminn 29.9.03 sa 28.3.04 | minn 29.3.04 sa 28.9.04 | minn 29.9.04 sa 28.3.05 |

Taipei ¬iniża | Kollha (minbarra Chup Hsin Enterprise Co. Ltd, Rigid Industries Co. Ltd u Niang Hong Pipe Fittings Co. Ltd) | 34,9 % | 37,3 % | 37,3 % | 39,4 % | 39,4 % | A999" |

Artikolu 4

"2a. Minkejja il-paragrafu 2, meta importazzjonijiet tal-prodott ikkonċernat huma suġġetti għal pagament ta’ dazju addizzjonali ta’ salvagwardja skond l-Artikolu 1(3) tar-Regolament (KE) Nru 1694/2002 [*] ĠU L 261, tat-28.9.2002, p. 1., ir-rata tad-dazju definittiv ta’ kontra d-dumping li japplikka għall-prezz nett frank fil-fruntiera Komunitarja, qabel d-dazju, ser tkun kif ġej għall-prodotti ffabbrikati minn:

Pajjiż | Kumpannija | ADIr-rata ta’ dazju ta’ li tapplika meta dazju addizzjonali ta’ salvagwarda huwa pagabbli | Kodiċi addizzjonali TARIC |

sa 28.3.03 | minn 29.3.03 sa 28.9.03 | minn 29.9.03 sa 28.3.04 | minn 29.3.04 sa 28.9.04 | minn 29.9.04 sa 28.3.05 |

Ir-Repubblika Ċeka | Mavet a.s., Trebic | 0 % | 0 % | 0 % | 0 % | 0 % | A323 |

Il-kumpanniji kollha l-oħra | 0 % | 1,1 % | 1,1 % | 3,2 % | 3,2 % | A999 |

Il-Malasja | Anggerik Laksana Sdn Bhd, Selangor Darul Ehsan | 35,5 % | 37,9 % | 37,9 % | 40 % | 40 % | A324 |

Il-kumpanniji kollha l-oħra | 51,3 % | 53,7 % | 53,7 % | 55,8 % | 55,8 % | A999 |

Ir-Russja | Il-kumpanniji kollha | 19,6 % | 22 % | 22 % | 24,1 % | 24,1 % | |

Ir-Repubblika tal-Korea | Il-kumpanniji kollha | 20,3 % | 22,7 % | 22,7 % | 24,8 % | 24,8 % | |

L-Islovakkja | Il-kumpanniji kollha | 0 % | 0 % | 0 % | 0 % | 0 % | A999" |

Artikolu 5

Dan ir-Regolament għandu jidħol fis-seħħ fil-jum ta’ wara l-pubblikazzjoni tiegħu fil-Ġurnal Uffiċjali ta’ l-Unjoni Ewropea.

Dan jiskadi fit-28 ta’ Marzu 2005.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fis-6 ta’ Mejju 2003.

Għall-Kunsill

Il-President

P. Efthymiou

[1] ĠU L 69, tat-13.3.2003, p. 8.

[2] ĠU L 56, tas-6.3.1996, p. 1. Ir-Regolament kif l-aħħar emendat mir-Regolament (KE) Nru 1972/2002 (ĠU L 305, tas-7.11.2002, p. 1).

[3] ĠU L 31, tal-5.2.2000, p. 15. Id-Deċiżjoni kif l-aħħar emendata mid-Deċiżjoni Nru 1043/2002/KEFA (ĠU L 157, tal-15.6.2002, p. 45).

[4] It-Taipei Ċiniża hija msejħa Taiwan f’dik id-Deċiżjoni.

[5] ĠU L 149, tas-7.6.2002, p. 3. Ir-Regolament kif emendat mir-Regolament (KE) Nru 1310/2002 (ĠU L 192, ta’ l-20.7.2002, p. 9).

[6] ĠU L 84, tat-3.4.1996, p. 1. Ir-Regolament kif emendat mir-Regolament (KE) Nru 1592/2000 (ĠU L 182, tal-21.7.2000, p. 1).

[7] ĠU L 94, ta’ l-14.4.2000, p. 1. Ir-Regolament kif emendat mir-Regolament (KE) Nru 2314/2000 (ĠU L 267, ta’ l-20.10.2000, p. 15).

[8] ĠU L 104, ta’ l-4.4.2001, p. 7.

[9] ĠU L 103, tat-3.4.2001, p. 5.

[10] ĠU L 228, ta’ l-24.8.2002, p. 1.

[11] ĠU L 261, tat-28.9.2002, p. 1.

[12] ĠU L 69, tat-13.3.2003, p. 8.

[14] ĠU L 261, tat-28.9.2002, p. 1

--------------------------------------------------