Id-Direttiva tal-Kummissjoni 2003/69/KE

tat-11 ta’ Lulju 2003

li temenda l-Anness tad-Direttiva tal-Kunsill 90/642/KEE dwar il-livelli massimi ta’ residwi ta’ chlormequat, lambda-cyhalothrin, kresoxim-methyl, azoxystrobin u ċerti dithiocarbamates

(Test b’relevanza għall-FEE)

IL-KUMMISSJONI TAL-KOMUNITAJIET EWROPEJ

Wara li kkunsidrat it-Trattat li jistabbilixxi l-Komunitajiet Ewropea,

Wara li kkunsidrat id-Direttiva tal-Kunsill 90/642/KEE tas-27 ta’ Novembru 1990 dwar il-livelli massimi ta’ residwi ġo u fuq prodotti li joriġinaw minn pjanti, inklużi frott u ħaxix [1], kif emendat bir-Regolament tal-Kunsill (KE) Numru 2003/806 [2], partikolarment l-Artikolu 7 tiegħu,

billi:

(1) F’każ ta’ prodotti li joriġinaw minn pjanti, inklużi frott u ħaxix, il-livelli ta’ residwi jirriflettu l-użu ta’ kwantitajiet minimi ta’ pestiċidi meħtieġa għall-protezzjoni effettiva tal-pjanti, użati b’tali mod illi l-ammont ta’ residwu jkun ta’ livell tossikoliġikament u prattikalmet aċċeettabbli, b’ħarsien partikolari għall-protezzjoni ta’ l-ambjent u l-konsum tal-konsumaturi. Livelli massimi ta’ residwi (MRLs) tal-Komunità jirrapreżentaw il-limiti l-iktar għoljin ta’ dawn ir-residwi li jistgħu jinstabu f’dawn il-komoditajiet la darba jiġu aċċettati prattiċi agrikolturali xierqa.

(2) MRLs għall-pestiċidi għandhom jibqgħu jiġu kkontrollati u aġġornati skond informazzjoni u data ġdida. MRLs huma ffissati fil-limitu baxx tad-determinazzjoni analitika fejn l-użu awtorizzat ta’ protezzjoni tal-pjanti ma jirreżultax fl-livelli traċċabbli ta’ residwi ta’ pestiċidi ġo jew fuq prodotti ta’ l-ikel, jew fejn hemm użu mhux awtorizzat, jew fejn l-użu awtorizzat mill-Istat Membri ma ġiex appoġġat mid-data neċessarja, jew fejn l-użu f’pajjiżi terzi jirreżulta f’residwi ġo jew fuq prodotti ta’ l-ikel li jistgħu jiċċirkolaw fis-suq tal-Komunità ma ġiex appoġġat mid-data neċessarja.

(3) Fil-kaz tal-chlormequat, L-Istati Membri u l-istakeholders infurmaw il-Kommissjoni li l-kontaminazzjoni tal-lanġas dovut għal-livelli tal-chlormequat fl-ambjent sfond li oriġinaw minn użu oriġinali jibqa’ ta’ importanza. Data miġbura minn kontrolli turi li r-rata tat-tnaqqis tar-residwi tant huwa baxx li l-MRL temporanju previst fid-Direttivan 90/642/KEE għandu jibqa’ fis-seħħ għal tlett snin oħra.

(4) Fil-każ ta’ lambda-cyhalothrin, kresoxim-methyl, azoxystrobin u mancozeb, applikazzjonijiet għall-użu ġdid jew differenti ġew mogħtija lill-Istati Membri Rapporteur. Dan l-użu ġie evalwat, u ġie konkluż li ma jirreżultax f’esposizzjoni għall-konsumaturi ta’ livell mhux aċċettabbli.

(5) Mhux possibbli li wieħed jiddistingwi l-mancozeb minn tipi oħra ta’ dithiocarbamates (maneb, mancozeb, metiram, propineb u zineb (somma espressa bħala CS2)), bil metodi preżenti ta’ analiżi, għalhekk, id-definizzjoni tar-residwi jkopru l-grupp tad-dithiocarbamates kollu.

(6) Il-Kummissjoni ddeċidiet li huwa xieraq li ċerti MRLs jiġu modifikati minħabba r-riskju potenzali lill-konsumaturi. Huwa importanti ukoll li jittieħdu iktar passi amministrattivi mill-Istati Membri biex il-konsumatur jiġi protett kif xieraq.

(7) L-esposizzjoni tal-konsumaturi għall-pestiċidi skond din id-Direttiva, kemm għal ħajjithom, kemm għal żmien qasir, permezz ta’ prodotti ta’ l-ikel ġie eżaminat u valutat mill-ġdid skond il-proċeduri u l-prattiċi tal-Komunità, u ġew ikkunsidrati ukoll il-linji gwida ppubblikati mill-Organizzazzjoni Dinjija tas-Saħħa [3]. Huwa stmat li l-MRLs iffissati f’din id-Direttiva m’għandhomx jireżultaw f’esposizzjoni tal-konsumatur ta’ livel mhux aċċettabbli.

(8) Fejn huwa xieraq, l-esposizzjoni akuta tal-konsumaturi għall-dawn il-pestiċidi permezz ta’ prodotti ta’ l-ikel li jistgħu jkollhom xi residwi, ġiet eżaminata u valutata skond il-proċeduri u l-prattiċi tal-Komunità, u ġew ikkunsidrati ukoll il-linji gwida ppubblikati mill-Organizzazzjoni Dinjija tas-Saħħa. Huwa deċiż li l-presenza ta’ residwi tal-pestiċidi fl-livell iktax baxx jew fl-istess livell ta’ l-MRLs proposti f’din id-Direttiva ma jikkawżawx effetti tossiċi.

(9) Permezz ta’l-Organizzazzjoni Dinjija tal-Kummerċ, is-soċji tal-Komunità ġew ikkonsultati dwar l-MRLs proposti f’din id-Direttiva u l-kummenti tagħhom dwar dawn il-livelli ġew kkunsidrati.

(10) L-opinjoni tal-Kumitat Xjentifiku tal-Pjanti ġiet kkunsidrata, partikolarment il-parir u r-rakkomandazzjoni tiegħu dwar il-metodoloġija li għandha tiġi segwita għall-protezzjoni ta’ prodotti agrikoli li jiġu trattati bil-pestiċidi.

(11) L-Anness għad-Direttiva 90/642/KEE għandu, għalhekk, jiġi emendat kif xieraq.

(12) Il-miżuri previsti f’din id-Direttiva huma skond l-opinjoni tal-Kumitat Permanenti dwar il-Food Chain u s-Saħħa ta’ l-Annimali,

ADOTTAT DIN ID-DIRETTIVA:

Artikolu 1

L-Anness II tad-Direttiva 90/642/KEE huwa emendat kif-ġej:

1. fl-input tal-kresoxim-methyl fuq il-frawli "0,2 (p) mg/kg" huwa mibdul b’ "1 (p) mg/kg";

2. fl-input tal-dithiocarbamates: "Maneb, mancozeb, metiram, propineb u zineb (somma espressa bħala CS2)" fuq ravanell abjad "0,2 mg/kg" huwa mibdul b’ "2 mg/kg", fuq basal żgħir "0,05* mg/kg" huwa mibdul b’ "1 mg/kg";

3. fl-input tal-

chlormequat

fuq il-lanġas, in-nota f’qiegħ il-paġna (t) huwa mibdul b’dan li ġej:

"(t) MRL temporanju ta’ 0,3 mg/kg għandhom jgħoddu sal-31 ta’ Lulju 2006.";

4. l-input tal-azoxystrobin u lambda-cyhalothrin huwa mibdul bl-input fl-Anness ta’ din id-Direttiva.

Artikolu 2

L-Istati Membri għandhom jadottaw u jippubblikaw id-dispożizzjonijiet neċessarji biex titħares id-Direttiva l-iktar tard sal-31 ta’ Lulju 2003. Għandhom jgħarrfu bihom lill-Kummissjoni fil-pront.

Għandhom japplikaw dawk id-dispożizzjonijiet mill-1 ta’ Awissu 2003.

Meta l-Istati Membri jadottaw dawn id-dispożizzjonijiet, għandha tkun tinstab fihom riferenza għal din id-Direttiva jew jiġu akkumpanjati b’din ir-riferenza fl-okkażjoni tal-pubblikazzjoni uffiċjali tagħhom. L-Istati Membri għandhom jistabbilixxu kif trid issir din ir-riferenza.

Artikolu 3

Din id-Direttiva għandha tidħol fis-seħħ sebat ijiem wara l-pubblikazzjoni tagħha fil-Ġurnal Uffiċjali ta’ l-Unjoni Ewropea.

Artikolu 4

Din id-Direttiva qiegħeda tiġi indirizzata lill-Istati Membri.

Magħmul fi Brussel, fil-11 ta’ Lulju 2003.

Ghall-Kummissjoni

David Byrne

Membru tal-Kummissjoni

[1] ĠU L 350, ta' l-14.12.90, p. 71.

[2] ĠU L 122, tas-16.5.3, p. 1.

[3] Linji gwida għall-istima ta’ konsum ta’ residwi ta’ pestiċidi (riveduti), ippreparati mill-Programm GEMS/Food flimkien mal-Kumitat Codex dwar ir-Residwi tal-Pestiċidi, ippubblikati mill-Organizzazzjoni Dinjija tas-Saħħa 1997 (WHO/FSF/FOS/97.7).

--------------------------------------------------

L-ANNESS

"Gruppi u eżempji ta' prodotti individwali lill-min japplikaw l-MRLs | Residwu tal-pestiċidi u livelli massimi ta' residwi (mg/kg) |

Azoxystrobin | Lambda-cyhalothrin |

1.Frott, frisk, niexef jew nej, ippriżervat bl-iffriżar, mingħajr zokkor miżjud;ġewż

(i)FROTT ĊITRU | 1 | |

Tronġ | | 0,1 |

Lumi | | 0,2 |

Xkomp | | 0,2 |

Mandolin (inlużi klementin u ibridi oħra) | | 0,2 |

Larinġ | | 0,1 |

Grapefruit | | 0,1 |

Oħrajn | | 0,02 |

(ii)ĠEWŻ TAS-SIĠAR (bil-jew mingħajr qoxra) | 0,1 | 0,05 |

Lewż | | |

Ġewż tal-Brażil | | |

Ġewż Cashew | | |

Qastan | | |

Ġewż ta' Indi | | |

Ġellewż | | |

Macadamia | | |

Ġewż Amerikan | | |

Ġewż ta' l-arżnu | | |

Pistaċċi | | |

Ġewż | | |

Oħrajn | | |

(iii)FROTT POME | 0,05 | 0,1 |

Tuffieħ | | |

Lanġas | | |

Sfarġel | | |

Oħrajn | | |

(iv)FROTT BL-GĦADMA | 0,05 | |

Berquq | | 0,2 |

Ċirasa | | |

Ħawħ (inklużi nuċiprisk u ibridi simili) | | 0,2 |

Għanbaqar | | |

Oħrajn | | 0,1 |

(v)BERRIES U FROTT ZGĦIR | | |

(a)Għeneb ta' l-inbid u tal-mejda | 2 | 0,2 |

Għeneb tal-mejda | | |

Għeneb ta' l-inbid | | |

(b)Frawli (mhux selvaġġ) | 2 | 0,5 |

(ċ)Frott tal-kannamieli (mhux selvaġġ) | | 0,02 |

Ċawsli | 3 | |

Dewberries | | |

Loganberries | | |

Lampun | 3 | |

Oħrajn | 0,05 | |

(d)Frott żgir ieħor u berries (mhux selvaġġi) | 0,05 | |

Mirtill | | |

Cranberries | | |

Passolina (ħamra, sewda u bajda) | | 0,1 |

Rużberri | | 0,1 |

Oħrajn | | 0,02 |

(e)Berries selvaġġi u frott selvaġġ | 0,05 | 0,2 |

(vi)MIXXELLANJI | | 0,02 |

Avocado | | |

Banana | 2 | |

Tamal | | |

Tin | | |

Kiwi | | |

Kumquats | | |

Litchis | | |

Mangu | | |

Żebbuġ | | |

Passion Fruit | | |

Ananas | | |

Rummien | | |

Oħrajn | 0,05 | |

2.Ħaxix, frisk jew nej, iffriżat jew niexef

(i)ĦAXIX TA' L-GĦERUQ U TUBERU | | |

Pitravi | | |

Zunnarija | 0,2 | |

Krafes ħoxnin | 0,3 | 0,1 |

Horseradish | 0,2 | |

Qaqoċċ tal-Jerusalem | | |

Zunnarija bajda | 0,2 | |

Għerq tat-tursin | 0,2 | |

Ravanell abjad | | 0,1 |

Salsafja | 0,2 | |

Patata ħelwa | | |

Sewedes | | |

Nevew | | |

Jam | | |

Oħrajn | 0,05 | 0,02 |

(ii)ĦAXIX BIL-BASLA | | |

Tewm | | |

Basal | | |

Basal abjad | | |

Basal żgħir | 2 | 0,05 |

Oħrajn | 0,05 | 0,02 |

(iii)ĦAXIX BIL-FROTT | | |

(a)Solanacea | | |

Tadam | 2 | 0,1 |

Bżar | 2 | 0,1 |

Brunġiel | 2 | 0,5 |

Oħrajn | 0,05 | 0,02 |

(b)Cucurbits— qoxra li tittiekel | 1 | 0,1 |

Ħjar | | |

Gherkins | | |

Qargħa bagħli żgħir | | |

Oħrajn | | |

(ċ)Xatrambatt | 0,5 | 0,05 |

Bettieħ | | |

Squashes | | |

Dullieħ | | |

Oħrajn | | |

(d)Qamħirrum ħelu | 0,05 | 0,05 |

(iv)ĦAXIX BRASSICA | | |

(a)Brassica bil-fjuri | | 0,1 |

Brokkoli (inklużi l-Calabrese) | | |

Pastard | 0,5 | |

Oħrajn | 0,05 | |

(b)Head brassica | | |

Brussel sprouts | | 0,05 |

Ras il-kaboċċa | 0,3 | 0,2 |

Oħrajn | 0,05 | 0,02 |

(ċ)Brassica bil-weraq | 0,05 | 1 |

Kaboċċa Ċiniza | | |

Kaboċċ mberflaq | | |

Oħrajn | | |

(d)Kohlrabi | 0,2 | 0,02 |

(v)ĦAXIX BIL-WERAQ U ĦWAWAR FIRISKI | | |

(a)Ħass u simili | 3 | 1 |

Krexxun | | |

Valerjanella | | |

Ħass | | |

Scarole (indivja b'weraq wiesa) | | |

Oħrajn | | |

(b)Spinaċi u simili | 0,05 | |

Spinaċi | | 0,5 |

Weraq tal-pitravi (pitrava) | | |

Oħrajn | | 0,02 |

(ċ)Krexxun ta' l-ilma | 0,05 | 0,02 |

(d)Witloof | 0,2 | 0,02 |

(e)Ħwawar | 3 | 1 |

Maxxita | | |

Kurrat Selvaġġ | | |

Tursin | | |

Weraq tal-karfus | | |

Oħrajn | | |

(vi)ĦAXIX LEGUM (frisk) | | |

Fażola (fil-miżwed) | 1 | 0,2 |

Fażola (mingħajr miżwed) | 0,2 | 0,02 |

Piżelli (bil-miżwed) | 0,5 | 0,2 |

Piżelli (mingħajr miżwed) | 0,2 | 0,2 |

Oħrajn | 0,05 | 0,02 |

(vii)ĦAXIX BIZ-ZOKK (frisk) | | |

Sfarġ | | |

Kardun | | |

Karfus | 5 | 0,3 |

Bużbież | | |

Qaqoċċ | 1 | |

Kurrat | 0,1 | 0,3 |

Rabarbru | | |

Oħrajn | 0,05 | 0,02 |

(viii)FUNGI | 0,05 | |

(a)Faqqiegħ ikkultivat | | 0,02 |

(b)Faqqiegħ selvaġġ | | 0,5 |

3.Żrieraħ | 0,1 | 0,02 |

Fażola | | |

Għads | | |

Pizelli | | |

Oħrajn | | |

4.Żerriegħa taż-żejt | | 0,02 |

Żerriegħa tal-kittien | | |

Karawett | | |

Żerriegħa tal-peprin | | |

Żerriegħa tal-ġunġlien | | |

Żerriegħa tal-ġirasol | | |

Żerriegħa tar-rapa | 0,5 | |

Fażola Soya | 0,5 | |

Żerriegħa tal-mustarda | | |

Żerriegħa tal-qoton | | |

Oħrajn | 0,05 | |

5.Patata | 0,05 | 0,02 |

Patata ġdida | | |

Patata tat-tip ware | | |

6.Te (weraq u zkuk niexef, iffermentati jew xorta oħra, Camellia sinensis) | 0,1 | 1 |

7.Ħops (niexef), inklużi pritkun tal-ħops u trab mhux konċentrat | 20 | 10 |

--------------------------------------------------