Official Journal L 130 , 27/05/2003 P. 0027 - 0028
Id-Deċiżjoni tal-Kummissjoni tat-23 ta’ Mejju 2003 li temenda d-Deċiżjoni 2002/300/KE li tistabbilixxi lista ta’ żoni approvati fir-rigward tal-Bonamia ostreae u/jew tal-Marteilia refringens (notifikata permezz ta’ dokument numru K(2003) 1639) (Test b’rilevanza ŻEE) (2003/378/KE) IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ewropea, Wara li kkunsidrat id-Direttiva tal-Kunsill 91/67/KEE tat-28 ta’ Jannar 1991 li tikkonċerna l-kondizzjonijiet tas-saħħa ta’ l-annimali li jirregolaw it-tqegħid fis-suq ta’ l-annimali u prodotti ta’ l-akwakultura [1], kif l-aħħar emendata bid-Direttiva 98/45/KE [2], u partikolarment l-Artikolu 5 tagħha, Billi: (1) Id-Deċiżjoni tal-Kummissjoni 2002/300/KE [3] tistabbilixxi ż-żoni fl-Irlanda meqjusa bħala ħielsa mill-marda tal-Bonamia ostrea u/jew tal-Marteilia refringens. (2) L-awtorità veterinatja kompetenti fl-Irlanda informat lill-Kummissjoni u lill-Istati Memri l-oħrajn bis-sejbien tal-Bonamia ostrea fil-Kanal Achill, żona preċedentament meqjusa bħala ħielsa. Din iż-żona għalhekk ma tistax aktar tibqa meqjusa bħala ħielsa fir-rigward tal-Bonamia ostrea. (3) Id-Deċiżjoni 2002/300/KEE għandha għalhekk tkun emendata kif xieraq. (4) Il-miżuri li hemm provvediment dwarhom f’din id-Deċiżjoni huma bi qbil mal-opinjoni tal-Kumitat Permanenti dwar il-Katina ta’ l-Ikel u s-Saħħa ta’ l-Annimali, ADOTTAT DIN ID-DEĊIŻJONI: Artikolu 1 L-Anness tad-Deċiżjoni 2002/300/KE huwa mibdul bit-test fl-Anness ta’ din id-Deċiżjoni. Artikolu 2 Din id-Deċiżjoni hija indirizzata lill-Istati Membri. Magħmula fi Brussel, fit-23 ta’ Mejju 2003. Għall-Kummissjoni David Byrne Membru tal-Kummissjoni [1] ĠU L 46, tad-19.2.1991, p. 1. [2] ĠU L 189, tat-3.7.1998, p. 12. [3] ĠU L 103, tad-19.4.2002, p. 24. -------------------------------------------------- L-ANNESS L-ANNESS ŻONI APPROVATI GĦAL WAĦDA JEW AKTAR MILL-MARD TAL-MOLUSKOLI BONAMIA OSTREA U MARTEILIA REFRINGENS 1.A. Iż-żoni fl-Irlanda approvati fir-rigward ta’ B. ostreae - il-kosta kollha ta’ l-Irlanda bl-eċċezzjoni ta’ dawn il-ħames żoni li ġejjin: - Il-Port ta’ Cork, - Il-Bajja ta’ Galway, - Il-Port ta’ Ballinakill, - Il-Bajja ta’ Clew, - Il-Kanal ta’ Achill. 1.B. Iż-żoni fl-Irlanda approvati fir-rigward ta’ M. refringens - il-kosta kollha ta’ l-Irlanda. 2.A. Żoni fir-Renju Unit, fiċ-Channel Islands u fl-Isle of Man approvati fir-rigward tal-B. ostreae - il-kosta kollha tal-Gran Brittanja, bl-eċċezzjoni ta’ dawn iż-żoni li ġejjin: - il-kosta ta’ nofs-in-nhar ta’ Cornwall minn Lizard dal-Ponta Start, - iż-żona ta’ madwar l-estwarju Solent, minn Portand Bill sa Selsey Bill, - iż-żona ta’ matul il-kosta f’Essex minn Shoeburyness sal-ponta Landguard, - il-kosta kollha ta’ l-Irlanda ta’ Fuq, - il-kosta kollha ta’ Guernsey u Herm, - iż-żona tal-Istati ta’ Jersey: iż-żona tikkonsisti miż-żona kostali inter-marea u immedjata bejn il-medja tal-marka tal-baħar l-aktar għoli fuq il-Gżira ta’ Jersey u linja mmaġinarja miġbuda tlett mili nawtiċi mill-medja tal-baħar l-aktar baxx tal-Gżira ta’ Jersey. Iż-żona tinsab fil-Golf Normano-Breton, fin-naħa ta’ nofs-in-nhar tal-Kanal Ingliż, - il-kosta kollha ta’ l-Isle of Man. 2.B. Żoni fir-Renju Unit, fiċ-Channel Islands u fl-Isle of Man approvati fir-rigward ta’ M. refringens - il-kosta kollha tal-Gran Brittanja, - il-kosta kollha ta’ l-Irlanda ta’ Fuq, - il-kosta kollha ta’ Guernsey u Herm, - iż-żona tal-Istati ta’ Jersey: iż-żona tikkonsisti miż-żona kostali inter-marea u immedjata bejn il-medja tal-marka tal-baħar l-aktar għoli fuq il-Gżira ta’ Jersey u linja mmaġinarja miġbuda tlett mili nawtiċi mill-medja tal-baħar l-aktar baxx tal-Gżira ta’ Jersey. Iż-żona tinsab fil-Golf Normano-Breton, fin-naħa ta’ nofs-in-nhar tal-Kanal Ingliż, - il-kosta kollha ta’ l-Isle of Man.” --------------------------------------------------