Id-Deċiżjoni tal-Kummissjoni

tas-27 ta' Frar 2003

li tistabilixxi l-istandards tal-kodifikazzjoni tal-komponenti u l-materjali tal-vetturi skond id-Direttiva 2000/53/KE tal-Parlament Ewropew u tal-Kunsill fuq vetturi li m’ għadhomx jintużaw

(innotifikata fid-dokument bin-numru C(2003) 620)

(Test b'rilevanza għaż-ŻEE)

(2003/138/KE)

IL-KUMMISJONI TAL-KOMUNITAJIET EWRPOPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva 2000/53/KE tal-Parlament Ewropew u tal-Kunsill tat-18 ta' Settembru 2000 fuq vetturi li m’ għadhomx jintużaw [1], u b'mod partikolari l-Artikolu 8(2) tagħha,

Billi:

(1) Skond id-Direttiva 2000/53/KE, il-Kummissjoni trid tistabbilixxi l-i standards għall-kodifika tal-komponenti u l-materjali, li jridu jiġu wżati mill-produtturi u mill-fabbrikanti tal-materjali u tat-tagħmir, sabiex tiġi ffaċilitata l-modifika ta' dawn il-komponenti u l-materjali li jixirqilhom l-użu mill-ġdid u l-irkupru.

(2) Ikun approprjat li jiġu stabbiliti iktar standards għall-kodifika fuq il-bażi ta' l-esperjenza prattika miksuba fir-riċiklaġġ u l-irkupru ta' vetturi li m’ għadhomx jintużaw.

(3) Il-miżuri pprovduti f'din id-Deċiżjoni huma skond l-opinjoni tal-Kumitat riferit fl-Artikolu 11 tad-Direttiva 2000/53/KE,

ADOTTAT DIN ID-DEĊIŻJONI:

L-Artikolu 1

Mingħajr preġudizzju għall-Artikolu 3(3) tad-Direttiva 2000/53/KE, l-Istati Membri għandhom jieħdu l-miżuri meħtieġa sabiex jiżguraw illi l-produtturi, jaħdmu flimkien mal-fabbrikanti tal-materjali u t-tagħmir, jużaw in-nomenklatura ta' l-i standards ta' l-OSI għall-kodifika tal-komponenti u l-mterjali riferiti fl-Anness ma’ din id-Deċiżjoni għalbiex jiġu ttikkettjati u identifikati l-komponenti u l-materjali tal-vetturi.

L-Artikolu 2

Sentejn wara d-dħul fis-seħħ ta' din id-deċiżjoni, fuq il-bażi ta' l-esperjenza miksuba fir-riċiklaġġ u l-irkupru tal-vetturi li m’ għadhomx jintużaw, għandha tiġi rriveduta d-Deċiżjoni preżenti sabiex jiġu stabbiliti, jekk meħtieġ, l-i standards għall-kodifika tal-komponenti u tal-materjali għal materjali oħra.

L-Artikolu 3

Din id-Deċiżjoni għandha tibda tapplika mill-1 ta' Lulju 2003.

L-Artikolu 4

Din id-Deċiżjoni hija indirizzata lill-Istati Membri.

Magħmula fi Brussel, fis-27 ta' Frar 2003.

Għall-Kummissjoni

Margot Wallström

Membru tal-Kummissjoni

[1] ĠU L 269, tal-21.10.2000, p. 1.

--------------------------------------------------

L-ANNESS

Għall-għoti tat-tikketti u l-identifikazzjoni tal-komponenti u l-materjali tal-plastik tal-vetturi, tapplika n-nomenklatura li ġejja:

- OSI 1043-1 Il-Plastik — is-simboli u t-termini abbrevjati. Parti 1: Il-polimeri bażiċi u l-karatteristiċi speċjali tagħhom,

- OSI 1043-2 Il-Plastik — is-simboli u t-termini abbrevjati. Parti 2: L-oġġetti tal-mili u l-materjali tar-rinforz.

- OSI 11469 Il-Plastik — L-identifikazzjoni ġenerika u l-għoti tal-marki lill-prodotti tal-plastik.

Għall-għoti tat-tikketti u l-identifikazzjoni tal-komponenti u l-materjali ta’ l-elastomeri tal-vetturi li jkollhom iktar minn 200 gramma fil-piż, tapplika n-nomenklatura li ġejja:

- OSI 1629 Il-lastiku u l-kolla — In-nomenklatura. Dan ma għandux japplika għall-għoti tat-tikketta lit-tyres.

Is-simboli "<" jew ">" użati fl-i standards ta’ l-OSI, jistgħu jiġu sostitwiti bi brackets.

--------------------------------------------------