Ir-Regolament tal-Kummissjoni (KE) Nru 1938/2002

tat-30 ta’ Ottubru 2002

li jemenda r-Regolament (KEE) Nru 2273/93 li jiddetermina ċ-ċentri ta’ intervent għaċ-ċereali

Il-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KEE) Nru 1766/92 tat-30 ta’ Ġunju 1992 dwar l-organizzazzjoni komuni tas-suq taċ-ċereali [1], kif l-aħħar emendat mir-Regolament tal-Kummissjoni (KE) Nru 1666/2000 [2], u partikolarment l-Artikolu 5 tiegħu,

Billi:

(1) Iċ-ċentri ta’ intervent huma stabbiliti fl-Anness mar-Regolament tal-Kummissjoni (KEE) Nru 2273/93 [3], kif l-aħħar emendat mir-Regolament (KE) Nru 1792/2001 [4]. Xi Stati Membri talbu bidliet għal uħud minn dawn iċ-ċentri.

(2) Ir-Regolament (KEE) Nru 2273/93 għandu jiġi emendat skond hekk.

(3) Il-miżuri provduti f’dan ir-Regolament huma konformi ma’ l-opinjoni tal-Kumitat ta’ Ġestjoni għaċ-Ċereali,

ADOTTAT DAN IR-REGOLAMENT:

L-Artikolu 1

L-Anness mar-Regolament (KEE) Nru 2273/93 huwa emendat skond l-Anness ma dan ir-Regolament.

L-Artikolu 2

Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu fil-Ġurnal Uffiċjali tal-Komunitajiet Ewropej.

Dan ir-Regolament għandu jorbot fl-intier tiegħu u huwa direttament applikabbli fl-Istati Membri kollha.

Magħmul fi Brussel, fit-30 ta’ Ottubru 2002.

Għall-Kummissjoni

Franz Fischler

Membru tal-Kummissjoni

[1] ĠU L 181, ta’ l-1.7.1992, p. 21.

[2] ĠU L 193, tad-29.7.2000, p. 1.

[3] ĠU L 207, tat-18.8.1993, p. 1.

[4] ĠU L 243, tat-13.9.2001, p. 25.

--------------------------------------------------

ANNESS

L-Anness mar-Regolament (KEE) Nru 2273/93 huwa emendat kif ġej:

1. Fis-sezzjoni ta’ BUNDESREPUBLIK DEUTSCHLAND-Brandenburg, iċ-ċentru ta’ "Furstenwalde-Finow" huwa msemmi "Furstenwalde".

2. Fis-sezzjoni tar-RENJU UNIT, iċ-ċentru ta’ "Locharbriggs" huwa sostitwit b’ "Henstridge".

--------------------------------------------------