Ir-Regolament tal-Kummissjoni (KE) Nru 1530/2002

tas-27 ta’ Awwissu 2002

li jemenda l-Annessi I, II u III tar-Regolament tal-Kunsill (KEE) Nru 2377/90 li jippreskrivi proċedura tal-Komunità għall-istabbiliment ta’ limiti massimi ta’ residwu ta’ prodotti mediċinali veterinarji fl-ikel li joriġina mill-annimali

(Test b’rilevanza għaż-ŻEE)

IL-KUMMISSJONI TAL- KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KEE) Nru 2377/90 tas-26 ta’ Ġunju 1990 li jippreskrivi proċedura tal-Komunità għall-istabbiliment ta’ limiti massimi ta’ residwu ta’ prodotti mediċinali veterinarji f’ikel li ġej mill-annimali [1], kif emendat l-aħħar bir-Regolament tal-Kummissjoni (KE) Nru 1181/2002 [2], u partikolarment l-Artikoli 6, 7 u 8 tiegħu;

Billi:

(1) Skond ir-Regolament (KEE) Nru 2377/90, limiti massimi ta’ residwu għandhom jiġu stabbiliti progressivament għas-sustanzi farmakoloġikament attivi kollha li huma wżati fi ħdan il-Komunità fi prodotti mediċinali veterinarji intiżi għall-amministrazzjoni lill-annimali li jipproduċu l-ikel.

(2) Limiti massimi ta’ residwu għandhom jiġu stabbiliti biss wara l-eżami fi ħdan il-Kumitat għall-Prodotti Mediċinali Veterinarji ta’ l-informazzjoni kollha rilevanti li tikkonċerna s-sigurtà tar-residwi tas-sustanza konċernata għall-konsumatur ta’ l-ikel li ġej mill-annimali u l-impatt tar-residwi fuq l-ipproċessar industrijali ta’ l-ikel.

(3) Meta qed jiġu stabbiliti limiti massimi ta’ residwu għal residwi ta’ prodotti mediċinali veterinarji f’ikel li ġej mill-annimali, huwa neċessarju li tkun speċifikata l-ispeċi ta’ annimal li fih ir-residwu jista’ jkun preżenti, il-livelli li jistgħu ikunu preżenti f’kull wieħed mit-tessuti tal-laħam rilevanti miksuba mill-annimal trattat (tessut immirat) u n-natura tar-residwu li tkun rilevanti għall-monitoraġġ ta’ residwi (residwu ta’ immarkar).

(4) Minħabba n-nuqqas ta’ disponibilità ta’ prodotti mediċinali veterinarji għal ċerti speċi li jipproduċu l-ikel [3], il-limiti massimi ta’ residwu jistgħu jiġu stabbiliti permezz ta’ metodi ta’ estrapolazzjoni minn limiti massimi ta’ residwu magħmula għal speċi oħra fuq bażi strettament xjentifika.

(5) Għall-kontroll ta’ residwi, kif provdut fil-leġislazzjoni approprjata tal-Komunità, limiti massimi ta’ residwu għandhom normalment jiġu stabbiliti għall-intiżi tessuti ta’ fwied jew kliewi. Madankollu, il-fwied u l-kliewi huma ta’ spiss maqlugħa mill-karkassi fil-moviment tal-kummerċ internazzjonali, u limiti massimi ta’ residwu għandhom għalhekk ukoll dejjem jiġu stabbiliti għall-muskoli jew għat-tessuti tax-xaħam.

(6) Fil-każ ta’ prodotti mediċinali veterinarji intiżi għall-użu f’għasafar li jbidu, annimali li jipproduċu l-ħalib jew naħal ta’ l-għasel, limiti massimi ta’ residwu għandhom jiġu stabbiliti wkoll għall-bajd, ħalib jew għasel.

(7) Dihydrostreptomycin, Streptomycin u Meloxicam għandhom jiġu inseriti fl-Anness I tar-Regolament (KEE) Nru 2377/90.

(8) Azagly-nafarelin u Deslorelin aċetat għandhom jiġu inseriti fl-Anness II tar-Regolament (KEE) Nru 2377/90.

(9) Biex tippermetti għat-tkomplija ta’ studji xjentifiċi, it-tul tal-validità tal-limiti massimi ta’ residwu proviżorju definit hawn qabel fl-Anness III tar-Regolament (KEE) Nru 2377/90 għandu jiġi estiż għall-Altrenogest.

(10) Perjodu adegwat għandu jitħalla qabel id-dħul fis-seħħ ta’ dan ir-Regolament biex jippermetti lill-Istati Membri li jagħmlu kull aġġustament li jista’ jkun neċessarju għall-awtorizzazzjonijiet biex jitpoġġew il-prodotti mediċinali veterinarji konċernati fis-suq li ġew mogħtija skond id-Direttiva 2001/82/KE tal-Parlament Ewropew u tal-Kunsill [4] biex jieħdu in konsiderazzjoni il-provvedimenti ta’ dan ir-Regolament.

(11) Il-miżuri pprovduti f’dan ir-Regolament huma skond l-opinjoni tal-Kumitat Permanenti fuq il-Prodotti Mediċinali Veterinarji,

ADOTTAT DAN IR-REGOLAMENT:

L-Artikolu 1

L-Annessi I, II u III tar-Regolament (KEE) Nru 2377/90 huma hawnhekk emendati kif indikat fl-Anness ma’ dan.

L-Artikolu 2

Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu fil-Ġurnal Uffiċjali tal-Komunitajiet Ewropej.

Għandu japplika mis-60 jum wara l-pubblikazzjoni tiegħu.

Dan ir-Regolament għandu jorbot fl-intier tiegħu u għandu jkun applikabbli direttament fl-Istati Membri kollha.

Magħmul fi Brussel, fis-27 ta’ Awwissu 2002.

Għall-Kummissjoni

Erkki Liikanen

Membru tal-Kummissjoni

[1] ĠU L 224, tat-18.8.1990, p. 1.

[2] ĠU L 172, tat-2.7.2002, p. 13.

[3] Komunikazzjoni mill-Kummissjoni lill-Parlament Ewropew u lill-Kunsill dwar id-disponibilità tal-prodotti mediċinali veterinarji (COM(2000) 806 finali).

[4] ĠU L 311, tat-28.11.2001, p. 1.

--------------------------------------------------

L-ANNESS

A. L-Anness I tar-Regolament (KEE) Nru 2377/90 huwa emendat kif ġej:

1. Aġenti anti-infettivi

1.2. Antibjotiċi

1.2.10. Aminoglycosides

500 μg/kg | Xaħam | |

500 μg/kg | Fwied | |

1000 μg/kg | Kliewi | |

200 μg/kg | Ħalib | |

Porċini | 500 μg/kg | Muskoli | |

500 μg/kg | Ġilda u xaħam | |

500 μg/kg | Fwied | |

1000 μg/kg | Kliewi | |

500 μg/kg | Xaħam | |

500 μg/kg | Fwied | |

1000 μg/kg | Kliewi | |

200 μg/kg | Ħalib | |

Porċini | 500 μg/kg | Muskoli | |

500 μg/kg | Ġilda u xaħam | |

500 μg/kg | Fwied | |

1000 μg/kg | Kliewi" | |

4. Aġenti anti-infjammatorji

4.1. Aġenti anti-infjammatorji mhux ta’ l-isterojdi

4.1.3. Derivati ta’ aċidu enoliku

65 μg/kg | Fwied | |

65 μg/kg | Kliewi" | |

B. L-Anness II tar-Regolament (KEE) Nru 2377/90 huwa emendat kif ġej:

2. Komposti organiċi

"Sustanza(i) attiva(i) farmakoloġikament | Speċje ta' annimal | Provvedimenti oħra |

Azagly-nafarelin | Salmonidae | Mhux għall-użu f'ħut li minnhom ikunu prodotti l-bajd għall-konsum tal-bnedmin |

Deslorelin aċetat | Equidae" | |

Ċ. L-Anness III tar-Regolament (KEE) Nru 2377/90 huwa emendat kif ġej:

6. Aġenti li jaħdmu fuq is-sistemi riproduttivi

6.1. Proġestoġeni

3 μg/kg | Fwied |

3 μg/kg | Kliewi |

Equidae | 3 μg/kg | Xaħam |

3 μg/kg | Fwied |

3 μg/kg | Kliewi" |

--------------------------------------------------

32002R1530