Id-Direttiva tal-Kummissjoni 2002/40/KE

tat-8 ta' Mejju 2002

li timplementa d-Direttiva tal-Kunsill 92/75/KEE rigward l-ittekkjar li jindika l-konsum ta' l-enerġija tal-fran ta' l-elettriku domestiċi

(Test b' relevanza ŻEE)

IL-KUMMISSJONI TAL-KOMUNITAJIET EWROPEJ,

Wara li kunsidrat it-Trattat li jistabbilixxi l-Komunità Ewropea,

Wara li kunsidrat id-Direttiva tal-Kunsill 92/75/KEE tat-22 ta' Settembru 1992 dwar l-indikazzjoni permezz ta' ittikkettjar u l-informazzjoni standard tal-prodott dwar il-konsum ta' l-enerġija u riżorsi ta' apparat tad-dar [1], u partikolarment l-Artikolu 9 tagħha,

Billi:

(1) Id-Direttiva 92/75/KEE teħtieġ li l-Kummissjoni tadotta Direttivi implementattivi fir-rigward ta' diversi apparati domestiċi, inklużi l-fran domestiċi.

(2) L-użu ta' l-elettriku minn fran elettriċi tikkostitwixxi parti sinifikanti tad-domanda domestika totali ta' l-enerġija fil-Komunità. L-iskop għat-tnaqqis fl-użu ta' l-enerġija minn dawn l-apparati huwa sostanzjali.

(3) Standards armonizzati huma speċifikazzjonijiet tekniċi adottati mill-korpi Ewropej ta‘l-istandardizazzjoni, kif elenkati fl-Anness I tad-Direttiva 98/34/KE tal-Parlament Ewropew u tal-Kunsill tat-22 ta' Ġunju 1998 li tistabbilixxi proċedura għall-għoti ta' informazzjoni fil-qasam ta' l-istandards u tar-regolamenti tekniċi u r-regoli dwar servizzi tas-Soċjeta ta' l-Informazzjoni [2], kif emendata bid-Direttiva 98/48/KE [3].

(4) L-informazzjoni dwar l-emissjoniet ta' ħsejjes għandhom jingħataw, meta mitluba minn Stati Membri skond id-Direttiva 86/594/KEE [4] tal-1 ta' Diċembru 1986 dwar ħoss trasmess bl-arja emess minn apparat domestiku.

(5) Id-Direttiva tal Kunsill 79/531/KEE ta’ l-14 ta' Mejju 1979 li tapplika għall-fran elettriċi d-Direttiva 79/530/KEE dwar l-indikazzjoni bl-ittikkettjar tal-konsum ta' l-enerġija ta' apparat domestiku [5], kif l-aħħar emendata bl-Att ta' l-Adeżjoni tal-Awstrija, tal-Finlandja u l-Isvezja, għandha tkun imħassra mid-data li fiha din id-Direttiva ssir applikabbli.

(6) Il-miżuri previsti f' din id-Direttiva huma skond l- opinjoni tal-kumitat stabbilit mill-Artikolu 10 tad-Direttiva 92/75/KEE,

ADOTTAT DIN ID-DIRETTIVA:

Artikolu 1

1. Din id-Direttiva għandha tapplika għall-ifran elettriċi domestiċi li jaħdmu bil-mains ta' l-elettriku inklużi l-fran li huma parti minn apparat akbar.

2. Din id-Direttiva m'għandhiex tapplika għall-ifran li ġejjin:

(a) l-ifran li jistgħu jużaw ukoll sorsi oħrajn ta' l-enerġija;

(b) li ma jidħlux fil-kamp ta' applikazzjoni ta’ l-istandards armonizzati msemmija fl-Artikolu 2;

(ċ) il-fran portabbli, li huma apparati li m‘humiex fissi, li għandhom massa ta' anqas minn 18 kg, basta li m‘humiex iddisinjati għall-istallazzjonijiet built-in.

3. Il-konsum ta' l-enerġija tal-funzjonijiet tal-fwar, apparti milli l-funzjoni ta' fwar sħun, m’ humiex koperti b'din id-Direttiva.

Artikolu 2

1. L-informazzjoni meħtieġa b'din id-Direttiva għandha tkun miksuba permezz ta' kejl magħmul skond l-istandards armonizzati adottati mil-Kumitat Ewropew għall-Istandardizzazzjoni Elettroteknika (Cenelec) taħt mandat mill-Kummissjoni skond id-Direttiva 98/34/KE, li n-numri ta' referenza tagħhom kienu pubblikati fil- Ġurnal uffiċjali tal-Komunitajiet Ewropej u li dwarhom l-Istati Membri pubblikaw in numri ta' referenza ta' l-istandards nazzjonali li jagħmlu t-trasposizzjoni ta' dawk l-istandards armonizzati

Id-disposizzjonijiet ta’ l-Annessi I, II u III għal din id-Direttiva li jesiġu l-għoti ta' l-informazzjoni li tirrigwardja l-ħoss għandhom japplikaw biss meta dik l-informazzjoni hija meħtieġa mill-Istati Membri permezz ta' l-Artikolu 3 tad-Direttiva 86/594/KEE. Din l-informazzjoni għandha tkun imkejla skond dik id-Direttiva.

2. F'din id-Direttiva l-espressjoniet użati għandhom l-istess tifsira bħal fid-Direttiva 92/75/KEE.

Artikolu 3

1. Id-dokumentazzjoni teknika msemmija fl-Artikolu 2(3) tad-Direttiva 92/75/KEE għandha tinkludi:

(a) l-isem u l-indirizz tal-fornitur;

(b) deskrizzjoni ġenerali tal-mudell, suffiċjenti li ma tħalli l-ebda dubju u tkun faċilment identifikata;

(ċ) informazzjoni, inklużi d-disinji skond kif ikunu relevanti, fuq l-aspetti prinċipali tad-disinn tal-mudell u partikularment l-oġġetti li jaffettwaw b'mod li jinħass il-konsum tiegħu ta' l-enerġija;

(d) rapporti tat-testijiet relevanti ta' qisien esegwiti permezz tal-proċeduri tal-istandards armonizzati msemmija fl-Artikolu 2(1);

(e) l-istruzzjoniet tat-tħaddim, jekk ikun hemm.

2. It-tikketta msemmija fl-Artikolu 2(1) tad-Direttiva 92/75/KEE għandha tkun kif speċifikat fl-Anness ta' din id-Direttiva.

It-tikketta għandha titqiegħed fuq il-bieba ta' l-apparat, b'tali mod li tkun tidher b'mod ċar u ma tkunx moħbija. Għal fran b'aktar minn kavità waħda, kull kavità għandu jkollha it-tikketta tagħha stess, ħlief kavità li ma taqax fil-kamp ta' applikazzjoni ta' l-istandards armonizzati msemmija fl-Artikolu 2.

3. Il-kontenut u l-format tal-fiche msemmija fl-Artikolu 2(1) tad-Direttiva 92/75/KEE għandhom ikunu kif speċifikat fl-Anness II ta' din id-Direttiva.

4. Meta l-apparat ikun offrut għall-bejgħ, kiri jew xiri bin-nifs permezz ta' komunikazzjoni jew stampata jew miktuba jew b' xi mezzi oħrajn fejn il-klijent potenzjali ma jistax ikun mistenni jara l-apparat muri, bħalma huma offerta bil-miktub, xi katalogu għal xiri bil-posta, riklami fuq l-Internet jew fuq xi medja oħra elettronika, dik il-komunikazzjoni għandha tinkludi l-informazzjoni kollha speċifikata fl-Anness III.

Din il-ħtieġa għandha tapplika wkoll f'dak li għandhom x'jaqsmu l-offerti għal fran built-in għal kċejjen integrati.

5. Il-klassi ta' l-effiċjenza ta' l-enerġija ta' kull kavità ta' forn għandha tkun iddeterminata skond l-Anness IV.

6. It-termini approprijati li għandhom jintużaw fuq it-tikketta u l-fiche kif imsemmi fl-Artikolu 2(1) tad-Direttiva 92/75/KEE għandhom ikunu magħżulha mit-tabella stabbilita fl-Anness V ta' din id-Direttiva.

Artikolu 4

L-Istati Membri għandhom jippermettu, sat-30 ta' Ġunju 2003, it-tqegħid fuq is-suq, il-marketing u/jew il-wiri ta' prodotti u d-distribuzzjoni tal-komunikazzjonijiet imsemmija fl-Artikolu 3(4) li ma jkunux konformi ma' din id-Direttiva.

Artikolu 5

1. L-Istati Membri għandhom jadottaw u jippublikaw sat-31 ta' Diċembru 2002, id-disposizzjonijiet meħtieġa sabiex ikunu konformi ma' din id-Direttiva.

Huma għandhom minnufih jinformaw lill-Kummissjoni b'dan.

Huma għandhom japplikaw dawn id-disposizzjonijiet b'effett mill-1 ta' Jannar 2003.

Meta l-Istati Membri jadottaw dawk id-disposizzjonijiet, għandhom ikollhom referenza għal din id-Direttiva jew ikollhom magħhom tali referenza fl-okkażjoni tal-pubblikazzjoni uffiċjali tagħhom. L-Istati Membri għandhom jiddeterminaw kif tali referenza għandha ssir.

2. L-Istati Membri għandhom jikkommunikaw lill-Kummissjoni id-disposizzjonijiet tal-liġi nazzjonali li huma jadottaw fil-qasam kopert b'din id-Direttiva.

Artikolu 6

Id-Direttiva 79/531/KEE hija mħassra b'effett mill-1 ta' Jannar 2003.

Artikolu 7

Din id-Direttiva għandha tidħol fis-seħħ fl-20 jum ta' wara l-pubblikazzjoni tagħha fil-Ġurnal Uffiċjali tal-Komunitajiet Ewropej.

Artikolu 8

Din id-Direttiva hija indirizzata lill-Istati Membri.

Magħmula fi Brussel, fit-8 ta' Mejju 2002.

Ghall-Kummissjoni

Loyola De Palacio

Vici-President

[1] ĠU L 297, tat-13.10.1992, p. 16.

[2] ĠU L 204, tal-21.7.1998, p. 37.

[3] ĠU L 217, tal-5.8.1998, p. 18.

[4] ĠU L 344, tas-6.12.1986, p. 24.

[5] ĠU L 145, tat-13.6.1979, p. 7

--------------------------------------------------

ANNESS I

TIKKETTA

Disinn tat-tikketta

1. It-tikketta għandha tkun il-verżjoni tal-lingwa relevanti magħżula mill-istampi ta' hawn taħt:

+++++ TIFF +++++

2. In-noti li jsegwu jiddefinixxu l-informazzjoni li għandha tkun inkluża:

Nota

I. Isem il-fornitur jew Trademark.

II. Mezz ta' identifikazzjoni tal-mudell tal-fornitur.

III. Il-klassi ta' effiċjenza ta' l-enerġija ta' l-ispazju(i) tal-mudell determinata skond l-Anness IV. Il-ponta tal-vleġġa li fiha jkun hemm l-ittra werrejja għandha tkun mqiegħda fl-istess livell bħal ponta tal-vleġġa relevanti biex tindika grupp.

IV. Mingħajr preġudizzju għal kwalunkwe kondizzjonjiet meħtieġa taħt l-iskea tal-Komunità tikketta ekoloġika, fejn xi mudell kien mogħti 'tikketta ekoloġika Ewropea' taħt ir-Regolamenti (KE) No 19802000 tal-Parlament Ewropew u tal-Kunsill tas-17 ta' Lulju 2000 fuq l-iskema riveduta ta' għotja għal "tikketta ekoloġika tal-Komunità" [1], kopja tat-tikketta ekoloġika tista' tkun miżjuda hawnhekk.

V. Konsum ta' enerġija f'kWh għall-funzjoni(jiet) tat-tisħin (konvenzjonali u/jew il konvezzjoni tas–sħana sfurzata) (ta' apparati) ibbażati fuq standard ta' tagħbija ddeterminat skond il-proċeduri ta' l-ittestjar ta' l-istandards armonizzati msemmija fl-Artikolu 2.

VI. Volum ta' l-ispazji li jista' jintuża , f'litri, determinat skond ittestjar ta' l-istandards armonizzati msemmija fl-Artikolu 2.

VII. Id-daqs ta' l-apparat, determinat kif ġej:

żgħir: | 12 l ≤ volum < 35 l |

medju: | 35 l ≤ volum < 65 l |

kbir: | 65 l ≤ volum. |

Din il-vleġġa indikatriċi għandha tkun imqiegħda fl-istss livell bħad-daqs relevanti.

VIII. Fejn applikabbli, ħoss meqjus waqt il-funzjoni li tiddetermina l-effiċjenza ta' l-enerġija, iddeterminata skond Direttiva 86/594/KEE [2]

NB:

It-termini ekwivalenti fl-lingwi li mhumiex dawk mogħtija aktar 'il fuq huma skedati fl-Anness V.

Stampar

3. Dan li ġej jiddefinixxi ċerti aspetti tat-tikketta:

Kuluri użati:

CMYK -cyan, maġenta, isfar, iswed.

Ex. 07X0: 0 % cyan, 70 % maġenta, 100 % isfar, 0 % iswed.

Vleġeġ

A XOXO

B 70X0

C 30X0

D 00X0

E 03XO

F 07X0

G OXXO

Kulur tax-xifer: X070

Il-kulur fl-isfond ta' l-ittra indikatriċi ta' l-effiċjenza tal-grupp ta' enerġija huwa l-iswed.

It-test huwa kollu bl-iswed. L-isfond huwa abjad.

+++++ TIFF +++++

[1] ĠU L 237, tal-21.9.2000, p. 1.

[2] L-istandards relevanti huma EN 60704 -2-10 (Qisien ta’ ħoss) u EN 60704-3 (verifika).

--------------------------------------------------

ANNESS II

FICHE

Il-fiche għandu jkun fih l-informazzjoni segwenti. L-informazzjoni tista' tingħata f'forma ta' tabella li tkopri numru ta' mudelli forniti mill-istess fornitur, f'liema każ għandu jkun mogħti fl-ordni speċifikat, jew mogħti qrib għad-deskrizzjoni ta' l-apparat:

1. Trademark tal-fornitur;

2. Identifikatur tal-mudell tal-fornitur;

3. Il-klassi ta' l-effiċjenza ta' l-enerġija ta' l-ispazju(i) tal-mudell determinat skond l-Anness IV. Espressa bħala "Klassi ta' Effiċjenza ta' enerġija fuq skala A (aktar effiċjenti) sa G (inqas effiċjenti)". Fejn l-informazzjoni hija pprovduta f'tabella din tista' tkun espressa b'mezzi oħrajn sakemm ikun ċar illi l-iskala hija minn A (aktar effiċjenti) sa G (inqas effiċjenti). L-indikazzjoni tal-funzjoni tat-tisħin li fiha l-klassi ta' l-effiċjenza ta' l-enerġija hija ddeterminata;

4. Fejn l-informazzjoni hija pprovduta f'tabella, u fejn xi wħud mill-apparati elenkati fit-tabella kienu mogħtija "Tikketta ekologika ta' l-Unjoni Ewropea" taħt Regolament(KE) Nru 1980/2000, din l-informazzjoni tista' tkun inkluża hawnhekk. F'dan il-każ l-intestatura tal-filliera għandha tgħid ċar "Tikketta ekologika ta' l-Unjoni Ewropea", u l-entrata għandha tikkonsisti f'kopja tal-marka tat-tikketta ekoloġika. Din il-provizjoni hija mingħajr preġudizzju għal kwalunkwe ħtigijiet taħt l-"iskema ta' tikketta ekoloġika" tal-Komunità;

5. Konsum ta' enerġija f'kWh għall-funzjoni(jiet) tat-tisħin, (konvenzjonali u/jew konvezzjoni ta' arja sfurzata u/jew stim sħun) (ta' apparat) ibbażati fuq standard ta' tagħbija ddeterminat skond il-proċeduri ta' ttestjar ta' l-istandards armonizzati msemmija fl-Artikolu 2;

6. Volum ta' l-ispazji li jista' jintuża f'litri, iddeterminat skond l-istandards armonizzati msemmija fl-Artikolu 2;

7. Id-daqs iddeterminat kif ġej:

żgħir: | 12 l ≤ volum < 35 l |

medju: | 35 l ≤ volum < 65 l |

kbir: | 65 l ≤ volum. |

Din il-vleġġa indikatriċi għandha tkun mqiegħda fl-istess livell bħad-daqs relevanti;

8. ħin biex "issajjar" tagħbija standard iddeterminat skond il-proċeduri ta' l-ittestjar ta' l-istandards armonizzati msemmija fl-Artikolu 2;

9. fejn applikabbli, ħoss meqjus waqt il-funzjoni li tiddetermina l-effiċjenza ta' l-enerġija, iddeterminata skond Direttiva 86/594/KEE [1];

10. Id-dikjarazzjoni tal-konsum ta' enerġija meta ma jkunx qed isir l-ebda tisħin u l-forn qiegħed fuq il-grad li jikkonsma l-inqas enerġija sakemm isir disponibbli standard armonizzat xieraq biex ikejjel telf waqt li jkun qiegħed stand-by;

11. Id-daqs ta' l-akbar pjanċa tat-tisjir espressa f'cm2 u ddeterminata bħala "erja tas-superfiċje" skond l-istandard armonizzat imsemmi fl-Artikolu 2. Jekk kopja tat-tikketta, jew bil-kulur jew fl-iswed u l-abjad tkun inkluża fil-fiche, f'dak il-każ l-informazzjoni żejda biss tinħtieġ li tiġi miżjuda.

NB:

It-termini ekwivalenti f'lingwi li mhumiex imniżżla fl-istandards mogħtija aktar 'il fuq huma mniżżla fl-Anness V.

[1] L-istandards relevanti huma EN 60704-2-10 (tiqjis ta’ ħoss) u EN 60704-3 (verifika).

--------------------------------------------------

ANNESS III

SISTEMI TA' BEJGĦ U XIRI BIL-POSTA U TA' BEJGĦ IEĦOR BEJN XERREJ U BEJJIEGĦ IMBEGĦDIN

Katalogi għal bejgħ u xiri bil-posta, komunikazzjonijiet, offerti bil-miktub, riklami fuq l-Internet jew fuq mezzi oħrajn elettroniċi msemmija fl-Artikolu 3(4), inklużi offerti għal fran mibnijin bħala biċċa minn kċina integrata, għandhom ikollhom is-segwenti informazzjoni, mogħtija fl-ordni speċifikat

1.Trademark tal-fornitur u mezz ta' identifikazzjoni tal-mudell | (Anness II, punti 1 u 2) |

2. klassi ta' effiċjenza ta' l-enerġija | (Anness II, punt 3) |

3. konsum ta' enerġija | (Anness II, punt 5) |

4. volum li jista' jintuża | (Anness II, punt 6) |

5. daqs | (Anness II, punt 7) |

6. ħoss | (Anness II, punt 9). |

Fejn informazzjoni oħra mdaħħla fil-fiche hija pprovduta, għandha tkun fil-forma iddefinita fl-Anness II u għandha tkun inkluża fit-tabella fl-ordni meħtieġ fil-fiche.

NB:

It-termini ekwivalenti f'lingwi li mhumiex dawk mogħtija aktar 'il fuq huma elenkati fl-Anness V.

--------------------------------------------------

ANNESS IV

KLASSI TA' EFFIĊJENZA TA' ENERĠIJA

Il-klassi ta' effiċjenza ta' enerġija ta' spazju għandha tkun iddeterminata kif ġej:

Tabella 1 — Spazji ta' volum żgħir

Klassi ta' effiċjenza ta' enerġija | Konsum ta' enerġija E [1] (kWh) |

A | E < 0,60 |

B | 0,60 ≤ E < 0,80 |

Ċ | 0,80 ≤ E < 1,00 |

D | 1,00 ≤ E < 1,20 |

E | 1,20 ≤ E < 1,40 |

F | 1,40 ≤ E < 1,60 |

G | 1,60 ≤ E |

Tabella 2 — Spazji ta' volum medju

Klassi ta' effiċjenza ta' enerġija | Konsum ta' enerġija E [2] (kWh) |

A | E < 0,80 |

B | 0,80 ≤ E < 1,00 |

Ċ | 1,00 ≤ E < 1,20 |

D | 1,20 ≤ E < 1,40 |

E | 1,40 ≤ E < 1,60 |

F | 1,60 ≤ E < 1,80 |

G | 1,80 ≤ E |

Tabella 3 — Spazji ta' volum kbir

Klassi ta' effiċjenza ta' enerġija | Konsum ta' enerġija E [3] (kWh) |

A | E < 1,00 |

B | 1,00 ≤ E < 1,20 |

Ċ | 1,20 ≤ E < 1,40 |

D | 1,40 ≤ E < 1,60 |

E | 1,60 ≤ E < 1,80 |

F | 1,80 ≤ E < 2,00 |

G | 2,00 ≤ E |

[1] Iddeterminat skond Anness I, nota V.

[2] Iddeterminati skond Anness I, nota V.

[3] Iddeterminati skond Anness I, nota V.

--------------------------------------------------

ANNESS V

TERMINI LI GĦANDHOM JINTUŻAW F'TIKKETTI U FICHE

Ekwivalenti tat-termini li għandhom jintużaw fil-lingwi tal-Komunità:

Nota fit-Tikketta Anness I | Fiche Anness II | Ordni Postali Anness III | ES | DA | DE | EL | EN | FR | IT | NL | PT | SV | FI |

⊗ | | | Energía | Energi | Energie | Evέργεια | Energy | Énergie | Energia | Energie | Energia | Energi | Energia |

⊗ | | | Horno eléctrico | El-ovne | Elektrobacköfen | Hλεκтρικóς φoύρνος | Electric oven | Four electrique | Forno elettrico | Elektrische oven | Forno eléctrico | Elektrisk ugn | Sähköuuni |

I | 1 | 1 | Fabricante | Mærke | Hersteller | Προμηθευτής | Manufacturer | Fabricant | Costruttore | Fabrikant | Fabricante | Leverantör | Tavarantoimittaja |

II | 2 | 1 | Modelo | Model | Modell | Movτέλο | Model | Modèle | Modello | Model | Modelo | Modell | Malli |

⊗ | | | Más eficiente | Lavt forbrug | Niedriger Verbrauch | Πιο αποδοτικό | More efficient | Économe | Bassi consumi | Efficiënt | Mais eficiente | Låg förbrukning | Vähän kuluttava |

⊗ | | | Menos eficiente | Højt forbrug | Hoher Verbrauch | Λιγότερο αποδοτικό | Less efficient | Peu économe | Alti consumi | Inefficiënt | Menos eficiente | Hög förbrukning | Paljon kuluttava |

| 3 | 2 | Clase de eficiencia energética … en una escala que abarca de A (más eficiente) a G (menos eficiente) | Relativt energiforbrug … på skalaen A (lavt forbrug) til G (højt forbrug) | Energieeffizienzklasse … auf einer Skala von A (niedriger Verbrauch) bis G (hoher Verbrauch) | Τάξη ενεργειακής απόδοσης … σε μια κλίμακα από το Α (πιο αποδοτικό) έως το G (λιγότερο αποδοτικό) | Energy efficiency class … on a scale of A (more efficient) to G (less efficient) | Classement selon son efficacité énergétique … sur une échelle allant de A (économe) à G (peu économe) | Classe di efficienza energetica … su una scala da A (bassi consumi) a G (alti consumi) | Energie-efficiëntieklasse … op een schaal van A (efficiënt) tot G (inefficiënt) | Classe de eficiência energética … numa escala de A (eficiente) a G (ineficiente) | Energieffektivitetsklass på en skala från A (låg förbrukning) till G (hög förbrukning) | Energiatehokkuusluokka asteikolla A:sta (vähän kuluttava) G:hen (paljon kuluttava) |

| | | Superficie de cocción | Bageareal | Backfläche | Επιφάνεια ψησίματος | Baking area | Surface de cuisson | Superficie di cottura | Bakoppervlak | Zona de cozedura | Bakningsyta | Paistoala |

V | 5 | 3 | Consumo de energía | Energiforbrug | Energieverbrauch | Kαταvάλωση εvέργειας | Energy consumption | Consommation d'énergie | Consumo di energia | Energieverbruik | Consumo de energia | Energiförbrukning | Energiankulutus |

V | 5 | 3 | kWh | kWh | kWh | kWh | kWh | kWh | kWh | kWh | kWh | kWh | kWh |

V | 5 | 3 | Función de calentamiento | Opvarmningsfunktion | Beheizung | Λειτουργία θέρπανοης | Heating function | Fonction chauffage | Funzione di riscaldamento | Verhittingsfunctie | Função de aquecimento | Värmningsfunktion | Kuumennustapa |

V | 5 | 3 | Calentamiento convencional | Traditionel opvarmning | Konventionelle Beheizung | Συμβατική | Conventional | Classique | Convezione naturale | Conventioneel | Convencional | Konventionell värmning | Ylä-alalämpö |

V | 5 | 3 | Convección forzada | Varmluft | Umluft/Heiβluft | Με κuκλοφορία θερμού αέρα | Forced air convection | Convection forcée | Funzione di riscaldamento a convezione forzata | Geforceerde luchtconvectie | Convecção forçada de ar | Värmning med varmluft | Kiertoilma |

V | 5 | 3 | Con carga normal | Baseret på standardbelastning | Bei Standardbeladung | Με βάση τuποποιημέvo φορτίο | Based on srandard load | Calculée en charge normalisée | Riferito al carico normalizzato | Gebaseerd op normbelasting | Com base na carga-padrão | Baserad på provning med standardlast | Perustuu standardin mukaiseen testiin |

VI | 6 | 4 | Volumen neto (litros) | Nettovolumen (liter) | Nettovolumen (Liter) | Ωφέλιμος όγκος (Λίτρα) | Usable volume (litres) | Volume utile (litres) | Volume utile (litri) | Netto volume (liter) | Volume útil Litros | Användbar volym (liter) | Käyttötilavuus (litraa) |

VII | 7 | 5 | Tipo | Type | Typ | Tύπος | Size | Type | Tipo | Type | Tipo | Storlek | Koko |

VII | 7 | 5 | Pequeño | Lille | Klein | Mικρός | Small | Faible volume | Piccolo | Klein | pequeno | Liten | Pieni |

VII | 7 | 5 | Medio | Mellemstort | Mittel | Мεσαίος | Medium | Volume moyen | Medio | Middelgroot | médio | Medelstor | Keskikokoinen |

VII | 7 | 5 | Grande | Stort | Groβ | Mεγάλος | Large | Grand volume | Grande | Groot | grande | Stor | Suuri |

| 8 | | Tiempo de cocción con carga normal | Tilberedningstig ved standardbelastning | Kochzeit bei Standardbeladung | Xρόνος για ψήσιμο τuποποιημένοu φορτίοu | Time to cook standard load | Temps de cuisson en charge normale | Tempo necessario per cottura carico normale | Bereidingstijd bij standaardbelastning | Tempo de cozedura da carga-padrão | Tillagningstid för en standardlast | Paistoaika vakiokuormalla |

VIII | 9 | 6 | Ruido [dB(A) re 1 pW] | Lydeffektniveau dB(A) (Støj) | Geräusch (dB(A) re 1 pW) | Θόρυβος [dB(A) ανά 1 pW] | Noise (dB(A) re 1 pW) | Bruit [dB(A) re 1 pW] | Rumore [dB(A) re 1 pW] | Geluidsniveau dB(A) re 1 pW | Nível de ruído dB(A) re 1 pW | Bullernivå dB(A) re 1 pW | Ääni (dB(A) re 1 pW) |

⊗ | | | Ficha de información detallada en los folletos del producto | Brochurerne om produkterne indeholder yderligere oplysninger | Ein Datenblatt mit weiteren Geräteangaben ist in den Prospekten enthalten | Περισσότερες πληροφορίες οτο ενημερωτικό φuλλάδιο | Further information is contained in product brochures | Une fiche d'information détaillée figure dans la brochure | Gli opuscoli illustrativi contengono una scheda particolareggiata | Een kaart met nadere gegevens is opgenomen in de brochures over het apparaat | Ficha pormenorizada em folheto do produto | Produktbroshyren innehåller ytterligare information | Tuote-esitteissä on lisätietoja |

| 11 | | Superficie de la placa de cocción de mayor tamaño | Arealet af den største bageplade | Gröβe des gröβten Backblechs | Н μεγαλύτερη επιφάνεια ψησίματος εκφραζόμενη | The area of the largest baking sheet | Aire de la surface de la plus grande plaque pour patisserie | Superficie del piano di cottura più grande | Oppervlakte van de grootste bakplaat | Área da superfície da maior placa de pastelaria | Ytan för den största bakplåten | Suurimman leivinpellin ala |

⊗ | | | Norma EN 50304 | Standard: EN 50304 | Norm EN 50304 | Πρότuπο EN 50304 | Norm EN 50304 | Norme EN 50304 | Norma EN 50304 | Norm EN 50304 | Norma EN 50304 | Standard EN 50304 | Standardi EN 50304 |

| | | Directiva 2002/40/CE sobre etiquetado energético de los hornos eléctricos | Direktiv 2002/40/EF om energimærkning af el-ovne | Richtlinie Energieetikettierung 2002/40/EG für Elektrobacköfen | Oδηγία 2002/40/EK για την επισήμανση της κατανάλωσης ηλεκτρικής ενέργειας | Energy Label Directive 2002/40/EC of electric ovens | Directive "Étiquetage énergétique" 2002/40/CE des fours électriques | Direttiva 2002/40/CE sull'etichettatura dei forni elettrici | Richtlijn 2002/40/EG over energieetikettering van elektrische ovens | Directiva "étiquetagem energética" 2002/40/CE dos fornos eléctricos | Direktiv 2002/40/EG om energimärkning av elektriska hushållsugnar | Direktiivi 2002/40/EY sähköuunien energiamerkinnästä |

--------------------------------------------------