Id-Direttiva tal-Kummissjoni

2002/23/KE tas-26 ta' Frar 2002

li temenda l-Annessi tad-Direttivi tal-Kunsill 86/362/KEE, 86/363/KEE u 90/642/KEE fir-rigward ta' l-iffissar tal-livelli massimi għal residwi tal-pestiċidi fi u fuq iċ-ċereali, l-ikel li ġej mill-annimali u ċerti prodotti li ġejjin mill-pjanti, inkluż l-frott u l-ħxejjex rispettivament

IL-KUMMISJONI TA’ KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 86/362/KEE ta’ l-24 ta' Lulju 1986 dwar l-iffissar tal-livelli massimi għal residwi tal-pestiċidi fi u fuq iċ-ċereali [1], kif l-aħħar emendata bid-Direttiva tal-Kummissjoni 2001/57/KE [2], u b'mod partikolari bl-Artikolu 10 (1) tagħha,

Wara li kkunsidrat id-Direttiva tal-Kunsill 86/363/KEE tal-24 ta' Lulju 1986 dwar l-iffissar tal-livelli massimi għal residwi tal-pestiċidi fi u fuq l-ikel li ġej mill-annimali [3], kif l-aħħar emendata bid-Direttiva 2001/57/KE, u b'mod partikolari bl-Artikolu 10 (1) tagħha,

Wara li kkunsidrat id-Direttiva tal-Kunsill 90/642/KEE tas-27 ta' Novembru 1990 dwar l-iffissar tal-livelli massimi għal residwi tal-pestiċidi fi u fuq ċerti prodotti li ġejjin mill-pjanti, inkluż il-frott u l-ħxejjex [4], kif l-aħħar emendata bid-Direttiva tal-Kummissjoni 2002/5/KE [5], u b'mod partikolari bl-Artikolu 7 tagħha,

Wara li kkunsidrat id-Direttiva tal-Kunsill 91/414/KEE tal-15 ta' Lulju 1991 li tikkonċerna t-tpoġġija fis-suq ta' prodotti ta' protezzjoni tal-pjanti [6], kif l-aħħar emendata bid-Direttiva tal-Kummissjoni 2001/103/KE [7], u b'mod partikolari bl-Artikolu 4 (1)(f) tagħha,

Billi:

(1) Is-sustanzi attivi l-ġodda flupyrsulfuron-methyl, pymetrozine, azoxystrobin u kresoxim-methyl (is-sustanzi attivi kkonċernati) kienu inklużi fl-Anness I tad-Direttiva 91/414/KEE bid-Direttivi tal-Kummissjoni 2001/49/KE [8], 2001/87/KE [9], 98/47/KE [10] u 1999/1/KE [11], għall-użu, rispettivament bħala erbiċida fuq iċ-ċereali, insettiċida fuq iċ-ċereali, frott, ħxejjex, żrieragħ tal-ħaxix li jagħmel l-imwieżed, żrieragħ taż-żejt u ħops, fungiċida mingħajr l-użu speċifikat u fungiċida fuq ċereali, frott pome (tar-razza tat-tuffieħ), u dwieli..

(2) L-inklużjoni fl-Anness I tas-sustanzi attivi kkonċernati kienet ibbażata fuq l-assessjar ta' l-informazzjoni sottomessa li tikkonċerna l-użu propost. L-informazzjoni relatata ma' dan l-użu kienet sottomessa minn ċerti Stati Membri bi qbil ma’ l-Artikolu 4 (1)(f) tad-Direttiva 91/414/KEE. L-informazzjoni aċċessibbli kienet riveduta u kienet biżżejjed biex tippermetti li jiġu rranġati ċerti livelli massimi tar-residwi (MRL).

(3) Meta l-ebda MRL tal-Komunità jew MRL proviżorju ma jeżisti, l-Istati Membri għandhom jistabbilixxu MRL proviżorju bi qbil ma’ l-Artikolu 4(1)(f) tad-Direttiva 91/414/KEE qabel prodotti tal-protezzjoni tal-pjanti li jkun fihom dawn is-sustanzi attivi jkunu jistgħu jiġu awtorizzati.

(4) Fir-rigward ta’ l-inklużjoni fl-Anness I tad-Direttiva 91/414/KEE tas-sustanzi attivi kkonċernati, l-evalwazzjonijiet tekniċi u xjentifiċi relatati kienu ffinalizzati fil-forma ta' rapporti ta' analiżi tal-Kummissjoni. Ir-rapporti kienu ffinalizzati fis-16 ta' Ottubru 1998, fis-27 ta' April 2001, fit-22 ta' April 1998, fis-27 ta' Lulju 2001 fil-każ ta' kresoxim-methyl, flupyrsulfuron-methyl, azoxystrobin u pymetrozine, rispettivament. Dawn stabbilew l-inġestjoni aċċettabbli ta' kuljum (ADI) għall-kresoxim-methyl f'0,4 mg/kg bw/jum, għall-flupyrsulfuron-methyl f'0,035 mg/kg bw/jum, għall-azoxystrobin f'0,1 mg/kg bw/jum u għall-pymetrozine f'0,03 mg/kg bw/jum. L-espożizzjoni għat-tul tal-ħajja tal-konsumaturi tal-prodotti ta’ l-ikel ittrattati bis-sustanzi attivi kkonċernati ġiet assessjata u evalwata bi qbil mal-proċeduri u l-prattiċi tal-Komunità, billi ġew ikkunsidrati l-linji ta' gwida ppubblikati mill-Organizzazzjoni Dinjija tas-Saħħa [12] u l-opinjoni tal-Kumitat Xjentifiku tal-Pjanti [13] dwar il-metodoloġija applikata u huwa kkalkolat li MRL propost skond dan mhux se jwassal biex dawk l-ADIs jinqabżu.

(5) L-ebda effetti tossiċi akuti li jeħtieġu l-issettjar ta' doża ta' referenza akuta ma ġew innutati waqt l-evalwazzjoni u d-diskussjonijiet li ġew qabel l-inklużjoni tal-flupyrsulfuron-methyl, l-azoxystrobin u l-kresoxim-methyl fl-Anness I tad-Direttiva 91/414/KEE. Id-doża ta' referenza akuta għall-pymetrozine kienet stabbilita f'0,1 mg/kg bw/jum. Skond l-assessjar ta’ l-espożizzjoni, l-MRL proposti mhux se jwasslu għal espożizzjoni inaċċettabbli għal konsumaturi.

(6) Sabiex ikun assigurat li l-konsumatur ikun adekwatament protett mill-espożizzjoni għar-residwi fi jew fuq prodotti li għalihom ma tkun ingħatat l-ebda awtorizzazzjoni, huwa prudenti li jkun stabbilit MRL proviżorju fl-inqas limitu tad-determinazzjoni analitika għal kull prodott bħal dan kopert bid-Direttivi 86/362/KEE, 86/363/KEE u 90/642/KEE. L-istabbilar fil-livell tal-Komunità ta' MRL proviżorji bħal dawn ma jwaqqafx lill-Istati Membri milli jistabbilixxu livelli proviżorji massimi ta' residwi għall-flupyrsulfuron-methyl, għall-pymetrozine, għall-azoxystrobin u għall-kresoxim-methyl bi qbil ma’ l-Artikolu 4(1)(f) tad-Direttiva 91/414/KEE u l-Anness VI tagħha. Huwa kkunsidrat li perijodu ta' erba' snin huwa biżżejjed biex jagħmel possibbli l-aktar użu mbiegħed tas-sustanzi attivi kkonċernati. L-MRL proviżorju għandu imbagħad isir definittiv.

(7) Il-Komunità nnotifikat l-abbozz tad-Direttiva tal-Kummissjoni lejn l-Organizzazzjoni Dinjija tal-Kummerċ u l-kummenti akkwistati kienu kkunsidrati meta kienet iffinalizzata d-Direttiva. L-MRL għal kombinazzjonijiet speċifiċi ta' pestiċidi/żrieragħ użati f'pajjiżi terzi għandhom ikunu eżaminati mill-Kummissjoni fuq il-bażi tad-dettalji aċċettabbli ppreżentati.

(8) Kien ittieħed akkont ta' l-opinjonijiet tal-Kumitat Xjentifiku tal-Pjanti, partikolarment tal-parir u r-rakkomandazzjonijiet tiegħu li jikkonċernaw il-protezzjoni tal-konsumaturi tal-prodotti ta' l-ikel ittrattati bil-pestiċida.

(9) Din id-Direttiva hija bi qbil ma’ l-opinjoni tal-Kumitat Permanenti tas-Saħħa tal-Pjanti,

ADOTTAT DIN ID-DIRETTIVA:

Artikolu 1

Il-livelli massimi tar-residwi tal-pestiċidi segwenti huma miżjuda mal-parti A ta' l-Anness II tad-Direttiva 86/362/KEE:

Residwi tal-pestiċidi | Livell massimu (mg/kg) |

| |

Flupyrsulfuron-methyl | 0,02 | Ċereali |

Pymetrozine | 0,02 | Ċereali |

Sal-1 ta' Diċembru 2005, il-livelli massimi proviżorji tar-residwi għall-flupyrsulfuron-methyl u għall-pymetrozine għandhom jiefqu milli jibqgħu proviżorji u għandhom isiru definittivi fis-sens ta' l-Artikolu 4(1) tad-Direttiva 86/362/KEE.

Artikolu 2

Ir-residwi pestiċidi segwenti huma miżjuda mal-parti B ta' l-Anness II tad-Direttiva 86/363/KEE:

Residwi tal-pestiċidi | Livell massimu (mg/kg) |

Tal-laħam, inklużi x-xaħam, preparazzjonijiet tal-laħam, raċanċ u xaħam ta' l-annimali kif elenkati fl-Anness I fi ħdan il-kodiċi NM 0201, 0202, 0203, 0204, 02050000, 0206, 0207, ex0208, 020900, 0210, 160100 u 1602, | Għall-ħalib u prodotti tal-ħalib elenkati fl-Anness I fi ħdan il-kodiċi NM 0401, 0402, 040500 u 0406 | Ta' bajd frisk bil-qoxra, għal bajd ta' l-għasafar u l-isfar tal-bajd elenkati fl-Anness I fi ħdan il-kodiċi NM 040700 u 0408 |

Pymetrozine | 0,01 | 0,01 | 0,01 |

Sa l-1 ta' Diċembru 2005, il-livelli massimi proviżorji tar-residwi għall-pymetrozine għandhom jiefqu milli jibqgħu proviżorji u għandhom isiru definittivi fis-sens ta' l-Artikolu 4(1) tad-Direttiva 86/363/KEE.

Artikolu 3

Il-livelli massimi tar-residwi tal-pestiċidi għall-flupyrsulfuron-methyl u għall-pymetrozine fl-Anness ta' din id-Direttiva għandhom jiżdiedu ma’ l-Anness II tad-Direttiva 90/642/KEE. Il-livelli massimi tar-residwi tal-pestiċidi għall-azoxystrobin fl-Anness ta' din id-Direttiva għandu jieħu post dawk ta' l-Anness II tad-Direttiva 90/642/KEE.

Artikolu 4

Il-livelli massimi tar-residwi tal-pestiċidi proviżorji għall-kresoxim-methyl fl-Anness II tad-Direttiva 90/642/KEE għandhom ikunu mmodifikati għal 0,2 mg/kg (p) għall-frawli. (p) jindika l-livell massimu proviżorju tar-residwi.

Għall-kresoxim-methyl l-MRL proviżorji għandhom isiru definittivi b'effett mid-19 ta' Ottubru 2004.

Artikolu 5

1. L-Istati Membri għandhom idaħħlu fis-seħħ il-liġijiet, ir-regolamenti u d-disposizzjonijiet amministrattivi meħtieġa biex ikunu konformi ma' din id-Direttiva mhux aktar tard mill-31 ta' Awissu 2002. Għandhom jinfurmaw b'dan lill-Kummissjoni minnufih.

2. Għandhom japplikaw dawn id-disposizzjonijiet sa mill-1 ta' Settembru 2002.

3. Meta xi Stati Membri jadottaw dawk id-disposizzjonijiet, dawn għandhom ikollhom referenza għal din id-Direttiva jew għandhom ikunu akkumpanjati b'din ir-referenza fl-okkażjoni tal-pubblikazzjoni uffiċjali tagħhom. L-Istati Membri għandhom jiddeterminaw kif din it-tip ta' referenza għandha ssir.

Artikolu 6

Din id-Direttiva għandha tidħol fis-seħħ fl-20 jum ta' wara l-pubblikazzjoni tagħha fil-Ġurnal Uffiċjali tal-Komunitajiet Ewropej.

Din id-Direttiva hija indirizzata lill-Istati Membri.

Magħmula fi Brussel, 26 ta' Frar 2002.

Għall-Kummissjoni

David Byrne

Membru tal-Kummissjoni

[1] ĠU L 221, tas-7.8.1986, p. 37.

[2] ĠU L 208, ta' l-1.8.2001, p. 36.

[3] ĠU L 221, tas-7.8.1986, p. 43.

[4] ĠU L 350, ta' l-14.12.1990, p. 71.

[5] ĠU L 34, tal-5.2.2002, p. 7.

[6] ĠU L 230, tad-19.8.1991, p. 1.

[7] ĠU L 304, tal-21.11.2001, p. 14.

[8] ĠU L 176, tad-29.6.2001, p. 61.

[9] ĠU L 276, tad-19.10.2001, p. 17.

[10] ĠU L 191, tas-7.7.1998, p. 50.

[11] ĠU L 21, tat-28.1.1999, p. 21.

[12] Il-Linji ta' gwida biex ibassru l-inġestjoni tad-dieta tar-residwi tal-pestiċidi (riveduti), ippreparati mill-GEMS/Programm ta’ l-Ikel b'kollaborazzjoni mal-Kumitat Codex dwar ir-Residwi tal-Pestiċidi, ippubblikat mill-Organizzazzjoni Dinjija tas-Saħħa 1997 (WHO/FSF/FOS/97.7).

[13] L-opinjoni tal-Kumitat Xjentifiku tal-Pjanti, fir-rigward ta' mistoqsijiet irrelatati għall-emenda ta' l-Annessi tad-Direttivi tal-Kunsill 86/362/KEE, 86/363/KEE u 90/642/KEE (L-Opinjoni espressa mill-Kumitat Xjentifiku tal-Pjanti, 14 ta' Lulju 1998)

--------------------------------------------------

ANNESS

Gruppi u eżempji ta' prodotti individwali li dwarhom japplikaw l-MRL | Residwi tal-pestiċidi u livelli massimi tar-residwi (mg/kg) |

Flupyrsulfuron- methyl | Azoxystrobin | Pymetrozine |

1.Frott, frisk, niexef jew mhux imsajjar, ippriservat bil-friża, li ma fihx zokkor miżjud; ġewż | 0,02 | | |

i)FROTT TAĊ-ĊITRU (Agrumi) | | 1 | 0,3 |

Tronġi | | | |

Lumi | | | |

Xkomp | | | |

Mandolini (inklużi l-klementini u ibridi oħra) | | | |

Larinġ | | | |

Pomelos | | | |

Oħrajn | | | |

ii)ĠEWŻ TAS-SIĠAR (bil-qoxra jew mingħajr qoxra) | | 0,1 | 0,02 |

Lewż | | | |

Ġewż tal-Brażil | | | |

Ġewż tal-kexju | | | |

Qastan | | | |

Ġewża ta' l-Indi | | | |

Ġellewż | | | |

Makadamia | | | |

Pekani | | | |

Ġewż ta' l-arżnu (prinjoli) | | | |

Pistaċċi | | | |

Ġewż | | | |

Oħrajn | | | |

iii)FROTT POME (tar-razza tat-tuffieħ) | | 0,05 | 0,02 |

Tuffieħ | | | |

Lanġas | | | |

Sfarġel | | | |

Oħrajn | | | |

iv)FROTT TA' L-GĦADMA | | 0,05 | |

Berquq | | | 0,05 |

Ċirasa | | | |

Ħawħ (inkluż nuċiprisk u ibridi simili) | | | 0,05 |

Għanbaqar | | | |

Oħrajn | | | 0,02 |

v)BERRIES U FROTT ŻGĦIR | | | 0,02 |

a)Għeneb tal-mejda u ta' l-inbid | | 2 | |

Għeneb tal-mejda | | | |

Għeneb ta' l-inbid | | | |

b)Frawli (apparti milli selvaġġ) | | 2 | |

ċ)Frott tal-qasab (apparti milli selvaġġ) | | 0,05 | |

Tut | | | |

Dewberries | | | |

Loganberries | | | |

Cawsli | | | |

Oħrajn | | | |

d)Frott żgħir ieħor u kukku (apparti milli selvaġġ) | | 0,05 | |

Bilberries | | | |

Cranberries | | | |

Passolina (ħamra, sewda u bajda) | | | |

Ribes | | | |

Oħrajn | | | |

e)Kukku selvaġġ u frott selvaġġ | | 0,05 | |

vi)Mixxellanji | | | 0,02 |

Avokado | | | |

Banana | | 2 | |

Tamal | | | |

Tin | | | |

Kiwi | | | |

Kumkwatt | | | |

Litċji | | | |

Mangi | | | |

Żebbuġ | | | |

Frott tal-passjoni | | | |

Ananas | | | |

Rummien | | | |

Oħrajn | | 0,05 | |

2.Ħaxix, frisk jew mhux imsajjar, iffriżat jew niexef | 0,02 | | |

i)ĦAXIX TA' L-GĦERUQ U TAT-TUBERI | | | 0,02 |

Pitravi | | | |

Karrotti | | 0,2 | |

Krafes ħoxnin | | | |

Għerq tal-mustarda | | 0,2 | |

Artiċoks | | | |

Zfunnarija bajda | | 0,2 | |

Għeruq tat-tursin | | 0,2 | |

Ravanell abjad | | | |

Salsafja | | 0,2 | |

Patata ħelwa | | | |

Rapa Svediża | | | |

Nevew | | | |

Yam | | | |

Oħrajn | | 0,05 | |

ii)ĦXEJJEX TAL-BASAL | | 0,05 | 0,02 |

Tewm | | | |

Basal | | | |

Basal abjad | | | |

Basal tal-qatta' | | | |

Oħrajn | | | |

iii)ĦXEJJEX TAL-FROTT

a)Solanacea

Tadam | | 2 | 0,5 |

Bżar | | 2 | 1 |

Brunġiel | | 2 | 0,5 |

Oħrajn | | 0,05 | 0,02 |

b)Qara tal-fliexken bil-qoxra li tittiekel | | 1 | 0,5 |

Ħjar | | | |

Ħjar żgħir | | | |

Zukkini (qarabagħli | | | |

Oħrajn | | | |

ċ)Qara tal-fliexken qoxra li ma tittikilx | | 0,5 | 0,2 |

Bettieħ | | | |

Ilbieba tal-qara' | | | |

Dulliegħ | | | |

Oħrajn | | | |

d)Qamħirrum | | 0,05 | 0,02 |

iv)ĦAXIX TAL-BRASSIKA | | 0,0 | |

a)Fjoritura tal-brassika | | | 0,02 |

Brokkli | | | |

Pastard | | | |

Oħrajn | | | |

b)Ras il-brassika | | | |

Brussels sprouts | | | |

Ras il-kaboċċa | | | 0,05 |

Oħrajn | | | 0,02 |

ċ)Brassika bil-weraq | | | 0,02 |

Kaboċċi Ċiniżi | | | |

Felful (kabboċċa) | | | |

Oħrajn | | | |

d)Kolorabi | | | 0,02 |

v)ĦAXIX TAL-WERAQ U ĦWAWAR FRISKI

a)Ħass u simili | | 3 | 1 |

Krexxuni | | | |

Ħass tal-ħaruf | | | |

Ħass | | | |

Scarole | | | |

Oħrajn | | | |

b)Spinaċi u simili | | 0,05 | 0,02 |

Spinaċi | | | |

Weraq tal-pitravi (chard) | | | |

Oħrajn | | | |

ċ)Krexxuni ta' l-ilma | | 0,05 | 0,02 |

d)Witloof | | 0,2 | 0,02 |

e)Ħwawar | | 0,05 | 1 |

Maxxita | | | |

Kurrat selvaġġ | | | |

Tursin | | | |

Weraq tal-krafes | | | |

Oħrajn | | | |

vi)ĦAXIX TAL-LEGUMI (ta' l-imżiewed) (frisk) | | | 0,02 |

Fażola (bil-miżwed) | | 1 | |

Fażola (mingħajr il-miżwed) | | | |

Piżelli (bil-miżwed) | | 0,5 | |

Piżelli (mingħajr il-miżwed) | | 0,2 | |

Oħrajn | | 0,05 | |

vii)ĦAXIX TAZ-ZOKK (frisk) | | | 0,02 |

Aspargu | | | |

Kardun | | | |

Krafes | | 5 | |

Bużbież | | | |

Qaqoċċ | | 1 | |

Kurrat | | 0,1 | |

Rabarbru | | | |

Oħrajn | | 0,05 | |

viii)FUNGI (Faqqiegħ) | | 0,05 | 0,02 |

a)Faqqiegħ ikkultivat | | | |

b)Faqqiegħ selvaġġ | | | |

3.Ħaxix tal-miżwed | 0,02 | 0,1 | 0,02 |

Fażola | | | |

Għads | | | |

Piżelli | | | |

Oħrajn | | | |

4.Żrieragħ taż-żjut | 0,05 | 0,05 | |

Żerriegħa tal-kittien | | | |

Karawett | | | |

Żerriegħa tal-peprin | | | |

Żerriegħa tal-ġulġlien | | | |

Żerriegħa tal-ġirasol | | | |

Żerriegħa tal-kolza | | | |

Sojja | | | |

Żerriegħa tal-mustarda | | | |

Żerriegħa tal-qoton | | | 0,05 |

Oħrajn | | | 0,02 |

5.Patata | 0,02 | 0,05 | 0,02 |

Patata bikrija | | | |

Patata mwaħħra | | | |

6.Tè (weraq u zkuk, niexfa, iffermentati jew mod ieħor, ta' | 0,05 | 0,1 | 0,1 |

7.Ħops (niexef), inkluż il-pritkuni tal-ħops u trab mhux konċentrat | 0,05 | 20 | 5 |

--------------------------------------------------