Official Journal L 301 , 05/11/2002 P. 0038 - 0042
Id-Deċiżjoni tal-Kummissjoni tad-29 ta’ Ottubru 2002 li tippreskrivi kundizzjonijiet speċifiċi għall-importazzjoni ta’ prodotti ta’ l-industrija tas-sajd mill-Isvizzera (innotifikata skond in-numru C(2002) 4097) (Test b’rilevanza għaż-ŻEE) (2002/860/KE) IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ewropea, Wara li kkunsidrat id-Direttiva tal-Kunsill 91/493/KEE tat-22 ta’ Lulju 1991 li tippreskrivi l-kundizzjonijiet tas-saħħa li jirrigwardaw il-produzzjoni u t-tqegħid għall-bejgħ ta’ prodotti ta’ l-industrija tas-sajd [1], kif emendata l-aħħar bid-Direttiva 97/79/KE [2], u b’mod partikolari l-Artikolu 11.1 tagħha, Billi: (1) Ġiet imwettqa spezzjoni fl-Isvizzera f’isem il-Kummissjoni biex jiġu verifikati l-kundizzjonijiet li bihom il-prodotti ta’ l-industrija tas-sajd jiġu maħduma, maħżuna u mibgħuta lejn il-Komunità. (2) Il-kundizzjonijiet inkorporati fil-leġislazzjoni ta’ l-Isvizzera dwar l-ispezzjoni tas-saħħa u l-immonitorjar ta’ prodotti ta’ l-industrija tas-sajd jistgħu jitqiesu bħal dawk li hemm preskritti fid-Direttiva 91/493/KEE. (3) B’mod partikolari, il-"Bundesamt für Veterinärwesen/Office Vétérinaire Fédéral (BFV/OVF)" huwa kapaċi li jivverifika b’mod effettiv l-implimentazzjoni tal-liġi li tkun fis-seħħ. (4) Huwa xieraq li jiġu preskritti regoli dettaljati li jikkonċernaw iċ-ċertifikat tas-saħħa li, skond id-Direttiva 91/493/KEE, għandu jakkompanja kunsinni ta’ prodotti ta’ l-industrija tas-sajd importati ġewwa l-Komunità mill-Isvizzera. B’mod partikulari, dawk ir-regoli għandhom jispeċifikaw id-definizzjoni ta’ ċertifikat mudell, il-kondizzjonijiet minimi rigward il-lingwa jew lingwi li bihom irid jiġi abbozzat u l-istatus tal-persuna awtorizzata biex tiffirmah. (5) Il-marka li għandha tiġi mwaħħla fuq il-pakketti tal-prodotti ta’ l-industrija tas-sajd għandha turi l-isem tal-pajjiż terz u n-numru ta’ approvazzjoni/reġistrazzjoni tad-ditta, tal-vapur tal-fabbrika, tal-maħżen tal-friża jew bastiment tal-friża ta’ l-oriġini, ħlief għall-ċerti prodotti friżati. (6) Huwa wkoll meħtieġ li tiġi kkompilata lista ta’ ditti approvati, vapuri tal-fabbrika, jew mħażen tal-friża, u lista ta’ bastimenti tal-friża mgħammra skond il-kundizzjonijiet mitluba mid-Direttiva tal-Kunsill 92/48/KEE tas-16 ta’ Ġunju 1992 li tippreskrivi r-regoli minimi ta’ iġjene applikabbli għall-prodotti ta’ l-industrija tas-sajd maqbuda abbord ċerti bastimenti skond l-Artikolu 3(1)(a)(I) tad-Direttiva 91/493/KEE [3]. Dawn il-listi għandhom jiġu kompilati fuq il-bażi ta’ komunikazzjoni mill-BFV/OVF lill-Kummissjoni. Għalhekk hija r-responsabbiltà tal-BFV/OVF li tiżgura osservanza mal-provvedimenti rilevanti tad-Direttiva 91/493/KEE. (7) Il-BFV/OVF ipprovda assigurazzjonijiet uffiċjali rigward osservanza mar-regoli stipulati fil-Kapitolu V ta’ l-Anness tad-Direttiva 91/493/KEE fir-rigward tal-kontroll ta’ prodotti ta’ l-industrija tas-sajd, u fir-rigward ta’ l-issodisfar tal-kundizzjonijiet iġjeniċi meħtieġa bħal dawk li hemm preskritti f’dik id-Direttiva. (8) Il-miżuri li hemm maħsuba f’din id-Deċiżjoni huma skond l-opinjoni tal-Kumitat Permanenti dwar il-Katina tal-Ikel u s-Saħħa tal-Annimali, ADOTTAT DIN ID-DEĊIŻJONI Artikolu 1 Il-"Bundesamt für Veterinärwesen/Office Vétérinaire Fédéral (BFV/OVF)" għandu jkun l-awtorità kompetenti fl-Isvizzera biex jivverifika u jiċċertifika l-osservanza ta’ prodotti ta’ l-industrija tas-sajd mal-kundizzjonijiet meħtieġa skond id-Direttiva 91/493/KEE. Artikolu 2 1. Prodotti ta’ l-industrija tas-sajd importati ġewwa l-Komunità mill-Isvizzera għandhom jikkonformaw mall-kundizzjonijiet stipulati fil-paragrafi 2,3 u 4. 2. Kull kunsinna għandha tkun akkompanjata b’ċertifikat oriġinali tas-saħħa innumerat, mimli kif għandu jkun, iffirmat, datat u magħmul minn folja waħda skond il-mudell li hemm fl-Anness I. 3. Il-prodotti għandhom jiġu minn ditti approvati, bastimenti tal-fabbrika jew mħażen tal-friża jew minn bastimenti tal-friża reġistrati u elenkati fl-Anness II. 4. Ħlief fil-każ ta’ prodotti ffriżati ta’ l-industrija tas-sajd fi kwantitajiet kbar u intiżi għall-manifattura ta’ ikel priservat, il-pakketti kollha għandu jkollhom fuqhom il-kelma "L-ISVIZZERA" u n-numru ta’ approvazzjoni/reġistrazzjoni tad-ditta, tal-bastiment tal-fabbrika, tal-maħżen tal-friża jew bastiment tal-friża ta’ l-oriġini, b’ittri li ma jitħassrux. Artikolu 3 1. Iċ-Ċertifikat li hemm riferenza għalih fl-Artikolu 2(2) għandu jiġi kompilat għall-inqas f’lingwa waħda uffiċjali ta’ l-Istat Membru fejn jiġu mwettqa l-kontrolli. 2. Iċ-ċertifikat għandu jkollu fuqu l-isem, il-kariga u l-firma tar-rappreżentant tal-BFV/OVF u t-timbru uffiċjali ta’ dan ta’ l-aħħar b’kulur differenti minn dak ta’ dikjarazzjonijiet oħra. Artikolu 4 Din id-Deċiżjoni għandha tibda tapplika mill-20 ta’ Diċembru 2002. Artikolu 5 Din id-Deċiżjoni hija indirizzata lill-Istati Membri. Magħmula fi Brussel, fid-29 ta’ Ottubru 2002. Għall-Kummissjoni David Byrne Membru tal-Kummissjoni [1] ĠU L 268, ta’ l-24.9.1991, p. 15. [2] ĠU L 24, tat-30.1.1998, p. 31. [3] ĠU L 187, tas-7.7.1992, p. 41 -------------------------------------------------- ANNESS I +++++ TIFF +++++ +++++ TIFF +++++ -------------------------------------------------- ANNESS I LISTA TA' DITTI U BASTIMENTI Categorie Legend: PP Makkinarju ta' Proċessar. Numru ta' Approvazzjoni | Isem | Belt Reġjun | Kategorija | 61 | Knorr-Nährmittel AG | THAYNGEN | PP | 214 | Nestlé Suisse SA (Fabrique de Kemptthal) | KEMPTTHAL | PP | 224 | Hilcona AG | SCHAAN | PP | 225 | Haco AG | GUMLIGEN | PP | 288 | Frigemo Produktion Chur AG | CHUR | PP | 313 | Balik Räucherei im Toggenburg AG | EBERSOL-MOGELSBERG | PP | 314 | CT Océane SA | CAROUGE | PP | 316 | Planet Caviar | CAROUGE LES ACACIAS | PP | 317 | Hilcona Gourmet SA | ORBE | PP | 323 | Wolf Bernard | CHEVROUX | PP | 326 | Roberto SA | MEYRIN | PP | 330 | Valfish SA | LE BOUVERET | PP | --------------------------------------------------