Official Journal C 150 , 22/06/2002 P. 0001 - 0001
Id-Deċiżjoni tal-Kunsill tat-13 ta'Ġunju 2002 li temenda d-Deċiżjoni tal-Kunsill tas-27 ta' Marzu 2000 li tawtorizza lid-Direttur ta' l-Europol biex jidħol f'negozjati dwar ftehim ma' Stati terzi u korpi li m'għandhomx x'jaqsmu ma' l-Unjoni Ewropea. (2002/C 150/01) IL-KUNSILL TA' L-UNJONI EWROPEA, Wara li kkunsidra l-Artikolu 42(2), l-Artikolu 10(4) u l-Artikolu 18 tal-Konvenzjoni dwar l-istabbiliment ta' l-Uffiċċju tal-Pulizija Ewropew (Konvenzjoni ta' l-Europol) [1], Wara li kkunsidra l-Att tal-Kunsill tat-3 ta' Novembru 1998 li jistabbilixxi r-regoli dwar ir-relazzjonijiet esterni ta' l-Europol ma' Stati terzi u korpi li m'għandhomx x'jaqsmu ma' l-Unjoni Ewropea [2], u b'mod partikolari l-Artikolu 2 f'dak l-Att, Wara li kkunsidra l-Att tal-Kunsill tat-3 ta' Novembru 1998 li jistabbilixxi regoli dwar l-ilqugħ ta' informazzjoni mill-Europol minn terzi [3], u b'mod partikolari l-Artikolu 2 f'dak l-Att, Wara li kkunsidra l-Att tal-Kunsill tat-12 ta' Marzu 1999 li jadotta r-regoli dwar it-trasmissjoni ta' data personali mill-Europol għal Stati terzi u korpi terzi [4], u b'mod partikolari l-Artikoli 2 u 3 f'dak l-Att, Billi: (1) Ħtiġijiet operazzjonali u l-bżonn ta' taqbida b'mod effettiv tal-forom organizzati ta' kriminalità permezz ta' l-Europol, speċjalment il-protezzjoni ta' l-euro mill-iffalsifikar, jeħtieġu li l-Albanija, il-Bosnja u l-Ħerzegovina, il-Kroazja, ir-Repubblika Federali tal-Jugoslavja u Dik Li Qabel Kienet ir-Repubblika Jugoslava tal-Maċedonja (FYROM) jiżdiedu fil-lista ta' l-Istati terzi ma' liema d-Direttur ta' l-Europol huwa awtorizzat li jibda n-negozjati. (2) Id-Deċiżjoni tal-Kunsill tas-27 ta' Marzu 2000 [5] għandha għalhekk tiġi emendata, IDDEĊIEDA DAN LI ĠEJ: Artikolu 1 Id-Deċiżjoni tal-Kunsill tas-27 ta' Marzu 2000 hija hawnhekk emendata kif ġej: Fl-Artikolu 2(1): (a) fl-intestatura "Stati Terzi" , l-inċiż li ġej għandu jiżdied, qabel il-Bolivja: "- Albanija"; (b) fl-intestatura "Stati Terzi" , l-inċiż li ġej għandu jiżdied, bejn il-Bolivja u l-Bulgarija: ' "- l-Bosnja u l-Ħerzegovina"; (ċ) fl-intestatura "Stati Terzi" , l-inċiż li ġej għandu jiżdied, bejn il-Kolumbja u Ċipru: "'- il-Kroazja"; (d) fl-intestatura "Stati Terzi" , l-inċiż li ġej għandu jiżdied, bejn l-Estonja u l-Ungerija: "'- ir-Repubblika Federali tal-Jugoslavja" "'- Dik Li Qabel Kienet ir-Repubblika Jugoslava tal-Maċedonja (FYROM)". Artikolu 2 Din id-Deċiżjoni għandha tiġi ppubblikata fil-Ġurnal Uffiċjali tal-Komunitajiet Ewropej. Artikolu 3 Din id-Deċiżjoni għandha tidħol fis-seħħ fil-ġurnata wara dik ta' l-adozzjoni tagħha. Magħmula fil-Lussemburgu fit-13 ta' Ġunju 2002. Għall-Kunsill Il-President M. Rajoy Brey [1] ĠU C 316, tas-27.11.1995, p.2 [2] ĠU C 26, tat-30.1.1999, p.19. [3] ĠU C 26, tat-30.1.1999, p.17. [4] ĠU C 88, tat-30.3.1999, p. 1. [5] ĠU C 106, tat-13.4.2000, p. 1. --------------------------------------------------