Official Journal L 250 , 19/09/2001 P. 0001 - 0043
Ir-Regolament tal-Kummissjoni (KE) Nru 1808/2001 tat-30 ta' Awwissu 2001 li jippreskrivi regoli dettaljati dwar l-implimentazzjoni tar-Regolament tal-Kunsill (KE) Nru 338/97 dwar il-protezzjoni ta' speċi ta' fawna u flora salvaġġi billi jiġi regolat il-kummerċ fihom IL-KUMMISSJONI TAL- KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ewropea, Wara li kkunsidrat ir-Regolament tal-Kunsill (KE) Nru 338/97 tad-9 ta'Diċembru 1996 dwar il-protezzjoni ta' speċi ta' fawna u flora salvaġġi billi jiġi regolat il-kummerċ fihom [1], kif l-aħħar emendat bir-Regolament tal-Kummissjoni (KE) Nru 1579/2001 [2], u partikolarment l-Artikolu 19(1) u (4) tiegħu, Billi: (1) Hemm il-ħtieġa għal dispożizzjonijiet li jimplimentaw ir-Regolament (KE) Nru 338/97 u biex jiġi assigurat qbil sħiħ mad-dispożizzjonijiet tal-Konvenzjoni dwar Kummerċ Internazzjonali fl-Ispeċi ta' Fawna u Flora Salvaġġi fil-Periklu (CITES) (minn hawn 'il quddiem imsemmija bħala "l-Konvenzjoni"). (2) Sabiex tkun assigurata l-implimentazzjoni uniformi tar-Regolament (KE) Nru 338/97, hu meħtieġ li jkunu preskritti kondizzjonijiet u kriterji biex jiġu kkunsidrati applikazzjonjiet għal permessi u ċertifikati u għall-ħruġ, validità u użu ta' dokumenti bħal dawn. Huwa għalhekk xieraq li jitfasslu mudelli li l-formoli msemmija jkunu jikkorrispondu għalihom. (3) Huwa wkoll meħtieġ li jiġu preskritti dispożizzjonijiet dettaljati li jirrelataw għall-kondizzjonijiet u l-kriterji għat-trattament ta' kampjuni ta' l-ispeċi ta' l-annimali li jkunu mwielda u mrobbija fil-magħluq u ta' kampjuni ta'speċi ta'pjanti li jitnisslu artifiċjalment sabiex tkun assigurata l-implimentazzjoni komuni tad-derogi applikabbli għal kampjuni bħal dawn. (4) Id-derogi għal kampjuni li huma oġġetti personali u domestiċi kif previst fl-Artikolu 7(3) tar-Regolament (KE) Nru 338/97 jeħtieġu li jkunu speċifikati dispożizzjonijiet biex jassiguraw qbil ma l-Artikolu VII(3), tal-Konvenzjoni. (5) Sabiex ikun assigurat li derogi ġenerali minn projbizzjonijiet kummerċjali interni li hemm fl-Artikolu 8(1) tar-Regolament Nru 338/97 huma applikati b'uniformità, hu meħtieġ li jkunu preskritti kondizzjonijiet u kriterji għar-rigward tad-definizzjoni tagħhom. (6) Hu meħtieġ li jiġu stabbiliti proċeduri għall-immarkar ta' ċerti kampjuni ta' speċi biex tkun faċilitata l-identifikazzjoni tagħhom u biex ikun assigurat l-infurzar tad-dispożizzjonijiet tar-Regolament (KE) Nru 338/97. (7) Dispożizzjonijiet għandhom ikunu preskritti dwar il-kontenut, il-forma u s-sottomissjoni tar-rapporti perjodiċi previsti fir-Regolament (KE) Nru 338/97. (8) Sabiex għal quddiem ikunu kkunsidrati emendi għall-Annessi tar-Regolament (KE) Nru 338/97 l-informazzjoni relevanti kollha trid tkun disponibbli, partikolarment dwar l-istat bijoloġiku u kummerċjali ta' l-ispeċi, u l-użu u l-metodi tagħhom għall-kontroll tal-kummerċ. (9) Ir-Regolament tal-Kummissjoni (KE) Nru 939/97 tas-26 ta'Mejju 1997 li jippreskrivi regoli dettaljati dwar l-implimentazzjoni tar-Regolament tal-Kunsill (KE) Nru 338/97 dwar il-protezzjoni ta' l-ispeċi ta' fawna u flora salvaġġi billi jirregolaw il-kummerċ tagħhom [3], kif emendat l-ahhar bir-Regolament (KE) Nru 1006/98 [4], kienet ġiet emendata sostanzjalment bosta drabi; peress li għandhom isiru aktar emendi, għandu jithassar, fl-interess taċ-ċarezza, u jkun sostitwit b'regolament ġdid ieħor. (10) Il-miżuri previsti f'dan ir-Regolament huma skond l-opinjoni tal-Kumitat għall-Kummerċ fil-Fawna u Flora Salvaġġi, ADOTTAT DAN IR-REGOLAMENT: IL-KAPITOLU I DEFINIZZJONIJIET U FORMOLI L-Artikolu 1 Għall-għanijiet ta'dan ir-Regolament u b'żieda għad-definizzjonijiet fl-Artikolu 2 tar-Regolament (KE) Nru 338/97: (a) "data ta' l-akkwist" għandha tfisser id-data li fiha kampjun kien ittieħed mill-ambjent naturali, trabba fil-magħluq jew tnissel artifiċjalment; (b) "nisel ta' l-ewwel ġenerazzjoni (F1)" għandha tfisser kampjuni prodotti f'ambjent kontrollat minn ġenituri li għall-inqas wieħed minnhom kien konċeput jew ittiehed mill-ambjent naturali; (ċ) "nisel tat-tieni ġenerazzjoni (F2)" u "nisel ta' ġenerazzjoni sussegwenti (F3, F4, eċċ)" għandhom ifissru kampjuni prodotti f'ambjent kontrollat minn ġenituri li kienu wkoll prodotti f'ambjent kontrollat; (d) "ħażna għat-trobbija" għandha tfisser l-annimali kollha f'operazzjoni ta' trobbija li huma użati għar-riproduzzjoni; (e) "ambjent kontrollat" għandha tfisser ambjent li hu manipulat għall-għan ta'produzzjoni ta' annimali ta' speċi patikolari, li jkollu limiti mfassla biex ma jhallux annimali, bajd jew gameti ta' l-ispeċi milli jidħlu jew johorġu mill-ambjent kontrollat, u li l-karatteristiċi ġenerali tagħhom jistgħu jinkludu imma ma jkunux limitati għal akkomodazzjoni artifiċjali, tneħħija ta' skart, harsien tas-saħħa, protezzjoni minn predaturi u l-provvista artifiċjali ta' għalf; (f) "persuna li hi normalment residenti fil-Komunità" għandha tfisser persuna li tgħix fil-Komunità mill-inqas 185 jum kull sena kalendarja minħabba r-rabtiet tax-xogħol tagħha, jew, fil-każ ta'persuna mingħajr irbit ta' xogħol, minħabba rabtiet personali li juru rabtiet mill-qrib bejn dik il-persuna u l-post fejn qed tgħix. L-Artikolu 2 1. Il-formoli li fuqhom jimtlew permessi ta' importazzjoni, permessi ta' esportazzjoni, ċertifikati ta' ri-esportazzjoni u applikazzjonijiet għal dokumenti bħal dawn għandhom isiru bi qbil, hlief għar-rigward ta' spazji riservati għal użu nazzjonali, mal-mudell fl-Anness I. 2. Il-formoli li fuqhom jimtlew notifikazzjonijiet ta' importazzjoni għandhom jaqblu, hlief għar-rigward ta' spazji riservati għal użu nazzjonali, mal-mudell fl-Anness II. Dawn jista' jkollhom numru ta' serje. 3. Il-formoli li fuqhom jimtlew iċ-ċertifikati msemmija fl-Artikolu 10 tar-Regolament (KE) Nru 338/97 u l-applikazzjonijiet għal ċertifikati bħal dawn għandhom isiru bi qbil, hlief għar-rigward ta' spazji riservati għal użu nazzjonali, mal-mudell fl-Anness III. L-Istati Membri jistgħu, madankollu, jiddisponu li, minflok it-test stampat minn qabel, il-kaxxi 18 u 19 għandu jkun fihom biss iċ-ċertifikazzjoni u/jew l-awtorizzazzjoni relevanti. 4. Il-formola tat-tikketti msemmija fl-Artikolu 7(4) tar-Regolament (KE) Nru 338/97 għandha tkun taqbel mal-mudell fl-Anness IV. L-Artikolu 3 1. Il-karta wżata għall-formoli msemmija fl-Artikolu 2 għandha tkun ħielsa minn polpa mekkanika, magħmula għal għanijiet ta' kitba u tiżen mill-inqas 55g/m2. 2. Il-qies tal-formoli msemmijin fl-Artikolu 2(1), (2) u (3) għandu jkun 210 — 297 mm (A4) b'tolleranza massima fit-tul ta'18 mm inqas u 8 mm iktar. 3. Il-karta tal-formoli msemmija fl-Artikolu 2(1) trid tkun: (a) bajda għall-formola 1, l-oriġinali, b'disinn guilloche fl-isfond, stampata bil-griż fuq quddiem, sabiex tikxef kull falsifikazzjoni b'mezzi mekkaniċi jew kimiċi; (b) safra għall-formola 2, il-kopja tad-detentur; (ċ) ħadra ċara għall-formola 3, il-kopja għall-pajjiż esportatur jew ri-esportatur fil-każ ta'permess ta' importazzjoni, jew il-kopja li tintbgħat lura mid-dwana lill-awtorità tal-ħruġ fil-każ ta' permess ta' esportazzjoni jew ċertifikat ta' ri-esportazzjoni; (d) roża għall-formola 4, il-kopja għall-awtorità tal-ħruġ; (e) bajda għall-formola 5, l-applikazzjoni. 4. Il-karta tal-formoli msemmija fl-Artikolu 2(2) trid tkun: (a) bajda għall-formola 1, l-oriġinali; (b) safra għall-formola 2, il-kopja għall-importatur. 5. Il-karta tal-formoli msemmija fl-Artikolu 2(3) trid tkun: (a) safra għall-formola 1, l-oriġinali, b'disinn guilloche fl-isfond, stampata bil-griż fuq quddiem, sabiex tikxef kull falsifikazzjoni b'meżżi mekkaniċi jew kimiċi; (b) roża għall-formola 2, il-kopja għall-awtorità tal-ħruġ; (ċ) bajda għall-formola 3, l-applikazzjoni. 6. Il-karta tat-tikketti msemmija fl-Artikolu 2(4) trid tkun bajda. 7. Il-formoli msemmija fl-Artikolu 2 iridu jkunu stampati u lesti f'waħda mill-lingwi uffiċjali tal-Komunità kif speċifikat mill-awtoritajiet amministrattivi ta' kull Stat Membru. Fejn meħtieġ, għandu jkollhom traduzzjoni tal-kontenut tagħhom f'waħda mill-lingwi uffiċjali tal-ħidma tal-Konvenzjoni. 8. L-Istati Membri għandhom ikunu responsabbli għall-istampar tal-formoli msemmija fl-Artikolu 2, illi, fil-każ tal-formoli msemmija fl-Artikolu 2(1), (2) u (3), jistgħu ikunu parti minn proċess kompjuterizzat ta' ħruġ ta' permessi/ċertifikati. IL-KAPITOLU II PERJODU TAL-ĦRUĠ, VALIDITA' U UŻU TA' DOKUMENTI TAQSIMA 1 Ġenerali L-Artikolu 4 1. Il-formoli iridu jimtlew b'kitba ttajpjata. Applikazzjonijiet għal permessi u ċertifikati msemmija fl-Artikolu 2(1) u (3), in-notifikazzjonijiet ta' importazzjoni msemmija fl-Artikolu 2(2) u t-tikketti msemmija fl-Artikoli 2(4) jistgħu, madankollu, jimtlew leġġibbilment bil-manuskritt, bil-linka u b'ittri kbar. 2. Formoli barra minn formoli ta' applikazzjoni u t-tikketti msemmija fl-Artikolu 2(4) m'għandhomx ikollhom xi tħassir jew alterazzjonijiet, sakemm ma jkunux ġew awtentikati bit-timbru jew firma ta' l-awtorità amministrattiva tal-ħruġ, jew, fil-każ tan-notifikazzjonijiet għall-importazzjoni imsemmija fl-Artikolu 2(2), bit-timbru u firma ta' l-uffiċċju doganali ta' introduzzjoni. 3. F'permessi u ċertifikati, kif ukoll f'applikazzjonijiet għall-ħruġ ta' dokumenti bħal dawn: (a) id-deskrizzjoni tal-kampjuni għandha, meta hemm previst għaliha, tinkludi wieħed mill-kodiċijiet li hemm fl-Anness V; (b) għall-indikazzjonijiet ta' unitajiet ta' kwantità u massa netta, għandhom jintużaw dawk li hemm fl-Anness V; (ċ) ir-referenzi standard għan-nomenklatura li hemm fl-Anness VI iridu jintużaw biex jindikaw l-ismijiet xjentifiċi ta' l-ispeċi; (d) meta meħtieġ, l-għan għal transazzjoni irid ikun indikat billi jintuża wiehed mill-kodiċijiet li hemm fil-punt 1 ta'l-Anness VII; (e) l-għajn minn fejn ġejjin il-kampjuni trid tkun indikata billi tintuża waħda mill-kodiċijiet li hemm fil-punt 2 ta' l-Anness VII u, fejn l-użu ta' dawn il-kodiċijiet ikun suġġett għall-harsien tal-kriterji preskritti fir-Regolament (KE) Nru 338/97 jew f'dan ir-Regolament, bi qbil biss ma'dawk il-kriterji. 4. Jekk anness ikun mehmuż ma' xi formola msemmija fl-Artikolu 2 li tkun parti integrali minnu, dak il-fatt u n-numru ta' paġni għandhom ikunu indikati biċ-ċar fuq il-permess jew ċertifikat konċernat u kull paġna ta' l-Anness trid tinkludi: (a) in-numru tal-permess jew ċertifikat u d-data tal-ħruġ tiegħu; u (b) il-firma u t-timbru jew siġill ta' l-awtorità li ħarġet il-permess jew ċertifikat. Meta l-formola msemmija fl-Artikolu 2(1) tintuża għal iktar minn speċi waħda f'tagħbija fuq il-baħar, għandu jinthemeż anness biex, b'żieda mar-rekwiżiti ta' l-ewwel subparagrafu ta' dan il-paragrafu, għandu, għal kull speċi fit-tagħbija, jirriproduċi l-kaxxi 8 sa 22 tal-formola konċernata kif ukoll l-ispazji li jkun hemm fil-kaxxa 27 tagħha għall-inklużjoni tal-"kwantità/massa netta attwalment importata" u, fejn xieraq, "numru ta' annimali mejta mal-wasla". Meta l-formola msemmija fl-Artikolu 2(3) tintuża għal iktar minn speċi waħda, anness għandu jiġi mehmuż illi, b'żieda mar-rekwiżiti ta' l-ewwel subparagrafu ta' dan il-paragrafu, għandu, għal kull speċi, jirriproduċi l-kaxxi 4 sa 18 tal-formola konċernata. 5. Id-dispożizzjonijiet tal-paragrafi 1, 2, 3(ċ) u (d) u 4 għandhom ukoll ikunu applikati fil-kuntest ta' deċiżjonijiet dwar l-aċċettabilità ta'permessi u ċertifikati maħruġa minn pajjiżi terzi għal kampjuni li jridu jiġu ntrodotti fil-Komunità. Meta dokumenti bħal dawn ikunu dwar kampjuni suġġetti għal kwoti ta' esportazzjoni fissati volontarjament jew kwoti ta' esportazzjoni assenjati mill-Konferenza tal-Partijiet tal-Konvenzjoni, huma għandhom jiġu aċċettati biss jekk isemmu n-numru totali ta' kampjuni diġà esportati fis-sena kurrenti, inklużi dawk koperti mill-permess imsemmi, u l-kwota għall-ispeċi konċernati. Ċertifikati ta' ri-esportazzjoni minn pajjiżi terzi jibqgħu, barra min hekk, jiġu biss aċċettati jekk jispeċifikaw il-pajjiż ta' oriġini u n-numru u data tal-ħruġ tal-permess relevanti ta' esportazzjoni u, meta applikabbli, il-pajjiż ta' l-aħħar ri-esportazzjoni u n-numru u data tal-ħruġ taċ-ċertifikat relevanti ta' ri-esportazzjoni, jew ikollhom ġustifikazzjoni sodisfaċenti dwar l-ommissjoni ta' din l-informazzjoni. L-Artikolu 5 1. Dokumenti għandhom jinħarġu u jintużaw skond id-dispożizzjonijiet u l-kondizzjonijiet preskritti f'dan ir-Regolament u fir-Regolament (KE) Nru 338/97, u partikolarment l-Artikolu 11(1) sa (4) tiegħu. Dawn jista' jkollhom fihom stipulazzjonijiet, kondizzjonijiet u rekwiżiti imposti mill-awtorità tal-ħruġ sabiex jiżguraw konformità ma' dawn ir-Regolamenti u mad-dispożizzjonijiet tal-leġislazzjoni ta' l-Istati Membri dwar l-implimentazzjoni tagħhom. 2. L-użu ta'dokumenti għandu jkun bla ħsara għal kull formalitajiet oħra relatati mal-moviment ta' merkanzija fil-Komunità, mad-Dħul ta' merkanzija fil-Komunità jew ma' l-esportazzjoni jew ir-ri-esportazzjoni mill-ġdid tagħhom minn hemm u ma' l-użu ta' formoli wżati għal formalitajiet bħal dawn. 3. Bħala regola ġenerali, awtoritajiet amministrattivi għandhom jiddeċiedu fuq il-ħruġ ta' permessi u ċertifikati fi żmien xahar mid-data tas-sottomissjoni ta' applikazzjoni kompleta. Madankollu, meta l-awtorità tal-ħruġ tikkonsulta partijiet terzi, dik id-deċiżjoni tista' tittieħed biss wara t-tmiem sodisfaċenti ta' dik il-konsultazzjoni. L-applikanti jridu jkunu notifikati dwar dewmien sinifikanti fl-ipproċessar ta' l-applikazzjonijiet tagħhom. L-Artikolu 6 Permess ta' importazzjoni separat, notifika ta' importazzjoni, permess ta' esportazzjoni jew ċertifikat ta' ri-esportazzjoni ta' kampjuni mibgħuta bil-baħar flimkien bħala tagħbija waħda. L-Artikolu 7 1. Il-perjodu ta' validità ta' permessi ta' importazzjoni tal-Komunità m'għandux jaqbeż it-12-il xahar. Permess ta' importazzjoni, madankollu, ma jkunx validu fin-nuqqas ta' dokument validu korrispondenti mill-pajjiż ta' esportazzjoni jew ri-esportazzjoni. Il-perjodu ta' validità ta'permessi ta' esportazzjoni u ċertifikati ta' ri-esportazzjoni tal-Komunità m'għandux jaqbeż is-sitt xhur. Wara li jiskadu, il-permessi u ċ-ċertifikati tal-Komunità msemmija fl-ewwel u t-tieni subparagrafi jiġu kkunsidrati nulli u mingħajr ebda valur legali. Id-detentur għandu mingħajr dewmien żejjed jirritorna l-oriġinal u l-kopji kollha ta' permess ta' importazzjoni, permess ta' esportazzjoni jew ċertifikat ta' ri-esportazzjoni tal-Komunità li skada lill-awtorità tat-tmexxija tal-ħruġ. 2. Iċ-ċertifikati msemmija fl-Artikolu 20 u kopji għad-detentur ta' permessi ta' importazzjoni użati ma jibqgħux validi meta l-kampjuni ħajjin imsemmijin fihom ikunu mietu, meta annimali ħajjin ikunu ħarbu, meta kampjuni jkunu ġew meqruda, jew meta kull notamenti fil-kaxxi 2 u 4 ta' xi ċertifikat, jew fil-kaxxi 3 fil-każ ta'speċi elenkati fl-Anness A tar-Regolament (KE) Nru 338/97, 6 u 8 fil-każ ta' kopja għad-detentur ta' permess ta' importazzjoni użat, ma jirriflettux iktar is-sitwazzjoni attwali tagħhom. Iċ-ċertifikati msemmijin fl-Artikolu 20(3)(e) u fl-Artikolu 30 ma jibqgħux validi meta n-notament fil-kaxxa 1 ma jirriflettix iktar is-sitwazzjoni attwali. Dokumenti bħal dawn għandhom mingħajr dewmien żejjed jintbagħtu lura lill-awtorità tal-ħruġ illi, meta xieraq, tista' toħroġ ċertifikat li jirrifletti dan it-tibdil skond l-Artikolu 21. 3. Meta permess jew ċertifikat jinhareġ flok dokument li kien ikkanċellat, mitluf, misruq, meqrud, jew, fil-każ ta'permess jew ċertifikat ta' ri-esportazzjoni, ikun skada, għandu jindika n-numru tad-dokument mibdul u r-raġuni għat-tibdil fil-kaxxa riservata għan-notament "kondizzjonijiet speċjali". 4. Meta permess ta' esportazzjoni jew ċertifikat ta' ri-esportazzjoni ikun ikkanċellat, mitluf, misruq, jew meqrud, l-awtorità amministrattiva tal-ħruġ għandha tinforma b'dan lill-awtorità amministrattiva tal-pajjiż destinatarju u lis-segretarjat tal-Konvenzjoni. L-Artikolu 8 1. Permessi ta' importazzjoni, permessi ta' esportazzjoni u ċertifikati ta' ri-esportazzjoni għandu jkun hemm applikazzjonijiet għalihom, b'kunsiderazzjoni ta' l-Artikolu 5(3), fi żmien suffiċjenti li jippermetti l-ħruġ tagħhom qabel l-introduzzjoni ta' kampjuni fi, jew l-esportazzjoni jew ir-ri-esportazzjoni tagħhom mill-, Komunità. Il-kampjuni m'għandhomx ikunu awtorizzati biex jiġu assenjati għal proċedura doganali sa wara l-preżentazzjoni tad-dokumenti mitluba. 2. Fil-każ ta' l-introduzzjoni ta' kampjuni fil-Komunità, id-dokumenti mitluba minn pajjiżi terzi għandhom ikunu kkunsidrati validi biss meta jkunu nharġu u ġew użati għall-esportazzjoni jew ri-esportazzjoni minn dak il-pajjiż qabel l-aħħar jum tal-validità tagħhom u jkunu ġew użati għal introduzzjoni fil-Komunità mhux iktar tard minn sitt xhur mid-data tal-ħruġ tagħhom. Madankollu, ċertifikati ta' oriġini għal kampjuni ta' speċi elenkati fl-Anness C tar-Regolament (KE) Nru 338/97 jistgħu jintużaw għall-introduzzjoni fil-Komunità sa 12-il xahar mid-data tal-ħruġ tagħhom. 3. B'deroga mill-paragrafu 1, l-ewwel subparagrafu, u paragrafu 2 u previst li l-importatur/(ri)esportatur jinforma lill-awtorità amministrattiva kompetenti mal-wasla/qabel it-tluq ta' kunsinna bil-baħar bir-raġunijiet għaliex id-dokumenti mitluba m'humiex disponibbli, dokumenti għall-kampjuni ta' speċi elenkati fl-Anness B jew C tar-Regolament (KE) Nru 338/97, kif ukoll għall-kampjuni ta' speċi elenkati fl-Anness A ta' dak ir-Regolament u msemmijin fl-Artikolu 4(5) tiegħu, jistgħu eċċezzjonalment jinharġu retrospettivament meta l-awtorità amministrattiva kompetenti ta' l-Istat Membru, meta xieraq b'konsultazzjoni ma' l-awtoritajiet kompetenti ta'pajjiż terz, tkun sodisfatta li: (a) kull irregolaritajiet li jkunu saru mhumiex attribwibbli għar-(ri)esportatur u/jew l-importatur; u (b) li l-(ri)esportatur/importatur tal-kampjuni konċernati hu mill-bqija konformi mad-dispożizzjonijiet ta': (i) Ir-Regolament (KE) Nru 338/97, (ii) il-Konvenzjoni, u (iii) il-leġislattiva relevanti ta' pajjiż terz. 4. Permessi ta' esportazzjoni u ċertifikati ta' ri-esportazzjoni maħruġa skond il-paragrafu 3 għandhom jindikaw biċ-ċar li huma kienu maħruġa retrospettivament u r-raġunijiet għal dan il-ħruġ. Fil-każ ta'permessi ta' importazzjoni, permessi ta' esportazzjoni u ċertifikati ta' ri-esportazzjoni tal-Komunità, din l-indikazzjoni trid tkun inkluża fil-kaxxa 23. 5. Bl-eċċezzjoni tal-paragrafu 3(b)(i), id-dispożizzjonijiet tal-paragrafi 2, 3 u 4 għandhom, skond l-Artikolu 7(2) tar-Regolament (KE) Nru 338/97, japplikaw mutatis mutandis għal kampjuni ta' l-ispeċi elenkati fl-Annessi A u B ta' dak ir-Regolament li qed jinġarru fil-Komunità. 6. Fil-każ ta'pjanti ta' l-ispeċi mnissla artifiċjalment u elenkati fl-Annessi B u C tar-Regolament (KE) Nru 338/97 u ta' ibridi mnisslin artifiċjalment prodotti minn speċi mhux annotati elenkati fl-Anness A tiegħu, l-Istati Membri jistgħu jiddisponu li ċertifikat tas-saħħa tal-pjanta ser ikun użat minflok permess ta' esportazzjoni jew ċertifikat għal ri-esportazzjoni. Meta maħruġa minn pajjiżi terzi, dawn iċ-ċertifikati tas-saħħa tal-pjanti għandhom ikunu aċċettati minflok permess ta' esportazzjoni jew ċertifikat ta' ri-esportazzjoni. 7. Meta ċertifikat tas-saħħa ta' pjanta msemmi fil-paragrafu 6 ikun użat, għandu jinkludi l-isem xjentifiku fil-livell ta' l-ispeċi jew, jekk dan mhux possibbli għal dawk it-taxa inklużi bil-familja fl-Annessi tar-Regolament (KE) Nru 338/97, fuq il-livell ġeneriku, filwaqt li orkidji mnissla artifiċjalment u kakti elenkati fl-Anness B tiegħu jistgħu jissemmew hekk. Ċertifikati tas-saħħa tal-pjanti għandhom jinkludu wkoll it-tip u l-kwantità tal-kampjuni u jkollhom timbru, siġill jew indikazzjoni speċifika oħra li jgħidu li "il-kampjuni huma mnissla artifiċjalment kif definit mill-CITES". TAQSIMA 2 Permessi ta' importazzjoni L-Artikolu 9 1. L-applikant għandu, fejn ikun il-każ, jimla' l-kaxxi 1, 3 sa 6 u 8 sa 23 tal-formola ta'l-applikazzjoni u l-kaxxi 1, 3, 4, 5 u 8 sa 22 ta' l-oriġinal u l-kopji kollha. L-Istati Membri jistgħu, madankollu, jiddisponu li formola ta' applikazzjoni waħda għanda timtela, f'liema każ din l-applikazzjoni tista' tirrelata għal iktar minn tagħbija waħda bil-baħar. 2. Il-formola(i) kompletament mimlija trid/iridu tintbgħat/jintbgħatu lill-awtorità amministrattiva ta' l-Istat Membru destinatarju u għandu jkollha/hom l-informazzjoni u tkun/ikunu akkampunjata/i b'xiehda dokumentata li l-awtorità thoss meħtieġa sabiex tippermettilha tistabbilixxi li, fuq il-bażi ta' l-Artikolu 4 tar-Regolament (KE) Nru 338/97, permess għandu jinhareġ. L-ommissjoni ta' informazzjoni mill-applikazzjoni trid tkun ġustifikata. Meta ssir applikazzjoni għal permess dwar kampjuni li għalihom applikazzjoni bħal din tkun ġiet miċħuda qabel, l-applikant irid jinforma lill-awtorità amministrattiva b'din iċ-ċaħda ta'qabel. L-Artikolu 10 1. Fil-każ ta'permess ta' importazzjoni maħruġ għall-speċi inklużi fl-Appendiċi I għall-Konvenzjoni u elenkati fl-Anness A tar-Regolament (KE) Nru 338/97, il-"kopja għall-pajjiż esportatur jew ri-esportatur" tista' tkun mibgħuta lura lill-applikant biex tintbgħat lill-awtorità amministrattiva tal-pajjiż esportatur jew ri-esportatur. Skond l-Artikolu 4(1)(b)(ii) tar-Regolament (KE) Nru 338/97, l-oriġinal għandu jkun miżmum sakemm issir il-preżentazzjoni tal-permess korrispondenti ta' esportazzjoni jew taċ-ċertifikat ta' ri-esportazzjoni. 2. Meta l-"kopja tal-pajjiż esportatur jew ri-esportatur" ma tkunx mibgħuta lura lill-applikant, dan tal-aħħar għandu jingħata dikjarazzjoni bil-miktub li l-permess ta' importazzjoni se jinhareġ u b'liema kondizzjonijiet. L-Artikolu 11 Bla ħsara għall-Artikolu 23, l-importatur jew ir-rappreżentant awtorizzat minnu għandu jċedi l-oriġinal (formola 1), il-"kopja għad-detentur" (formola 2) u, meta dan ikun speċifikat fil-permess ta' importazzjoni, kull dokumentazzjoni mill-pajjiż tal-esportazzjoni jew ri-esportazzjoni lill-uffiċju tal-fruntiera doganali fil-post ta' l-introduzzjoni ġol-Komunità, indikat skond l-Artikolu 12(1) tar-Regolament (KE) Nru 338/97. Fejn ikun il-każ, hu għandu jindika n-numru tal-polza ta' tagħbija jew tal-polza ta' trasport bl-ajru fil-kaxxa 26. L-Artikolu 12 L-uffiċċju doganali msemmi fl-Artikolu 11, jew, meta applikabbli, l-Artikolu 23(1), għandu, wara li jkun mela' l-kaxxa 27 ta' l-oriġinal (formola 1) u l-"kopja tad-detentur" (formola 2), jirritorna din ta' l-aħħar lill-importatur jew lir-rappreżentant awtorizzat tiegħu. L-oriġinal (formola 1) u kull dokumentazzjoni mill-pajjiż esportatur jew ri-esportatur trid tkun mgħoddija kif speċifikat fl-Artikolu 19. TAQSIMA 3 Notifikazzjonijiet ta' importazzjoni L-Artikolu 13 L-importatur jew ir-rappreżentant awtorizzat tiegħu għandu, fejn indikat, jimla l-kaxxi 1 sa 13 ta' l-oriġinal (formola 1) u l-"kopja għall-importatur" (formola 2) tan-notifikazzjoni ta' importazzjoni u, bla ħsara għall -Artikolu 23, jagħtihom flimkien mad-dokumentazzjoni mill-pajjiż esportatur jew ri-esportatur, jekk ikun hemmm, lill-uffiċju doganali tal-fruntiera fil-post ta' introduzzjoni tal-Komunità indikat skond l-Artikolu 12(1) tar-Regolament (KE) Nru 338/97. L-Artikolu 14 L-uffiċċju doganali msemmi fl-Artikolu 13, jew, fejn applikabbli, l-Artikolu 23(1), għandu, wara li jimla l-kaxxa 14 ta' l-oriġinal (formola 1) u l-"kopja ta' l-importatur" (formola 2), jirritorna din tal-aħħar lill-importatur jew lir-rappreżentant awtorizzat tiegħu. L-oriġinal (formola 1) u kull dokumentazzjoni mill-pajjiż esportatur jew ri-esportatur trid tintbgħat kif speċifikat fl-Artikolu 19. TAQSIMA 4 Permessi ta' esportazzjoni u ċertifikati ta' ri-esportazzjoni. L-Artikolu 15 1. L-applikant għandu, fejn indikat, jimla l-kaxxi 1, 3, 4, 5 u 8 sa 23 tal-formola ta' l-applikazzjoni u l-kaxxi 1, 3, 4, u 5 u 8 sa 22 ta' l-oriġinal u l-kopji kollha. L-Istati Membri jistgħu, madankollu, jiddisponu li formola ta' applikazzjoni biss għanda timtela, f'liema każ din l-applikazzjoni tista' tkun tirrelata għal aktar minn tagħbija waħda bil-baħar. 2. Il-formola (i) mimlija kif suppost għandha/om tintbgħat/u lill-awtorità amministrattiva ta' l-Istat Membru destinatarju li fit-territorju tiegħu jinsabu l-kampjuni u għandu jkollha/om l-informazzjoni flimkien ma' evidenza dokumentata li l-awtorità tikkunsidra meħtieġa sabiex tippermettilha tistabbilixxi jekk, fuq il-bażi ta'l-Artikolu 5 tar-Regolament (KE) Nru 338/97, permess/ċertifikat għandux jinhareġ. L-ommissjoni ta' informazzjoni mill-applikazzjoni trid tkun ġustifikata. Meta ssir applikazzjoni għal permess dwar kampjuni li għalihom applikazzjoni tkun ġiet miċħuda qabel, l-applikant irid jinforma lill-awtorità amministrattiva b'din iċ-ċaħda ta'qabel. 3. Meta b'appoġġ għal applikazzjoni għal ċertifikat ta' ri-esportazzjoni "kopja għad-detentur" ta'permess ta' importazzjoni, "kopja għall-importatur" ta'notifikazzjoni ta' importazzjoni, jew ċertifikat maħruġ fuq dik il-bażi, jiġi preżentat, dawn id-dokumenti għandhom jkun mibgħuta lura biss lill-applikant wara l-emenda għan-numru tal-kampjuni li għalihom id-dokument jibqa' validu. Dokument bħal dan m'għandux jintbgħat lura lill-applikant jekk iċ-ċertifikat ta' ri-esportazzjoni jingħata għan-numru totali ta' kampjuni li jkun validu għalih, jew fejn ikun sostitwit skond l-Artikolu 21. L-awtorità amministrattiva trid tistabbilixxi l-validità ta'kull dokument ta' appoġġ, fejn meħtieġ b'konsultazzjoni ma' awtorità amministrattiva ta' Stat Membru ieħor. Id-dispożizzjonijiet ta' l-ewwel subparagrafu għandhom japplikaw ukoll meta ċertifikat ikun preżentat b'appoġġ għal applikazzjoni għal permess ta' esportazzjoni. Meta, taħt il-ħarsien ta' awtorità amministrattiva ta' Stat Membru, kampjuni kienu mmarkati individwalment sabiex jippermettu referenza faċli għad-dokumenti msemmijin fl-ewwel u t-tieni subparagrafi, dawn tal-aħħar m'hemmx għalfejn ikunu preżentati fiżikament flimkien ma' l-applikazzjoni, sakemm in-numru tagħhom ikun inkluż fl-applikazzjoni. Fin-nuqqas ta' l-evidenza ta' appoġġ imsemmija fl-ewwel, it-tieni u t-tielet subparagrafi, l-awtorità amministrattiva għandha tistabbilixxi l-introduzzjoni legali lejn jew akkwist fil-Komunità tal-kampjuni li għandhom ikunu (ri)-esportati, fejn meħtieġ b'konsultazzjoni ma' awtorità amministrattiva ta' Stat Membru ieħor. 4. Meta, għall-għanijiet tal-paragrafi 3, awtorità amministrattiva tikkonsulta awtorità amministrattiva ta'Stat Membru ieħor, din ta' l-aħħar għandha twieġeb fi żmien ġimgħa. L-Artikolu 16 L-(ri)-esportatur jew ir-rappreżentant awtorizzat tiegħu għandu jagħti l-oriġinal (formola 1), il-"kopja għad-detentur" (formola 2) u l-"kopja biex tingħata lura lill-awtorità tal-ħruġ" (formola 3) lil xi uffiċċju doganali indikat skond l-Artikolu 12(1) tar-Regolament (KE) Nru 338/97. Fejn indikat, hu għandu jindika n-numru tal-polza ta' tagħbija jew ta' trasport bl-ajru fil-kaxxa 26. L-Artikolu 17 L-uffiċċju doganali msemmi fl-Artikolu 16 għandu, wara li jimla l-kaxxa 27, jibgħat lura l-oriġinal (formola 1) u l-"kopja tas-sid" (formola 2) u l-esportatur (mill-ġdid) jew lir-rappreżentant awtorizzat tiegħu. Il-"kopja li tingħata lura lill-awtorità tal-ħruġ" (formola 3) għandha tingħata kif speċifikat fl-Artikolu 19. L-Artikolu 18 Meta Stat Membru, bi qbil mall-linji ta'gwida adottati mill-Konferenza tal-Partijiet għall-Konvenzjoni, jirreġistra mxietel li jesportaw kampjuni ta' speċi mnissla artifiċjalment li jkunu inklużi fl-Anness A tar-Regolament (KE) Nru 338/97, ikun jista' jagħmel permessi ta' esportazzjoni maħruġa minn qabel għal speċi elenkati fl-Annessi A jew B disponibbli għall-imxietel konċernati li fuqhom, fil-kaxxa 23, ikunu inklużi in-numru tar-reġistrazzjoni tal-imxietel kif ukoll id-dikjarazzjoni li ġejja: "Permess validu biss għal pjanti mnissla artifiċjalment kif definit fir-riżoluzzjoni tal-Konferenza tal-CITES. 11.11. Validu biss għat-taxa li ġejjin:…" . TAQSIMA 5 Ir-ritorn lill-awtoritajiet ta' ħruġ ta'dokumenti preżentati lid-dwana L-Artikolu 19 1. Uffiċċji doganali għandhom mingħajr dewmien jgħaddu lill-awtorità amministrattiva relevanti tal-pajjiż tagħhom id-dokumenti kollha li kienu preżentati lilhom skond ir-Regolament (KE) Nru 338/97 u dan ir-Regolament. Awtoritajiet amministrattivi li jirċievu dawn id-dokumenti għandhom mingħajr dewmien jgħaddu dawk maħruġa minn Stati Membri oħra lill-awtoritajiet amministrattivi relevanti flimkien ma' kull dokumenti ta' appoġġ tal-CITES. 2. B'deroga mill-paragrafu 1, uffiċċji doganali jistgħu jikkonfermaw il-preżentazzjoni ta' dokumenti maħruġa mill-awtorità amministrattiva ta' l-Istat Membru tagħhom f'forma elettronika. TAQSIMA 6 Ċertifikati previsti fl-Artikolu 10 tar-Regolament (KE) Nru 338/97 L-Artikolu 20 1. L-awtorità amministrattiva ta' l-Istat Membru li fih ikun hemm kampjuni tista', kif tirċievi applikazzjoni skond il-paragrafi 5 u 6, toħroġ iċ-ċertifikati msemmijin fil-paragrafi 2, 3 u 4 li għandhom ikunu esklussivament għall-għanijiet speċifikati f'dawn il-paragrafi. 2. Ċertifikat bl-għanijiet ta'l-Artikolu 5(2)(b), (3) u (4) tar-Regolament (KE) Nru 338/97 għandu jiddikjara li l-kampjuni: (a) ittiehdu mill-ambjent naturali tagħhom skond il-leġislazzjoni fis-seħħ fit-territorju tiegħu; jew (b) huma kampjuni mitluqa jew maħruba li nkisbu lura skond il-leġislazzjoni fis-seħħ fit-territorju tiegħu; jew (ċ) inkisbu jew kienu introdotti fil-Komunità skond id-dispożizzjonijiet tar-Regolament (KE) Nru 338/97; jew (d) inkisbu jew kienu introdotti fil-Komunità qabel l-1 ta'Ġunju 1997 skond ir-Regolament tal-Kunsill (KEE) Nru 3626/82 [5]; jew (e) inkisbu jew kienu ntrodotti fil-Komunità qabel l-1 ta'Jannar 1984 skond id-dispożizzjonijiet tal-Konvenzjoni; jew (f) inkisbu jew ġew introdotti fit-territorju ta' Stat Membru qabel ma d-dispożizzjonijiet tar-Regolamenti imsemmijin f'(ċ) jew (d) jew tal-Konvenzjoni saru applikabbli għalihom, jew saru applikabbli f'dak l-Istat Membru. 3. Ċertifikat għall-għanijiet ta' l-Artikolu 8(3) tar-Regolament (KE) Nru 338/97 għandu jiddikjara li l-kampjuni tal-ispeċi elenkati fl-Anness A tiegħu huma eżentati minn waħda jew iktar tal-projbizzjonijiet ta' l-Artikolu 8(1) tiegħu għaliex huma: (a) inkisbu jew kienu ntrodotti fil-Komunità meta d-dispożizzjonijiet li jirrelataw għall-ispeċi elenkati f'dak l-Anness jew fl-Appendiċi I tal-Konvenzjoni jew fl-Anness Ċ1 tar-Regolament (KEE) Nru 3626/82 ma kienux japplikaw għalihom; jew (b) joriġinaw minn Stat Membru u ttiehdu mill-ambjent naturali tagħhom skond il-leġislazzjoni fis-seħħ fit-territorju tiegħu; jew (ċ) huma kampjuni mitluqa jew maħruba li kienu rkuprati skond il-leġislazzjoni fis-seħħ fit-territorju tiegħu; jew (d) huma, jew huma partijiet minn, jew huma derivati minn, annimali mwielda u mrobbija fil-magħluq; jew (e) huma awtorizzati li jkunu wżati għal wieħed mill-għanijiet imsemmijin fl-Artikolu 8(3)(ċ) u (e) sa (g) tar-Regolament (KE) Nru 338/97. 4. Ċertifikat għall-għanijiet ta' l-Artikolu 9 tar-Regolament (KE) Nru 338/97 għandu jiddikjara li ċ-ċaqlieq ta' kampjuni ħajjin ta' xi speċi elenkati fl-Anness A tiegħu, mill-post preskritt indikat fil-permess ta' importazzjoni, jew f'xi ċertifikat maħruġ qabel, hu awtorizzat. 5. L-applikant għandu, fejn indikat, jimla l-kaxxi 1, 2 u 4 sa 19 tal-formola ta' l-applikazzjoni u l-kaxxi 1 u 4, sa 18 ta' l-oriġinal u l-kopji kollha. L-Istati Membri jistgħu, madankollu, jiddisponu li formola ta' applikazzjoni biss għandha timtela, f'liema każ din l-applikazzjoni tista' tkun għal iktar minn ċertifikat wieħed. 6. Il-formola mimlija kif għandu jkun trid tintbgħat lill-awtorità amministrattiva ta' l-Istat Membru fejn ikun hemm il-kampjuni, flimkien ma' l-informazzjoni u l-evidenza dokumentata li dik l-awtorità thoss li huma meħtieġa sabiex tkun tista' tiddetermina jekk ċertifikat għandux jinħareġ. L-ommissjoni ta' informazzjoni mill-applikazzjoni trid tkun ġustifikata. Meta ssir applikazzjoni għal ċertifikat dwar kampjuni li għalihom din l-applikazzjoni tkun ġiet miċħuda qabel, l-applikant irid jinforma l-awtorità amministrattiva b'din iċ-ċaħda ta'qabel. L-Artikolu 21 1. Meta tagħbija bil-baħar li tkun koperta b' "kopja għad-detentur" (formola 2) ta'permess ta' importazzjoni, "kopja għall-importatur" (formola 2) ta'notifikazzjoni ta' importazzjoni, jew ċertifikat huma maqsuma, jew fejn għal raġunijiet oħra id-Dħul f'dan id-dokument ma jirriflettix iktar is-sitwazzjoni attwali, l-awtorità amministrattiva tista' tagħmel l-emendi meħtieġa skond l-Artikolu 4(2), jew toħroġ ċertifikat wieħed jew aktar korrispondenti skond id-dispożizzjonijiet ta' u għall-għanijiet imsemmijin fl-Artikolu 20 u wara li tkun stabbiliet il-validità tad-dokument li jrid jinbidel, meta meħtieġ b'konsultazzjoni ma' l-awtorità amministrattiva ta' Stat Membru ieħor. 2. Meta ċertifikati jinharġu biex jissostitwixxu "kopja tad-detentur" (formola 2) ta'permess ta' importazzjoni, "kopja għall-importatur" (formola 2) ta'notifikazzjoni ta' importazzjoni, jew ċertifikat maħruġ minn qabel, dan id-dokument għandu jinżamm mill-awtorità amministrattiva li toħroġ iċ-ċertifikat. 3. Ċertifikat li jkun intilef, insteraq, jew meqrud jista' jkun sostitwit biss mill-awtorità li tkun ħarġitu. 4. Meta, għall-għanijiet tal-paragrafu 1, awtorità amministrattiva tikkonsulta awtorità amministrattiva ta' Stat Membru ieħor, din ta' l-aħħar għandha twieġeb fi żmien ġimgħa. TAQSIMA 7 Tikketti L-Artikolu 22 1. Skond l-Artikolu 7(4) tar-Regolament (KE) Nru 338/97, it-tikketti msemmijin fl-Artikolu 2(4) tar-Regolament preżenti għandhom jintużaw biss għaċ-ċaqliq bejn ix-xjentisti reġistrati kif suppost u istituzzjonijiet xjentifiċi ta' self mhux kummerċjali, donazzjonijiet u bdil ta'kampjuni erbarji, priservati, imnixxfa jew kampjuni mwahhlin f'mużewijiet u materjal ta'pjanti ħajjin għal studju xjentifiku. 2. Numru tar-reġistrazzjoni għandu jkun attribwit lix-xjentisiti u istituzzjonijiet xjentifiċi imsemmijin fil-paragrafu 1 minn awtorità amministrattiva ta' l-Istat Membru fejn ikunu, li għandu jkollu ħames ċifri diġitali, bl-ewwel tnejn ikunu ż-żewġ ittri tal-kodiċi ISO tal-pajjiż għall-Istat Membru konċernat u l-aħħar tlieta numru uniku assenjat lil kull istituzzjoni mill-awtorità amministrattiva kompetenti. 3. Ix-xjentisti u l-istituzzjonijiet xjentifiċi konċernati għandhom jimlew il-kaxxi 1 sa 5 tat-tikketta u, bir-ritorn tal-parti tat-tikketta provduta għal dan il-għan, mill-ewwel jinfurmaw lill-awtorità amministrattiva li magħha jkunu reġistrati bid-dettalji kollha dwar l-użu ta' kull tikketta. TAQSIMA 8 Uffiċċji doganali għajr l-uffiċċju doganali tal-fruntiera fil-post ta' l-introduzzjoni L-Artikolu 23 1. Skond l-Artikolu 4(7) tar-Regolament (KE) Nru 338/97, meta tagħbija li se tkun introdotta fil-Komunità tasal fl-uffiċju doganali tal-fruntiera bil-baħar, bl-ajru, jew bil-ferrovija biex tintbgħat bl-istess mezz ta' trasport u mingħajr ħażna intermedjarja f'xi uffiċċju doganali ieħor fil-Komunità indikat skond l-Artikolu 12(1) tar-Regolament (KE) Nru 338/97, it-twettiq kollu ta' l-ispezzjonijiet u l-preżentazzjoni tad-dokumenti ta' l-importazzjoni għandhom isiru f'dan ta' l-aħħar. 2. Meta, skond l-Artikolu 4 tar-Regolament (KE) Nru 338/97, tagħbija tkun spezzjonata f'xi uffiċċju doganali indikat skond l-Artikolu 12(1) tar-Regolament (KE) Nru 338/97 u tintbgħat f'uffiċċju doganali ieħor għal xi proċedura doganali sussegwenti, dan tal-aħħar għandu jitlob il-preżentazzjoni tal-"kopja tad-detentur" (formola 2) tal-permess ta' importazzjoni, mimlija skond l-Artikolu 12 ta' dan ir-Regolament, jew il-"kopja għall-importatur" (formola 2) ta' notifikazzjoni ta' importazzjoni, mimlija skond l-Artikolu 14, u jista' jwettaq kull spezzjonijiet li jkun jidhirlu meħtieġa sabiex tiġi stabbilita konformità mad-dispożizzjonijiet tar-Regolament (KE) Nru 338/97 u ta' dan ir-Regolament. IL-KAPITOLU III KAMPJUNI MWIELDA U MROBBIJA FIL-MAGĦLUQ U KAMPJUNI MNISSLA ARTIFIĊJALMENT L-Artikolu 24 Bla ħsara għall-Artikolu 25, kampjun ta' speċi ta' annimal għandu biss ikun ikkunsidrat li twieled u trabba fil-magħluq meta awtorità amministrattiva kompetenti b'konsultazzjoni ma' awtorità xjentifika kompetenti ta' l-Istat Membru konċernat hi sodisfatta li: (a) hu, jew li ġej minn, nisel mwieled jew prodott mod ieħor f'ambjent kontrollat jew ta' ġenituri li tgħammru jew kellhom gameti trasferiti mod iehor f'ambjent kontrollat, jekk ir-riproduzzjoni hi sesswali, jew minn ġenituri li kienu f'ambjent kontrollat meta l-iżvilupp tan-nisel ikun beda, jekk ir-riproduzzjoni hi asesswali; (b) il-ħażna għat-trobbija ġiet stabbilita skond id-dispożizzjonijiet legali applikabbli għaliha waqt l-akkwist u b'mod li ma tkunx detrimentali għas-sopravivenza ta' l-ispeċi konċernati fl-ambjent naturali tagħhom; (ċ) il-ħażna għat-trobbija hi miżmuma mingħajr l-introduzzjoni ta' kampjuni mill-ambjent naturali, minbarra għal xi żieda ta' kultant ta' annimali, bajd jew gameti, skond id-dispożizzjonijiet legali applikabbli u b'mod mhux detrimentali għas-sopravivenza ta' l-ispeċi konċernati f'ambjent naturali għall-għanijiet li ġejjin biss: (i) biex ma jithalliex jew biex jitnaqqas l-effett hażin ta' tgħammir fl-istess familji, waqt li l-kobor ta' żidiet bħal dawn ikun determinat mill-ħtieġa ta' materjal ġenetiku ġdid; (ii) biex annimali konfiskati jintremew skond l-Artikolu 16(3) tar-Regolament (KE) Nru 338/97; jew (ii) eċċezzjonalment, għal użu bħala ħażna għat-trobbija; (d) il-ħażna għat-trobbija hi stess ipproduċiet nisel tat-tieni ġenerazzjoni jew ta' warajha f'ambjent kontrollat, jew hi amministrata b'mod li wera li kienet kapaċi b'mod kredibbli tipproduċi nisel tat-tieni ġenerazzjoni f'ambjent kontrollat. L-Artikolu 25 Meta, għall-finijiet ta' l-Artikolu 24, l-Artikolu 32(a) jew l-Artikolu 33(1), awtorità kompetenti jidhrilha li jkun meħtieġ li tistabbilixxi l-antenati ta' annimal permezz ta' analiżi tad-demm jew ta' xi tessut iehor, din l-analiżi, jew il-kampjuni meħtieġa, iridu jkunu disponibbli bil-mod preskritt minn dik l-awtorità. L-Artikolu 26 Kampjun ta' speċi ta' pjanta għandu jkun ikkunsidrat biss li hu mnissel artifiċjalment meta l-awtorità amministrattiva kompetenti b'konsultazzjoni ma' awtorità xjentifika kompetenti ta' l-Istat Membru konċernat tkun sodisfatta li: (a) hu, jew imnissel minn, pjanti mkabbra minn żrieragħ, qtugħ, qasmiet, tessuti tal-qxur jew tessuti ta' pjanti oħra, spori jew tnissil iehor f'kondizzjonijiet kontrollati, i.e. f'ambjent mhux naturali li hu manipulat intensivament minn intervent uman, li jista' jinkludi kultivazzjoni tar-raba, fertilizzazzjoni, kontroll ta' ħaxix ħażin, tisqija, jew xogħol fl-imxietel bħal tqegħid fil-qsari, thawwil u protezzjoni mit-temp; (b) il-ħażna kultivata ta' ġenituri ġiet stabbilita skond id-dispożizzjonijiet legali applikabbli għaliha fid-data ta' l-akkwist u miżmuma b'mod li mhux ta' detriment għas-sopravivenza ta' l-ispeċi konċernati f'ambjent naturali; (ċ) il-ħażna kultivata ta' ġenituri hi amministrata b'mod li l-manutenzjoni tagħha fit-tul hi garantita; u (d) fil-każ ta' pjanti mlaqqmin, kemm ix-xtieli bl-għeruq u kemm pjanti mlaqqmin tnisslu artifiċjalment skond il-punti (a), (b) u (ċ). Injam meħud minn siġar imkabbra fi pjantaġġuni monospeċifiċi għandhom jiġu kkunsidrati bħal a mnisslin artifiċjalment skond l-ewwel subparagrafu. IL-KAPITOLU IV OGGETTI PERSONALI U DOMESTIĊI L-Artikolu 27 Dħul fil-Komunità ta' oġġetti personali u domestiċi 1. Id-deroga mill-Artikolu 4 tar-Regolament (KE) Nru 338/97 għal oġġetti personali u domestiċi kif preskritt fl-Artikolu 7(3) ta' dak ir-Regolament m'għandhiex tapplika għal kampjuni użati għal profitt kummerċjali, mibjugħa, ippreżentati għal finijiet kummerċjali, miżmuma għall-bejgħ jew trasportati għall-bejgħ. Din id-deroga għandha tapplika biss għal kampjuni, inklużi trofej tal-kaċċa, jekk ikunu miżmuma: - fil-bagalji personali ta' vjaġġaturi ġejjin minn pajjiż terz, jew - fi proprjetà personali ta' persuna naturali li tkun qed tibdel ir-residenza normali tagħha minn pajjiż terz għall-Komunità jew li huma trofej tal-kaċċa meħuda minn vjaġġatur u importati iktar tard. 2. Id-deroga mill-Artikolu 4 tar-Regolament (KE) Nru 338/97 għal oġġetti personali u domestiċi kif preskritt fl-Artikolu 7(3) ta'dak ir-Regolament m'għandhiex tapplika għal kampjuni ta' speċi elenkati fl-Anness A ta' dak ir-Regolament meta jiddahhlu fil-Komunità għall-ewwel darba minn persuna normalment residenti, jew ser tibda toqgħod, fil-Komunità. 3. L-ewwel Dħul fil-Komunià ta' oġġetti personali jew domestiċi, inklużi trofej tal-kaċċa, minn persuna li għandha r-residenza normali tagħha fil-Komunità u li tinvolvi kampjuni ta' l-ispeċi elenkati fl-Anness B tar-Regolament (KE) Nru 338/97 m'għandux jeħtieġ il-preżentazzjoni lid-dwana ta' permess ta' importazzjoni meta jkunu preżentati l-oriġinal ta' dokument ta' (ri)-esportazzjoni u kopja tiegħu. Id-dwana għandha tgħaddi l-oriġinal kif speċifikat fl-Artikolu 19 u tibgħat lura l-kopja ttimbrata lid-detentur. 4. Id-Dħul mill-ġdid fil-Komunità ta' oġġetti personali u domestiċi, inklużi trofej tal-kaċċa, minn persuna li jkollha r-residenza normali tagħha fil-Komunità u li jinvolvi kampjuni ta' l-ispeċi elenkati fl-Annessi A jew B tar-Regolament (KE) Nru 338/97 m'għandux jeħtieġ il-preżentazzjoni lid-dwana ta' permess ta' importazzjoni meta l-"kopja tad-detentur" (formola 2) tal-permess ta' importazzjoni jew esportazzjoni użat qabel fil-Komunità kif endorsjat mid-dwana, il-kopja tad-dokument imsemmi fil-paragrafu 3, jew prova li l-kampjuni kienu akkwistati fil-Komunità ikunu preżentati. 5. B'deroga mil-paragrafi 3 u 4, id-Dħul jew Dħul mill-ġdid fil-Komunità ta' l-oġġetti li ġejjin elenkati fl-Anness B tar-Regolament (KE) Nru 338/97 m'għandhomx jinħtieġu l-preżentazzjoni ta' permess ta' importazzjoni jew permess ta' (ri)-esportazzjoni: (a) kavjar ta' l-ispeċi storjun (Acipenseriformes spp) sa massimu ta' 250 gramma kull persuna; (b) stikek tax-xita (rainsticks) ta'Cactaceae spp sa tlieta kull persuna. L-Artikolu 28 Esportazzjoni jew (ri)-esportazzjoni mill-Komunità ta' oġġetti personali u domestiċi 1. Id-deroga mil-Artikolu 5 tar-Regolament (KE) Nru 338/97 għal oġġetti personali u domestiċi kif preskritt fl-Artikolu 7(3) ta' dak ir-Regolament m'għandhiex tapplika għal kampjuni li huma wżati għal profitt kummerċjali, mibjugħa, ippreżentati għal għanijiet kummerċjali, miżmuma għall-bejgħ, offruti għall-bejgħ jew trasportati għall-bejgħ. Din id-deroga għandha tapplika biss għal kampjuni jekk miżmuma: - fil-bagalji personali ta' vjaġġaturi sejrin lejn pajjiż terz, jew - fil-proprjetà personali ta' persuna naturali li tkun qed tibdel ir-residenza normali tagħha mill-Komunità għal pajjiż terz 2. Fil-każ ta' esportazzjoni, id-deroga mill-Artiklou 5 tar-Regolament (KE) Nru 338/97 għal oġġetti personali u domestiċi kif preskritt fl-Artikolu 7(3) ta' dak ir-Regolament m'għandhiex tapplika għal kampjuni ta' l-ispeċi elenkati fl-Anness A jew B ta' dak ir-Regolament. 3. Ir-ri-esportazzjoni ta' oġġetti personali u domestiċi, inklużi trofej tal-kaċċa, lejn il-Komunità minn persuna normalment residenti fil-Komunità u li tinvolvi kampjuni ta' l-ispeċi elenkati fl-Annessi A jew B għar-Regolament (KE) Nru 338/97 m'għandhiex tinħtieġ il-preżentazzjoni lid-dwana ta permess ta' ri-esportazzjoni meta l-"kopja tad-detentur" (formola 2) tal-permess ta' importazzjoni jew esportazzjoni użat qabel fil-Komunità endorsjat mid-dwana, il-kopja tad-dokument imsemmi fil-paragrafu 27(3), jew prova li l-kampjuni kienu akkwistati fil-Komunità tkun preżentata. 4. B'deroga mil-paragrafi 2 u 3 l-esportazzjoni jew ri-esportazzjoni ta' l-oġġetti li ġejjin elenkati fl-Anness B tar-Regolament (KE) Nru 338/97 m'għandhomx jeħtieġu l-preżentazzjoni ta' permess ta' esportazzjoni jew dokument ta' ri-esportazzjoni: (a) kavjar ta' l-ispeċi storjun (Acipenseriformes spp) sa massimu ta' 250 gramma kull persuna; (b) stikek tax-xita ta'Cactaceae spp sa tlieta kull persuna. IL-KAPITOLU V EŻENZJONIJIET L-Artikolu 29 1. L-eżenzjoni għal kampjuni msemmijin fl-Artikolu 8(3) (a) sa (ċ) tar-Regolament (KE) Nru 338/97 għandha tingħata biss meta l-applikant ikun issodisfa lill-awtorità amministrattiva kompetenti li l-kondizzjonijiet imsemmijin ġew imħarsa. 2. L-eżenzjoni għal kampjuni msemmijin fl-Artikolu 8(3) (d) tar-Regolament (KE) Nru 338/97 għandha tingħata biss meta l-applikant ikun issodisfa l-awtorità amministrattiva kompetenti, wara li din ta' l-aħħar tkun ikkonsultat ma' awtorità kompetenti speċifika, li l-kampjuni konċernati twieldu u trabbew fil-magħluq jew li tnisslu artifiċjalment skond l-Artikoli 24, 25 u 26 ta'dan ir-Regolament. 3. L-eżenzjoni għal kampjuni msemmijin fl-Artikolu 8(3) (a) sa (ċ) tar-Regolament (KE) Nru 338/97 għandha tingħata biss meta l-applikant ikun issodisfa lill-awtorità amministrattiva kompetenti li l-kondizzjonijiet imsemmijin fih ġew imħarsa. 4. L-eżenzjoni għal kampjuni imsemmijin fl-Artikolu 8(3)(h) tar-Regolament (KE) Nru 338/97 trid tingħata biss meta l-applikant ikun issodisfa l-awtorità amministrattivia kompetenti li l-kampjuni konċernati ttiehdu mill-ambjent naturali fi Stat Membru skond il-leġislazzjoni tiegħu. L-Artikolu 30 Bla ħsara għall-Artikolu 9 tar-Regolament (KE) Nru 338/97, deroga mill-projbizzjonijiet ta' l-Artikolu 8(1) tiegħu tista' tingħata lill-istituzzjonijiet xjentifiċi, approvati minn awtorità amministrattiva, b'konsultazzjoni ma' awtorità xjentifika, għall-għanijiet ta' dan l-Artikolu, bil-ħruġ ta' ċertifikat li jkopri l-kampjuni kollha ta' l-ispeċi elenkati fl-Anness A ta' dak ir-Regolament fil-kollezzjonijiet mahsuba għat-trobbija jew tnissil fil-magħluq li minnhom johorġu benefiċċji għall-konservazzjoni ta' l-ispeċi, jew għal riċerka jew edukazzjoni bil-għan ta' priservazzjoni jew konservazzjoni ta' l-ispeċi, previst li kull bejgħ ta' kampjuni jsir lil xi istituzzjonijiet xjentifiċi oħra li jkollhom ċertifikat bħal dan. L-Artikolu 31 Bla ħsara għall-Artikolu 9 tar-Regolament (KE) Nru 338/97, il-projbizzjoni fuq ix-xiri, l-offerta għal xiri, jew akkwist ta' kampjuni ta' l-ispeċi elenkati fl-Anness A tiegħu għal għanijiet kummerċjali u d-dispożizzjoni fl-Artikolu 8(3) tiegħu, li l-eżenzjonijiet minn dawk il-projbizzjonijiet għandhom jingħataw fuq bażi ta' kull każ għalih bil-ħruġ ta' dan iċ-ċertifikat m'għandhiex tapplika meta l-kampjuni involuti: (a) huma koperti minn wieħed miċ-ċertifikati previsti fl-Artikolu 20(3) u għandhom jintużaw skond l-għan imsemmi fih; jew (b) huma suġġetti għal waħda mill-eżenzjonijiet ġenerali previsti fl-Artikolu 32. L-Artikolu 32 Il-projbizzjonijiet ta' l-Artikolu 8(1) Nru 338/97 u d-dispożizzjoni fl-Artikolu 8(3) tiegħu, li eżenzjonijiet li jirriżultaw minnhom għandhom jingħataw bil-ħruġ ta' ċertifikat fuq bażi ta' każ każ m'għandhomx japplikaw għal: (a) kampjuni minn annimali mwielda u mrobbija fil-magħluq ta' l-ispeċi elenkati fl-Anness VIII, u ibridi tagħhom, previst li l-kampjuni ta' speċi annotati jkunu mmarkati skond l-Artikolu 36(1) ta'dan ir-Regolament; (b) kampjuni ta' speċi ta' pjanti mnisslin artifiċjalment; (ċ) kampjuni maħduma li kienu akkwistati iktar minn 50 sena qabel kif definit fl-Artikolu 2(w) tar-Regolament (KE) Nru 338/97. F'dawn il-każi l-ebda ċertifikat ma jkun meħtieġ. L-Artikolu 33 1. Għall-għanijiet ta' l-Artikolu 8(3) tar-Regolament (KE) Nru 338/97, Stat Membru jista' jagħmel ċertifikati maħruġa minn qabel disponibbli għal dawk li jrabbu approvati għal dak il-għan minn awtorità amministrattiva, bil-kondizzjoni li jżommu reġistrazzjonijiet tat-trobbija, li għandhom, fuq talba, ikunu preżentati lill-awtorità amministrattiva kompetenti. Dawn iċ-ċertifikati għandhom, fil-kaxxa 20, jinkludu d-dikjarazzjoni li ġejja: "Ċertifikat validu biss għat-taxa li ġej/ġejjin:…" . 2. Għall-għanijiet ta' l-Artikolu 8(3)(d) u (h) tar-Regolament (KE) Nru 338/97, Stat Membru jista' jagħmel ċertifikati maħruġa minn qabel disponibbli għall-persuni approvati mill-awtorità amministrattiva biex ibiegħu fuq il-bażi ta' dawn iċ-ċertifikati kampjuni mejta mrobbija fil-magħluq u/jew numri żgħar ta' kampjuni mejta li kienu legalment meħuda mill-ambjent naturali tal-Komunità, bil-kondizzjoni li din il-persuna: (a) iżżomm rekord, li għandu, fuq talba, jiġi mgħoddi lill-awtorità amministrattiva kompetenti u li jkollu dettalji tal-kampjuni/speċi mibjugħa, kawża tal-mewt (jekk magħrufa), il-persuni li minn għandhom il-kampjuni kienu akkwistati u lil min ikunu nbiegħu; u (b) tibgħat rapport kull sena lill-awtorità amministrattiva kompetenti li jiġbor fih dettalji ta' bejgħ matul dik is-sena, it-tip u numru ta' kampjuni, l-ispeċi konċernati u kif l-ispeċi kienu akkwistati. IL-KAPITOLU VI IMMARKAR TAL-KAMPJUNI L-Artikolu 34 1. Ċertifikat għall-għanijiet ta' l-Artikolu 8(3) tar-Regolament (KE) Nru 338/97 għandu jinħareġ biss għar-rigward ta' vertebrati ħajjin meta l-applikant ikun issodisfa l-awtorità amministrattiva kompetenti li d-dispożizzjonijiet relevanti ta' l-Artikolu 36 ta' dan ir-Regolament ġew imħarsa. 2. Permessi ta' importazzjoni għal kampjuni li ġejjin għandhom jinħarġu biss meta l-applikant ikun issodisfa lill-awtorità amministrattiva kompetenti li l-kampjuni kienu mmarkati skond l-Artikolu 36(4): (a) kampjuni li ġejjin minn hidma ta' trobbija fil-magħluq li kienet approvata mill-Partijiet għall-Konvenzjoni; (b) kampjuni li ġejjin minn hidma ta' ranching li kienet approvata mill-Konferenza tal-Partijiet għall-Konvenzjoni; (ċ) kampjuni minn popolazzjoni ta' speċi elenkati fl-Appendiċi I għal Konvenzjoni li għalihom kwota ta' esportazzjoni kienet approvata mill-Konferenza tal-Partijiet għal Konvenzjoni; (d) injiebi naturali ta' l-iljunfant Afrikan u biċċiet maqtugħin minnhom li t-tnejn ikunu 'l fuq minn 20ċm fit-tul u 1 kg f'piż; (e) ġlud tal-kukkudrill naturali, ikkunzati jew mahdumin lesti, ġnub, dnub, grieżem, saqajn, strixxi tad-dahar u partijiet oħra tiegħu li huma esportati lejn il-Komunità u ġlud u ġnub shah naturali, ikkunzati jew mahdumin lesti tal-kukkudrill li huma ri-esportati lejn il-Komunità; (f) vertebrati ta' l-ispeċi elenkati fl-Anness A tar-Regolamenti (KE) Nru 338/97 li jappartjenu għal xi esibizzjoni li tivvjaġġa ta' annimali ħajjin; (g) kull kontenitur primarju (bott, vażett, jew kaxxa li fihom il-kavjar ikun direttament ippakkjat) ta' iktar minn 249 gramma ta' kavjar, ibbażat fuq l-applikazzjoni ta' tikketti li ma jistgħux jerġgħu jintużaw fuq kull kontenitur primarju li jkun importat fil-Komunità minn pajjiż ta' oriġini; (h) kontenituri primarji li jkollhom inqas minn 250 gramma kavjar, ibbażat fuq l-applikazzjoni ta' tikketti li ma jistgħux jerġ? u jintużaw fuq il-kontenituri sekondarji, inkluża deskrizzjoni tal-kontenut li huma importati fil-Komunità minn pajjiż ta' oriġini. L-Artikolu 35 1. Ċertifikati ta' ri-esportazzjoni għal kampjuni mmarkati skond l-Artikolu 34(2)(a) sa (d) u (f) li ma kienux sostanzjalment modifikati għandhom jinħarġu biss meta l-applikant ikun issodisfa lill-awtorità amministrattiva li l-marki oriġinali huma intatti. 2. Ċertifikati ta' ri-esportazzjoni ta' ġlud u ġnub shah u naturali ta' kukkudrilli, ikkunzati u/jew mahdumin lesti għandhom jinħarġu biss meta l-applikant ikun issodisfa lill-awtorità amministrattiva li t-tikketti oriġinali huma intatti jew, meta dawn kieni ntilfu jew tneħħew, il-kampjuni kienu mmarkati b'tikketta ta' ri-esportazzjoni. 3. Permessi ta' esportazzjoni għall-kampjuni li ġejjin għandhom jinħarġu biss meta l-applikant ikun issodisfa lill-awtorità amministrattiva kompetenti li l-kampjuni kienu mmarkati skond l-Artikolu 36(4): (a) kull kontenitur primarju (bott, vażett, jew kaxxa li fihom il-kavjar ikun direttament ippakkjat) ta' iktar minn 249 gramma kavjar, ibbażat fuq l-applikazzjoni ta' tikketti li ma jistġ? ux jerġgħu jintużaw fuq kull kontenitur primarju; (b) kontenituri primarji ta' inqas minn 250 gramma kavjar, ibbażat fuq l-applikazzjoni ta' tikketti li ma jistgħux jerġgħu jintużaw fuq il-kontenituri sekondarji, inkluża deskrizzjoni tal-kontenut. L-Artikolu 36 1. Għall-għanijiet ta' l-Artikolu 34(1), il-punti li ġejjin għandhom japplikaw: (a) għasafar mwielda u mrobbija fil-magħluq għandhom ikunu mmarkati skond il-paragrafu 5, jew, meta l-awtorità amministrattiva kompetenti tkun sodisfatta li dan il-metodu jista', minħabba l-kwalitajiet fiżiċi u ta' mġieba ta' l-annimal, ma jkunx applikat, permezz ta' microchip transponder innumerat unikament u li ma jistax jinbidel u li jikkonforma mall-livelli ISO 11784:1996 (E) u 11785:1996 (E); (b) vertebrati ħajjin għajr għasafar mwielda u mrobbija fil-magħluq għandhom ikunu mmarkati permezz ta' microchip transponder numerat unikament u li ma jinbidilx u li jikkonforma ma' standards ISO 11784:1996 (E) u 11785:1996 (E), jew, meta l-awtorità amministrattiva kompetenti tkun sodisfatta li dan il-metodu mhux adattat minhabba l-kwalitajiet fiżiċi u ta' mġieba tal-kampjuni/speċi, il-kampjuni konċernati għandhom ikunu mmarkati bi ċrieki, faxex, tikketti, tatwaġġi u affarijiet bħal dawn numerati unikament, jew jintgħamlu identifikabbli b'mezzi adattati oħra. 2. L-Artikolu 34(1) m'għandux japplika meta l-awtorità amministrattiva kompetenti tkun sodisfatta li l-kwalitajiet fiżiċi tal-kampjuni involuti, waqt il-ħruġ taċ-ċertifikat relevanti, ma jippermettux l-applikazzjoni bla periklu ta' kull metodu ta' markar. Meta din iċ-ċirkostanza tapplika, l-awtorità amministrattiva konċernata għandha tirreġistra dan fil-kaxxa 20 taċ-ċertifikat, jew, meta metodu ta' immarkar jista' jkun applikat bla periklu f'data iktar tard, tinkludi fih l-istipulazzjonijiet meħtieġa. 3. Kampjuni li kienu mmarkati b'microchip transponder li ma kienx jikkonforma ma' l-istandards ISO 11784:1996 (E) u 11785:1996 (E) qabel l-1 ta'Jannar 2002, jew b'wieħed mill-metodi imsemmijin fil-paragrafu 1 qabel l-1 ta'Ġunju 1997, jew bi qbil mal-paragrafu 4 qabel l-introduzzjoni tagħhom fil-Komunità, għandu jitqies li kien immarkat skond il-paragrafu 1. 4. Il-kampjuni msemmijin fl-Artikolu 34(2) u l-Artikolu 35 għandhom ikunu mmarkati skond il-metodu approvat jew rakkomandat mill-Konferenza tal-Partijiet għall-Konvenzjoni għall-kampjuni konċernati. 5. Għasafar imwielda u mrobbija fil-magħluq għandhom ikunu mmarkati b'ċurkett fis-sieq immarkat unikament u bil-hjatat ma jidhrux, jiġifieri ċurkett jew faxxa f'ċirku kontinwu, bla ebda qsim jew tgħaqqid, li ma kienx imbagħbas b'xi mod, ta' qies li ma jistax jitneħħa mill-għasfur meta siequ tkun kibret għal kollox wara li jkun ġie applikat fl-ewwel ġranet tal-ħajja ta' l-għasfur u li kien manifatturat kummerċjalment għal dak il-għan. L-Artikolu 37 Meta, fit-territorju tal-Komunità, l-immarkar ta' annimali ħajjin ikun jeħtieġ twaħħil ta'xi tikketta, faxxa, ċurkett jew xi apparat ieħor, l-immarkar ta'parti mill-anatomija ta' l-annimal, jew it-tidhil ta'microchip transponders, dan għandu jsir bir-rispett dovut għall-attenzjoni bi ħniena, għall-ġid u l-imġieba naturali tal-kampjun konċernat. L-Artikolu 38 1. L-awtoritajiet kompetenti ta' l-Istati membri għandhom jirrikonoxxu l-metodi ta' l-immarkar approvati mill-awtoritajiet kompetenti ta' Stati Membri oħra skond l-Artikolu 36. 2. Meta dokument bħal dan ikun meħtieġ skond id-dispożizzjonijiet ta' dan ir-Regolament, dettalji sħaħ tal-marka għandhom jitniżżlu fuq kull permess jew ċertifikat li għandu x'jaqsam mal-kampjun. IL-KAPITOLU VII RAPPORTI U INFORMAZZJONI L-Artikolu 39 1. L-Istati Membri għandhom jiġbru data dwar importazzjonijiet lejn u (ri)-esportazzjonijiet mill-Komunità li kienu saru fuq il-bażi ta' permessi u ċertifikati maħruġa mill-awtoritajiet amministrattivi, irrispettivament mill-post attwali ta' introduzzjoni jew (ri)-esportazzjoni (). L-Istati membri għandhom, skond l-Artikolu 15(4)(a) tar-Regolament (KE) Nru 338/97, jikkomunikaw din l-informazzjoni lill-Kummissjoni, relattivament għal sena kalendarja, qabel –il 15 ta' Ġunju tas-sena ta' wara, għall-ispeċi fl-Annessi A, B u C ta' dak ir-Regolament f'formola kompjuterizzata u skond il-linji ta' gwida għall-preparazzjoni u s-sottomissjoni tar-rapporti annwali tal-CITES maħruġa mis-segretarjat tal-Konvenzjoni. Ir-rapporti għandhom jinkludu informazzjoni fuq tagħbijiet mahtufa u konfiskati. 2. L-informazzjoni msemmija fil-paragrafu 1 għandha tkun preżentata f'żewġ partijiet separati: (a) parti waħda dwar l-importazzjoni, esportazzjoni u ri-esportazzjoni tal-kampjuni ta' l-ispeċi elenkati fl-Appendiċijiet tal-Konvenzjoni; u (b) il-parti l-oħra dwar l-importazzjoni, esportazzjoni u ri-esportazzjoni tal-kampjuni u speċi oħra elenkati fl-Annessi A, B u C tar-Regolament (KE) Nru 338/97 u dwar l-introduzzjoni fil-Komunità ta' kampjuni ta' l-ispeċi elenkati fl-Anness D tiegħu. 3. Dwar l-importazzjonijiet ta' tagħbijiet bil-baħar li jkollhom annimali ħajjin, l-Istati Membri għandhom, meta possibbli, iżommu rekords tal-perċentwali ta' kampjuni ta' l-ispeċi elenkati fl-Annessi A u B tar-Regolament (KE) Nru 338/97 li kienu mejta waqt id-dħul fil-Komunità. 4. Ir rekords imsemmija fil-paragrafu 3 iridu jiġu komunikati lill-Kummissjoni għal kull sena kalendarja qabel-il 15 ta' Ġunju tas-sena ta' wara fuq bażi ta' speċi u ta' kull pajjiż (ri)-esportatur. 5. L-informazzjoni msemmija fl-Artikolu 15(4)(c) tar-Regolament (KE) Nru 338/97 għandha tinkludi dettalji dwar miżuri leġislattivi, regolatorji u amministrattivi meħuda għall-implimentazzjoni u l-infurzar tad-dispożizzjonijiet tar-Regolament (KE) Nru 338/97 ta' dan ir-Regolament. L-Artikolu 40 1. Bil-ħsieb tal-preparazzjoni ta' emendi għar-Regolament (KE) Nru 338/97 skond l-Artikolu 15(5) ta' dak ir-Regolament, Stati Membri għandhom, għar-rigward ta' l-ispeċi diġà elenkati u dawk li jistgħu ikunu eliġibbli biex jiġu elenkati, jgħaddu kull informazzjoni relevanti lill-Kummissjoni dwar: (a) l-istat bijoloġiku u kummerċjali tagħhom; (b) l-użi li għalihom jitqiegħdu kampjuni ta' speċi bħal dawn; u (ċ) metodi ta' kontroll ta' kampjuni fil-kummerċ. 2. Kull abbozz ta' emendi għall-Annessi B, jew D tar-Regolament (KE) Nru 338/97 skond l-Artikolu 3(2)(c) jew (d), jew l-Artikolu 3(4)(a) ta'dak ir-Regolament għandhom jintbgħatu mill-Kummissjoni lill-Grupp ta' Reviżjoni Xjentifika għall-parir qabel jintbgħatu lill-Kumitat. IL-KAPITOLU VIII DISPOŻIZZJONIJIET FINALI L-Artikolu 41 1. Immedjatament malli tittieħed deċiżjoni ta' restrizzjoni skond l-Artikolu 4(6) tar-Regolament (KE) Nru 338/97 u sakemm titneħħa, l-Istati Membri għandhom jirrifjutaw applikazzjonijiet għall-permessi ta' importazzjoni li jikkonċernaw kampjuni esportati mill-pajjiż affettwat jew mill-pajjiżi ta'oriġini. 2. B'deroga mill-paragrafu 1, permess ta' importazzjoni jista' jinħareġ meta: (a) applikazzjoni għal permess ta' importazzjoni tkun intbgħatet qabel ma tkun iddaħħlet ir-restrizzjoni; u (b) l-awtorità amministrattiva kompetenti ta' l-Istat Membru tkun sodisfatta li jeżisti kuntratt jew ordni li għalih/ha jkun sar il-hlas jew b'riżultat tiegħu/tagħha l-kampjuni jkunu diġà tgħabbew. 3. Il-perjodu ta' validità ta' permess ta' importazzjoni maħruġ skond id-deroga fil-paragrafu 2 m'għandux ikun ta' iktar minn xahar. 4. Ir-restrizzjonijiet imsemmijin fil-paragrafu 1 m'għandhomx, sakemm ma jkunx speċifikament deċiż mod ieħor, japplikaw għal: (a) kampjuni mwielda u mrobbija fil-magħluq jew imnissla artifiċjalment skond l-Artikoli 24, 25 u 26; (b) kampjuni li huma mportati għall-għanijiet speċifikati fl-Artikolu 8(3)(e), (f) jew (g) tar-Regolament (KE) Nru 338/97; (ċ) kampjuni, ħajjin jew mejtin, li huma parti mill-oġġetti domestiċi ta' persuni sejrin fil-Komunità biex joqogħdu hemm. L-Artikolu 42 Ir-Regolament (KE) Nru 939/97 huwa hawnhekk imhassar. L-Artikolu 43 1. Ċertifikati maħruġa skond l-Artikolu 11 tar-Regolament (KEE) Nru 3626/82 u l-Artikolu 22 tar-Regolament tal-Kummissjoni (KEE) Nru 3418/83 [6] jistgħu ikomplu jintużaw għall-għanijiet ta' l-Artikoli 5(2)(b), 5(3)(b), (c) u (d), l-Artikoli 5(4), it-tieni u t-tielet subparagrafi, u l-Artikoli 8(3)(a) u (d) sa (h) tar-Regolament (KE) Nru 338/97. 2. Eżenzjonijiet mill-projbizzjonijiet ta' l-Artikolu 6(1) tar-Regolament (KEE) Nru 3626/82 għandhom jibqgħu validi sa l-aħħar jum tal-validità tagħhom, meta speċifikat. 3. L-Istati Membri jistgħu jibqgħu joħorġu ċertifikati bil-mod indikat fl-Anness III tar-Regolament (KE) Nru 939/97 sa sena wara d-dħul fis-seħħ ta' dan ir-Regolament. L-Artikolu 44 Kull Stat Membru għandu jinnotifika lill-Kummissjoni u lis-segretarjat tal-Konvenzjoni bid-dispożizzjonijiet li jkun adotta speċifikament għall-implimentazzjoni ta' dan ir-Regolament u bl — istrumenti legali kollha wżati u l-miżuri meħuda għal din l-implimentazzjoni u l-infurzar tagħhom. Il-Kummissjoni għandha tikkomunika din l-informazzjoni lill-Istati Membri l-oħra. L-Artikolu 45 Dan ir-Regolament għandu jidħol fis-seħħ fit-tielet jum mill-pubblikazzjoni tiegħu fil-Ġurnal Uffiċjali tal-Komunitajiet Ewropej. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, 30 ta' Awissu 2001. Għall-Kummissjoni Margot Wallström Membru tal-Kummissjoni [1] ĠU L 61, tat-3.3.1997, p. 1. [2] ĠU L 209, tat-2.8.2001, p. 14 [3] ĠU L 140, tat-30.5.1997, p. 9. [4] ĠU L 145, tal-15.5.1998, p. 3. [5] ĠU L 384, tal-31.12.1982, p. 1. [6] ĠU L 344, tas-7.12.1983, p. 1. -------------------------------------------------- L-ANNESS I +++++ TIFF +++++ Istruzzjonijiet u spjegazzjonijiet 1. Isem u indirizz sħiħ ta' l-(ri)-esportatur attwali, mhux dak ta' aġent. 2. Il-perjodu ta' validità ta'permess ta' esportazzjoni, jew ta' ċertifikat ta' (ri)-esportazzjoni m'għandux jaqbeż is-sitt xhur u għall-permess ta' importazzjoni it-12-il xhar. Wara l-aħħar jum tal-validità tiegħu, dan id-dokument ma jkunx jiswa u ma jkollu valur legali ta' xejn u l-oriġinal tu l-kopji kollha iridu jintbgħatu lura mid-detentur lill-awtorità amministrattiva tal-ħruġ mingħajr dewmien ta' xejn. Permess ta' importazzjoni mhuwiex validu meta d-dokument korrispondenti tal-CITES mill-pajjiż (ri)-esportatur kien użat għal xi (ri) -esportazzjoni wara l-aħħar ġurnata tal-validità tiegħu jew jekk id-data ta' l-introduzzjoni fil-Komunità hi iktar minn sitt xhur mid-data tal-ħruġ. 3. Isem u iindirizz sħiħ ta' l-importatur attwali, u mhux dak ta' aġent. 6. Dwar kampjuni ħajjin meħuda mill-ambjent naturali ta' speċi fl-Anness A, l-awtorità tal-ħruġ tista' tippreskrivi l-post li għandhom jinżammu fih billi tinkludi d-dettalji tiegħu f'din il-kaxxa. Kull moviment, minbarra għal xi trattament veterinarju urġenti u sakemm il-kampjuni jintbgħatu lura direttament fil-post awtorizzat tagħhom, imbagħad ikun jirrikjedi awtorizzazzjoni minn qabel mill-awtorità amministrattiva kompetenti. 8. Id-deskrizzjoni trid tkun preċiża kemm jista' jkun possibbi u tinkludi kodiċi bi tlett ittri skond l-Anness V tar-Regolament (KE) Nru 1808/2001. 9/10. Uża l-unitajiet ta' kwantità u/jew massa netta skond dawk fl-Anness V tar-Regolament (KE) nru 1808/2001. 11. Niżżel in-numru ta' l-Appendiċi (I, II, jew III) ta' CITES li fih l-ispeċi tkun elenkata fid-data tal-ħruġ tal-permess/ċertifikat. 12. Niżżel l-ittra ta' l-Anness tar-Regolament (KE) Nru 338/97 (A jew B) li fih l-ispeċi jkunu elenkati fid-data tal-ħruġ tal-permess/ċertifikat. 13. Uża waħda mill-kodiċijiet li ġejjin biex tindikata l-għajn: W Kampjuni meħuda mill-ambjent naturali R Kampjuni li joriġinaw minn operazzjoni ta' ranching D L-Anness A annimali mrobbija fil-magħluq għal għanijiet kummerċjali u l-Anness A pjanti mnissla artifiċjalment għal għanijiet kummer1jali skond il-Kapitolu III tar-Regolament (KE) Nru 1808/2001, kif ukoll għal partijiet u derivattivi tagħhom A L-Anness A pjanti mnissla artifiċjalment għal għanijiet mhux kummerċjali u l-Annessi B u C pjanti mnissla artifiċjalment skond il-Kapitolu III tar-Regolament (KE) Nru 1808/2001, kif ukoll partijiet u derivattivi tagħhom Ċ L-Anness A annimali mrobbija fil-magħluq għal għanijiet mhux kummerċjali u l-Annessi B u C annimali mrobbija fil-magħluq bi qbil mal-Kapitolu III tar-Regolament (KE) Nru 1808/2001, kif ukoll partijiet u derivattivi tagħhom F Annimali mwielda fil-magħluq, iżda li għalihom il-kriterji tal-Kapitolu III tar-Regolament (KE) Nru 1808/2001 mhumiex imħarsa, kif ukoll partijiet u derivattivi tagħhom I Kampjuni konfiskati jew maqbuda [1] O Qabel il-Konvenzjoni [2] U L-għajn mhux magħrufa (trid tkun ġustifikata) 14. Uża waħda mill-kodiċijiet li ġejjin biex tindika l-għan li għalih il-kampjuni ser ikunu (ri)-esportati/importati: B trobbija fil-magħluq jew tnissil artifiċjali E edukattiv G ġonna botaniċi H trofej tal-kaċċa L infurzar M riċerka bijo-medika N ri-introduzzjoni jew introduzzjoni fl-ambjent naturali P personali Q ċirkli u wirjiet li jitmexxew minn post għal iehor S xjentifiku T kummerċjali Z żoos 15 sa 17. Il-pajjiż ta' oriġini hu l-pajjiż li minnu ttiehdu l-kampjuni mill-ambjent naturali, twieldu fil-magħluq, jew tnisslu artifiċjalment. Meta dan ikun pajjiż terz, il-kaxxi 16 u 17 irid ikun fihom dettalji tal-permess relevanti. Meta kampjuni li joriġinaw minn Stat Membru tal-Komunità jiġu esportati minn ieħor, l-isem biss ta' l-Istat Membru ta' l-oriġini irid jissemma fil-kaxxa 15. 18 sa 20. Il-pajjiż ta' l-aħħar esportazzjoni, fil-każ ta' ċertifikat ta ri-esportazzjoni, hu il-pajjiż terz li qed jesporta li minnu l-kampjuni kienu mportati qabel ġew ri-esportati mill-Komunità. Fil-każ ta' permess ta' importazzjoni, hu l-pajjiż terz ri-esportatur li minnu l-kampjuni ser ikunu mportati. Il-kaxxi 19 u 20 irid ikun fihom dettalji taċ-ċertifikat relevanti ta' ri-esportazzjoni. 21. L-isem xjentifiku irid ikun skond l-i standards referenzjali għan-nomenklatura msemmija fl-Anness VI tar-Regolament (KE) Nru 1808/2001. 23 sa 25. Għal użu uffiċjali biss. 26. L-importatur/ri-esportatur jew l-aġent tiegħu għandu, fejn xieraq, jindika n-numru tal-polza ta' tagħbija jew tal-Polza ta' trasport bl-ajru. 27. Biex timtela mill-uffiċju doganali għall-introduzzjoni fil-Komunità, jew dak ta'(ri)-esportazzjoni skond il-każ, l-oriġinal (formola 1) trid tkun mibgħuta lura lill-awtorità amministrattiva ta' l-Istat Membru konċernat u l-kopja għad-detentur (formola 2) +++++ TIFF +++++ Istruzzjonijiet u spjegazzjonijiet 1. Isem u indirizz sħiħ ta' l-esportatur attwali, u mhux dak ta'aġent. 2. Il-perjodu ta' validità ta' permess ta' esportazzjoni, jew ri-esportazzjoni m'għandux jaqbeż is-sitt xhur u ta' permess ta' importazzjoni it-12-il xhar. Wara l-aħħar jum tal-validità tiegħu, dan id-dokument ma jkun jiswa xejn u ma jkollu ebda valur legali u l-oriġinal u l-kopji kollha iridu jintbgħatu lura mid-detentur lill-awtorità amministrattiva tal-ħruġ mingħajr dewmien ta' xejn. Permess ta' importazzjoni mhux validu meta d-dokument korrispondenti tal-CITES mill-pajjiż (ri)-esportatur kien użat għal (ri)-esportazzjoni wara l-aħħar jum tal-validità tiegħu jew jekk id-data ta' l-introduzzjoni fil-Komunità tkun iktar minn sitt xhur mid-data tal-ħruġ tiegħu. 3. Isem u iindirizz sħiħ ta' l-importatur attwali, u mhux dak ta'aġent. 6. Għal kampjuni ħajjin ta' l-ispeċi ta' l-Anness A meħuda mill-ambjent naturali, l-awtorità tal-ħruġ tista' tippreskrivi l-post li għandhom jinżammu fih billi tinkludi d-dettalji tiegħu f'din il-kaxxa. Kull moviment, minbarra għal trattament veterinarju urġenti u sakemm il-kampjuni jintbagħtu lura direttament fil-post awtorizzat tagħhom, imbgħad ikun jinħtieġ awtoriazzjoni minn qabel mill-awtorità amministrattiva kompetenti. 8. Id-deskrizzjoni trid tkun preċiża kemm jista' jkun possibbli u tinkludi kodiċi bi tlett ittri skond l-Anness V tar-Regolament (KE) Nru 1808/2001. 9/10. Uża l-unitajiet ta' kwantità u/jew massa netta skond dawk li hemm fl-Anness V tar-Regolament (KE) nru 1808/2001. 11. Niżżel in-numru ta' l-Appendiċi tal-CITES (I, II, jew III) li fih l-ispeċi huma elenkati fid-data tal-ħruġ tal-permess/ċertifikat. 12. Niżżel l-ittra ta' l-Anness tar-Regolament (KE) Nru 338/97 (A jew B) li fih l-ispeċi tkun elenkata fid-data tal-ħruġ tal-permess/ċertifikat. 13. Uża waħda mill-kodiċijiet li ġejjin biex tiġi ndikata l-għajn: W Kampjuni meħuda mill-ambjent naturali R Kampjuni li joriġinaw minn operazzjoni ta' ranching fil-magħluq D L-Anness A annimali mrobbija fil-magħluq għal għanijiet kummerċjali u l-Anness A pjanti mnissla artifiċjalment għal għanijiet kummerċjali skond il-Kapitolu III tar-Regolament (KE) Nru 1808/2001, kif ukoll partijiet u derivattivi tagħhom A L-Anness A pjanti mnissla artifiċjalment għal għanijiet mhux kummerċjali u l-Annessi B u C pjanti mnissla artifiċjalment skond il-Kapitolu III tar-Regolament (KE) Nru 1808/2001, kif ukoll partijiet u derivattivi tagħhom Ċ L-Anness A annimali mrobbija fil-magħluq għal għanijiet mhux kummerċjali u l-Annessi B u C annimali mrobbija fil-magħluq skond il-Kapitolu III tar-Regolament (KE) Nru 1808/2001, kif ukoll partijiet u derivattivi tagħhom F Annimali mwielda fil-magħluq, imma li dwarhom ma jkunux imħarsa l-kriterji tal-Kapitolu III tar-Regolament (KE) Nru 1808/2001, kif ukoll partijiet u derivattivi tagħhom I Kampjuni konfiskati jew maqbuda [3] O Qabel il-Konvenzjoni [4] U L-għajn mhux magħrufa (trid tkun ġustifikata) 14. Użu waħda mill-kodiċijiet li ġejjin biex tindika l-għan li għalih il-kampjuni għandhom ikunu (ri)-esportati/importati: B trobbija fil-magħluq jew tnissil artifiċjali E edukattiv G. ġonna botaniċi H. trofej tal-kaċċa L infuzar M riċerka bijo-medika N (ri)-introduzzjoni jew introduzzjoni fl-ambjent naturali P personali Q ċirkli u wirjiet li jimxu minn post għal iehor. S xjentifiku T kummerċjali Z żoos 15 sa 17. Il-pajjiż ta' oriġini hu l-pajjiż li minnu ttiehdu l-kampjuni mill-ambjent naturali, jew li tnisslu artifiċjalment. Meta dan ikun pajjiż terz, il-kaxxi 16 u 17 irid ikun fihom dettalji tal-permess relevanti. Meta kampjuni li joriġinaw minn Stat Membru tal-Komunità jiġu esportati minn ieħor, l-isem biss ta' l-Istat Membru ta' l-oriġini irid jissemma fil-kaxxa 15. 18 sa 20. Il-pajjiż ta' l-aħħar ri-esportazzjoni, fil-każ ta' ċertifikat ta' (ri) -esportazzjoni, hu il-pajjiż terz li qed jirriesporta li minnu l-kampjuni kienu importati qabel ġew (ri)-esportati mill-Komunità. Fil-każ ta' permess ta' importazzjoni, hu il-pajjiż terz li jirriesporta li minnu l-kampjuni għandhom ikunu importati. Il-kaxxi 19 u 20 irid ikun fihom dettalji taċ-ċertifikat ta' ri-esportazzjoni relevanti. 21. L-isem xjentifiku irid ikun skond l-istandards referenzjali għan-nomenklatura msemmija fl-Anness VI tar-Regolament (KE) Nru 1808/2001. 23 sa 25. Għal użu uffiċjali biss. 26. L-importatur/(ri)-esportatur jew l-aġent tiegħu għandu, meta jkun il-każ, jindika n-numru tal-polza jew ta' l-polza ta' trasport bl-ajru. 27. Trid timtela mill-uffiċju doganali ta' l-introduzzjoni fil-Komunità, jew dak ta' (ri)-esportazzjoni skond il-każ, l-oriġinal (formola 1) trid tintbagħat lura lill-awtorità amministrattiva ta' l-Istat Membru konċernat u l-kopja għad-detentur (formola 2) lill-importatur jew (ri)-esportatur. +++++ TIFF +++++ Istruzzjonijiet u spjegazzjonijiet 1. Isem u indirizz sħiħ ta' l-esportatur attwali, u mhux dak ta'aġent. 2. Il-perjodu ta'validità ta'permess ta' esportazzjoni, jew ri-esportazzjoni m'għandux jaqbeż is-sitt xhur u ta' permess ta' importazzjoni it-12-il xhar. Wara l-aħħar jum tal-validità tiegħu, dan id-dokument ma jkun jiswa xejn u ma jkollu ebda valur legali u l-oriġinal u l-kopji kollha iridu jintbgħatu lura mid-detentur lill-awtorità amministrattiva tal-ħruġ mingħajr dewmien ta' xejn. Permess ta' importazzjoni mhux validu meta d-dokument korrispondenti tal-CITES mill-pajjiż (ri)-esportatur kien użat għal (ri)-esportazzjoni wara l-aħħar jum tal-validità tiegħu jew jekk id-data ta' l-introduzzjoni fil-Komunità tkun iktar minn sitt xhur mid-data tal-ħruġ tiegħu. 3. Isem u indirizz sħiħ ta' l-importatur attwali, u mhux dak ta'aġent. 6. Għal kampjuni ħajjin ta' l-ispeċi ta' l-Anness A meħuda mill-ambjent naturali, l-awtorità tal-ħruġ tista' tippreskrivi l-post li għandhom jinżammu fih billi tinkludi d-dettalji tiegħu f'din il-kaxxa. Kull moviment, minbarra għal trattament veterinarju urġenti u sakemm il-kampjuni jintbagħtu lura direttament fil-post awtorizzat tagħhom, imbgħad ikun jinħtieġ awtorizzazzjoni minn qabel mill-awtorità amministrattiva kompetenti. 8. Id-deskrizzjoni trid tkun preċiża kemm jista' jkun possibbli u tinkludi kodiċi bi tlett ittri skond l-Anness V tar-Regolament (KE) Nru 1808/2001. 9/10. Uża l-unitajiet ta' kwantità u/jew massa netta skond dawk li hemm fl-Anness V tar-Regolament (KE) nru 1808/2001. 11. Niżżel in-numru ta' l-Appendiċi tal-CITES (I, II, jew III) li fih l-ispeċi huma elenkati fid-data tal-ħruġ tal-permess/ċertifikat. 12. Niżżel l-ittra ta' l-Anness tar-Regolament (KE) Nru 338/97 (A jew B) li fih l-ispeċi tkun elenkata fid-data tal-ħruġ tal-permess/ċertifikat. 13. Uża waħda mill-kodiċijiet li ġejjin biex tiġi indikata l-għajn: W Kampjuni meħuda mill-ambjent naturali R Kampjuni li joriġinaw minn operazzjoni ta' ranching fil-magħluq D L-Anness A annimali mrobbija fil-magħluq għal għanijiet kummerċjali u l-Anness A pjanti mnissla artifiċjalment għal għanijiet kummerċjali skond il-Kapitolu III tar-Regolament (KE) Nru 1808/2001, kif ukoll partijiet u derivattivi tagħhom A L-Anness A pjanti mnissla artifiċjalment għal għanijiet mhux kummerċjali u l-Annessi B u C pjanti mnissla artifiċjalment skond il-Kapitolu III tar-Regolament (KE) Nru 1808/2001, kif ukoll partijiet u derivattivi tagħhom Ċ L-Anness A annimali mrobbija fil-magħluq għal għanijiet mhux kummerċjali u l-Annessi B u C annimali mrobbija fil-magħluq skond il-Kapitolu III tar-Regolament (KE) Nru 1808/2001, kif ukoll partijiet u derivattivi tagħhom F Annimali mwielda fil-magħluq, imma li dwarhom ma jkunux imħarsa l-kriterji tal-Kapitolu III tar-Regolament (KE) Nru 1808/2001, kif ukoll partijiet u derivattivi tagħhom I Kampjuni konfiskati jew maqbuda [5] O Qabel il-Konvenzjoni [6] U L-għajn mhux magħrufa (trid tkun ġustifikata) 14. Uża waħda mill-kodiċijiet li ġejjin biex tindika l-għan li għalih il-kampjuni għandhom ikunu (ri)-esportati/importati: B trobbija fil-magħluq jew tnissil artifiċjali E edukattiv G. ġonna botaniċi H. trofej tal-kaċċa L infurzar M riċerka bijo-medika N ri-introduzzjoni jew introduzzjoni fl-ambjent naturali0} P personali Q ċirkli u wirjiet li jimxu minn post għal iehor S xjentifiku T kummerċjali Z żoos 15 sa 17. Il-pajjiż ta' oriġini hu l-pajjiż li minnu ttiehdu l-kampjuni mill-ambjent naturali, jew li tnisslu artifiċjalment. Meta dan ikun pajjiż terz, il-kaxxi 16 u 17 irid ikun fihom dettalji tal-permess relevanti. Meta kampjuni li joriġinaw minn Stat Membru tal-Komunità jiġu esportati minn ieħor, l-isem biss ta' l-Istat Membru ta' l-oriġini irid jissemma fil-kaxxa 15. 18 sa 20. Il-pajjiż ta' l-aħħar esportazzjoni, fil-każ ta'ċertifikat ta' (ri) -esportazzjoni, hu il-pajjiż terz li qed jirriesporta li minnu l-kampjuni kienu importati qabel ġew (ri)-esportati mill-Komunità. Fil-każ ta' permess ta' importazzjoni, hu il-pajjiż terz li jirriesporta li minnu l-kampjuni għandhom ikunu importati. Il-kaxxi 19 u 20 irid ikun fihom dettalji taċ-ċertifikat ta' ri-esportazzjoni relevanti. 21. L-isem xjentifiku irid ikun skond l-istandards referenzjali għan-nomenklatura msemmija fl-Anness VI tar-Regolament (KE) Nru 1808/2001. 23 sa 25. Għal użu uffiċjali biss. 26. L-importatur/(ri)-esportatur jew l-aġent tiegħu għandu, meta jkun il-każ, jindika n-numru tal-polza ta' tagħbija jew tal-polza ta' trasport bl-ajru. 27. Trid timtela mill-uffiċju doganali ta' l-introduzzjoni fil-Komunità, jew dak ta' (ri)-esportazzjoni skond il-każ, l-oriġinal (formola 1) trid tintbgħat lura lill-awtorità amministrattiva ta' l-Istat Membru konċernat u l-kopja għad-detentur (formola 2) lill-importatur jew (ri)-esportatur. +++++ TIFF +++++ +++++ TIFF +++++ Istruzzjonijiet u spjegazzjonijiet 1. Isem u indirizz sħiħ ta' l-(ri)-esportatur attwali, u mhux dak ta'aġent. 2. Il-perjodu ta'validità ta'permess ta' esportazzjoni, jew ri-esportazzjoni m'għandux jaqbeż is-sitt xhur u ta' permess ta' importazzjoni it-12-il xhar. Wara l-aħħar jum tal-validità tiegħu, dan id-dokument ma jkun jiswa xejn u ma jkollu ebda valur legali u l-oriġinal u l-kopji kollha iridu jintbgħatu lura mid-detentur lill-awtorità amministrattiva tal-ħruġ mingħajr dewmien ta' xejn. Permess ta' importazzjoni mhux validu meta d-dokument korrispondenti tal-CITES mill-pajjiż (ri)-esportatur kien użat għal (ri)-esportazzjoni wara l-aħħar jum tal-validità tiegħu jew jekk id-data ta' l-introduzzjoni fil-Komunità tkun iktar minn sitt xhur mid-data tal-ħruġ tiegħu. 3. Isem u indirizz sħiħ ta' l-importatur attwali, u mhux dak ta'aġent. 6. Għal kampjuni ħajjin ta' l-ispeċi ta' l-Anness A meħuda mill-ambjent naturali, l-awtorità tal-ħruġ tista' tippreskrivi l-post li għandhom jinżammu fih billi tinkludi d-dettalji tiegħu f'din il-kaxxa. Kull moviment, minbarra għal trattament veterinarju urġenti u sakemm il-kampjuni jintbagħtu lura direttament fil-post awtorizzat tagħhom, imbgħad ikun jinħtieġ awtorizzazzjoni minn qabel mill-awtorità amministrattiva kompetenti. 8. Id-deskrizzjoni trid tkun preċiża kemm jista' jkun possibbli u tinkludi kodiċi bi tlett ittri skond l-Anness V tar-Regolament (KE) Nru 1808/2001. 9/10. Uża l-unitajiet ta' kwantità u/jew massa netta skond dawk li hemm fl-Anness V tar-Regolament (KE) nru 1808/2001. 11. Niżżel in-numru ta' l-Appendiċi tal-CITES (I, II, jew III) li fih l-ispeċi huma elenkati fid-data tal-ħruġ tal-permess/ċertifikat. 12. Niżżel l-ittra ta' l-Anness tar-Regolament (KE) Nru 338/97 (A jew B) li fih l-ispeċi tkun elenkata fid-data tal-ħruġ tal-permess/ċertifikat. 13. Uża waħda mill-kodiċijiet li ġejjin biex tiġi ndikata l-għajn: W Kampjuni meħuda mill-ambjent naturali R Kampjuni li joriġinaw minn operazzjoni ta' ranching fil-magħluq D L-Anness A annimali mrobbija fil-magħluq għal għanijiet kummerċjali u l-Anness A pjanti mnissla artifiċjalment għal għanijiet kummerċjali skond il-Kapitolu III tar-Regolament (KE) Nru 1808/2001, kif ukoll partijiet u derivattivi tagħhom A L-Anness A pjanti mnissla artifiċjalment għal għanijiet mhux kummerċjali u l-Annessi B u Ċ pjanti mnissla artifiċjalment skond il-Kapitolu III tar-Regolament (KE) Nru 1808/2001, kif ukoll partijiet u derivattivi tagħhom Ċ L-Anness A annimali mrobbija fil-magħluq għal għanijiet mhux kummerċjali u l-Annessi B u Ċ annimali mrobbija fil-magħluq skond il-Kapitolu III tar-Regolament (KE) Nru 1808/2001, kif ukoll partijiet u derivattivi tagħhom F Annimali mwielda fil-magħluq, imma li dwarhom ma jkunux imħarsa l-kriterji tal-Kapitolu III tar-Regolament (KE) Nru 1808/2001, kif ukoll partijiet u derivattivi tagħhom I Kampjuni konfiskati jew maqbuda [7] O Qabel il-Konvenzjoni [8] U L-għajn mhux magħrufa (trid tkun ġustifikata) 14. Uża waħda mill-kodiċijiet li ġejjin biex tindika l-għan li għalih il-kampjuni għandhom ikunu (ri)-esportati/importati: B trobbija fil-magħluq jew tnissil artifiċjali E edukattiv G. ġonna botaniċi H. trofej tal-kaċċa L infurzar M riċerka bijo-medika N ri-introduzzjoni jew introduzzjoni fl-ambjent naturali P personali Q ċirkli u wirjiet li jimxu minn post għal iehor S xjentifiku T kummerċjali Z żoos 15 sa 17. Il-pajjiż ta' oriġini hu l-pajjiż li minnu ttiehdu l-kampjuni mill-ambjent naturali, jew li tnisslu artifiċjalment. Meta dan ikun pajjiż terz, il-kaxxi 16 u 17 irid ikun fihom dettalji tal-permess relevanti. Meta kampjuni li joriġinaw minn Stat Membru tal-Komunità jiġu esportati minn ieħor, l-isem biss ta' l-Istat Membru ta' l-oriġini irid jissemma fil-kaxxa 15. 18 sa 20. Il-pajjiż ta' l-aħħar ri-esportazzjoni, fil-każ ta' ċertifikat ta' (ri)-esportazzjoni, hu il-pajjiż terz li qed jirriesporta li minnu l-kampjuni kienu importati qabel ġew (ri)-esportati mill-Komunità. Fil-każ ta' permess ta' importazzjoni, hu il-pajjiż terz li jirriesporta li minnu l-kampjuni għandhom ikunu importati. Il-kaxxi 19 u 20 irid ikun fihom dettalji taċ-ċertifikat ta' ri-esportazzjoni relevanti. 21. L-isem xjentifiku irid ikun skond l-istandards referenzjali għan-nomenklatura msemmija fl-Anness VI tar-Regolament (KE) Nru 1808/2001. 23 sa 25. Għal użu uffiċjali biss. 26. L-importatur/(ri)-esportatur jew l-aġent tiegħu għandu, meta jkun il-każ, jindika n-numru tal-polza ta' tagħbija jew tal-polza ta' trasport bl-ajru. [1] Biex tintuża biss flimkien ma' kodiċi ta' għajn oħra. [2] Biex tintuża biss flimkien ma' kodiċi ta' għajn oħra. [3] Biex tintuża biss flimkien ma' kodiċi ta' għajn oħra. [4] Biex tintuża biss flimkien ma' kodiċi ta' għajn oħra. [5] Biex tintuża biss flimkien ma' kodiċi ta' għajn oħra. [6] Biex tintuża biss flimkien ma' kodiċi ta' għajn oħra. [7] Biex tintuża biss flimkien ma' kodiċi ta' għajn oħra. [8] Biex tintuża biss flimkien ma' kodiċi ta' għajn oħra. -------------------------------------------------- KOMUNITA' EWROPEA L-ANNESS II +++++ TIFF +++++ Istruzzjonijiet u spjegazzjonijiet 1. Niżżel l-isem u indirizz sħiħ ta' l-importatur jew tar-rappreżentant awtorizzat tiegħu. 4. Il-pajjiż ta' l-oriġini hu l-pajjiż li fih il-kampjuni ttiehdu mill-ambjent naturali, twieldu u trabbew fil-magħluq, jew tnisslu artifiċjalment. 5. Japplika biss meta l-pajjiż li minnu l-kampjuni ġew importati ma jkunx il-pajjiż ta' l-oriġini. 6. Id-Deskrizzjoni għandha tkun kemm jista’ jkun preċiża. 9. L-isem xjentifiku irid ikun l-isem użat fl-Anness C jew D tar-Regolament (KE) Nru 338/97. 10. Niżżel "III" għall-ispeċi elenkati fl-Appendiċi III tal-CITES. 12. Niżżel l-ittra (C jew D) ta' l-Anness tar-Regolament (KE) Nru 338/97 li fih l-ispeċi tkun elenkata. 13. L-importatur irid jibgħat l-oriġinal iffirmat (formola 1) u l-"kopja għall-importatur" (formola 2), meta jkun il-każ flimkien mad-dokumenti ta' l-Appendiċi III tal-CITES mill-pajjiż (ri)-esportatur lill-uffiċju doganali ta' l-introduzzjoni fil-Komunità. 14. L-uffiċċju doganali għandu jibgħat l-oriġinal ittimbrat (formola 1) lill-awtorità amministrattiva tal-pajjiż tiegħu u jirritorna l-"kopja ta' l-importatur" ittimbrata (formola 2) lill-importatur jew lir-rappreżentant awtorizzat tiegħu. +++++ TIFF +++++ Istruzzjonijiet u spjegazzjonijiet 1. Niżżel l-isem u indirizz sħiħ ta' l-importatur jew tar-rappreżentant awtorizzat tiegħu. 4. Il-pajjiż ta' l-oriġini hu l-pajjiż li fih il-kampjuni ttiehdu mill-ambjent naturali, twieldu u trabbew fil-magħluq, jew tnisslu artifiċjalment. 5. Japplika biss meta l-pajjiż li minnu l-kampjuni ġew importati ma jkunx il-pajjiż ta' l-oriġini. 6. Id-Deskrizzjoni għandha tkun kemm jista’ jkun preċiża. 9. L-isem xjentifiku irid ikun l-isem użat fl-Anness C jew D tar-Regolament (KE) Nru 338/97. 10. Niżżel "III" għall-ispeċi elenkati fl-Appendiċi III tal-CITES. 12. Niżżel l-ittra (C jew D) ta' l-Anness tar-Regolament (KE) Nru 338/97 li fih l-ispeċi tkun elenkata. 13. L-importatur irid jibgħat l-oriġinal iffirmat (formola 1) u l-"kopja għall-importatur" (formola 2), meta jkun il-każ flimkien mad-dokumenti ta' l-Appendiċi III tal-CITES mill-pajjiż (ri)-esportatur lill-uffiċċju doganali ta' l-introduzzjoni fil-Komunità. 14. L-uffiċċju doganali għandu jibgħat l-oriġinal ittimbrat (formola 1) lill-awtorità amministrattiva tal-pajjiż tiegħu u jirritorna l-"kopja ta' l-importatur" ittimbrata (formola 2) lill-importatur jew lir-rappreżentant awtorizzat tiegħu. -------------------------------------------------- L-ANNESS III +++++ TIFF +++++ Istruzzjonijiet u spjegazzjonijiet 1. Isem u iindirizz sħiħ tad-detentur taċ-ċertifikat, u mhux dak ta'aġent. 2. Jimtela biss fil-każ meta l-permess għall-importazzjoni tal-kampjuni konċernati jippreskrivi l-post li fih għandhom jinżammu, jew meta kampjuni li kienu meħuda mill-ambjent naturali fi Stat Membru ikun jinħtieġ li jinżammu f'iindirizz awtorizzat. Any movement, except for urgent veterinary treatment and provided the specimens are returned directly to their authorised location, from the location indicated shall then be subject to prior authorisation from the competent management authority (see box 19). 4. Id-deskrizzjoni trid tkun preċiża kemm jista’ jkun possibbli u tinkludi kodiċi bi tlett ittri skond l-Anness V tar-Regolament (KE) Nru 1808/2001. 5/6. Uża l-unitajiet ta' kwantità u/jew massa netta skond dawk li hemm fl-Anness V tar-Regolament (KE) nru 1808/2001. 7. Niżżel in-numru ta' l-Appendiċi tal-CITES (I, II, jew III) li fih l-ispeċi tkun elenkata fid-data tal-ħruġ tal-permess/ċertifikat. 8. Niżżel l-ittra ta' l-Anness tar-Regolament (KE) Nru 338/97 (A jew B) li fih l-ispeċi tkun elenkata fid-data tal-ħruġ tal-permess/ċertifikat. 9. Uża waħda mill-kodiċijiet li ġejjin biex tindika l-għajn: W Kampjuni meħuda mill-ambjent naturali R Kampjuni li joriġinaw minn operazzjoni ta' ranching D L-Anness A annimali mrobbija fil-magħluq għal għanijiet kummerċjali u l-Anness A pjanti mnisslin artifiċjalment għal għanijiet kummer1jali skond il-Kapitolu III tar-Regolament (KE) Nru 1808/2001, kif ukoll għall-partijiet u derivattivi tagħhom A L-Anness A pjanti mnissla artifiċjalment għal għanijiet mhux kummerċjali u l-Annessi B u C pjanti mnissla artifiċjalment skond il-Kapitolu III tar-Regolament (KE) Nru 1808/2001, kif ukoll partijiet u derivattivi tagħhom Ċ L-Anness A annimali mrobbija fil-magħluq għal għanijiet mhux kummerċjali u l-Annessi B u C annimali mrobbija fil-magħluq skond il-Kapitolu III tar-Regolament (KE) Nru 1808/2001, kif ukoll partijiet u derivattivi tagħhom F Annimali mwielda fil-magħluq, iżda li dwarhom il-kriterji tal-Kapitolu III tar-Regolament (KE) Nru 1808/2001 mhumiex imħarsa, kif ukoll partijiet u derivattivi tagħhom I Kampjuni konfiskati jew maqbuda [1] O Qabel il-Konvenzjoni [2] U L-għajn mhux magħrufa (irid ikun ġustifikat) 10 sa 12. Il-pajjiż ta' oriġini hu l-pajjiż li minnu il-kampjuni kienu meħuda mill-ambjent naturali, twieldu u trabbew fil-magħluq, jew tnisslu artifiċjalment. 13 sa 15. L-Istat Membru li jimporta hu, meta applikabbli, l-Istat Membru li jkun hareġ il-permess għall-importazzjoni tal-kampjuni konċernati. 16. L-isem xjentifiku irid ikun skond ir-referenzi standard għan-nomenklatura msemmija fl-Anness VI tar-Regolament (KE) Nru 1808/2001. +++++ TIFF +++++ +++++ TIFF +++++ Istruzzjonijiet u spjegazzjonijiet 1. Isem u indirizz sħiħ tad-detentur taċ-ċertifikat, u mhux dak ta'aġent. 2. Għandha timtela biss fil-każ ta' kampjuni ta' speċi fl-Anness A ħajjin u meħuda mis-selvaġġ. 4. Id-deskrizzjoni trid tkun kemm jista’ jkun preċiża u tinkludi kodiċi bi tlett ittri skond l-Anness V tar-Regolament (KE) Nru 1808/2001. 5/6. Uża l-unitajiet ta' kwantitajiet u/jew ta' massa netta skond dawk li hemm fl-Anness V tar-Regolament (KE) Nru 1808/2001. 7. Niżżel in-numru ta' l-Appendiċi tal-CITES (I, II, jew III) li fih l-ispeċi tkun elenkata fid-data tal-ħruġ tal-permess/ċertifikat. 8. Niżżel l-ittra ta' l-Anness tar-Regolament (KE) Nru 338/97 (A, B jew Ċ) li fih l-ispeċi tkun elenkata fid-data tal-ħruġ tal-permess/ċertifikat. 9. Uża waħda mill-kodiċijiet li ġejjin biex tindika l-għajn: W Kampjuni meħuda mill-ambjent naturali R Kampjuni li joriġinaw minn operazzjoni ta' ranching D L-Anness A annimali mrobbija fil-magħluq għal għanijiet kummerċjali u l-Anness A pjanti mnissla artifiċjalment għal għanijiet kummerċjali skond il-Kapitolu III tar-Regolament (KE) Nru 1808/2001, kif ukoll partijiet u derivattivi tagħhom A L-Anness A pjanti mnissla artifiċjalment għal għanijiet mhux kummerċjali u l-Annessi B u C pjanti mnissla artifiċjalment skond il-Kapitolu III tar-Regolament (KE) Nru 1808/2001, kif ukoll partijiet u derivattivi tagħhom Ċ L-Anness A annimali mrobbija fil-magħluq għal għanijiet mhux kummerċjali u l-Annessi B u C annimali mrobbija fil-magħluq skond il-Kapitolu III tar-Regolament (KE) Nru 1808/2001, kif ukoll partijiet u derivattivi tagħhom F Annimali mwielda fil-magħluq, iżda li dwarhom ma jitharsux il-kriterji tal-Kapitolu III tar-Regolament (KE) Nru 1808/2001, kif ukoll partijiet u derivattivi tagħhom I Kampjuni konfiskati jew maqbuda [3] O Qabel il-Konvenzjoni [4] U L-għajn mhix magħrufa (trid tkun ġustifikata) 10 sa 12. Il-pajjiż ta' oriġini hu l-pajjiż fejn il-kampjuni kienu meħuda mill-ambjent naturali, imwielda u mrobbija fil-magħluq, jew imnissla artifiċjalment. 13 sa 15. L-Istat Membru li jimporta hu, meta applikabbli, l-Istat Membru li jkun hareġ il-permess għall-importazzjoni tal-kampjuni konċernati. 16. L-isem xjentifiku irid ikun skond ir-r-referenzi standard għan-nomenklatura imsemmija fl-Anness VI tar-Regolament (KE) Nru 1808/2001. 18. Agħti kemm jista’ jkun dettalji u iġġustifika kull ommissjoni ta' informazzjoni mitluba hawn fuq. [1] Biex jintuża biss flimkien ma’ kodiċi minn għajn oħra. [2] Biex jintuża biss flimkien ma’ kodiċi minn għajn oħra. [3] Biex jintuża biss flimkien ma’ kodiċi minn għajn oħra. [4] Biex jintuża biss flimkien ma’ kodiċi minn għajn oħra. -------------------------------------------------- L-ANNESS IV TIKKETTA IMSEMMIJA FL-ARTIKOLI 2(4) U 22 +++++ TIFF +++++ -------------------------------------------------- L-ANNESS V KODIĊIJIET LI JRIDU JKUNU INKLUŻI FID-DESKRIZZJONI TAL-KAMPJUNI U UNITAJIET TA' QISIEN LI JRIDU JINTUŻAW F'PERMESSI U ĊERTIFIKATI SKOND L-ARTIKOLU 4(3)(a) U (b) g = grammi kg = kilogrammi l = litri cm3 = ċentimetri kubi ml = millilitri m = metri m2 = metri kwadri m3 = metri kubi Nru = numru ta' kampjuni Deskrizzjoni | Kodiċi | Unitajiet preferiti | Unitajiet alternattivi | Spjegazzjoni | Qoxra | BAR | kg | | Qoxra tas-siġra (naturali, imnixxfa jew magħmula trab, mhux proċessata) | Ġisem | BOD | Nru | kg | Annimali mejta sostanzjalment sħaħ, li jinkludu ħut frisk jew proċessat, fkieren tal-baħar mimlija, friefet ibbalzmati, rettili fl-alkohol, trofej tal-kaċċa shah u bbalzmati, eċċ | Għadma | BON | kg | Nru | Għadam, inkluż ixdqa | Calipee | CAL | kg | | Calipee jew calipash | Carapace | CAP | Nru | kg | Qxur sħaħ naturali jew mhux maħduma ta' l-ispeċi Testudinata | Tinqix | CAR | kg | m3 | Oġġetti skolpiti (inkluż fl-injam, u nkluż xogħol lest prodotti ta' l — injam bħal għamara, strumenti mużikali u artiġjanat). NB: hemm ftit speċi li minnhom iktar minn tip wieħed ta'prodott jista’ jiġi skolpit (eż. qarn u għadma); meta meħtieġ, id-deskrizzjoni għandha għalhekk tindika t-tip ta'prodott (eż. skultura ta'qarn) | Kavjar | EGG | kg | | Kavjar | Laqx | CHP | kg | | Laqx ta'l-injam, speċjalment Aquilaria malaccensis u Pterocarpus santalinus | Difer | CLA | Nru | kg | Dwiefer — eż. ta'Felidae, Ursidae jew Crocodylia (NB: "dwiefer tal-fekruna tal-baħar" huma ġeneralment qxur u mhux verament dwiefer) | Ċarruta | CLO | m2 | kg | Ċarruta — jekk iċ-ċarruta mhix magħmula kollha kemm hi minn xagħar ta' l-ispeċi tal-CITES, il-piż tax-xagħar ta' l-ispeċi konċernata għandu minflok, jekk possibli, ikun reġistrat taħt "XGĦR" | Qroll (naturali) | COR | kg | Nru | Qroll mejjet u qroll tal-blat (NB: il-kummerċ irid ikun reġistrat bin- numru ta' biċċiet biss jekk il-kampjuni tal-qroll ikunu trasportati bil-baħar) | Kultura | CUL | Nru ta'flasks eċċ. | | Kulturi ta'pjanti mnisslin artifiċjalment | Derivattivi | DER | kg/l | | Derivattivi (għajr dawk inklużi bnadi oħra f'din it-tabella) | Pjanti mnixxfin | DPL | Nru | | Pjanti mnixxfin — eż. kampjuni ta' erbarju | Widna | EAR | Nru | | Widnejn ġeneralment ta' l-iljunfant | Bajda | EGG | Nru | kg | Bajd shih mejjet jew hżien (ara wkoll kavjar) | Bajda (ħajja) | EGL | Nru | kg | Bajd ħaj — ġeneralment għasafar u rettili imma jinkludu ħut u invertebrati oħra | Estratt | EXT | kg | l | Estratt — ġeneralment estratti ta'pjanti | Rixa | FEA | kg/Nru ta'ġwienah | Nru | Rix — fil-każ ta' oġġetti (eż. stampi) magħmula mir-rix, irreġistra n-numru ta' oġġetti | Fibra | FIB | kg | m | Fibri — eż. fibri minn pjanti imma jinkludu fibri tal-pali tat-tennis | Fjura | FLO | kg | | Fjuri | Qasrija għall-fjuri | FPT | Nru | | Qsari għall-fjuri magħmula minn partijiet ta'pjanta, eż. Fibri tad-diksonja (NB: pjanti ħajjin negozjati fi qsari ta' Komunità għandhom jiġu reġistrati bħala pjanti ħajjin, mhux bħala qsari għall-fjuri) | Saqajn taż-żrinġijiet | LEG | kg | | Saqajn taż-żrinġijiet | Frott | FRU | kg | | Frott | Sieq | FOO | Nru | | Saqajn — eż. ta' l-iljunfant, rinoċeronte, ippopotamu, ljun, kukkudrill, eċċ. | Marrara | GAL | kg | | Marrara | Bużżieqa tal-marrara | GAB | Nru | kg | Bużżieqa tal-marrara | Indument | GAR | Nru | | Ħwejjeġ ta' l-ilbies — inklużi ingwanti u kpiepel imma mhux żraben; inklużi tirqim jew dekorazzjonijiet fuq il-ħwejjeġ | Organi ġenitali | GEN | kg | Nru | Kastrati u peni mnixxfin | Għeruq għat-tilqim | GRS | Nru | | Għeruq għat-tilqim (mingħajr it-tilqim) | Xagħar | HAI | kg | g | Xagħar — inkluż ix-xagħar ta' l-annimali kollha, eż. ta' l-iljunfant, yak, vicuña, guanaco | Qarn | HOR | Nru | kg | Qrun — inklużi l-qrun taċ-ċriev | Prodott tal-ġilda (żgħar) | LPS | Nru | | Prodotti tal-ġilda żgħar manifatturati, eż. ċinturini, ċingi, sruġ tar-roti, portafolli għaċ-ċekkijiet jew karti ta' kreditu, msielet, basktijiet ta' l-idejn, ornamenti għaċ-ċwievet, kotba għan-noti, portmonijiet, żraben, boroż tat-tabakk, kartieri, ċineg ta' l-arloġġi | Prodott tal-ġilda (kbar) | LPL | Nru | | Prodotti tal-ġilda kbar manifatturati — eż. kaxxetti tad-dokumenti, għamara, bagalji, bagolli ta' l-ivjaġġar | Hajjin | LIV | Nru | | Annimali u pjanti ħajjin. Kampjuni ta' qroll ħaj trasportati fl-ilma għandhom ikunu reġistrati skond in-numru ta' biċċiet biss | Werqa | LVS | Nru | kg | Weraq | Zkuk maqtugħa | LOG | m3 | | L-injam kollu mhux maħdum, kemm bil-qoxra u mnixxef u kemm le, jew kwadrat fuq fuq, għall-ipproċessar biċċa l-kbira f'injam isserrat, polpa ta' l-injam jew fuljetta kummerċ ta' zkuk maqtugħa għall-għan speċjali ta' injam negozjat skond il-piż (eż. lignum vitae, Guaniacum spp) għandu jkun reġistrat f'kg | Laħam | MEA | kg | | Laħam, inkluż laham tal-ħut jekk mhux sħiħ, (ara korp) | Mediċina | MED | kg/l | | Mediċina | Misk | MUS | g | | Misk | Żejt | OIL | kg | l | Żejt — eż. minn fkieren tal-baħar, bumerini, baleni, ħut, pjanti diversi | Biċċiet ta' l-għadam | BOP | kg | | Biċċiet tal-għadam, mhux manifatturati | Biċċiet tal-qrun | HOP | kg | | Biċċiet tal-qrun, mhux manifatturati inkluż l-iskart | Biċċiet ta' l — avorju | IVP | kg | | Biċċiet ta' l-avorju, mhux manifatturati, inkluż skart | Pjanċa | PLA | m2 | | Folji ta' ġlud tal-fer — inklużi twapet żgħar jekk magħmula minn diversi folji ta' ġlud | Trab | POW | kg | | Trab | Għerq | ROO | Nru | kg | Għeruq, basal, basal tal-qasab u tuberi | Injam isserrat | SAW | m3 | | Injam sempliċement isserrat mit-tul jew prodott minn proċess ta' tqattiegħ fuq il-profil; normalment jaqbeż 6 mm fi ħxuna. NB: kummerċ ta' injam isserrat għall-għan speċjali ta'njam negozjat bil-piż (eż. lignum vitae, Guaniacum spp) għandu jkun reġistrat f'kg | Qoxra | SCA | kg | | Qoxra — e.g. tal-fekruna tal-baħar, ta' rettili oħra, tal-ħut, tal-pangolini | Żerriegħa | SEE | kg | | Żrieragħ | Qoxra | SHE | Nru | kg | Qoxra naturali jew mhux mahduma ta' molluski | Ġenb | SID | Nru | | Ġnub jew falda tal-ġlud; ma jinkludux oqfsa Tinga tal-kukkudrill (ara taht "ġilda") | Skeletru | SKE | Nru | | Skeletri sostanzjalment sħaħ | Ġilda | SKI | Nru | | Ġlud sostanzjalment sħaħ, naturali jew ikkunzati, li jinkludu oqfsa Tinga tal-kukkudrill | Biċċiet tal-ġilda | SKP | Nru | | Biċċiet tal-ġilda — inklużi skart, kranji naturali jew ikkunzati | Kranju | SKU | Nru | | Kranji | Soppa | SOU | kg | 1 | Soppa — e.g. tal-fekruna tal-baħar | Kampjun (xjentifiku) | SPE | kg/l/ml | | Kampjuni speċifiċi — inkluż demm, tessut, (e.g. kliewi, milsa, eċċ) preparazzjonijiet istoloġiċi, eċċ. | Zokk ta' werqa | STE | Nru | kg | Zkuk tal-pjanti | Denb | TAI | Nru | kg | Dnub — e.g. tal-kajman (għall-ġilda) jew volpi (għal tirqim ta'lbies, għenuq, boa, eċċ.) | Sinna | TEE | Nru | kg | Snien — e.g tal-baliena, iljun, ipoppatamu, kukkudrill, eċċ. | Injam | TIM | m3 | kg | Injam naturali minbarra zkuk isserrati u njam isserrat | Trofew | TRO | Nru | | Trofej — il-partijiet kollha ta' trofej ta' annimal jekk esportati flimkien: eż. qrun (2), kranju, cape, ġilda tad-dahar, denb u saqajn (i.e. għaxar kampjuni) jikkostitwixxu trofew wieħed. Iżda, per eżempju, jekk il-kranju u l-qrun huma l-uniċi kampjuni ta' annimal esportati, imbagħad dawk l-oġġetti flimkien għandhom ikunu reġistrati bħala trofew wieħed. Inkella l-oġġetti għandhom jiġu reġistrati separatament. Korp ibbalzmat wieħed hu reġistrat taħt "KRP". Ġilda waħedha hi reġistrata taħt "ĠLD" | Nejba | TUS | Nru | kg | Injiebi sostanzjalment sħaħ, kemm maħduma u kemm le. Inklużi njiebi ta' l-iljunfant, ipoppotami, walrus, narwhal, imma mhux snien oħra, | Folji tal-fuljetta fuljetta rotatorjabiċċiet ta' verniċ | VEN | m3, m2 | kg | Saffi rqaq jew folji ta' injam ta' ħxuna waħda, ġeneralment hxuna ta' 6 mm jew inqas, ġeneralment imqaxxra (fuljetta rotatorja) jew imqatta(fuljetta mqatta biċċiet), li jintużaw biex isir ll-plywood, għall-kisi ta' l-għamara għall-kisi ta' kontenituri, eċċ. | WAX Xama' | WAX | kg | | Xama', inkluż l-ambergris | -------------------------------------------------- L-ANNESS VI REFERENZI STANDARD GĦAL NOMENKLATURA LI GĦANDHOM JINTUŻAW SKOND L-ARTIKOLU 4(3)(C) BIEX JINDIKAW ISMIJIET XJENTIFIĊI TA' SPEĊI FIL-PERMESSI U Ċ-ĊERTIFIKATI (a) Mammal species of the world: A taxonomic and geographic reference, 2nd edition, (edited by D. E. Wilson and D. M. Reeder, 1993, Smithsonian Institute Press) ghan-nomenklatura mammifera hlief ghall-ģener Balaenoptera in Rice, D.W., 1998: Marine mammals of the world. Systematics and distribution. Special Publication No 4: i-ix, 1-231; The Society for Marine Mammals. (b) A reference list of the birds of the world (J. J. Morony, W. J. Bock u J. Farrand Jr, 1975, American Museum of Natural History) dwar l-ordni u l-livell fil-familji ta' ismijiet ta' l-għasafar. (c) Distribution and taxonomy of birds of the world (C. G. Sibley and B. L. Monroe Jr, 1990, Yale University Press) and A supplement to: Distribution and taxonomy of birds of the world (Sibley and Monroe, 1993; Yale University Press) għall-ġenerus u l-ismijiet ta' l-ispeċi ta' għasafar. (d) Schildkröte, Krokodile, Brückenechsen (Wermuth, H. and R. Mertens, 1996 (stampat mill-ģdid), i-xxvi, 1-506, Gustav Fischer Verlag, Jena, ISBN 3-437-35048-X) Schildkröte, Krokodile, Brückenechsen (Wermuth, H. and R. Mertens, 1996 (reprint), i-xxvi, 1-506, Gustav Fischer Verlag, Jena, ISBN 3-437-35048-X) għall-ismijiet tal-kukkudrilli, fkieren tal-baħar, fkieren u tuataras, u A revised checklist with distribution maps of the turtles of the world (Iverson, J.B., 1992 (Iverson, J.B., 1992: i-xiii, 1-363, stampat privatament u A revised checklist with distribution maps of the turtles of the world (Iverson, J.B., 1992: i-xiii, 1-363, stampat privatament, J.B. Iverson, Dept of Biology, Earlham College, Richmond, Indiana 47374, United States of America, ISBN 0-9617431-0-5) għad-distribuzzjoni tal-fkieren u l-fkieren tal-baħar. (e) Herpetology (Pougħ, F.H., R.M. Andrews, J.E. Cadle, M.L. Crump, A.H. Savitzky u K.D. Wells, 1998, i-xi, 1-577) għad-delimitazzjoni tal-familji tas-Sauria. (f) Chamaeleonidae (C.J.J. Klaver u W. Böhme, 1997. Das Tierreich 112: i-xv, 1-85; Walter de Gruyter, Berlin, New York, ISBN 3-11-015187-1) għall-ismijiet ta' l-ispeċi kollha ta' kamaleonti. (g) Reptiles del noroeste, nordeste y este de la Argentina - Herpetofauna de las selvas subtropicales, puna y pampa. 1993 (Cei, José M. In Monografie XIV, Museo Regionale di Scienze Naturali), Lizards of Brazilian Amazonia (Avila Pires, T.C.S., 1995, Zool. Verh. 299: 1-706, Nationaal Natuurhistorisch Museum, Leiden, ISBN 90-73239-40-0); A new species of Tupinambis Squamata Tupinambis (Squamata: Teiidae from Central Brazil,with an analysis of morphological and genetic variation in the genus Colli, G.R., A.K. Péres and H.J. da Cunha, 1998,Herpetologika 54 (4): 477-492ħ; u A new species of Tupinambis Daudin, 1802 (Squamata, Teiidae) from Central Brazil (Manzani, P.R. u A.S. Abe, 1997, Boletim do Museu Nacional. Nov. Ser. Zool. 382: dwar l-isminjiet ta' l-ispeċi tal-ġeneru Tupinambis. (h) Snake species of the world: A taxonomic and geographical reference: Volume 1 (Campbell, McDiamid u Touré, 1997), ippublikat taħt l-awspiċi Herpetologists' League,, għan-nomenklatura ta' sriep, minbarra għal każi li ġejjin: l-ismijiet segwenti għas-sriep boid Malagasy għandhom ikomplu jintużaw: Acrantophis dumerilii Jan, 1860, Acrantophis madagascariensis (Duméril & Bibron, 1844) u Sanzinia madagascariensis (Duméril & Bibron, 1844); fil-ġeneri, Calabaria, Charina u Lichanura, l-ismijiet li ġejjin għandhom ikomplu jintużaw: Calabaria reinhardtii (Schlegel, 1848), Charina bottae (Blainville, 1935) u Lichanura trivirgata (Cope, 1861); u fil-każ tas-subspeċi tal-Piton molurus, żewġ subspeċi huma magħrufa, l-iktar P. m. molurus (Linnaeus, 1758) u P. m. bivittatus Kuhl, 1820. (i) Amphibian species of the world: A taxonomic and geographic reference (D. R. Frost, 1985,Allen Press and The Association of Systematics Collections) and Amphibian species of the world: Additions and corrections (W. E. Duellman, 1993, University of Kansas) for amphibian nomenclature u A review of the genus Mantella (Anura, Ranidae, Mantellinae): taxonomy, distribution and conservation of Malagasy poison frogs, (Vences, M., F. Glaw and W. Böhme, 1999; Alytes 17(1-2): 3-72) għall-ġeneru Mantella. (j) Catalogue of Fishes. (Eschmeier, W. N., 1998, Vol. 1. Industrial materials. Speċi ta' Ħut A-L: 1-958. Vol. 2. Speċi ta' Ħut M-Z: 959-1820. Vol. 3. Genera of Fishes. Species and genera in a classification. Letteratura ċitata. Appendiċi: 1821-2905..California Academy of Sciences, ISBN 0-940228-47-5) for the taxonomy and the names of all fishes. (k) Għar-razza Brachypelma għandha tintuża n-nomenklatura li ġejja: Brachypelma albopilosum Valerio, 1980; Brachypelma angustum Valerio, 1980; Brachypelma auratum Schmidt, 1992; Brachypelma aureoceps (Chamberlin, 1917); Brachypelma baumgarteni Smith, 1993; Brachypelma boehmei Schmidt & Klaas, 1994; Brachypelma embrithes (Chamberlin & Ivie, 1936); Brachypelma emilia (White, 1856); Brachypelma epicureanum (Chamberlin, 1925); Brachypelma fossorium Valerio, 1980; Brachypelma mesomelas (Pickard-Cambridge, 1892); Brachypelma sabulosum (Pickard-Cambridge, 1897); Brachypelma smithi (Pickard-Cambridge, 1897) (jinkludi s-sinonimi Brachypelma annitha u Brachypelma harmorii); Brachypelma vagans (Ausserer, 1875). (l) The Plant Book, edizzjoni stampata mill-ġdid, (D. J. Mabberley, 1990, Cambridge University Press) għall-ismijiet ġeneriċi tal-pjanti tal-CITES kollha, sakemm ma jihdulhomx posthom listi ta' spezzjonijiet standard adottati mill-Konferenza tal-Partijiet kif imsemmi f'paragrafi (n) sa (r). (m) A Dictionary of Flowering Plants and Ferns, għas-sinonimi ġeneriċi mhux imsemmija f' The Plant Book, sakemm ma jihdulhomx posthom listi ta'spezzjoni jiet standard adottati mill-Konferenza tal-Partijiet kif imsemmi f'paragrifi (m) sa (q). (n) A World List of Cycads (D. W. Stevenson, R. Osborne and K.D. Hill, 199A World List of Cycad (D. W. Stevenson, R. Osborne and K.D. Hill, 1995; Fi: P. Vorster (Ed.), Proceedings of the Third International Conference on Cycad Biology, pp. 55-64, Cycad Society of South Africa, Stellenbosch) u l-aġġornamenti tiegħu aċċettati mill-Kumitat għan-Nomenklatura, bħala linja ta'gwida meta ssir referenza għal ismijiet ta' speċi tal-Cycadaceae, Stangeriaceae u Zamiaceae. (o) The Bulb Checklist (1997, compiled by the Royal Botanic Gardens, Kew, United Kingdom The Bulb Checklist u l-aġġornamenti tiegħu aċċettati mill-Kumitat għan-Nomenklatura, bħala linja ta' gwida meta ssir referenza għall-ismijiet ta' speċi ta'Cyclamen (Primulaceae) u Galanthus u Sternbergia (Liliiaceae). (p) The CITES Checklist of Succulent Euphorbia Taxa (Euphorbiaceae) (1997, pubblikata mill-German Federal Agency for Nature Conservation) u l-aġġornamenti tagħha aċċettati mill-Kumitat għan-Nomenklatura, bħala linja ta' gwida meta ssir referenza għall-ismijiet ta' speċi ta' succulent euphorbias. (q) CITES Cactaceae checklist, second edition (1999, ikkompilat minn D. Hunt, Royal Botanic Gardens, Kew, United Kingdom) u l-aġġornamenti tiegħu aċċettati mill-Kumitat ta' Nomenklatura, bħala linja ta' gwida meta jsiru referenzi għal ismijiet ta' speċi tal-Cactaceae. (r) CITES orchid checklist, (ikkompilata mill- Royal Botanic Gardens, Kew, United Kingdom) u l-aġġornamenti tagħha aċċettati mill-Kumitat ta' Nomenklatura, bħala linja ta' gwida meta ssir referenza għal ismijiet ta' speċi ta' Cattleya, Cypripedium, Laelia, Paphiopedilum, Phalaenopsis, Phragmipedium, Pleione u Sophronitis (Volum I, 1995) u Cymbidium, Dendrobium, Disa, Dracula u Encyclia (Volum 2, 1997). -------------------------------------------------- L-ANNESS VII 1. Kodiċijiet għall-indikazzjoni f'permessi u ċertifikati għall-għan ta' xi transazzjoni, imsemmijin fl-Artikolu 4(3)(d) B = Trobbija fil-magħluq jew tnissil artifiċjali E = Edukattiv Ġ = Ġonna Botaniċi H = Trofej tal-Kaċċa L = Infurzar M = Riċerka bijomedika N = Introduzzjoni mill-ġdid jew introduzzjoni f'ambjent naturali P = Personali Q = Ċirkli u wirjiet li jimxu minn post għal iehor S = Xjentifiku T = Kummerċjali Z = Żoos 2. Kodiċijiet għall-indikazzjoni f'permessi u ċertifikati ta' l-għejun tal-kampjuni, imsemmijin fl-Artikolu 4(3)(e) W = Kampjuni meħuda mill-ambjent naturali R = Kampjuni li joriġinaw minn operazzjoni ta' ranching D = l-Anness A annimali mrobbija fil-magħluq għal għanijiet kummerċjali u l-Anness A pjanti imnissla artifiċjalment għal għanijiet kummerċjali skond il-Kapitolu III tar-Regolament (KE) Nru 1808/2001, kif ukoll partijiet u derivattivi tagħhom A = l-Anness A pjanti mnisslin artifiċjalment għal għanijiet mhux kummerċjali u l-Annessi B u C pjanti mnisslin artifiċjalment skond il-Kapitolu III tar-Regolament (KE) Nru 1808/2001, kif ukoll partijiet u derivattivi tagħhom Ċ = l-Anness A annimali mrobbija fil-magħluq għal għanijiet mhux kummerċjali u l-Annessi B u C annimali mrobbija fil-magħluq skond il-Kapitolu III tar-Regolament (KE) Nru 1808/2001, kif ukoll partijiet u derivattivi tagħhom F = Annimali mwielda fil-magħluq, imma li dwarhom ma jitharsux il-kriterji tal-Kapitolu III tar-Regolament (KE) Nru 1808/2001, kif ukoll partijiet u derivattivi tagħhom I = Kampjuni konfiskati jew maqbuda [1] O = Qabel il-Konvenzjoni [2] U = L-għajn mhix magħrufa (trid tkun ġustifikata) [1] Trid tintuża biss flimkien ma’ kodiċi minn għajn oħra. [2] Trid tintuża biss flimkien ma’ kodiċi minn għajn oħra. -------------------------------------------------- L-ANNESS VIII SPEĊI TA' ANNIMALI MSEMMIJIN FL-ARTIKOLU 32(A) AVES ANSERIFORMES Anatidae Anas laysanensis Anas querquedula Aythya nyroca Branta ruficollis Branta sandvicensis Oxyura leucocephala GALLIFORMES Phasianidae Catreus wallichi Colinus virginianus ridgwayi Crossoptilon crossoptilon Crossoptilon mantchuricum Lophophurus impejanus Lophura edwardsi Lophura swinhoii Polyplectron emphanum Syrmaticus ellioti Syrmaticus humiae Syrmaticus mikado COLUMBIFORMES Columbidae Columba livia PSITTACIFORMES Psittacidae Cyanoramphus novaezelandiae Psephotus dissimilis PASSERIFORMES Fringillidae Carduelis cucullata --------------------------------------------------