Id-Direttiva tal-Kummissjoni 2001/57/KE.

tal-25 ta’Lulju 2001

li temenda l-Annessi tad-Direttivi tal-Kunsill 86/362/KEE, 86/363/KEE u 90/642/KEE dwar l-iffissar tal-livelli massimi tar-residwi tal-pestiċidi fi u fuq iċ-ċereali, fi u fuq l-oġġetti ta’ l-ikel ta' oriġini mill-annimali u ċerti prodotti li ġejjin mill-pjanti, inklużi l-frott u l-ħxejjex rispettivament

(Test b’relevanza ŻEE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 86/362/KEE ta’ l-24 ta’Lulju 1986 dwar l-iffissar tal-livelli massimi tar-residwi tal-pestiċidi fi u fuq iċ-ċereali [1], kif l-aħħar emendata bid-Direttiva tal-Kummissjoni 2001/48/KE [2], u b’mod partikolari l-Artikolu 10 tagħha,

Wara li kkunsidrat id-Direttiva tal-Kunsill 86/363/KEE ta’ l-24 ta’Lulju 1986 dwar l-iffissar tal-livelli massimi tar-residwi tal-pestiċidi fi u fuq l-oġġetti ta’ l-ikel li ġejjin mill-annimali [3], kif l-aħħar emendata bid-Direttiva tal-Kummissjoni 2001/39/KE [4], u b’mod patrtikolari l-Artikolu 10 tagħha,

Wara li kkunsidrat id-Direttiva tal-Kunsill 90/642/KEE tas-27 Novembru 1990 dwar l-iffissar tal-livelli massimi tar-residwi tal-pestiċidi fi u fuq ċerti prodotti li ġejjin mill-pjanti inklużi l-frott u l-ħxejjex [5], kif l-aħħar emendata bid-Direttiva 2001/48/KE, u b’mod partikolari l-Artikolu 7 tagħha,

Wara li kkunsidrat id-Direttiva tal-Kunsill 91/414/KEE tal-15 ta’ Lulju 1991 li tikkonċerna t-tpoġġija fis-suq ta’ prodotti għall-protezzjoni tal-pjanti [6], kif l-aħħar emendata bid-Direttiva tal-Kunsill 2001/49/KE [7], u b’mod partikolari l-Artikolu 4(1)(f) tagħha,

Billi:

(1) Is-sostanza attiva eżistenti, fluroxypyr, ġiet inkluża fl-Anness I tad-Direttiva 91/414/KEE bid-Direttiva tal-Kummissjoni 2000/10/KE [8]. L-ebda livell massimu armonizzat tar-residwi fil-każ ta’ din is-sustanza attiva ma gie stabbilit mill-Kummissjoni. L-armonizzazzjoni tal-livelli massimi tar-residwi hija mixtieqa kemm mill-aspett tas-saħħa pubblika kif ukoll minn dak kummerċjali.

(2) Wara d-dħul tas-sustanzi fl-Anness 1, l-Istati Membri awtorizzaw għadd ta’ prodotti għall-protezzjoni tal-pjanti li fihom minn din, b’konformita ma’ l-Artikolu 4 tad-Direttiva 91/414/KEE, u stabbilew livelli proviżorji massimi tar-residwa kif meħtieġ mill-Artikolu 4(1)(f). Dawn l-awtorizzazzjonijiet jikkonċernaw l-użi bħala erbiċida fil-ġonna jew bħala erbiċida ta’ wara l-ħruġ fuq it-tuffieħ, iż-żebbuġ, iċ-ċereali, fil-marġ u fil-mergħat. Kif meħtieġ b'dik id-Direttiva, dawk il-livelli, u l-informazzjoni li fuqha ġew ibbażati, ġew notifikati lill-Kummissjoni. Din l-informazzjoni flimkien ma’ l-informazzjoni disponibbli minn sorsi oħra ġiet riveduta u hija suffiċjenti biex ikunu stabbiliti ċerti livelli massimi tar-residwu (LMR).

(3) L-Artikolu 5 tad-Direttiva 86/363/KEE jenħtieġ li l-livelli massimi proviżorji tar-residwi għall-prodotti li ġejjin mill-annimali kif stabbilit permezz ta' l-Artikolu 4(1)(f) tad-Direttiva 91/414/KEE ikunu indikati fl-Anness II tad-Direttiva 86/363/KEE.

(4) Ma’ l-inklużjoni fl-Anness I tad-Direttiva 91/414/KEE l-evalwazzjoni teknika u xjentifika tal-fluoroxypyr ġiet mitmuma fit-30 ta’ Novembru 1999 fil-format tar-rapport ta’ revizjoni tal-Kummissjoni għall-fluoroxypyr. F’dan ir-rapport tar-reviżjoni l-inġestjoni aċċettabbli ta’ kulljum (IAK) ta’ l-ispiroxamine ġiet stabbilita bħala 0,8 mg/kg bw/kull jum. L-espożizzjoni tal-konsumaturi tul ħajjithom kollha għall-prodotti ta’ l-ikel ittratti bl-fluoroxypyr kienet stmata u kkalkulata b’konformità mal-proċeduri u l-prattiċi użati fil-Komunità Ewropea, billi ttieħed akkont tal-linji ta' ġwida ppubblikati mill-Organizzazzjoni Dinjija tas-Saħħa [9] u ġie kkalkulat li l-livelli massimi ta’ residwi stabbiliti minn din id-Direttiva ma joħolqux eċċessività ta’ dan il-IAK.

(5) L-effetti tossiċi akuti li jenħtieġu li tkun stabbilita referenza għal doża akuta ma kinux innotati matul l-estimi u d-diskussjonijiet li saru qabel ma s-spiroxamine kien inkluż fl-Anness 1 tad-Direttiva 91/414/KEE.

(6) Biex ikun assigurat li l-konsumatur ikun biżżejjed protett milli jkun espost għar-residwi fi jew fuq prodotti li għalihom ma ngħatatx awtorizzazzjoni, tkun ħaġa prudenti li jkunu stabbiliti sett ta’ livelli proviżorji ta’ residwi lejn in-naħa l-baxxa tal-limitu tad-deteminazzjoni analitika għal dawk il-prodotti kollha koperti bid-Direttivi 86/362/KEE, 86/363/KEE u 90/642/KEE. L-istabbilizzar ta’ livelli Komunitarji ta’ dawn il-livelli massimi proviżorji tar-residwi ma jfixklux lill-Istati Membri milli jistabbilixxu livelli massimi proviżorji tar-residwi għall-fluoroxypyr bi qbil ma’ l-Artikolu 4(1)(f) tad-Direttiva 91/414/KEE u l-Anness VI tagħha.

(7) Erba’ snin huma kkunsidrati bħala perjodu twil biżżejjed biex ikunu stabbiliti l-użi ulterjuri ta’ l-azimsulfuron u l-kalċju tal-prohexadione. Wara dak il-perjodu dawn il-livelli proviżorji massimi tar-residwi għandhom isiru definittivi.

(8) Is-sieħba kummerċjali Komunitarji ġew ikkonsultati dwar il-livelli stabbiliti f’din id-Direttiva permezz ta’ l-Organizzazzjoni Dinjija tal-Kummerċ u l-kummenti tagħhom dwar dawn il-livelli ġew ikkunsidrati. Ma ġewx definiti livelli massimi tal-CODEX għar-residwi tal-fluroxypyr. Il-possibbiltà li jkunu stabbiliti livelli massimi tar-residwi għall-kombinazzjonijiet speċifiċi ta’ pestiċida/prodott għandhom ikunu eżaminati mill-Kummissjoni fuq il-bażi tas-sottomissjoni tad-dettalji aċċettabbli.

(9) L-opinjonijiet tal-Kumitat Xjentifiku dwar il-Pjanti, b’mod partikolari l-parir u r-rakkomandazzjonijiet rigward il-protezzjoni tal-konsumaturi tal-prodotti ta’ l-ikel li jkunu ttrattati bil-pestiċidi, ġew ikkunsidrati.

(10) Din id-Direttiva hija bi qbil ma’ l-opinjoni tal-Kumitat Permanenti dwar is-Saħħa tal-Pjanti,

ADOTTAT DIN ID-DIRETTIVA:

Artikolu 1

Fil-parti A ta’ l-Anness II tad-Direttiva 86/362/KEE ir-ringieli li ġejjin qed jiġu miżjuda:

"Residwi tal-pestiċida | Livell massimu (mg/kg) |

Fluroxypyr inklużi l-esteri tiegħu espressi bħala fluroxypyr | 0,1 Xgħir, ħafur, segala, triticale u qamħ |

0,05 Ċereali oħrajn |

Artikolu 2

Dan li ġej għandu jiżdied mal-parti B ta’ l-Anness II tad-Direttiva 86/363/KEE:

"Residwi tal-pestiċda | Livelli massimu (mg/kg) |

Ta' laħam, inkluæ ix-xaħam, preparattivi tal-laħam, raċanċ u xaħmijiet kif elenkati fl-anness I fil-NM kodiċi 0201, 0202.0203,0204, 02050000, 0206, 0207, ex0208, 020900, 0210, 160100 u 1602 | Għall-ħalib u l-prodotti tal-ħalib L-Anness I fil-Kodiċi NM 0401 0402, 040500 u 0406 | Tal-bajd frisk bil-qoxra, għall-bajd u l-isfra tal-bajd kif elenkati fl-Anness I fil-Kodiċi NM u 0408 |

Fluroxypyr | 0,5 ex 0206 Fwied | 0,05 | 0,05 |

0,05 prodotti oħrajn | | |

Artikolu 3

Fl-Anness II tad-Direttiva 90/642/KEE il-kolonni intestati "Flouroxypyr", inklużi l-esteri tagħha espressi bħala "fluorocypyr" kif stabbiliti fl-Anness ta’din id-Direttiva huma miżjuda.

Artikolu 4

Din id-Diretiva għandha tidħol fis-seħħ fl-20 ġurnata ta' wara l-pubblikazzjoni tagħha fil-Ġurnal Uffiċjali tal-Komunitajiet Ewropej.

L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi meħtieġa biex ikunu konformi ma’ din id-Direttiva sat-28 ta’ Frar 2002 l-aktar tard. Dawn għandhom jinfurmaw immedjatament lill-Kummissjoni bihom.

Dawn għandhom japplikaw dawk id-disposizzjonijiet mill-1 ta’ Marzu 2002.

Meta l-Istati Membri jadottaw dawn id-disposizzjonijiet, dawn għandhom ikun fihom referenza għal din id-Direttiva jew ikunu akkumpanjati minn dik ir-referenza fl-okkażjoni tal-pubblikazzjoni uffiċjali tagħhom. L-Istati Membri għandhom jistabbilixxu kif għandha ssir din ir-referenza.

Artikolu 5

Din id-Direttiva hija indirizzata lill-Istati Membri.

Magħmula fi Brussel, 25 Lulju 2001.

Għall-Kummissjoni

David Byrne

Membru tal-Kummissjoni

[1] ĠU L 221, tas-7.08.86, p. 37.

[2] ĠU L 180, tat-3.07.01, p. 26.

[3] ĠU L 221, tas-7.08.86, p. 43.

[4] ĠU L 148, ta’ l-1.06.01, p. 70.

[5] ĠU L 350, ta’ l-14.12.90, p. 71.

[6] ĠU L 230, tad-19.08.91, p. 1.

[7] ĠU L 176, tad-29.06.01, p. 61.

[8] ĠU L 57, tat-2.03.00, p. 28.

[9] Il-linji ta' gwida għat-tbassir ta' l-inġestjoni djetetika tar-residwi tal-pestiċidi (riveduti), imħejjija mill-Programm ĠEMS/Fodd b’kollaborazzjoni mal-Kumitat Codex tar-Residwi tal-Pestiċidi, ippubblikati mill-Organizzazzjoni Dinjija tas-Saħħa 1997 (WHO/FSF/FOS/97.7).

--------------------------------------------------

ANNESS

Gruppi u eżempji ta' prodotti individwali li għalihom japplikaw il-massimi tal-livelli tar-residwi | Residwu ta' pestiċida u livelli massimi tar-residwi (mg/kg) |

Fluroxypyr inklużi l-esteri tiegħu espress bħala spiroxamine |

1.Frott, frisk, imqadded jew mhux imsajjar, ippreservat bil-friża, li ma jkunx fih zokkor miżjud; ġewż | 0,05 |

(i)FROTT TAĊ-ĊITRU (Agrumi)

Tronġiet | |

Lumi | |

Xkomp | |

Mandolin (inkluża l-klementina u ibridi oħra) | |

Larinġ | |

Pomelos | |

Oħrajn | |

(ii)LEWŻ TAS-SIĠRA (bil-qoxra jew mingħajrha)

Lewż | |

Ġewż tal-Brażil | |

Ġewż tal-kexju | |

Qastan | |

Ġewż ta' l-Indji | |

Ġellewż | |

Makadamia | |

Pekani | |

Lewż ta' l-arżnu (prinjoli) | |

Pistaċċi | |

Ġewż | |

Oħrajn | |

(iii)FROTT POME (razza tat-tuffieħ)

Tuffieħ | |

Lanġas | |

Sfarġel | |

Oħrajn | |

(iv)FROTT TA' L-GĦADMA

Berquq | |

Ċirasa | |

Ħawħ (inkluża n-nektarina u ibridi simili) | |

Għanbaqar | |

Oħrajn | |

(v)KUKKU U FROTT IRQIEQ

(a)Għeneb tal-mejda u ta' l-inbid

Għeneb tal-mejda | |

Għeneb ta' l-inbid | |

(b)Frawli (minbarra dak selvaġġ) | |

(ċ)Frott tal-qasab (minbarra dak selvaġġ)

Tut | |

Dewberries | |

Loganberries | |

Ċawsli | |

Oħrajn | |

(d)Frott irqieq ieħor u kukku(mhux selvaġġ)

Qerqnin | |

Cranberries | |

Passolina (ħamra, sewda u bajda) | |

Ribes | |

Oħrajn | |

(e)Kukku selvaġġ u frott selvaġġ | |

(vi)Mixxellanji

Avokados | |

Banana | |

Tamal | |

Tin | |

Kiwi | |

Kumkwat | |

Litċi | |

Mangi | |

Olives Żebbuġ | |

Frott tal-passjoni | |

Ananas | |

Rummien | |

Oħrajn | |

2.Ħaxix, frisk jew mhux imsajjar, iffriżat jew niexef | 0,05 |

(i)ĦAXIX TA' L-GĦERUQ U TUBERI

Pitravi | |

Zunnarija | |

Krafes | |

Għerq tal-mustarda | |

Artiċoks | |

Zfunnarija bajda | |

Għerq tat-tursin | |

Ravanell | |

Salsafja | |

Patata ħelwa | |

Rapa Svediża | |

Nevew | |

Yam | |

Oħrajn | |

(ii)ĦAXIX TAL-FAXX (tal-basla)

Tewm | |

Basal | |

Basal abjad | |

Basal frisk | |

Oħrajn | |

(iii)ĦAXIX TAL-FROTT

(a)Solanacea

Tadam | |

Bżar aħdar | |

Brunġiel | |

Oħrajn | |

(b)Kukubriti bil-qoxra li tittiekel

Ħjar | |

Ħjar tal-pikles | |

Qarabali | |

Oħrajn | |

(ċ)Kukubriti bil-qoxra li ma tittikilx

Bettieħ | |

Ilbieba tal-qara' | |

Dulliegħ | |

Oħrajn | |

(d)Qamħirrun | |

(iv)ĦAXIX TAL-BRASSIKA

(a)Brassika tal-fjuri

Brokkoli | |

Pastard | |

Oħrajn | |

(b)Brassika tar-ras

Brussel sprouts | |

Kaboċċi tar-ras | |

Oħrajn | |

(ċ)Brassika tal-weraq

Kaboċċi ċiniż | |

Kale | |

Oħrajn | |

(d)Kolorabi | |

(v)ĦAXIX TAL-WERQA U ĦWAWAR FRISKI

(a)Ħass u oħrajn simili

Krexxuni | |

Ħass tal-ħaruf | |

Ħass | |

Scarole | |

Oħrajn | |

(b)Spinaċi u prodotti simili

Spinaċi | |

Weraq tal-pitravi (chard) | |

Oħrajn | |

(ċ)Krexxuni | |

(d)Witluf | |

(e)Ħwawar

Maxxita | |

Kurrat selvaġġ | |

Tursin | |

Weraq tal-krafes | |

Oħrajn | |

(vi)ĦXEJJEX LEGUMINUŻI (ħxejjex ta' l-imwieżat) (friski)

Ful (bil-miżwed) | |

Ful (bla miżwed) | |

Piżelli (bil-miżwed) | |

Piżelli (bla miżwed) | |

Oħrajn | |

(vii)ĦAXIX TAZ-ZOKK (frisk)

Asparagus | |

Karduni | |

Krafes | |

Bużbież | |

Qaqoċċ | |

Kurrat | |

Rabarbru | |

Oħrajn | |

(viii)FAQQIEGĦ (fungi)

(a)Faqqiegħ ikkultivat | |

(b)Faqqiegħ selvaġġ | |

3.Ħaxix ta' l-imwieżet | 0,05 |

Fażola | |

Għads | |

Piżelli | |

Oħrajn | |

4.Żrieragħ taż-żejt | 0,05 |

Żerriegħa tal-kittien | |

Karawett | |

Żerriegħa tal-peprin | |

Ġunġlien | |

Żerriegħa tal-ġirasol | |

Żerriegħa tal-lift (tar-rapa) | |

Fażola tas-sojja | |

Żerriegħa tal-mustarda | |

Żerriegħa tal-qoton | |

Oħrajn | |

5.Patata | 0,05 |

Patata bikrija | |

Patata mwaħħra | |

6.Tè (weraq u zkuk, imnixxfa, iffermentati jew xorta oħra, mill-weraq tal-Camellia sinensis) | 0,1 |

7.Hops (imnixxef), inklużi l-boċċi tal-ħops u trab mhux ikkonċentrat | 0,1 |

--------------------------------------------------