Id-Deċiżjoni tal-Kunsill

tas-26 ta' Frar 2001

dwar il-konklużjoni ta' Ftehim bejn il-Komunità Ewropea u l-Istati Uniti ta' l-Amerika li jirrinova program ta' kooperazzjoni fl-Edukazzjoni għola u Edukazzjoni vokazzjonali u t-taħriġ

(2001/196/KE)

IL-KUNSILL TA' L-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea, u partikolarment l-Artikolu 149 u 150 flimkien ma' l-ewwel subparagrafu ta' l-Artikolu 300(3),

Wara li kkunsidra l-proposta mill-Kummissjoni,

Wara li kkunsidra l-opinjoni tal-Parlament Ewropew,

Billi:

(1) Permezz tad-Deċiżjoni tat-22 May 2000 il-Kunsill awtoriżża lill-Kummissjoni sabiex tinnegozja Ftehim għall-kooperazzjoni fl-Edukazzjoni għola u stħarriġ professjonali bejn il-Komunità Ewropea, il-Kanada u l-Istati Uniti ta' l-Amerika.

(2) Il-Komunità u l-Istati Uniti ta' l-Amerika jippretendu li jiksbu benfiċju reċiproku minn dina l-kooperazzjoni, li għandha, min-naħa tal-Komunità, tikkumplimenta l-programmi bilaterali bejn L-Istati Membri u l-Istati Uniti ta' l-Amerika u tipprovdi valur miżjud Ewropew.

(3) Il-Ftehim bejn il-Komunità Ewropea u l-Istati Uniti ta' l-Amerika li jirrinova program ta' kooperazzjoni fl-Edukazzjoni għola u l-Edukazzjoni vokazzjonali u t-taħriġ għandha tiġi approvata,

IDDEĊIEDA DAN LI ĠEJ:

Artikolu 1

Il-Ftehim bejn il-Komunità Ewropea u l-Istati Uniti ta' l-Amerika li jirrinova program ta' kooperazzjoni fl-Edukazzjoni għola u l-Edukazzjoni vokazzjonali u t-taħriġ huwa hawnhekk approvat f'isem il-Komunità.

It-test tal-Ftehim hu miżjud ma' din id-Deċiżjoni.

Artikolu 2

Id-delegazzjoni tal-Komunità Ewropea lill-Kumitat Konġunt li jirreferi għalih l-Artikolu 6 tal-Ftehim jikkonsisti fi rappreżentant mill-Kummissjoni assistit minn rappreżentant minn kull Stat Membru.

Artikolu 3

Il-President tal-Kunsill għandu jesegwixxi n-notifikazzjoni previst fl-Artikolu 12 tal-Ftehim.

Magħmul fi Brussel, fis-26 ta' Frar 2001.

Għall-Kunsill

Il-President

A. Lindh

--------------------------------------------------