Official Journal L 043 , 14/02/2001 P. 0038 - 0039
Id-Deċiżjoni tal-Kummissjoni tas-26 ta' Jannar 2001 li temenda d-Deċiżjoni tal-Kunsill 79/542/KEE u d-Deċiżjonijiet 92/260/KEE, 93/195/KEE, 93/196/KEE u 93/197/KEE fir-rigward ta' equidae li jiġu mill-Bosnija u Ħerżegovina (notifikata taħt dokument numru C(2001) 158) (Test b'relevanza għaż-ŻEE) (KE) Nru 117/01 IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jwaqqaf il-Komunitajiet Ewropej, Wara li kkunsidrat id-Direttiva tal-Kunsill 90/426/KEE tas-26 ta' Ġunju 1990 dwar kondizzjonijiet tas-saħħa ta' l-annimali li jirregolaw iċ-ċaqliq u l-importazzjonijiet minn pajjiżi terzi ta' equidae [1], kif l-aħħar emendata bl-Att tas-Sħubija ta' l-Awstrija, il-Finlandja u l-Isvezja, u b'mod partikolari l-Artikoli 12, 15 u 19(i) tagħha, Wara li kkunsidrat id-Direttiva tal-Kunsill 90/675/KEE tal-15 ta' Lulju 1991 li tniżżel il-prinċipji li jirregolaw l-organizzazzjoni ta' verifiki veterinarji fuq annimali li jidħlu fil-Komunità minn pajjiżi terzi, u li temenda d-Direttivi 89/662/KEE, 90/425/KEE, u 90/675/KEE [2], kif l-aħħar emendata bid-Direttiva 96/43/KEE [3] u b'mod partikolari l-Artikolu 18 tagħha, Billi: (1) Id-Deċiżjoni tal-Kunsill 79/542/KEE [4], kif l-aħħar emendata bid-Deċiżjoni 2000/623/KE [5], tistabbilixxi lista ta' pajjiżi terzi li minnhom l-Istati Membri jawtorizzaw l-importazzjonijiet ta' annimali bovini, majjali, equidae, nagħaġ u mogħoż, laħam frisk u prodotti tal-laħam; (2) Il-kondizzjonijiet tas-saħħa ta' l-annimali u ċ-ċertifikazzjoni veterinarja għad-dħul temporanju ta' żwiemel reġistrati u equidae għall-tagħmir u produzzjoni huma mniżżla rispettivament fid-Deċiżjonijiet tal-Kummissjoni 92/260/KEE [6] u 93/197/KEE [7], it-tnejn li huma kif l-aħħar emendati bid-Deċiżjoni 2000/209/KE [8]. (3) Billi l-kondizzjonijiet tas-saħħa u ċ-ċertifikazzjoni veterinarja għad-dħul lura ta' żwiemel reġistrati wara esportazzjoni temporanja huma mniżżla fid-Deċiżjoni tal-Kummissjoni 93/195/KEE [9], kif l-aħħar emendata bid-Deċiżjoni 2000/754/KE [10]; (4) Il-kondizzjonijiet tas-saħħa u ċ-ċertifikazzjoni veterinarja għall-importazzjonijiet ta' equidae għall-qatla huma mniżżla fid-Deċiżjoni tal-Kummissjoni 93/196/KEE [11], kif l-aħħar emendata bid-Deċiżjoni 97/36/KE [12]; (5) Il-Bosnija u Ħerżegovina hija inkluża fil-lista ta' pajjiżi terzi fid-Deċiżjoni 79/542/KEE u tal-kondizzjonijiet tas-saħħa ta' l-annimali u ċertifikazzjoni veterinarja għall-importazzjoni ta' equidae huma mniżżla fid-Deċiżjonijiet tal-Kummissjoni msemmija hawn fuq. (6) Fil-kuntest tal-ġrajjiet li seħħew fir-Repubblika tal-Bosnija u Ħerżegovina f'dak iż-żmien, id-Deċiżjoni tal-Kummissjoni 92/271/KEE ta' l-20 ta' Mejju 1992 li tikkonċerna l-importazzjoni fil-Komunità ta' annimali ħajjin u prodotti ta' annimali li joriġinaw fi jew li jgħaddu mir-Repubblika tal-Bosnija u Ħerżegovina [13], kif emendata bid-Deċiżjoni 1999/441/KE [14], speċifikament tipprojbixxi l-importazzjoni ta' equidae fil-Komunità. (7) Wara missjoni tal-Komunità ta' spezzjoni fil-Bosnija u Ħerżegovina s-sitwazzjoni tal-kontroll tas-saħħa taż-żwiemel tidher li mhix sodisfaċenti u nkixfu nuqqasijiet serji fil-konformità mas-sospensjoni ta' importazzjonijiet ta' equidae fil-Komunità. (8) Waqt li jingħata kont tar-riskji li s-sitwazzjoni mhux kontrollata tas-saħħa taż-żwiemel fil-Bosnija u Ħerżegovina tippreżenta liż-żwiemel tal-Komunità, jidher xieraq li jiġu sospizi l-importazzjonijiet ta' żwiemel mill-Bosnija u Ħerżegovina skond it-termini tad-Direttiva 90/426/KEE. (9) Id-Deċiżjoni 79/542/KEE u d-Deċiżjonijiet 92/260/KEE, 93/195/KEE, 93/196/KEE u 93/197/KEE għandhom jiġu hekk emendati; (10) B'konsegwenza d-Deċiżjoni 92/271/KEE għandha tiġi mħassra biex tkun tirrifletti l-kondizzjonijiet modifikati ta' importazzjoni. (11) Il-miżuri li għalihom tipprovdi din id-Deċiżjoni huma skond l-opinjoni tal-Kumitat Permanenti Veterinarju, ADOTTAT DIN ID-DEĊIŻJONI: Artikolu 1 Fit-Taqsima 1 ta' l-Anness li jinsab mad-Deċiżjoni 79/542/KEE, kolonna speċjali għal equidae ħajjin, is-salib (x) fil-linja li tirrelata mal-Bosnija u Ħerżegovina huwa mibdul b'zero (0): Artikolu 2 Id-Deċiżjoni 92/260/KEE hija emendata kif ġej: 1. "Il-Bosnija u Ħerżegovina (BA)" hija mħassra mil-lista ta' pajjiżi terzi fil-Grupp B ta' l-Anness I. 2. "Bosnija u Ħerżegovina" hija mħassra mil-lista ta' pajjiżi terzi fit-titolu taċ-ċertifikat tas-saħħa mniżżel fl-Anness II (B). 3. "Bosnija u Ħerżegovina (BA)" hija mħassra mil-lista ta' pajjiżi terzi fit-tielet indent tal-paragrafu (d) fil-Kapitolu III ta' l-Annessi A, B, C, D u E. Artikolu 3 Id-Deċiżjoni 93/195/KEE hija emendata kif ġej: 1. "Bosnija u Ħerżegovina (BA)" hija mħassra mill-lista ta' pajjiżi terzi fil-Grupp B ta' l-Anness I. 2. "Bosnija u Ħerżegovina" hija mħassra mill-lista ta' pajjiżi terzi fl-Grupp B tat-titolu taċ-ċertifikat tas-saħħa mniżżel fl-Anness II. Artikolu 4 Id-Deċiżjoni 93/196/KEE hija emendata kif ġej: "Bosnija u Ħerżegovina" hija mħassra mill-lista ta' pajjiżi terzi fil-Grupp B tan-nota 3 fl-aħħar tal-paġna fl-Anness II. Artikolu 5 Id-Deċiżjoni 93/197/KEE hija emendata kif ġej: 1. "Bosnija u Ħerżegovina (BA)" hija mħassra mil-lista ta' pajjiżi terzi fil-Grupp B ta' l-Anness I. 2. "Bosnija u Ħerżegovina" hija mħassra mil-lista ta' pajjiżi terzi fit-titolu taċ-ċertifikat tas-saħħa mniżżel fl-Anness II (B). Artikolu 6 Id-Deċiżjoni 92/271/KEE hija b'dan imħassra. Artikolu 7 Din id-Deċiżjoni hija indirizzata lill-Istati Membri. Magħmula fi Brussel, is-26 ta' Jannar 2001. Għall-Kummissjoni David Byrne Membru tal-Kummissjoni [1] ĠU L 224, tat-18.8.1990, p. 42. [2] ĠU L 268, ta' l-24.9.1991, p. 56. [3] ĠU L 162, ta' l-1.7.1996, p. 1. [4] ĠU L 146, ta' l-14.6.1979, p. 15. [5] ĠU L 260, ta' l-14.10.2000, p. 52. [6] ĠU L 130, tal-15.5.1992, p. 67. [7] ĠU L 86, tas-6.4.1993, p. 16. [8] ĠU L 64, tal-11.3.2000, p. 22. [9] ĠU L 86, tas-6.4.1993, p. 1. [10] ĠU L 303, tat-2.12.2000, p. 34. [11] ĠU L 86, tas-6.4.1993, p. 7. [12] ĠU L 14, tas-17.1.1997, p. 57. [13] ĠU L 138, tal-21.5.1992, p. 39. [14] ĠU L 171, tas-7.7.1999, p. 17. --------------------------------------------------