Ir-Regolament tal-Kummissjoni (KE) Nru. 2908/2000

tad-29 ta’ Diċembru 2000

li jemenda l-Annessi I u II għar-Regolament tal-Kunsill (KEE) Nru. 2377/90 li jistabbilixxi il-proċedura tal-Komunità għat-twaqqif ta’ limiti ta’ residwu massimu ta’ prodotti mediċinali veterinarji li ġejjin mill-annimali

(Test b’rilevanza ŻEE)

IL-KUMMISSJONI TAL- KOMUNITAJIET EWROPEJ,

Wara li kkunsidrat it-Trattat li jwaqqaf il-Komunità Ewropea,

Wara li kkunsidrat ir-Regolament tal-Kunsill (KEE) Nru. 2377/90 tas- 26 ta’ Ġunju 1990 li jistabbilixxi proċedura tal-Komunità għat-twaqqif tal-limiti ta’ residwi massimi ta’ prodotti mediċinali veterinarji f’oġġetti ta’ l-ikel li ġejjin mill-annimali [1], kif l-aħħar emendat bir-Regolament tal-Kummissjoni (KE) Nru. 2000/1999 [2] u b’mod partikolari Artikoli 6, 7 u 8 ta’ dan,

Billi:

(1) B’mod konformi mar-Regolament (KEE) Nru. 2377/90, limiti ta’ residwu massimu jridu jiġu stabbiliti progressivament għal kull sustanza farmakoloġikament attiva li hi wżata fil-Komunità fi prodotti mediċinali veterinarji maħsuba għat-teħid mill-annimali li jipproduċu l-ikel;

(2) Limiti ta’ residwu massimu għandhom jiġu stabbiliti biss wara l-eżami ta’ l-informazzjoni rilevanti kollha fi ħdan il-Kumitat għal Prodotti Mediċinali Veterinarji rigward is-sigurtà ta’ residwi tas-sustanza konċernata għall-konsumatur f’oġġetti ta’l-ikel li ġejjin mill-annimali u l-impatt ta’ residwi fuq l-ipproċessar industrijali ta’ oġġetti ta’ l-ikel.

(3) Fit-twaqqqif tal-limiti massimi ta’ residwu għal residwi ta’ prodotti mediċinali veterinarji f’oġġetti ta’ l-ikel li ġejjin mill-annimali, huwa meħtieġ li tiġi sspeċifikata l-ispeċi ta’ l-annimali fejn residwi jistgħu ikunu preżenti, il-livelli li jistgħu ikunu preżenti f’kull wieħed mit-tessuti tal-laħam rilevanti miksuba mill-annimal trattat (tessut bersalju) u n-natura tar-residwu li hi rilevanti għall-monitoraġġ ta’ residwi (residwu markatur);

(4) Għall-kontroll ta’ residwi, kif ipprovdut f’leġiżlazzjoni xierqa tal-Komunità, limiti massimu ta’ residwu għandhom ġeneralment jiġu stabbiliti għal tessuti bersalji ta’ fwied jew kliewi. Madankollu, il-fwied u l-kliewi soltu huma mneħħija mill-karkassi li jispustaw fil-kummerċ internazzjonali, u limiti massimi ta’ residwu għandhom għalhekk jiġu stabbiliti għal tessuti ta’ muskoli jew tessuti ta’ grass;

(5) Fil-każ ta’ prodotti mediċinali veterinarji maħsuba għall-użu f’għasafar li jbidu, annimali li jagħmlu l-ħalib jew naħal li jagħmlu l-għasel, limiti ta’ residwu massimu jridu jiġu stabbiliti għall-bajd, ħalib jew għasel;

(6) Difloxacin, flunixin, ħalofuġinone u toltrażuril għandhom jiġu mdaħħlin f’Anness I tar-Regolament (KEE) Nru. 2377/90;

(7) Calcium glyerophosphate għandu jiġi mdaħħal f’Anness II tar-Regolament (KEE) Nru. 2377/90;

(8) Kull perjodu adegwat għandu jiġi permess qabel id-dħul fis-seħħ ta’ dan ir-Regolament sabiex jippermetti lill-Istati Membri jagħmlu kull aġġustament li jista’ ikun meħtieġ għall-awtoriżżazzjonijiet li ġew mgħotija b’mod konformi mad-Direttiva tal-Kunsill 81/851/KEE [3], kif emendat l-aħħar bid-Direttiva tal-Kummissjoni 2000/37/KE [4], sabiex jittieħed kont tad-dispożizzjonijiet ta’ dan ir-Regolament biex jitqiegħed il-prodott mediċinali veterinarju konċernat fis-suq.

(9) Il-miżuri li għalihom hemm provdut f’dan ir-Regolament huma skond il-fehmiet tal-Kumitat Permanenti fuq Prodotti Mediċinali Veterinarji,

ADOTTAT IR-REGOLAMENT LI ĠEJ:

Artikolu 1

Annessi I u II għar-Regolament (KEE) Nru. 2377/90 huma b’dan emendati kif stabbilit fl-Anness hawnhekk.

Artikolu 2

Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu fil-Ġurnal Uffiċjali tal-Komunitajiet Ewropej.

Għandu japplika mis-60 jum wara l-publikazzjoni tiegħu.

Dan ir-Regolament għandu jorbot b’mod sħiħ u jkun applikabbli b’mod dirett f’kull Stat Membru.

Magħmul fi Brussel, fl-20 ta’ Diċembru 2000.

Għall-Kummissjoni

Erkki Liikanen

Membru tal-Kummissjoni

[1] ĠU L 224, tat-18.8.1990, p.1.

[2] ĠU L 291, tat-18.11.2000, p. 9.

[3] ĠU L 317, tas-6.11.1981, p1..

[4] ĠU L 139, ta’ l-10.6.2000, p. 25.

--------------------------------------------------

ANNESS

A. Anness I għar-Regolament (KEE) Nru 2377/90 hu emendat kif ġej

1. Aġenti anti-infettivi

1.2. Antibijotiċi

1.2.3. Kwinoloni

100 µg/kg | Grass |

1400 µg/kg | Fwied |

800 µg/kg | Kliewi |

Qżieqeż | 400 µg/kg | Muskoli |

100 µg/kg | Ġilda u grass |

800 µg/kg | Fwied |

800 µg/kg | Kliewi" |

2. Aġenti anti-parassitiċi

2.4. Aġenti li jaġixxu kontra l-protożoa

2.4.1. Derivattivi tat-trianzinetrione

150 µg/kg | Ġilda u grass | |

500 µg/kg | Fwied | |

250 µg/kg | Kliewi" | |

2.4.2. Derivattivi tal-quinazalone

25 µg/kg | Grass |

30 µg/kg | Fwied |

30 µg/kg | Kliewi" |

4. Aġenti anti-inflammatorji

4.1. Aġenti anti-inflammatorji li m’humiex sterojdi

4.1.2. Derivanti tal-grupp fenamate

20 µg/kg | Grass | |

100 µg/kg | Fwied | |

200 µg/kg | Kliewi" | |

B. Anness II għar-Regolament (KEE) Nru 2377/90 hu emendat kif ġej

1. Kimiċi inorganiċi

"Sustanza(/i) farmakoloġikament attiva(/i)) | Speċi ta' l-annimal | Dispożizzjonijiet oħra |

Calcium glycerophosphate | Kull speċi li tipproduċi l-ikel" | |

--------------------------------------------------

32000R2908