Ir-Regolament tal-Kummissjoni (KE) Nru 1578/2000

tad-19 ta’ Lulju 2000

li jimplimenta r-Regolament tal-Kunsill (KE) Nru 577/98 dwar l-organizzazzjoni ta’ stħarriġ kampjun fil-Komunità fuq il-forza tax-xogħol f'dak li għandu x'jaqsam ma’ l-ispeċifikazzjoni tal-modulu ad hoc ta’ l-2001 dwar it-tul u l-mudelli tal-ħinijiet tax-xogħol

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KE) Nru 577/98 [1] tad-9 ta’ Marzu 1998, dwar stħarriġ kampjun fil-Komunità dwar il-forza tax-xogħol, kif emendat l-aħħar bir-Regolament tal-Kummissjoni (KE) Nru 1575/2000 [2] u partikolarment l-Artikolu 4(2) tiegħu,

Billi:

(1) Skond l-Artikolu 4(2) tar-Regolament (KE) Nru 577/98 il-lista ddettaljata ta’ informazzjoni li għandha tinġabar f'modulu ad hoc għandha tiġi mfassla mill-inqas 12-il xahar qabel il-bidu tal-perjodu ta’ referenza għal dak il-modulu.

(2) Sabiex tiġi ssorveljata l-applikazzjoni tal-Linji ta’ Gwida dwar l-Impjiegi, il-Kummissjoni teħtieġ statistiki strutturali dwar l-arranġamenti dwar ħinijiet tax-xogħol flessibbli u t-tipi ta’ kuntratti ta’ xogħol.

(3) Il-miżuri pprovduti minn dan ir-Regolament huma skond l-opinjoni tal-Kumitat tal-Programm Statistiku stabbilit mid-Deċiżjoni tal-Kunsill 89/382/KEE, Euratom [3],

ADOTTAT DAN IR-REGOLAMENT:

L-Artikolu 1

Il-lista ddettaljata ta’ informazzjoni li għandha tinġabar fil-modulu ad hoc għas-sena 2001 hija mniżżla fl-Anness tar-Regolament preżenti.

L-Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu fil-Ġurnal Uffiċjali tal-Komunitajiet Ewropej.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fid-19 ta’ Lulju 2000.

Għall-Kummissjoni

Pedro Solbes Mira

Membru tal-Kummissjoni

[1] ĠU L 77, ta’ l-14.3.1998, p. 3.

[2] Ara paġna 16 ta’ dan il-Ġurnal Uffiċjali.

[3] ĠU L 181, tat-28.6.1989, p. 47.

--------------------------------------------------

L-ANNESS

STĦARRIĠ DWAR IL-FORZA TAX-XOGĦOL

Speċifikazzjoni tal-modulu ad hoc 2001 dwar it-Tul u l-mudelli ta’ ħinijiet tax-xogħol

1. L-Istati Membri u r-reġjuni milquta: kollha

2. L-informazzjoni tinġabar biss għax-xogħol ewlieni

3. Il-fatturi varjabbli għandhom jiġu kkodifikati kif ġej:

Kolonna | Kodiċi | Deskrizzjoni | Filtri / rimarki |

209 | | Jiddetermina l-metodi tax-xogħol u l-iskema tiegħu stess (mhux obbligatorja għal Ġermanja) | V26 ≠ 4, 9, vojta |

1 | Jiddetermina l-metodi tax-xogħol u l-iskeda tiegħu stess |

0 | Relazzjoni subordinarja |

210 | | Xogħol għal ditta waħda jew xerrej wieħed (mhux obbligatorja għal Ġermanja) | V26 ≠ 4, 9, vojta |

1 | Jaħdem regolari għal ditta waħda jew xerrej wieħed |

0 | Jaħdem regolari għal > minn ditta waħda jew xerrej wieħed |

211 | | Tmiem tal-kuntratt (mhux obbligatorja għal Ġermanja) | V26 ≠ 4, 9, vojta |

1 | It-taqsima tal-produttur tintemm meta l-prodott jew is-servizzi jiġu pprovduti |

0 | It-taqsima tal-produttur tkompli teżisti |

212-213 | | Sigħat ta’ sahra fil-ġimgħa ta’ referenza | V26 = 3 |

… | Numru ta’ sigħat |

214-215 | | Sigħat ta’ sahra mħallsa fil-ġimgħa ta’ referenza | V214–215 < 212– 213 |

| Numru ta’ sigħat ta’ sahra mħallsa |

204 | | Xogħol bix-xift | V26 = 3 |

1 | Persuna li tagħmel xogħol bix-xift |

3 | Persuna li ma tagħmilx xogħol bix-xift |

216 | | Mudell tax-xogħol bix-xift | V204 = 1 |

1 | Xogħol bix-xift kontinwu, normalment sistema ta’ tliet xiftijiet |

2 | Xogħol bix-xift kważi kontinwu, normalment sistema ta’ tliet xiftijiet |

3 | Sistema ta’ żewġ xiftijiet: ġurnata ta’ xift doppju |

4 | Xift xi drabi ta’ bil-lejl, xi drabi ta’ bin-nhar |

5 | Xogħol fiss għal xift partikolari |

6 | Xift ta’ tip ieħor |

217 | | Ħinijiet varjati ta’ xogħol | V26 = 3 |

1 | Bidu u tmiem fiss ta’ ġurnata xogħol |

2 | Kuntratt ta’ sigħat ta’ kull sena |

3 | Ħinijiet ta’ xogħol bankarji |

4 | Ħinijiet ta’ xogħol skond ftehim bejn żewġ naħat |

5 | Jiddetermina l-iskeda tax-xogħol tiegħu stess (m'hemmx limiti formali) |

6 | Oħrajn |

218 | | Kumpens għal sigħat ikkreditati | V217 = 3 |

1 | Jista’ juża sigħat ikkreditati biex jieħu ġranet sħaħ jew ġimgħat franki (ħlief biex jieħu sigħat franki) |

0 | Ma jistax juża sigħat ikkreditati biex jieħu ġranet sħaħ jew ġimgħat franki |

219 | | Kuntratti minimi-massimi, xogħol bis-sejħa jew kuntratti bla sigħat (mhux obbligatorju għal Ġermanja) | V26 = 3 |

1 | Numru minimu ta’ sigħat hu miftiehem permezz ta’ kuntratt iżda in-numru ta’ sigħat attwalment maħduma jistgħu jiskorru dan il-minimu u ma humiex imħallsin bir-rata tas-sahra |

2 | jirrapporta għax-xogħol biss meta hu msejjaħ |

0 | oħrajn |

220 | | Raġunijiet għal xogħol bix-xift | V204 = 1 |

1 | Ix-xogħol bix-xift kien it-tip ta’ xogħol li l-persuna kienet qed tfittex (inizjativa personali) |

2 | Ix-xogħol bix-xift ma kienx it-tip ta’ xogħol li l-persuna kienet qiegħda tfittex iżda l-ebda xogħol simili bla xift ma kien disponibbli (simili ma’ dan ix-xogħol jew ma’ din l-industrija) |

221 | | Raġuni għalfejn wieħed jaħdem b'dan l-arranġament ta’ ħinijiet ta’ xogħol (mhux obbligatorju għal Germanja) | V217 = 2, 3 jew V219 = 1, 2 |

1 | Dawn l-arranġamenti ta’ ħinijiet ta’ xogħol kienu it-tip ta’ xogħol li l-persuna kienet qiegħda tfittex (inizjativa personali) |

2 | Dawn l-arraġamenti ta’ ħinijiet ta’ xogħol ma kenux it-tip ta’ xogħol li l-persuna kienet qiegħda tfittex iżda l-ebda xogħol simili ma kien disponibbli b'arranġamenti ta’ ħinijiet ta’ xogħol ordinarji (simili ma’ dan ix-xogħol fl-industrija) |

9 | Ma japplikax | V209, V221 |

"vojta" | M'hemmx risposta |

4. Il-fatturi varjabbli dwar xogħol filgħaxija, xogħol bil-lejl, xogħol is-Sibtijiet u l-Ħdud li jidhru bħala l-kolonni 205 sa 208 fl-Anness mar-Regolament (KE) 1575/2000 dwar il-kodifikazzjoni li għandha tintuża għat-trasmissjoni ta’ informazzjoni mill-2001 'il quddiem għandhom jiġu mistħarrġa fl-2001 għall-istess perjodu ta’ żmien ta’ referenza bħall-modulu ad hoc li għalih saret referenza fl-Artikolu 1 tar-Regolament preżenti.

--------------------------------------------------