Id-Direttiva tal-Kunsill 2000/24/KE

tat-28 ta' April 2000

li temenda l-Annessi tad-Direttivi tal-Kunsill 76/895/KEE, 86/362/KEE, 86/363/KEE u 90/642/KEE dwar l-iffissar ta' livelli massimi għar-residwi tal-pestiċidi fiċ-ċereali, oġġetti ta’ l-ikel ta' oriġini mill-annimali u ċerti prodotti ta' oriġini mill-pjanti, inklużi l-frott u l-ħxejjex rispettivament

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 76/895/KEE tat-23 ta' Novembru 1976 li tirrelata ma’ l-iffissar ta' l-għola livelli ta' residwi ta' pestiċidi fi u fuq frott u ħxejjex [1], kif l-aħħar emendat bid-Direttiva 97/41/KE [2], u b'mod partikolari l-Artikolu 5 tagħha,

Wara li kkunsidrat id-Direttiva tal-Kunsill 86/362/KEE ta' l-24 ta' Lulju 1986 dwar l-ifissar ta' l-għola livelli ta' residwi ta' pestiċidi fi u fuq ċereali [3], kif l-aħħar emendata bid-Direttiva tal-Kummissjoni 1999/71/KE [4], u b'mod partikolari l-Artikolu 10 tagħha,

Wara li kkunsidrat id-Direttiva tal-Kunsill 86/363/KEE ta' l-24 ta' Lulju 1986 dwar l-iffissar ta' l-għola livelli ta' residwi ta' pestiċidi fi u fuq oġġetti ta' l-ikel ta' oriġini ta' l-annimali [5], kif l-aħħar emendata bid-Direttiva tal-Kummissjoni 1999/71/KE (4), u b'mod partikolari l-Artikolu 10 tagħha,

Wara li kkunsidrat id-Direttiva tal-Kunsill 90/642/KEE tas-27 ta' Novembru 1986 dwar l-iffissar ta' l-għola livelli ta' residwi ta' pestiċidi fi u fuq prodotti ta' oriġini ta' pjanti, inklużi l-frott u l-ħxejjex [6], kif l-aħħar emendata bid-Direttiva 1999/71/KE (4), u b'mod partikolari l-Artikolu 7 tagħha,

Billi:

(1) Għaċ-ċereali u prodotti ta' oriġini mill-pjanti, inklużi l-frott u l-ħxejjex, il-livell massimu ta' residwi jirrifletti l-użu ta' kwantità minima ta' pestiċida sabiex tinkiseb il-protezzjoni effettiva tal-pjanti, applikata b'tali mod li l-ammont ta' residwi jkun l-anqas prattikabbli u huwa tossikoloġikament aċċettabbli, b'mod partikolari in vista tal-protezzjoni ta' l-ambjent u f'termini ta' konsum dietetiku ikkalkolat. Għall-oġġetti ta' l-ikel ta' oriġini mill-annimali, il-livell massimu ta' residwi jirrifletti l-konsum ta' ċereali u prodotti ta' oriġini mill-pjanti trattati b'pestiċida li jirriżultaw f’residwi fl-annimali u prodotti mill-annimali, kif ukoll billi jittieħed akkont tal-konsegwenzi diretti ta' l-użu ta' mediċini veterinarji meta xieraq.

(2) Il-livelli massimi huma stabbiliti fil-limitu l-aktar baxx tad-determinazzjoni analitika meta l-użu awtorizzat tal-prodotti għall-protezzjoni tal-pjanti ma jirriżultax f'livelli li tista' tinduna bihom ta' residwi ta' pestiċida fi jew fuq il-prodott ta' l-ikel, jew meta ma hemmx awtorizzazzjoni għall-użu, jew meta l-użu li jkun ġie awtorizzat mill-Istati Membri ma jkunx ġie sostnut mill-informazzjoni meħtieġa, jew meta l-użu f'pajjiżi terzi jirriżulta f'residwi fi jew fuq il-prodotti ta' l-ikel li jistgħu jidħlu fiċ-ċirkolazzjoni fis-suq tal-Komunità ma jkunux ġew sostnuti minn informazzjoni bħal din.

(3) Il-livelli massimi ta' residwi għall-pestiċida għandhom ikunu miżmuma taħt reviżjoni kontinwa. Il-livelli jistgħu jinbidlu sabiex jittieħed akkont ta' l-informazzjoni l-ġdida u d-dettalji

(4) Aramite, barban, chlorobenzilate, chlorofensn, chloroxuron, chlorbenside, 1,1-dichloro- 2,2-bis (4-ethyl-phenyl-) ethane u dillate jew ma humiex aktar awtorizzati għall-użu fil-Komunità jew inkella ma humiex aktar użati fil-livell tal-Komunità. Ir-residwi ta' l-aramite u l-chlorofenson ġew imħassra mill-Anness II tad-Direttiva 76/895/KEE bid-Direttiva tal-Kunsill 82/528/KEE [7] iżda sa minn dak iż-żmien ma ġewx miżjuda ma’ l-Annessi tad-Direttivi 86/362/KEE, 86/363/KEE u 90/642/KEE. Ir-residwi ta' l-aramite u l-chlorofenson kienu ġew imħassra mill-Anness II tad-Direttiva 76/895/KEE bid-Direttiva tal-Kunsill 93/58/KEE [8] iżda minn dak iż-żmien ma ġewx miżjuda ma’ l-Annessi tad-Direttivi 86/362/KEE, 86/363/KEE u 90/642/KEE. Huwa meħtieġ li jiżdiedu dawn ir-residwi kollha ma’ l-Annessi tad-Direttivi 86/362/KEE, 86/363/KEE u 90/642/KEE sabiex jippermettu sorveljanza xierqa u kontroll ta' l-użu tagħhom u biex jipproteġu lill-konsumatur.

(5) Awtorizzazzjonijiet illimitati għadhom jeżistu fil-Komunità għall-chlorbufam u methoxychlor. L-użu awtorizzat m'għandux ikun mistenni li jwassal għal residwi fl-ikel li tista' tinduna bihom. Il-livelli massimi ta' residwi kienu ġew stabbiliti fl-Anness II tad-Direttiva 76/895/KEE għal dawn ir-residwi.

(6) Sabiex ikunu stabbiliti l-livelli massimi ta' residwi ta' pestiċida għall-barban, chlorbufam, chlorbenzilate, chloroxuron, diallate u methoxychlor fil-livell tal-Komunità huwa meħtieġ li jsir trasferiment tad-disposizzjonijiet mid-Direttiva 76/895/KEE għad-Direttivi 86/362/KEE, 86/363/KEE u 90/642/KEE. Uħud minn dawn id-disposizzjonijiet għandhom ikunu emendati fid-dawl tal-progress xjentifiku u teknoloġiku kif ukoll bħala kambjamenti fl-użu u l-awtorizzazzjonijiet fuq il-livelli nazzjonali u tal-Komunità

(7) Il-livelli massimi tar-residwi tal-Komunità u tal-livelli rrakkomandati mill-Codex Alimentarius huma stabbiliti u evalutati b'segwiment ta' proċeduri simili. Bl-eċċezzjoni ta' chlorobenzilate. l-ebda limiti Codex massimi tar-residwi ma kienu ġew stabbiliti għas-sostanzi attivi koperti b'din id-Direttiva. Il-livell Codex massimu tar-residwi għall-chlorobenzilate kienu ġew imneħħija [9]. L-awtorizzazzjonijiet tal-prodotti tal-protezzjoni tal-pjanti fil-pajjiżi terzi jistgħu jeħtieġu l-użu ta' kwantitajiet akbar ta' pestiċida jew f'intervalli aqsar ta' qabel il-ħsad milli huma awtorizzati fil-Komunità u li konsegwentement jistgħu jeħtieġu livelli ogħla ta' residwi. L-imsieħba tal-kummerċ tal-Komunità kienu ġew ikkonsultati dwar il-livelli stabbiliti f'din id-Direttiva permezz ta' l-Organizzazzjoni Dinjija tal-Kummerċ u l-kummenti tagħhom fuq dawn il-livelli kienu ġew ikkunsidrati u diskussi mill-Kumitat Permanenti dwar is-Saħħa tal-Pjanti. Il-possibbiltà li jkunu stabbiliti livelli massimi dwar it-tolleranza fuq l-importazzjoni għall-għaqdiet speċifiċi ta' pestiċida/uċuħ għandhom ikunu eżaminati mill-Komunità Ewropea fuq il-bażi tal-preżentazzjoni ta' informazzjoni aċċettabbli.

(8) Il-livell massimu ta' residwi stabbilit f'din id-Direttiva jista’ jkun rivedut fil-qafas ta' re-evalutazzjoni ta' sostanzi attivi li hemm provvediment dwarhom fil-programm tax-xogħol stabbilit fl-Artikolu 8 (2) tad-Direttiva tal-Kunsill 91/414/KEE tal-15 ta' Lulju 1991 li jikkonċerna t-tqegħid tal-prodotti tal-protezzjoni tal-pjanti fis-suq [10], kif l-aħħar emendata bid-Direttiva tal-Kummissjoni 1999/80/KE [11]

(9) Il-livell massimu tar-residwi għall-cartap fit-tè kien ġie stabbilit għal 20mg/kg fil-leġislazzjoni tal-Komunità fuq il-bażi ta' l-informazzjoni li tinsab fil-Codex Alimentarius. Id-29 laqgħa tal-Kumitat Codex dwar ir-Residwi tal-Pestiċida irrakkomandat li l-MRLs kollha għas-sostanza attiva jkunu rtirati [12].

(10) Nuqqas ta' kjarezza fid-deskrizzjoni tal-kodiċi fl-Anness I u II tad-Direttiva 86/363/KEE wasslet għall-problemi fil-klassifikazzjoni ta' kampjuni għall-iskopijiet tal-proċedura tan-notifika permezz ta' l-Artikolu 7 tad-Direttiva 86/363/KEE.

(11) DDT mhux awtorizzat għall-użu bħala prodott għall-protezzjoni tal-pjanti fil-Komunità. Il-livell massimu ta' residwi għad-DDT fil-bajd ta' l-għasafar u fl-isfar tal-bajd ta' 0.1 mg/kg kien ġie ddikjarat fil-leġislazzjoni tal-Komunità bid-Direttiva tal-Kunsill 93/57/KEE [13] sabiex jippermettu għall-possibbiltà li kontaminazzjoni ta' l-ambjent minħabba r-residwi twassal għall-residwi ta' DDT fil-bajd. Dettalji ta' moniteraġġ għad-DDT fil-bajd fl-Istati Membri tal-Komunità u fin-Norveġja jindikaw li dan il-livell massimu jista' jitnaqqas.

(12) Din id-Direttiva hija bi qbil ma' l-opinjoni tal-Kumitat Permanenti dwar is-Saħħa tal-Pjanti

ADOTTAT DIN ID-DIRETTIVA:

L-Artikolu 1

L-Anness II tad-Direttiva 76/895/KEE huwa hawnhekk emendat kif ġej:

1. Id-dħul irrelatati mal-chlorobenzilate, chloroxuron u methoxychlo r għandhom jiġu mħassra.

2. Il-gruppaġġ "barban, chloropharm, chlorbufam" għandhom ikunu mibdula bil-"chlorporpharm"

3. Il-gruppaġġ "diallate, triallate" għandhom ikunu mibdula bil-"triallate"

L-Artikolu 2

Id-Direttiva 86/362/KEE hija hawnhekk emendata kif ġej:

Il-residwi tal-pestiċida segwenti għandhom ikunu miżjuda mal-Parti A ta' l-Anness II:

Residwi tal-pestiċida | Livell massimu (mg/kg) |

Barban | 0,05 |

Chlorobenzilate | 0,02 |

Chlorobufam | 0,05 |

Chlorbenside | 0,01 |

Chloroxuron | 0,05 |

Aramite | 0,01 |

Chlorfenson | 0,01 |

Methoxychior | 0,01 |

1,1-dichloro-2,2-bis (4-ethyl-phenyl-) ethane | 0,01 |

Diallate | 0,05 |

L-Artikolu 3

Id-Direttiva 86/363/KEE hija hawnhekk emendata kif ġej:

1. Il-residwi tal-pestiċidi segwenti għandhom ikunu miżjuda mal-parti A ta' l-Anness II:

Residwi tal-pestiċida | Livell massimu (mg/kg) |

Ta' xaħam li jinsab fil-laħam, preparazzjoni ta' laħam, ir-raċanċ u x-xaħmijiet ta' l-annimali elenkati fl-Anness 1 fil kodiċi NM Nri 0201, 0202, 0203, 0204, 02050000,0206, 0207, ex0208, 020900, 0210, 160100 u 1602 | Għall-ħalib tal-baqra u l-krema ntiera tal-ħalib tal-baqra elenkat fl-Anness 1 fil-kodiċi NM Nri 0401, 0402,040500, 0406 bi qbil ma' | Ta' bajd frisk bil-qoxra, f'bajd ta' l-għasafar u l-isfar tal-bajd elenkati fl-Anness I fil-kodiċi NM Nri 040700 u 0408 |

Aramite | 0,01 | 0,01 | 0,01 |

Chlorfenson | 0,05 | 0,05 | 0,05 |

Chloroxuron | 0,05 | 0,05 | 0,05 |

Chlorbenside | 0,05 | 0,05 | 0,05 |

Methoxychlor | 0,01 | 0,01 | 0,01 |

1,1-dichloro-2,2-bis (4-ethyl-phenyl-) ethane | 0,01 | 0,01 | 0,01 |

Barban | 0,05 | 0,05 | 0,05 |

Chlorobenzilat | 0,1 | 0,1 | 0,1 |

2. Ir-residwi tal-pestiċidi segwenti għandhom ikunu miżjuda mal-parti B ta' l-Anness II:

Residwi tal-pestiċida | Livell Massimu (mg/kg) |

Ta' laħam, inkluż ix-xaħam, preparazzjoni ta' laħam, raċanċ u x-xaħam ta' l-annimali elenkati fl-Anness 1 fil kodiċi NM Nri 0201, 0202, 0203, 0204, 02050000, 0206, 0207, ex0208, 020900, 0210, 160100 u 1602 | Għall-ħalib u prodotti tal-ħalib elenkati fl-Anness 1 fil-kodiċi NM Nri 0401, 0402, 040500 u 0406: | Ta' bajd frisk bil-qoxra Għall-bajd ta' l-għasafar u l-isfar tal-bajd elenkati fl-Anness 1 fil-kodiċi NM Nri 040700 u 0408 |

Chlorobufam | 0,05 | 0,05 | 0,05 |

Diallate | 0,2 | 0,2 | 0,2 |

3. Fl-Anness I, it-test fil-kolonna "Deskrizzjoni" li tikkorrispondi mal-kodiċi NM ex0208 għandu jkun mibdul bit-test "Laħam ieħor u raċanċ li jittiekel ta' ħamiem domestiku, fniek domestiċi u tal-kaċċa, frisk, imkessaħ jew iffriżat".

4. Fl-Anness II, fit-tabelli fil-Partijiet A u B, fil-kolonna "laħam", it-test "ex0201" għandu jkunu mibdul bit-test "0201"

5. Fl-Anness II, fit-tabella fil-Parti A, fil-kolonna rrelatata mal-bajd ta' l-għasafar u isfar tal-bajd, il-valur ta' 0,1 mg/kg għad-DDT għandu jkun mibdul bil-valur 0,05 mg/kg.

L-Artikolu 4

Id-Direttiva 90/642/KEE hija hawnhekk emendata kif ġej:

1. Ir-residwi tal-pestiċida segwenti għandhom ikunu miżjuda mal-Parti A ta' l-Anness II:

Gruppi u eżempju ta' prodotti individwali li dwarhom ikunu japplikaw l-MRL | Residwi tal-pestiċidi u l-livelli massimi tar-residwi |

1.Frott, frisk, imqadded jew mhux imsajjar, ippreservat bil-friża, li ma fihx żieda ta' zokkok; ġewż | 0,01 | 0,05 | 0,01 | 0,01 | 0,02 | 0,05 | 0,05 | 0,01 | 0,05 | 0,01 |

(I)FROTT TAĊ-ĊITRU (TA' L-AGRUMI)

Mandolina (inklużi n-nettarini u ibridi oħrajn) | | | | | | | | | | |

(II)ĠEWZ TAS-SIĠAR(bil-fosdqa jew mingħajrha)

(III)FROTT TAL-POMÈ (Tar-razza tat-tuffieħ)

(IV)FROTT TA' L-GĦADMA

(V)KUKKU U FROTT ŻGĦIR IEĦOR

(a)Għeneb għal-mejda u għall-inbid

(ċ)Frott tal-qasab (apparti milli selvaġġ)

Tut | | | | | | | | | | |

(d)Frott u kukku żgħir ieħor (apparti milli selvaġġ)

Billberries (frotta ta' l-ispeċi Vaccinium myrtillus) | | | | | | | | | | |

(VI)FROTT VARJU

Tin | | | | | | | | | | |

2.Ħxejjex, friski jew mhux imsajra, iffriżati jew niexfa | 0,01 | 0,05 | 0,01 | 0,01 | 0,02 | 0,05 | 0,05 | 0,01 | 0,05 | 0,01 |

(I)ĦXEJJEX TA' L-GĦERUQ U TUBERI

(II)ĦAXIX TAL-BASLA

(III)ĦXEJJEX TAL-FROTT

(a)Solanaċea

(b)Kukubrit — Qoxra li tittiekel

(ċ)Kukubrit — Qoxra li ma tittikilx

(IV)ĦAXIX TAL-BRASSIKA

(a)Brassika bil-fjuri

(b)Brassica forma ta' ras

(ċ)Brassica bil-weraq

(V)ĦAXIX TAL-WERAQ U ĦWAWAR FRISKI

(a)Ħass u simili

(b)Spinaċi u simili

(e)Ħwawar

(VI)ĦXEJJEX LEGUMINUŻI (friski)

(VII)ĦXEJJEX TAZ-ZOKK (friski)

(VIII)FAQQIEGĦ (fungi)

3.Ħaxix tal' l-imżiewed | 0,01 | 0,05 | 0,01 | 0,01 | 0,02 | 0,05 | 0,05 | 0,01 | 0,05 | 0,01 |

4.Żrieragħ taż-żejt | 0,01 | 0,05 | 0,01 | 0,01 | 0,02 | 0,05 | 0,05 | 0,01 | 0,05 | 0,01 |

5.Patata | 0,01 | 0,05 | 0,01 | 0,01 | 0,02 | 0,05 | 0,05 | 0,01 | 0,05 | 0,01 |

6.Tè (weraq u zkuk niexfa, iffermentati jew xort' oħra, Camiellia sinensis) | 0,1 | 0,1 | 0,1 | 0,1 | 0,1 | 0,1 | 0,1 | 0,1 | 0,1 | 0,1 |

7.Ħops (imnixxef) inklużi l-gerbub tal-hops u trab mhux ipproċessat | 0,1 | 0,1 | 0,1 | 0,1 | 0,1 | 0,1 | 0,1 | 0,1 | 0,1 | 0,1 |

2. Fit-test Ġermaniż, fl-Annessi I u II, fil-grupp "2.5 (a) Salat u. Á.", it-terminu "Kopfsalat" għandu jkun mibdul bit-terminu "Salat".

3. Fit-test Olandiż, fl-Annessi I u II, fil-grupp "2.5 (a) Sla en dergelijke", it-terminu "Kropsla/i jsbergsla" għandu jkun mibdul bit-terminu "Sla".

4. Fl-Anness II, il-livell massimu ta' residwi għall-cartap fit-tè (weraq niexef u zkuk, iffermentati jew mod ieħor, Camellia sinesis) għandu jkun stabbilit għal 0,1 (*) mg/kg (meta (*) tindika li dan il-livell huwa fil-limitu aktar baxx tad-determinazzjoni analitika).

L-Artikolu 5

1. Din id-Deċiżjoni għandha tidħol fis-seħħ fil-jum tal-pubblikazzjoni tagħha fil-Ġurnal Uffiċjali tal-Komunitajiet Ewropej.

2. L-Istati Membri għandhom jadottaw u jippubblikaw il-miżuri leġislattivi, regolatorji jew amministrattivi li jkunu konformi ma' din id-Direttiva sal-31 ta' Diċembru 2000. Għandhom immedjatament jinfurmaw lill-Kummissjoni.

3. Għandhom japplikaw dawn il-miżuri mill-1 ta' Jannar 2001.

4. Meta l-Istati Membri jadottaw dawn il-miżuri, dawn għandhom ikollhom referenza għal din id-Direttiva jew għandhom ikunu akkumpanjati b'din ir-referenza filwaqt tal-pubblikazzjoni uffiċjali tagħhom. L-Stati Membri għandhom jadottaw proċeduri għal referenza bħal din.

L-Artikolu 6

Din id-Direttiva hija indirizzata lill-Istati Membri.

Magħmula fi Brussel, fit-28 ta' April 2000.

Għall-Kummissjoni

David Byrne

Membru tal-Kummissjoni

[1] ĠU L 340, tad-9.12.1976, p. 26.

[2] ĠU L 184, tat-12.7.1997, p. 33.

[3] ĠU L 221, tas-7.8.1986, p. 37.

[4] ĠU L 194, tas-27.7.1999, p. 36.

[5] ĠU L 221, tas-7.8.1986, p. 43.

[6] ĠU L 350, ta' l-14.12.1990, p. 71.

[7] ĠU L 234, tad-9.8.1982,p. 1.

[8] ĠU L 211, tat-23.8.1993, p. 6.

[9] ALINORM 93/24A.

[10] ĠU L 230, tad-19.8.1991,p. 1.

[11] ĠU L 210, ta' l-10.8.1999, p. 13.

[12] ALINORM 97/24A. L-Anness II.

[13] ĠU L 211, tat-23.8.1993, p. 1.

--------------------------------------------------

32000L0024