Official Journal L 200 , 08/08/2000 P. 0062 - 0063
DEĊIŻJONI TAL-KUMMISSJONI tal-25 ta' Lulju 2000 li temenda d-Deċiżjoni 93/42/KEE dwar garanziji addizzjonali rigward rhinotracheitis bovina infettiva fuq ifrat destinati għal ċerti partijiet tat-territorju tal-Komunità ħielsa mill-marda u li tirrevoka d-Deċiżjonijiet 95/109/KE u 98/580/KE (innotifikat bħala dokument numru C(2000) 2260) (Test b'rilevanza għaż-ŻEE) (2000/502/KE) IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ewropea, Wara li kkunsidrat id-Direttiva tal-Kunsill 64/432/KEE tas-26 ta' Ġunju 1964, dwar problemi ta' saħħa ta' l-annimali li jaffettwaw il-kummerċ intra-Komunitarju ta' l-ifrat u ħnieżer ([1]), kif emendata l-aħħar permezz tad-Direttiva tal-Kunsill 2000/20/KE ([2]), u b'mod partikolari l-Artikoli 9 u 10 ta' l-istess, Billi: (1) Id-Deċiżjoni tal-Kummissjoni 93/42/KEE ([3]), kif emendata l-aħħar permezz tad-Deċiżjoni 1999/579/KE ([4]), tagħti garanziji addizzjonali fir-rigward ta' mard li jittieħed tal-kanal ta' l-imnieħer fl-ifrat destinat għad-Danimarka, l-Awstrija, il-Finlandja u l-Isvezja ħielsa mill-marda. (2) Sabiex jiġi assigurat progress u sabiex jinġieb fi tmiemu b'suċċess il-programm li nbeda għall-qerda tal-marda li tittieħed tal-kanal ta' l-imnieħer fl-ifrat, il-Provinċja ta' Bolzano fl-Italja ingħatat ċerti garanziji addizzjonali permezz tad-Deċiżjoni tal-Kummissjoni 95/109/KE ([5]), kif emendata l-aħħar permezz tad-Deċiżjoni 1999/579/KE. (3) L-Italja tikkonsidra li l-Provinċja ta' Bolzano hija issa ħielsa mill-marda li tittieħed tal-kanal ta' l-imnieħer fl-ifrat u issottomettiet dokumenti ta' sostenn lill-Kummissjoni. (4) L-awtoritajiet ta' l-Italja japplikaw regolamenti dwar moviment ta' l-ifrat li huma ta' l-anqas ekwivalenti għal dawk previsti fid-deċiżjoni preżenti. (5) Huwa xieraq li jiġu suġġeriti ċerti garanziji addizzjonali sabiex jiġi mħares il-progress li sar ġewwa l-Provinċja ta' Bolzano fl-Italja u biex jiġi għalhekk emendat l-Anness għad-Deċiżjoni 93/42/KEE. (6) Fid-dawl tal-miżuri proposti d-Deċiżjoni 95/109/KE għandha tiġi revokata. (7) Programm ta' qerda ta' mard li jittieħed tal-kanal ta' l-imnieħer fl-ifrat fl-Italja, notevolment il-Provinċja ta' Bolzano, kien approvat permezz tad-Deċiżjoni tal-Kummissjoni 98/580/KE ([6]), għal tliet snin. Fid-dawl tal-miżuri proposti din id-Deċiżjoni għandha tiġi revokata. (8) Il-miżuri maħsuba f'din id-Deċiżjoni huma skond l-opinjoni tal-Kumitat Veterinarju Permanenti, ADOTTAT DIN ID-DEĊIŻJONI: Artikolu 1 1. L-Anness għad-Deċiżjoni 93/42/KEE għandu jiġi sostitwit bl-Anness għal din id-Deċiżjoni. 2. Id-Deċiżjoni 95/109/KE hija revokata. 3. Id-Deċiżjoni 98/580/KE hija revokata. Artikolu 2 Din id-Deċiżjoni hija indirizzata lill-Istati Membri. Magħmula fi Brussel, fil-25 ta' Lulju 2000. Għall-Kummissjoni David BYRNE Membru tal-Kummissjoni ANNESS Stat Membru Reġjun Id-Danimarka Reġjuni kollha L-Italja Provinċja ta' Bolzano L-Awstrija Reġjuni kollha Il-Finlandja Reġjuni kollha L-Isvezja Reġjuni kollha [1] ĠU 121, tad-29.7.1964, p. 1977/64. [2] ĠU L 163, ta' l-4.7.2000, p. 35. [3] ĠU L 16, tal-25.1.1993, p. 50. [4] ĠU L 219, tad-19.8.1999, p. 53. [5] ĠU L 79, tas-7.4.1995, p. 32. [6] ĠU L 279, tas-16.10.1998, p. 49.