IR-REGOLAMENT TAL-KUMMISSJONI (KE) Nru 2336/1999

tat-3 ta' Novembru 1999

li jemenda r-Regolament (KE) Nru 1371/95 li jippreskrivi regoli ddettaljati sabiex tkun implimentata s-sistema ta' liċenzji ta' esportazzjoni fis-settur tal-bajd

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KEE) Nru 2771/75 tad-29 ta' Ottubru 1975 dwar l-organizzazzjoni komuni tas-suq tal-bajd ([1]), kif l-aħħar emendat bir-Regolament tal-Kummissjoni (KE) Nru 1516/96 ([2]), u b'mod partikolari l-Artikoli 3(2) u 8(13) u l-Artikolu 15 tiegħu,

Billi:

(1) Ir-Regolament tal-Kummissjoni (KE) Nru 1371/95 ([3]), kif l-aħħar emendat bir-Regolament (KE) Nru 1008/98 ([4]), jippreskrivi regoli iddettaljati sabiex tkun implimentata s-sistema ta' liċenzji ta' esportazzjoni fis-settur tal-bajd.

(2) id-dispożizzjonijiet preżenti dwar it-terminu ta' validità ta' liċenzji ta' esportazzjoni jwasslu għal żieda artifiċjali f'applikazzjonijiet għal liċenzji fil-bidu ta' kull xahar, li tikkomplika l-amministrazzjoni ta' kull ġimgħa ta' l-arranġamenti. It-terminu ta' validità għandu għalhekk ikun iffissat fi ġranet minflok f'xhur.

(3) fid-dawl ta' l-esperjenza miksuba, il-proċedura pprovduta fl-Artikolu 4 tar-Regolament (KE) Nru 1371/95 għall-ħruġ immedjat ta' liċenzji għandha tkun simplifikata u jkunu pprovduti garanziji lil operaturi f'dak li għandu x'jaqsam mal-ħruġ u validità ta' tali liċenzji. Iżda, tali liċenzji għandhom ikunu ristretti għal transazzjonijiet kummerċjali ta' żmien qasir sabiex ma tħallix li jitwarrab il-mekkaniżmu provdut fl-Artikolu 3 ta' dak ir-Regolament jinqabeż.

(4) ir-regoli dwar komunikazzjoni bejn l-Istati Membri u l-Kummissjoni għandhom jinġiebu f'konformità ma' l-emendi għall-arranġamenti dwar liċenzji maħruġa immedjatament.

(5) il-garanziji iffissati fl-Anness I mar-Regolament (KE) Nru 1371/95 għandhom ikunu aġġustati għal bidliet riċenti fir-rifużjonijiet.

(6) il-miżuri li għalihom hemm ipprovdut f'dan ir-Regolament huma bi qbil ma' l-opinjoni tal-Kumitat Amministrattiv dwar Laħam tat-Tjur u Bajd,

ADOTTAT DAN IR-REGOLAMENT:

L-Artikolu 1

Ir-Regolament (KE) Nru 1371/95 hu minn issa emendat kif ġej:

1. L-Artikolu 2(1) hu mibdul b'li ġej:

"1. Liċenzji ta' importazzjoni għandhom ikunu validi għal 90 ġurnata mid-data ta' ħruġ fit-tifsira ta' l-Artikolu 21(2) tar-Regolament (KEE) Nru 3719/88."

2. L-Artikolu 4 hu mibdul b'li ġej:

"L-Artikolu 4

Fuq applikazzjoni mill-operatur, applikazzjonijiet ta' liċenzji għal mhux aktar minn 25 tunnellata ta' prodotti m'għandhomx ikunu soġġetti għal xi miżura speċjali msemmija fl-Artikolu 3(4) u l-liċenzji li jkunu saru applikazzjoni għalihom għandhom jinħarġu immedjatament.

F'tali każijiet, minkejja l-Artikolu 2(1), it-terminu ta' validità tal-liċenzji għandu jkun limitat għal ħamest ijiem xogħol mid-data attwali tal-ħruġ tagħhom fit-tifsira ta' l-Artikolu 21(2) tar-Regolament (KEE) Nru 3719/88 u t-Taqsima 20 ta' l-applikazzjonijiet ta' liċenzji u tal-liċenzji għandha turi ta' l-inqas waħda li ġejjin:

- Certificado válido durante cinco días hábiles y no utilizable para la aplicación del artículo 5 del Reglamento (CEE) n° 565/80,

- Licens, der er gyldig i fem arbejdsdage, og som ikke kan benyttes til at anvende artikel 5 i forordning (EF) nr. 565/80,

- Fünf Werktage gültige und für die Anwendung von Artikel 5 der Verordnung (EWG) Nr. 565/80 nicht verwendbare Lizenz,

- 5 () . 565/80,

- Licence valid for five working days and not useable for the purposes of Article 5 of Regulation (EEC) No 565/80,

- Certificat valable 5 jours ouvrables et non utilisable pour l'application de l'article 5 du règlement (CEE) n° 565/80,

- Titolo valido cinque giorni lavorativi e non utilizzabile ai fini dell'applicazione dell'articolo 5 del r-Regolamento (CEE) n. 565/80,

- Certificaat met een geldigheidsduur van vijf werkdagen en niet te gebruiken voor de toepassing van artikel 5 van Verordening (EEG) nr. 565/80,

- Certificado de exportaço válido durante cinco dias úteis, no utilizável para a aplicaço do artigo 5.o do Regulamento (CEE) n.o 565/80,

- Todistus on voimassa viisi arkipäivää eikä sitä voi käyttää sovellettaessa asetuksen (ETY) N:o 565/80 5 artiklaa,

- Licensen är giltig fem arbetsdagar men gäller inte vid tillämpning av artikel 5 i förordning (EEG) nr 565/80.

Il-Kummissjoni tista', fejn ikun hemm bżonn, tissospendi l-applikazzjoni ta' dan l-Artikolu."

3. L-Artikolu 7(1) hu mibdul bli ġej:

"1. Kull nhar ta' Ġimgħa mis-13.00, l-Istati Membri għandhom jibagħtu lill-Kummissjoni li ġej permezz ta' fax f'dak li għandu x'jaqsam mal-perjodu preċedenti:

(a) l-applikazzjonijiet għal liċenzji ta' esportazzjoni kif hemm referenza għalihom fl-Artikolu 1 mdaħħla mit-Tnejn sal-Ġimgħa ta' l-istess ġimgħa, waqt li jistqarru jekk jaqgħux taħt l-iskop ta' l-Artikolu 4 jew le;

(b) il-kwantitajiet koperti b'liċenzji ta' esportazzjoni maħruġa nhar l-Erbgħa ta' qabel, li ma jinkludux dawk maħruġa immedjatament taħt l-Artikolu 4;

(ċ) il-kwantitajiet koperti b'liċenzji ta' esportazzjoni rtirati bi qbil ma' l-Artikolu 3(6) matul il-ġimgħa ta' qabel."

4. L-Annessi I u II huma mibdula bl-Annessi ta' dan.

L-Artikolu 2

Dan ir-Regolament għandu jidħol fis-seħħ fit-tielet ġurnata ta' wara l-pubblikazzjoni tiegħu fil-Ġurnal Uffiċjali tal-Komunitajiet Ewropej.

Għandu japplika għal liċenzji ta' esportazzjoni li saret applikazzjoni għalihom sa mit-22 ta' Novembru 1999.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fit-3 ta' Novembru 1999.

Għall-Kummissjoni

Franz FISCHLER

Membru tal-Kummissjoni

L-ANNESS I

"L-ANNESS I

Kodiċi tal-prodott tan-nomenklatura tal-prodott agrikolu għar-rifużjonijiet ta' l-esportazzjoni (1) Kategorija Rata tal-garanzija (EUR/100 kg) Piż nett

0407 00 11 000 1 -

0407 00 19 000 2 -

0407 00 30 000 3 6 (2) 3(3)

0408 11 80 100 4 22

0408 19 81 100 0408 19 89 100 5 10

0408 91 80 100 6 17

0408 99 80 100 7 4

(1) Ir-Regolament tal-Kummissjoni (KEE) Nru 3846/87 (ĠU L 366, ta' l-24.12.1987, p. 1), il-parti 8. (2) Għal destinazzjonijiet murija fl-Anness III. (3) Destinazzjonijiet oħrajn."

L-ANNESS II

"L-ANNESS II

Applikazzjoni tar-Regolament (KE) Nru 1371/95

KUMMISSJONI TAL-KOMUNITAJIET EWROPEJ - DG AGRI/D/2 Bajd, settur

Applikazzjoni għal-liċenzji ta' esportazzjoni-Bajd

Mittent

Data:

Perjodu: Tnejn... sal-Ġimgħa...

Stat Membru:

Persuna biex tkun kuntattjata

Telefon:

Fax

Indirizzat: DG AGRI/D/2 - fax (32-2) 296 62 79 jew 296 60 27

- Il-Parti A - Notifika ta' kull ġimgħa (biex timtela separatament għal kull kategorija)

Kategorija Kwantità Kodiċi ta' ġeonomenklatura Rata ta' rifużjoni EUR/100 kg jew 100 biċċa Ammont totali ta' rifużjonijiet prefissi

L-Artikolu 4 Oħrajn

Total kull kategorija

Kategorija Kwantitajiet totali li ssir applikazzjoni għalihom bil-kategoriji u bid-destinazzjoni

-Il-Parti B - Notifika ta' kull ġimgħa

Kategorija Kwantitajiet totali maħruġa bil-kategoriji u bid-destinazzjoni l-Erbgħa

-Il-Parti Ċ - Notifika ta' kull ġimgħa

Kategorija Kwantitajiet totali maħruġa bil-kategoriji u bid-destinazzjoni matul il-ġimgħa ta' qabel

-Il-Parti D - Notifika ta' xahar

Kategorija Kwantitajiet mhux użati bil-kategoriji u bid-destinazzjoni"

[1] ĠU L 282, ta' l-1.11.1975, p. 49.

[2] ĠU L 189, tat-30.7.1996, p. 99.

[3] ĠU L 133, tas-17.6.1995, p. 16.

[4] ĠU L 145, tal-15.5.1998, p. 6.