Ir-Regolament tal-Kummissjoni (KE) Nru 1943/1999

ta’ l-10 ta’ Settembru 1999

li jemenda l-ANNESSI I, II u III tar-Regolament tal-Kunsill (KEE) Nru 2377/90 li jistipula proċedura Komunitarja għat- twaqqif ta’ limiti massimi ta’ residwi ta’ prodotti mediċinali venerenarji fi prodotti ta’ l-ikel li joriġinaw mill-annimali

(Test b’rilevanza għall-ŻEE)

IL-KUMMISSJONI TAL-KOMUNITAJIET EWROPEJ,

Wara li kunsidrat it-Trattat li jwaqqaf il-Komunita Ewropea,

Wara li kunsidrat ir-Regolament tal-Kummissjoni (KEE) Nru 2377/90 tas-26 ta’ Ġunju 1990 li jistipula proċedura Komunitarja għat- twaqqif ta’ limiti massimi ta’ residwi ta’ prodotti mediċinali veterenarji fi prodotti ta’ l-ikel li joriġinaw mill-annimali [1], kif emendat l-aħħar mir-Regolament tal-Kummissjoni (KE) Nru 1942/1999 [2], u b’ mod partikolari l-Artikoli 6, 7 u 8 tiegħu,

(1) Billi, b’mod konformi mar-Regolament (KEE) Nru 2377/90, limiti massimi ta’ residwi jridu jiġu stabbiliti progressivament għas-sostanzi kollha li huma attivi farmakoloġikament li jintużaw fil-Komunità fi prodotti mediċinali veterenarji maħsuba biex jingħataw lill-annimali li jipproduċu l-ikel;

(2) Billi limiti massimi ta’ residwi għandhom jiġu stabbiliti biss wara li jsir eżami fi ħdan il-Kumitat għal-Prodotti Mediċinali Veterenarji ta’ l-informazzjoni rilevanti kollha dwar is-sigurtà ta’ residwi tas-sostanza konċernata għall-konsumatur ta’ prodotti ta’ l-ikel ta’ oriġini mill-annimali u l-impatt ta’ residwi fuq l-iproċessar industrijali ta’ prodotti ta’ l-ikel;

(3) Billi, waqt li jkunu qegħdin jiġu stabbiliti l-limiti ta’ residwi ta’ prodotti veterenarji mediċinali fi prodotti ta’ l-ikel li jorġinaw mill-annimali, huwa meħtieġ li jiġu speċifikati l-ispeċji ta’ annimali li fihom jistgħu jkunu presenti xi residwiijiet, il-livelli li jistgħu jkunu presenti f’ kull waħda mit- tessuti tal-laħam rilevanti miksuba mill-annimal trattat (tessut target) u n- natura tal-residwi li huwa relevanti għas-sorvelljanza tal-residwiijiet (residwi markatur)

(4) Billi għall-kontroll tar-residwi, kif huwa stipulat fil-leġislazzjoni Komunitarja rilevanti, limiti massimi ta’ residwi għandhom normalment jiġu stabbiliti għat- tessuti target tal-fwied jew tal-kliewi; billi, madanakollu, l-fwied u l-kliewi huma spiss imneħħija mill-karkassi li jkunu qegħdin jiċċaqalqu fil-kummerċ internazzjonali, u l-limiti massimi ta’ residwi, għandhom għalhekk dejjem jiġu stabbiliti fir-rigward ta’ tessuti ta’ muskolu jew ta’ xaħam;

(5) Billi, fil-każ ta’ prodotti veterinarji mediċinali intenzjonati biex jintużaw fuq tjur li jbidu, annimali li jagħtu l-ħalib jew naħal ta’ l-għasel, iridu jiġu stabbiliti limiti massimi ta residwi għall-bajd, ħalib u għasel;

(6) Billi l-eprinomectin għandu jiddaħħal fl-Anness II tar-Regolament (KEE) Nru 2377/90;

(7) Billi ċ-cefoperazone u l-atropine għandhom jiddaħħlu fl-Anness II tar-Regolament (KEE) Nru 2377/90;

(8) Billi, sabiex ikunu jistgħu jitlestew l-istudji xjentifiċi, ċ- cefoperazone għandu jiddaħħal fl-Anness III tar-Regolament (KEE) Nru 2377/90;

(9) Billi, sabiex jilħqu jitlestu l-istudji xjentifiċi, it- tul ta’ żmien ta’ validità tal-limiti ta’ residwi massimi provviżjonali preċedentement definiti fl-Anness III tar-Regolament (KEE) Nru 2377/90 għandu jiġi estiż għall-aċidu clavulanic;

(10) Billi għandu jitħalla perijodu ta’ 60 ġurnata qabel id-dħul fis-seħħ ta’ dan ir-Regolament sabiex l-Istati Membri jkunu jistgħu jagħmlu xi aġġustamenti li jistgħu jkunu meħtieġa għall-awtoriżżazzjonijiet biex jitpoġġew il-prodotti veterinarji mediċinali konċernati fuq is-suq li ngħataw b’ mod konformi mad-Direttiva tal-Kunsill 81/851/KEE [3], kif emendata l-aħħar mid-Direttiva 93/40/KEE [4], sabiex jiġu kunsidrati d-dispożizzjonijiet ta’ dan ir-Regolament;

(11) billi l-miżuri preskritti f’dan ir-Regolament huma skond l-opinjoni tal-Kumitat Permanenti dwar Prodotti Veterinarji Mediċinali,

ADOTTAT IR-REGOLAMENT LI ĠEJ:

Artikolu 1

L-Annessi I u II tar-Regolament (KEE) Nru 2377/90 qegħdin jiġu emendati kif jidher fl-Anness ta’ hawn.

Artikolu 2

Dan ir-Regolament għandu jidħol fis-seħħ fis-60 jum wara li jiġi pubblikat fil-Ġurnal Uffiċjali tal-Komunitajiet Ewropej.

Dan ir-Regolament għandu jorbot bis-sħiħ u japplika direttament fl-Istati Membri.

Magħmul fi Brussel, fl-10 ta’ Settembru 1999.

Għall-Kummissjoni

Karel Van Miert

Membru tal-Kummissjoni

[1] ĠU L 224, tat-18.8.1990, p. 1.

[2] Ara paġna 4 ta’ dan il-Ġurnal Uffiċjali.

[3] ĠU L 317, tas-6.11.1981, p.1

[4] ĠU L 214, ta’ l-24.8.1993, p. 31.

--------------------------------------------------

L-ANNESS

L-Anness I mar-Regolament (KEE) Nru 2377/90 jiġi emendat kif ġej:

2. Aġenti antaparasitiċi

2.3. Aġenti li jaħdmu kontra endo u ectoparasites

2.3.1. Avermectins

L-Anness II tar-Regolament (KEE) Nru 2377/90 huwa emendat kif ġej:

2. Komposti organiċi

"Sustanza(i) farmakoloġikament attiva(i) | Speċi ta' annimali | Provvedimenti oħrajn |

Atropine | L-ispeċi kollha li jipproduċu l-ikel' | |

Cefoperazone | Bovini | Għal użu intramammarju f' baqar tal-ħalib biss u għat- tessuti kollha ħlief għall-ħalib" |

L-Anness III tar-Regolament (KEE) Nru 2377/90 huwa emendat kif ġej:

1. Aġenti anti-infettużi

1.2. Antibiotiċi

1.2.1. Inibituri beta-lactamase

Bovini, ovin, tal-ħnieżer | 200 lg/kg | Muskolu |

200 lg/kg | Xaħam |

200 lg/kg | Fwied |

200 lg/kg | Kliewi" |

1.2.4. Cephalosporins

--------------------------------------------------

31999R1943