Official Journal L 170 , 06/07/1999 P. 0007 - 0009
Ir-Regolament tal-Kumissjoni (KEE) Nru 1467/1999 tal-5 ta’ Lulju, 1999 li jemenda r-Regolament (KEE) Nru 1858/93 li jipprovdi regoli dettaljati għall-applikazzjoni tar-Regolament tal-Kunsill (KEE) Nru 404/93 dwar l-iskema ta’ għajnuna bħala kumpens għal telf ta’ dħul mill-marketing fis-settur tal-banana IL- KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunitajiet Ewropej, Wara li kkunsidrat ir-Regolament tal-Kunsill (KEE) Nru 404/93, tat-13 ta’ Frar, 1993, dwar l-organizzazzjoni komuni tas-suq tal-banana [1], kif emendat l-aħħar mir-Regolament (KE) Nru 1257/1999 [2], u partikolarment l-Artikoli 12 u 14 tiegħu, Wara li kkunsidrat ir-Regolament tal-Kunsill (KE) Nru 2799/98, tal-15 ta’ Diċembru, 1998, li jistabbilixxi arranġamenti agrimonetarji għall-euro [3], u partikolarment l-Artikolu 3(2) tiegħu, (1) billi r-Regolament tal-Kummissjoni (KEE) Nru 1858/93 [4], kif l-aħħar emendat bir-Regolament (KE) Nru 1062/1999 [5], jipprovdi regoli dettaljati għall-applikazzjoni tas-sistema ta’ għajnuna bħala kumpens għal telf ta’ dħul mill-marketing tal-banana; (2) Billi d-dħul medju mill-produzzjoni huwa stabbilit skond il-medja tal-prezzijiet fl-istadju ta’ konsenja fl-ewwel port ta’ ħatt fil-bqija tal-Komunità, wara li titnaqqas il-medja ta’ l-ispejjeż ta’ trasport u konsenja fob; billi l-esperjenza wriet li fil-prattika il-medja ta’ l-ispejjeż imnaqqsa mill-valur tal-banana fl-istadju ta’ konsenja fl-ewwel port ta’ sbark (prodotti mhux sbarkati) baqgħet kważi stabbli sa llum; billi minħabba dan, l-amministrazzjoni ta’ l-iskema tista’ titħaffef aktar billi jkun provdut għal tnaqqis ta’ ammont b’rata fissa, waqt li jitħarsu l-kriterji msemmija fir-regoli; billi d-dħul medju mill-produzzjoni tal-banana imkabbra u mibjugħa fir-reġjun produttur, kif imfisser fl-Artikolu 12 tar- Regolament (KEE) Nru 404/93, għandu jkun stabbilit għalih waħdu skond il-prezzijiet tal-bejgħ fi swieq lokali, wara li jitnaqqas ammont b’rata fissa ta’ l-ispejjeż biex tintbagħat fis-swieq konċernati; (3) Billi dawn l-ammonti b’rata fissa għandhom ikunu riveduti biex ikun sgurat li dawn iżommu l-pass ma’ spejjeż reali, partikolarment spejjeż ta’ trasport; (4) billi l-esperjenza wriet li d-dati sa meta l-operaturi għandhom jibagħtu l-applikazzjonijiet tagħhom għal depożiti lill-awtoritajiet kompetenti ta’ l-iStati Membri għandhom ikunu estiżi biex l-operaturi jingħataw żmien biżżejjed biex iħejju l-applikazzjonijiet tagħhom; (5) billi, sabiex tkun ikkalkulata l-għajnuna bħala kumpens, ikun xieraq li t-tagħrif kollu mibgħut lill-Kummissjoni dwar il-marketing tal-banana jkun maqsum f’banana mibgħuta lill-Komunità minn barra r-reġjun produttur tagħha, u banana mqiegħda fis-suq f’reġjun produttur kif imfisser fl-Artikolu 12 tar-Regolament (KEE) Nru No 404/93; (6) Billi għandha tkun adattata t-tifsira tal-ġrajja operattiva għall-għajnuna bil-għan li jsir ħlas ta’ depożiti u ħlas tal-bilanċ ta’ l-għajnuna; (7) billi dan ir- Regolament għandu japplika matul l-1999 biex titħaffef b’mod li jinħass l-amministrazzjoni ta’ dawn l-arranġamenti; billi d-dħul ta’ ċerti spejjeż, partikolarment dawk biex merkanzija tintbagħat u tkun trasportata, permezz ta’ ammonti b’rata fissa, huwa msejjes direttament fuq tagħrif miksub minn Stati Membri waqt il-marketing tal-prodotti; (8) billi l-miżuri msemmija f’dan ir-Regolament huma skond l-opinjoni tal-Kumitat ta’ Ġestjoni tal-Banana, ADOTTAT DAN IR-REGOLAMENT: Artikolu 1 Ir-Regolament (KEE) Nru 1858/93 huwa emendat kif ġej: 1. L- l-Artikolu 3 huwa sostitwit b’dan li ġej: "Artikolu 3 1. Id-dħul medju mill-produzzjoni tal-banana mkabbra u mibjugħa fil-Komunità, kif imsemmi fl-Artikolu 12(5) tar- Regolament (KEE) Nru 404/93, għandu jkun ikkalkulat għall-istadju ta’ wara l-ippakkjar fil-veranda. 2. Fil-każ ta’ banana għall-bejgħ fil-Komunità minn barra r-reġjun produttur tagħha, kif imfisser fl-Artikolu 12 tar- Regolament (KEE) Nru 404/93, id-dħul medju mill-produzzjoni għandu jkun stabbilit għal kull sena skond il-medja tal-prezzijiet tal-banana mir-reġjuni produtturi fl-istadju ta’ konsenja fl-ewwel port ta’ sbark (prodotti mhux sbarkati), wara li jitnaqqas ammont b’rata fissa ta’ EUR 18,7/100 kg net li jkun jaqbel mal-medja ta’ l-ispejjeż ta’ trasport u konsenja fob. Fil-każ ta’ banana mkabbra u mibjugħa f’reġjun produttur, kif imfisser fl-Artikolu 12 tar- Regolament (KEE) Nru 404/93, id-dħul medju mill-produzzjoni għandu jkun stabbilit skond il-medja tal-prezzijiet tal-bejgħ fi swieq lokali, wara li jitnaqqas ammont b’rata fissa ta’ EUR 0,29/100 kg net li jkun jaqbel ma’ l-ispejjeż biex il-prodott jintbagħat fis-swieq konċernati. 3. L-ammonti b’rata fissa msemmija fil-paragrafu 2 għandhom ikunu riveduti jekk il-medja ta’ l-ispejjeż, biex il-prodott jintbagħat, u għal trasport u kkonsenja fob, tinbidel sewwa." 2. It-tieni paragrafu ta’ l-Artikolu 5 huwa revokat. 3. L- l-Artikolu 7(2)(a) huwa emendat kif ġej: "(a) fil-każ ta’ depożiti, mhux aktar tard mit-30 ta’ Marzu, 30 ta’ Mejju, 30 ta’ Lulju, 30 ta’ Settembru u 30 ta’ Novembru, għal banana mibjugħa matul il-perjodu ta’ xahrejn qabel ix-xahar li fih issir l-applikazzjoni." 4. It-tielet vers ta’ l-Artikolu 7(3) huwa sostitwit b’dan li ġej: "— il-kwantitajiet ta’ banana mkabbra u mibjugħa matul il-perjodu msemmi. Kwantitajiet bħal dawn għandhom jinqasmu f’banana msemmija fl-ewwel supparagrafu ta’ l-Artikolu 3(2) u dik imsemmija fit-tieni supparagrafu ta’ dan il-paragrafu. Applikazzjonijiet għall-bilanċ għandhom ikunu dwar il-kwantitajiet kollha mibjugħa matul is-sena msemmija, maqsuma bl-istess mod." 5. L-Artikolu 8 huwa sostitwit b’dan li ġej: "Artikolu 8 1. L-Istati Membri għandhom jgħarrfu lill-Kummissjoni, mingħajr dewmien fl-aħħar ta’ kull perjodu stabbilit għall-ħlas ta’ depożiti, dwar il-kwantitajiet mibjugħa li għalihom ikunu intbagħtu applikazzjonijiet għal ħlas. Dawn il-kwantitajiet għandhom jinqasmu kif muri fit-tielet vers ta’ l-Artikolu 7(3). 2. Fi żmien 20 ġurnata mit-tmiem tal-perjodu biex jintbagħtu applikazzjonijiet għal ħlas tal-bilanċ kif imsemmi fl-Artikolu 7(2)(b), huma għandhom jgħaddu lill-Kumissjoni, għal kull perjodu ta’ xahrejn: - fil-każ ta’ banana, kif imsemmi fl-ewwel supparagrafu ta’ l-Artikolu 3(2), il-kwantitajiet in kwistjoni, il-medja tal-prezzijiet tal-bejgħ ta’ banana ħadra u l-medja tal-prezzijiet fl-istadju ta’ konsenja fl-ewwel port ta’ sbark (prodotti mhux sbarkati), - fil-każ ta’ banana, kif imsemmi fit-tieni supparagrafu ta’ l-Artikolu 3(2), il-kwantitajiet in kwistjoni u l-medja tal-prezzijiet tal-bejgħ fi swieq lokali." 6. L-Artikolu 10 huwa sostitwit b’dan li ġej: "Artikolu 10 1. Wara li jivverifikaw l-applikazzjonijiet għal għajnuna u d-dokumenti li jkun hemm magħhom, l-awtoritajiet kompetenti nazzjonali għandhom iħallsu l-ammont tad-depożiti jew il-bilanċ ta’ l-għajnuna, skond il-każ, fi żmien xahrejn mix-xahar meta tkun intbagħtet l-applikazzjoni. 2. Depożiti u l-bilanċ ta’ l-għajnuna għandhom jitħallsu kollha lil benefiċċjarji." 7. L-Artikolu 11 huwa sostitwit b’dan li ġej: "Artikolu 11 Għal applikazzjoni ta’ l-iskema ta’ għajnuna bħala kumpens, il-ġrajja operattiva għar-rata ta’ kambju għandha tkun, fil-każ ta’ ħlas ta’ depożiti, l-ewwel ġurnata tal-perjodu ta’ xahrejn ta’ marketing in kwistjoni, kif imfisser fl-Artikolu 7(2), u fil-każ ta’ ħlas tal-bilanċ ta’ l-għajnuna, il-31 ta’ Diċembru tas-sena li għaliha l-għajnuna tkun ġiet stabbilità." 8. L-Artikolu 12(1) huwa sostitwit b’dan li ġej: "1. Jekk għall-għajnuna jkun sar ħlas indebitu dwar banana li ma tkunx inbiegħet skond l-Artikolu 1, l-awtoritajiet kompetenti għandhom jirkupraw l-ammonti mħallsa, flimkien ma’ l-imgħaxijiet ikkalkulati mid-data tal-ħlas ta’ l-għajnuna sad-data meta fil-fatt dawn ikunu ġew irkuprati. Ir- rata ta’ imgħaxijiet li għandha tkun applikata mill-iStati Membri produtturi, ħlief għall-Greċja, għandha tkun dik stabbilità mill-Bank Ċentrali Ewropew u ppubblikata fil-Ġurnal Uffiċċjali tal-Komunitajiet Ewropej. Ir-rata ta’ imgħaxijiet li għandha tkun applikata mill-Greċja għandha tkun bħal dik fis-seħħ għal azzjonijiet ta’ rkupru skond il-liġijiet nazzjonali. Din ir-rata tista’ ma tkunx anqas minn dak li jirrendu fi tlett xhur bonds tat-Teżor kif ikun japplika fil-jum tal-ħlas, b’żjieda ta’ punt wieħed fil-mija. L-Istati Membri jistgħu jiddeċiedu li ma jiġbrux imgħaxijiet jekk dawn jammontaw għal EUR 20 jew anqas." 9. L-Artikolu 13 huwa sostitwit b’dan li ġej: "Artikolu 13 Meta jkunu mitluba, Stati Membri produtturi għandhom jgħarrfu lill-Kummissjoni dan li ġej: - l-iżvilupp tal-produzzjoni fil-Komunità u marketing, - l-iżvilupp ta’ l-ispejjeż reali ta’ trasport u konsenja fob, - is-sitwazzjoni dwar il-kwantitajiet disponibbli f’imħażen tas-sajran, - l-iżvilupp tal-prezz tal-banana tal-Komunità fid-diversi stadji tal-linja tal-produzzjoni sa l-istadji ta’ bejgħ bl-ingrossa u bl-imnut, u tal-banana li tiġi minn pajjiżi terzi, mill-istadju cif sa l-istadju tal-bejgħ bl-imnut." 10. L-Artikolu 13a li ġej għandu jiddaħħal: "L-Artikolu 13a Jekk banana tal-Komunità titqiegħed fis-suq f’reġjun produttur għal matul perjodu ta’ xahrejn bi prezzijiet li jkunu sewwa taħt il-medja tal-prezz tal-banana għal bejgħ f’dak ir-reġjun produttur matul l-istess perjodu, l-iStati Membri għandhom isaħħu l-kontrolli ta’ sorveljanza fuq il-ħarsien ta’ livelli ta’ kwalità msemmija fir-Regolament tal-Kummissjoni Nru 2898/95 [6]." 11. L-Anness huwa mħassar. Artikolu 2 Dan ir-Regolament għandu jidħol fis-seħħ fit-tielet jum wara li jkun ippubblikat fil-Ġurnal Uffiċjali tal-Komunitajiet Ewropej. L-Artikolu 1(1) għandu japplika mill-1 ta’ Jannar, 1999, biex tkun stabbilita l-għajnuna għall-1999. Dan ir-Regolament għandu jorbot fl-intier tiegħu u jkun direttament applikabbli fl-iStati Membri kollha. Magħmul fi Brussel, 5 ta’ Lulju, 1999. Għall-Kummissjoni Franz Fischler Membru tal-Kummissjoni [1] ĠU L 47, tal-25.2.1993, p. 1. [2] ĠU L 160, tas-26.6.1999, p. 80. [3] ĠU L 349, ta’ l-24.12.1998, p. 1. [4] ĠU L 170, tat-13.7.1993, p. 5. [5] ĠU L 129, tat-22.5.1999, p. 24. [6] ĠU L 304, tas-16.12.1995, p. 17 --------------------------------------------------