ID-DIRETTIVA TAL-KUMMISSJONI 1999/65/KE

tal-24 ta' Ġunju 1999

li temenda d-Direttivi tal-Kunsill 86/362/KEE u 90/642/KEE dwar l-iffissar ta' livelli massimi għal residwi ta' pestiċidi fi u fuq ċereali u ċerti prodotti li joriġina minn pjanti inklużi frott u ħaxix rispettivament

(Test b'rilevanza FEE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 86/362/KEE tal-24 ta' Lulju 1986 dwar l-iffissar ta' livelli massimi għal residwi ta' pestiċidi fi u fuq ċereali ([1]), kif l-aħħar emendata b'Direttiva tal-Kummissjoni 98/82/KE ([2]), u b'mod partikolari l-Artikolu 7(4)(a) tagħha,

Wara li kkunsidrat id-Direttiva tal-Kunsill 90/642/KEE tas-27 ta' Novembru 1990 dwar l-iffissar ta' livelli massimi għal residwi ta' pestiċidi fi u fuq prodotti ta' oriġini minn pjanti, inklużi frott u ħaxix ([3]), kif l-aħħar emendata b'Direttiva 98/82/KE, u b'mod partikolari l-Artikolu 4(4)(a) tagħha,

(1) Billi l-Artikolu 7(2)(a) tad-Direttiva 86/362/KEE u l-Artikolu 4(2)(a) tad-Direttiva 90/642/KEE jeħtieġu li l-Istati Membri jippreżentaw lill-Kummissjoni sat-30 ta' Ġunju ta' kull sena l-programmi nazzjonali futuri tagħhom ta' kontroll għas-sena ta' wara għal residwi ta' pestiċidi fi jew fuq frott, ħaxix u ċereali; billi l-esperjenza li nkisbet mill-Istati Membri fl-ippjanar, twaqqif, twettiq, evalwazzjoni u rapportar fuq programmi annwali ta' qabel ta' kontroll turi li dan iż-żmien mhuwiex prattiku għaliex ma jħalliex biżżejjed żmien biex jittieħed in kunsiderazzjoni matul l-ippjanar tagħhom għas-sena ta' wara tar-riżultati mis-sena ta' qabel; billi perjodu addizzjonali ta' tliet xhur huwa kkunsidrat biżżejjed għal evalwazzjoni xierqa ta' riżultati ta' qabel u ippjanar ta' programmi nazzjonali futuri ta' kontroll;

(2) Billi l-Artikolu 7(2)(b) tad-Direttiva 86/362/KEE u l-Artikolu 4(2)(b) tad-Direttiva 90/642/KEE jeħtieġu li l-Kummissjoni tibgħat quddiem il-Kumitat Permanenti dwar is-Saħħa tal-Pjanti sat-30 ta' Settembru kull sena abbozz ta' rakkomandazzjoni li jissuġġerixxi programm ikkoordinat ta' kontroll tal-Komunità li jiddentifika t-teħid ta' kampjuni speċifiċi li għandhom jingħadu fil-programm ta' kontroll; billi l-kontenut ta' dak l-abbozz ta' rakkomandazzjoni huwa assoċjat ma' l-informazzjoni pprovduta mill-Istati Membri fuq il-programmi futuri tagħhom ta' kontroll; billi perjodu addizzjonali ta' tliet xhur għall-preżentazzjoni ta' pjanijiet nazzjonali mill-Istati Membri lill-Kummissjoni tista' tinvolvi dewmien ta' tliet xhur fil-preżentazzjoni ta' abbozz ta' rakkomandazzjoni mill-Kummissjoni lill-Kumitat Permanenti dwar is-Saħħa ta' Pjanti;

(3) Billi fil-prattika l-Kummissjoni u l-Istati Membri jippjanaw programmi koordinati Komunitarji ta' kontroll skond bażi ta' ħafna snin;

Billi l-miżuri pprovduti f'din id-Direttiva huma skond l-opinjoni tal-Kumitat Permanenti dwar is-Saħħa ta' Pjanti,

ADOTTAT DAN IR-REGOLAMENT

Artikolu 1

Fl-Artikolu 7 ta' Direttiva 86/362/KEE:

- fil-paragrafu 2(a), "30 ta' Ġunju" jinbidel bi "30 ta' Settembru",f'paragrafi 2(b) u 3, "30 ta' Settembru" jinbidel bi"31 ta' Diċembru".

Artikolu 2

Fl-Artikolu 4 tad- Direttiva 90/642/KEE

- fil-paragrafu 2(a), "30 ta' Ġunju" jinbidel bi "30 ta' Settembru",

- f'paragrafi 2(b) u 3, "30 ta' Settembru" jinbidel bi "31 ta' Diċembru".

Artikolu 3

1. Din id-Direttiva tidħol fis-seħħ fil-jum tal-pubblikazzjoni tagħħa

2.L-Istati Membri għandhom jadottaw u jippubblikaw l-miżuri leġislattivi, regolatorji jew amministrattivi sabiex jikkonformaw ma' din id-Direttiva sal-31 ta' Diċembru tal-1999. Huma għandhom jinfurmaw minnufih lill-Kummissjoni dwarhom.

3. Huma għandhom japplikaw dawn il-miżuri sa mill-1 ta' Jannar 2000. Meta l-Istati Membri jadottaw dawn il-miżuri, huma għandhom ikollhom fihom riferenza għal din id-Direttiva jew għandhom ikunu msieħba b'dik ir-riferenza fiż-żmien tal-pubblikazzjoni uffiċjali tagħhom. Il-proċedura għal dik ir-riferenza għandha tiġi adottata mill-Istati Membri.

Artikolu 4

Din id-Direttiva hija ndirizzata lill-Istati Membri.

Magħmula f'Brussel, fl-24 ta' Ġunju 1999.

F'isem il-Kummissjoni

Franz FISCHLER

Membru tal-Kummissjoni

Anthony Borg

[1] ĠU L 221, tas-7.8.1986, p. 37

[2] ĠU L 290, tad-29.10.1998, p. 25

[3] ĠU L 350, ta' l-14.12.1990, p. 71