Id-Deċiżjoni tal-Kummissjoni

tas-27 ta’ Lulju 1999

li tistabbilixxi il-mudell taċ-ċertifikat imsemmi fl-Artikolu 16(1) tad-Direttiva tal-Kunsill 91/67/KEE

(notifikata taħt id-dokument numru K (1999) 2425)

(Test bir-rilevanza ŻEE)

(1999/567/KE)

IL-KUMMISSJONI TAL-KOMUNITAJIET EWROPEJ,

ADOTTAT DIN ID-DEĊIŻJONI:

Wara li kkonsidrat it-Trattat li jistabbilixxi il-Komunità Ewropea,

(1) Wara li kkonsidrat id-Direttiva tal-Kunsill 91/67/KEE tat-28 ta’ Jannar 1991 li tikkonċerna il-kondizzjonijiet ta’ saħħa ta’ l-annimali li jmexxu it-tpoġġija fis-suq ta’ annimali u prodotti akwatiċi [1], kif emendata l-aħħar bid-Direttiva 98/45/KE [2], u partikolarment l-Artikolu 16(l) tagħha,

(2) (1) Billi l-annimali tal-akwakultura suxxettibbli għan-nekrosi ematopojetika infettiva (IHN) u s-settiċemija emorraġika virili (VHS) fil-kummerċ intra-Komunitarju bejn żoni mhux-approvati jistgħu jferrxu l-mard meta jkunu ġejjin minn razzett fejn tkun imxerrda il-marda;

(3) (2) Billi biex jiġi evitat it-tixrid ta’ dan il-mard, għandu jkun assigurat li dawn l-annimali ta’ l-akwakultura jkunu akkumpanjati b’ċertifikat li jiċċertifika li l-annimali ġejjin minn razzett li mhux infettat b’IHN u VHS;

(4) (3) Billi, bi qbil ma’ l-Artikolu 10(1) tad-Direttiva tal-Kunsill 93/53/KEE tal-24 ta’ Ġunju 1993 li tintroduċi miżuri minimi tal-Komunità għall-kontroll ta’ ċertu mard tal-ħut [3], kif emendata bl-Att ta’ Adeżjoni ta’ l-Awstrija, l-Fillandja u l-Isvezja, movimenti ta’ ħut ħaj jew bajd u gametes minn irziezet infettati mill-istess mard huwa permess;

(5) (4) Billi, biex jiġi evitat it-tixrid ta’ mard li jinġarr mill-ħut, huwa neċessarju li tkun provvduta ċertifikazzjoni speċjali;

(5) Billi l-miżuri provvduti f’din id-Deċiżjoni jaqblu mal-opinjoni tal-Kumitat Veterinarju Permanenti.

Artikolu 1

Kunsinni ta’ ħut ħaj, il-bajd jew gametes tagħhom fil-kummerċ intra-Komunitarju bejn żoni mhux approvati fir-rigward tal-mard imsemmi fil-lista II tal-Anness A tad-Direttiva 91/67/KEE, għandhom ikunu akkumpanjati b’ċertifikat magħmul bi qbil mal-mudell stabbilit f’L-Anness I.

Artikolu 2

Kunsinni ta’ ħut ħaj, il-bajd jew gametes tagħhom fil-kummerċ intra-Komunitarju bejn żoni mhux approvati minn razzett infettat mill-mard imsemmi fil-lista II tal-Anness A tad-Direttiva 91/67/KEE lejn rziezet oħra infettati mill-istess mard, għandhom ikunu akkumpanjati b’ċertifikat magħmul bi qbil mal-mudell stabbilit f’L-Anness II.

Artikolu 3

Iċ-ċertifikati msemmija f’L-Artikoli 1 u 2 għandhom:

- isiru fil-lingwa jew lingwi ta’ l-Istat Membru ta’ destinizzjoni,

- jakkumpanjaw il-ħut, bajd u gametes fl-oriġinal,

- jikkonsistu f’karta waħda,

- ikunu magħmula minn min jikkonsinja.

Artikolu 4

Din id-Deċiżjoni hija ndirizzata lill-Istati Membri.

Magħmula fi Brussel, fis-27 ta’ Lulju 1999.

Għall-Kummissjoni

Franz Fischler

Membru tal-Kummissjoni

[1] ĠU L 46, tad-19.2.1991, p. 1.

[2] ĠU L 189, tat-3.7.1998, p. 12.

[3] ĠU L 175, tad-19.7.1993, p. 23.

--------------------------------------------------

L-ANNESS I

+++++ TIFF +++++

+++++ TIFF +++++

--------------------------------------------------

L-ANNESS II

+++++ TIFF +++++

+++++ TIFF +++++

--------------------------------------------------