Official Journal L 044 , 18/02/1999 P. 0033 - 0033
Id-Deċizjoni tal-Kunsill tal-21 ta' Diċembru 1998 li tirrelata dwar il-konkluzjoni ta' Ftehim bejn il-Komunità Ewropea u l-Kunsill ta' l--Ewropa bil-għan li tistabbilixxi, skond l-Artikolu 7(3) tar-Regolament tal-Kunsill (KE) Nru 1035/97 tat- 2 ta' Ġunju 1997 li jistabbilixxi Ċentru Ewropew ta' Monitoraġġ dwar ir-Razziżmu u l-Ksenofobija, koperazzjoni mill-qrib bejn iċ-Ċentru u l-Kunsill ta' l-Ewropa. (1999/132/KE) IL-KUNSILL TA' L-UNJONI EWROPEA, Wara li kkunsidra t-Trattat li jistabbilixxi l-Komunitá Ewropea, Wara li kkunsidra r-Regolament tal-Kunsill(KE) Nu. 1035/97 [1], u partikolarment l-Artikolu 7(3) tiegħu, flimkien ma' l-Artikolu 228(2), tieni sentenza, u (3), l-ewwel subparagrafu, tat-trattat tat-Trattat tal-KE, Wara li kkunsidra il-proposta mill-Kummissjoni [2], Wara li kkunsidra l-opinjoni tal-Parlament Ewropew [3]; billi l-Ftehim bejn il-Komunità Ewropea u l-Kunsill ta' l-Ewropa bl-iskop li jistabbilixxi, skond l-Artikolu 7(3) tar-Regolament tal-Kunsill(KE) Nru 1035/97 tat-2 ta' Ġunju 1997 li jistabbilixxi Ċentru Ewropew ta' Monitoraġġ dwar ir-Razzizmu u l-Ksenofobija, koperazzjoni fil-qrib bejn iċ-Ċentru u l-Kunsill ta' Ewropa, għandu jigi approvat. ADOTTA DIN ID-DEĊIŻJONI: Artikolu 1 Il-Ftehim bejn il-Komunità Ewropea u l-Kunsill ta' l-Ewropa previst bl-Artikolu 7(3) tar-Regolament tal-Kunsill (KE) No 1035/97 għandu jiġi approvat f'isem il-Komunitajiet Ewropej. It-test ta' dan il-Ftehim huwa anness ma' din id-Deċiżjoni. Artikolu 2 Il-President tal-Kunsill huwa hawnhekk awtorizzat biex jinnomina l-persunal mogħti s-setgħa li jiffirma l-Ftehim sabiex jorbot lill-Komunità [4]. Artikolu 3 Din id-Deċizjoni għandha tiġi pubblikata fil-Ġurnal Uffiċjali tal-Komunitajiet Ewropej. Magħmula fi Brussel, il-21 Diċembru 1998. Għall-Kunsill Il-President M. Bartenstein [1] ĠU L 151, tal-15.6.1997, p. 1. [2] ĠU C 171, tal-5.6.1998, p. 10. [3] ĠU C 359, tat-23.11.1998. [4] Id-data tad-dħul fis-seħħ tal-Ftehim għandu jiġi pubblikat fil-Ġurnal Uffiċjali tal-Komunitajiet ta' l-Ewropa mis-Segretarjat Ġenerali tal-Kunsill. --------------------------------------------------