Official Journal L 277 , 14/10/1998 P. 0036 - 0041
Id-Deċiżjoni tal-Kummissjoni tas-7 ta’ Ottubru 1998 li tippreskrivi kondizzjonijiet speċjali li jirregolaw importazzjonijiet ta’ prodotti tas-sajd u ta’ l-akwakultura li joriġinaw mit-Tuneżija (notifikata bid-dokument numru C(1998) 2978) (Test b’rilevanza għaż-ŻEE) (98/570/KE) IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ewropea, Wara li kkunsidrat id-Direttiva tal-Kunsill 91/493/KEE tat-22 ta’ Lulju 1991 li tippreskrivi l-kondizzjonijiet tas-saħħa għall-produzzjoni u t-tqegħid fis-suq ta’ prodotti tas-sajd [1], kif l-aħħar emendata bid-Direttiva tal-Kunsill 97/79/KE [2], u b’mod partikolari l-Artikolu 11 tagħha, Billi espert tal-Kummissjoni wettaq żjara ta’ spezzjoni fit-Tuneżija sabiex jivverifika l-kondizzjonijiet li taħthom prodotti tas-sajd jiġu prodotti, maħżuna u mibgħuta lejn il-Komunità; Billi d-dispożizzjonijiet tal-leġislazzjoni tat-Tuneżija dwar spezzjonijiet tas-saħħa u monitoraġġ ta’ prodotti tas-sajd jistgħu jiġu meqjusa bħala ekwivalenti għal dawk preskritti fid-Direttiva 91/493/KEE; Billi, fit-Tuneżija d-"Direction générale de la santé animale (DGSA) du ministère de l’agriculture" hija kapaċi li tivverifika b’mod effettiv l-applikazzjoni tal-liġijiet fis-seħħ; Billi l-proċedura sabiex jinkiseb iċ-ċertifikat tas-saħħa msemmi fl-Artikolu 11(4)(a) tad-Direttiva 91/493/KEE għandha tkopri wkoll id-definizzjoni ta’ ċertifikat mudell, il-ħtiġiet minimi dwar il-lingwa(i) li biha għandu jkun abbozzat u l-grad tal-persuna li jkollha l-poter tiffirmah; Billi, skond l-Artikolu 11(4)(b) tad-Direttiva 91/493/KEE, għandha titwaħħal marka ma’ pakketti ta’ prodotti tas-sajd li turi l-isem tal-pajjiż terz u n-numru ta’ l-approvazzjoni/reġistrazzjoni ta’ l-istabbiliment, bastiment fabbrika, maħżen tal-kesħa jew friża jew bastiment tal-friża ta’ oriġini; Billi, skond l-Artikolu 11(4)(ċ) tad-Direttiva 91/493/KEE, għandha titħejja lista ta’ stabbilimenti approvati/irregistrati, bastimenti fabbrika, jew imħażen tal-kesħa; billi għandha titħejja lista ta’ bastimenti tal-friża rreġistrati fit-tifsira tad-Direttiva 92/48/KEE [3]; billi dawn il-listi għandhom jiġu mħejjija skond il-bażi ta’ komunikazzjoni mingħand id-DGSA lill-Kummissjoni; billi huwa għalhekk f’idejn id-DGSA li tiżgura l-konformità mad-disposizzjonijiet preskritti għal dak l-għan fl-Artikolu 11(4) tad-Direttiva 91/493/KEE; Billi d-DGSA ipprovdiet assigurazzjonijiet uffiċjali dwar il-konformità mar-regoli preskritti fil-Kapitolu V ta’ l-Anness tad-Direttiva 91/493/KEE u dwar it-twettiq tal-ħtiġiet ekwivalenti għal dawk preskritti minn dik id-Direttiva għall-approvazzjoni jew ir-reġistrazzjoni ta’ stabbilimenti, bastimenti fabbriki, imħażen tal-kesħa jew bastimenti tal-friża ta’ oriġini; Billi l-miżuri previsti f’din id-Deċiżjoni huma skond l-opinjoni tal-Kumitat Veterinarju Permanenti, ADOTTAT DIN ID-DEĊIŻJONI: L- Artikolu 1 Id-‘Direction générale de la santé animale (DGSA) du ministère de l’agriculture’ għandha tkun l-awtorità kompetenti fit-Tuneżija sabiex tivverifika u tiċċertifika l-konformità ta’ prodotti tas-sajd u ta’ l-akwakultura mal-ħtiġiet tad-Direttiva 91/493/KEE. L- Artikolu 2 Prodotti tas-sajd u ta’ l-akwakultura li joriġinaw mit-Tuneżija għandhom jissodisfaw il-kondizzjonijiet li ġejjin: 1. kull konsenja għandha tkun akkumpanjata b’ċertifikat ta’ saħħa oriġinali enumerat, debitament mimli, iffirmat, datat u li jkun jinkludi karta waħda skond il-mudell fl-Anness A ta’ dan; 2. il-prodotti jridu jiġu minn stabbilimenti approvati, bastimenti fabbriki, imħażen tal-kesħa jew bastimenti rreġistrati tal-friża elenkati fl-Anness B ta’ dan; 3. ħlief fil-każ ta’ prodotti tas-sajd iffriżati fi kwantitajiet kbar u maħsuba għall-manifattura ta’ l-ikel ippriservat, il-pakketti kollha għandu jkollhom fuqhom il-kliem "TUNISIA" u n-numru ta’ l-approvazzjoni/reġistrazzjoni ta’ l-istabbiliment, bastiment fabbrika, maħżen tal-kesħa jew bastiment tal-friża ta’ oriġini f’ittri li ma jitħassrux. L- Artikolu 3 1. Iċ-ċertifikati kif imsemmija fl-Artikolu 2(1) għandhom jitħejjew mill-inqas b’lingwa waħda uffiċjali ta’ l-Istat Membru fejn jitwettqu l-verifiki. 2. Iċ-ċertifikati għandu jkollhom fuqhom l-isem, kariga u firma tar-rappreżentant tad-DGSA u t-timbru uffiċjali ta’ dan ta’ l-aħħar b’kulur differenti minn dak ta’ endorsjar ieħor. L- Artikolu 4 Din id-Deċiżjoni hija indirizzata lill-Istati Membri. Magħmula fi Brussel, fis-7 ta’ Ottubru 1998. Għall-Kummissjoni Franz Fischler Membru tal-Kummissjoni [1] ĠU L 268, ta' l-24.9.1991, p. 15. [2] ĠU L 24, tat-30.1.1998, p. 31. [3] ĠU L 187, tas-7.7.1992, p. 41. -------------------------------------------------- ANNESS A +++++ TIFF +++++ +++++ TIFF +++++ -------------------------------------------------- ANNESS B I. LISTA TA' STABBILIMENTI APPROVATI Numru . | Isem | Indirizz | 1 | Jerba Aquaculture Tunisie (JAT) | Medenine | 3 | Le Dauphin | Ajim-Jerba | 10 | Medigel | Medenine | 12 | Ste' Ben Kalia et Fils | Medenine | 14 | Cotuprom | Medenine | 17 | Coprod | Medenine | 101 | Medi-Peche El Ghoul | Tunis | 105 | Mondher El Ghoul | Tunis | 106 | Kamexport | Tunis | 107 | Fishfarmer | Ariana | 112 | Equimar-Congelation | Tunis | 116 | Ste Ben Hamida Aux Poissons Mediterraneens | Tunis | 118 | Maristar | Tunis | 120 (Awtorizzat sal- 31.12.1998) | Maregel | Tunis | 134 | Mediterraneen Pesca | Tunis | 201 | Mohamed Aouadi | Bizerte | 203 | Jalta Export | Bizerte | 204 | Peche Export | Bizerte | 205 | Ste Trad des Produits de la Mer | Bizerte | 207 | Ste El Bouhaira | Bizerte | 208 | Horchani Madrague | Bizerte | 209 | Ste Mondher El Ghoul | Bizerte | 210 | Sitex | Bizerte | 215 | Sittep | Bizerte | 221 | STIC | Bizerte | 303 | La Prospere | Nabeul | 310 | Serimex Peche | Nabeul | 420 | Ste Calambo | Sfax | 423 | Ste Mohamed Sallem et Fils | Sfax | 426 | Promebar | Sfax | 427 | Produits congeles du Bassin mediterraneen (PCBM) | Sfax | 435 | La Perle des Mers | Sfax | 436 | La Reine des Mers | Sfax | 437 | Somopeche | Sfax | 438 | Fish Tunisie | Sfax | 439 | Frigomar | Sfax | 441 | Socepa | Sfax | 442 | Fruitumer | Sfax | 450 | Impex Tunisie | Sfax | 457 | Medifish | Sfax | 461 | Medifi | Sfax | 465 | Ste Ali Mezghani | Sfax | 501 | Aquaculture Hergla | Sousse | 602 | Zagnani Hassen-La Bonte de la Mer | Monastir | 603 | Scala | Monastir | 700 | Bennour et Cte-Kuriat | Mahdia | 751 | Frimar | Mahdia | 753 | Congelation Ben Messaoud | Mahdia | 754 | Ben Hassen Abdeljelil Export | Mahdia | 800 | Poisson d'Or | Tabarka | II. LISTA TA' BASTIMENTI TAL-FRIŻA Numru | Isem | Port: | 211 | La Galite I | Bizerte | 212 | La Galite II | Bizerte | 300 | El Bahri Omar | Nabeul | 308 | Ibn Ziad | Nabeul | 801 | Navire-usine Dhaker | Jendouba | --------------------------------------------------