Id-Deċiżjoni tal-Kummissjoni

tas-6 ta’ Ottubru, 1998,

li temenda d-Deċiżjoni 93/195/KEE dwar il-kondizzjonijiet ta’ saħħa u ċertifikazzjoni veterinarja għad-dħul mill-ġdid ta’ żwiemel reġistrati għat-tlielaq, ġrajjiet kompetittivi u kulturali, wara esportazzjoni temporanja

(notifikata bid-dokument numru K (1998) 2954)

(Test b’rilevanza ŻEE)

(98/567/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 90/426/KEE tas-26 ta’ Ġunju, 1990, dwar il-kondizzjonijiet veterinarji li jirregolaw il-moviment u l-importazzjoni minn pajjiżi terzi ta’ ekwidi (1), kif l-aħħar emendata bl-Att ta’ Adeżjoni ta’ l-Awstrija, tal-Finlandja u ta’ l-Isvezja, u partikolarment l-Artikolu 19(ii) tagħha,

Billi, bi qbil mad-Deċiżjoni tal-Kummissjoni 93/195/KEE (2), kif l-aħħar emendata bid-Deċiżjoni 98/360/KE (3), id-dħul mill-ġdid ta’ żwiemel reġistrati għat-tlielaq, ġrajjiet kompetittivi u kulturali, wara esportazzjoni temporanja, tgħodd għal żwiemel miżmuma għal inqas minn 30 jum f’pajjiż terz;

Billi sabiex ikun eħfef għal żwiemel li joriġinaw fil-Komunità li jieħdu sehem fil-Melbourne Cup li ssir fl-Awstralja, dak il-perjodu għandu jittawwal għal inqas minn 90 jum;

Billi l-miżuri msemmija f’din id-Deċiżjoni huma skond l-opinjoni tal-Kumitat Veterinarju Permanenti,

ADOTTAT DIN ID-DEĊIŻJONI:

Artikolu 1

Id-Deċiżjoni 93/195/KEE hija emedata kif ġej:

1) għandu jiżdied il-ħames inċiż bil-kliem li ġej fl-Artikolu 1:

"— li jkunu ħadu sehem fil-Melbourne Cup u kienu skond il-ħtiġijiet stabbiliti f’ċertifikat ta’ saħħa skond il-mudell muri fl-Anness V ta’ din id-Deċiżjoni".

2) l-Anness ta’ din id-Deċiżjoni huwa miżjud bħala l-Anness V.

Artikolu 2

Din id-Deċiżjoni hija indirizzata lill-Istati Membri.

Magħmula fi Brussel, 6 ta’ Ottubru, 1998.

Għall-Kummissjoni

Franz Fischler

Membru tal-Kumissjoni

--------------------------------------------------

L-ANNESS

"

“L-ANNESS V

+++++ TIFF +++++

"

--------------------------------------------------