Official Journal L 322 , 25/11/1997 P. 0033 - 0035
Ir-Regolament tal-Kummissjoni (KE) Nru 2325/97 ta' l-24 ta' Novembru 1997 li jissupplimenta l-Anness mar-Regolament (KE) Nru 1107/96 dwar ir-reġistrazzjoni ta’ l-indikazzjonijiet ġeografiċi u d-denominazzjoni ta’ l-oriġini skond il-proċedura pprovduta fl-Artikolu 17 tar-Regolament tal-Kunsill (KEE) Nru 2081/92 (Test b’relevanza għaż-ŻEE) IL-KUMMISJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ewropea, Wara li kkunsidrat ir-Regolament tal-Kunsill (KEE) Nru 2081/92 ta' l-14 ta’ Lulju 1992 dwar il-protezzjoni ta’ l-indikazzjonijiet ġeografiċi u d-denominazzjoni ta’ l-oriġini għall-prodotti u l-oġġetti ta' l-ikel agrikoli [1], kif l-aħħar emendat bir-Regolament tal-Kummissjoni (KE) Nru 1068/97 [2], u b'mod partikolari l-Artikolu 17 (2) u (4) tiegħu, Billi, għall-ċerti ismijiet innotifikati mill-Istati Membri skond l-Artikolu 17 tar-Regolament (KEE) Nru 2081/92, kien mitlub tagħrif addizjonali sabiex jiġi żgurat illi dawn kienu jħarsu l-Artikoli 2 u 4 ta’ dan ir-Regolament; billi dan it-tagħrif addizjonali juri illi d-denominazzjonijiet iħarsu l-Artikolu msemmi; billi huma għandhom għalhekk jiġu rreġistrati u miżjuda fl-Anness mar-Regolament tal-Kummissjoni (KEE) Nru 1107/96 [3], kif l-aħħar emendat bir-Regolament (KE) Nru 1065/97 [4]; Billi, wara l-adeżjoni ta’ tliet Stati Membri ġodda, il-perjodu taż-żmien ta’ sitt xhur ipprovdut fl-Artikolu 17 tar-Regolament (KEE) Nru 2081/92 għandu jibda mid-data ta' l-adeżjoni tagħhom; billi wħud mid-denominazzjonijiet innotifikati minn dawn l-Istati Membri jħarsu l-Artikoli 2 u 4 ta’ dan ir-Regolament u għandhom għalhekk jiġu rreġistrati; Billi l-miżuri pprovduti f’dan ir-Regolament huma skond l-opinjoni tal-Kumitat Regolatorju dwar l-Indikazzjonijiet Ġeografiċi u d-denominazzjoni ta’ l-Oriġini, ADOTTAT DAN IR-REGOLAMENT: L-Artikolu 1 L-ismijiet fl-Anness ma' dan ir-Regolament huma hawnhekk miżjuda fl-Anness mar-Regolament (KE) Nru 1107/96. L-Artikolu 2 Dan ir-Regolament għandu jidħol fis-seħħ fil-jum tal-pubblikazzjoni tiegħu fil-Ġurnal Uffiċjali tal-Komunitajiet Ewropej. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, fl-24 ta’ Novembru 1997. Għall-Kummissjoni Franz Fischler Membru tal-Kummissjoni [1] ĠU L 208, ta' l-24.7.1992, p. 1. [2] ĠU L 156, tat-13.6.1997, p. 10. [3] ĠU L 148, tal-21.6.1996, p. 1. [4] ĠU L 156, tat-13.6.1997, p. 5. -------------------------------------------------- L-ANNESS A. IL-PRODOTTI MAĦSUBA GĦALL-KONSUM MILL-BNIEDEM ELENKATI FL-ANNESS II TAT-TRATTAT Il-Laħam frisk (u l-interjuri) FRANZA "—Il-Porc de la Sarthe | (OFJ) | —Il-Porc de Normandie | (OFJ) | —Il-Porc de Vendée | (OFJ) | —Il-Porc du Limousin | (OFJ)" | Il-Ġobnijiet IL-ĠERMANJA "—L-Odenwälder Frühstückskäse | (OEM)" | L-AWSTRIJA "—It-Tirolere Almkäse/Tiroler Alpkäse | (OEM)" | L-ISVEZJA "—L-iSvecia | (OFJ)" | Iż-Żjut u x-xaħmijiet IL-ĠERMANJA "—Il-Lausitzer Leinöl | (OFJ)" | Iż-Żejt taż-żebbuġa L-ITALJA "—Il-Garda | (OEM) | —Id-Dauno | (OEM) | —Il-Colline Teatine | (OEM) | —Il-Monti Iblei | (OEM) | —Il-Laghi Lombardi | (OEM) | —Il-Valli Trapanesi | (OEM) | —It-Terra di Bari | (OEM) | —L-Umbria | (OEM)" | Il-Frott u l-ħaxix ta' l-ikel L-ITALJA "—Il-Clementine di Calabria | (OFJ) | —In-Nocciola di Giffoni | (OFJ) | —L-iScalogno di Romagna | (OFJ) | —L-Uva da tavola di Canicattì | (OFJ)" | Il-Ħut frisk, il-molluski u l-krustaċji u l-prodotti dderivati minnhom IL-ĠERMANJA "—L-iSchwarzwaldforelle | (OFJ)" | B. IL-PRODOTTI TA' L-IKEL ELENKATI Fl-ANNESS I MAR-REGOLAMENT (KEE) Nru 2081/92 Il-Birra IL-ĠERMANJA "—Il-Kölsch | (OFJ) | —Ir-Rieser Weizenbier | (OFJ)" | Il-Ħobż, l-għaġina, il-kejkijiet, il-prodotti tal-ħelu, il-gallettini u oġġetti oħra tal-furnara għall-bejgħ, L-ITALJA "—Il-Pane casareccio di Genzano | (OFJ)" | Ċ. IL-PRODOTTI AGRIKOLI ELENKATI Fl-ANNESS II MAR-REGOLAMENT (KEE) Nru 2081/92 FRANZA "—Il-Foin de Crau | (OEM)" | --------------------------------------------------