Official Journal L 196 , 24/07/1997 P. 0077 - 0078
Il-21 Direttiva tal-Kummissjoni 97/45/KE ta’ l-14 ta’ Lulju 1997 li tadatta għal progress tekniku l-Annessi II, III, VI u VII tad-Direttiva tal-Kunsill 76/768/KEE dwar l-approssimazzjoni tal-liġijiet ta’ l-Istati Membri li għandhom x’jaqsmu mal-prodotti kosmetiċi (Test b’relevanza għaż-ŻEE) Il-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ewropea, Wara li kkunsidrat id-Direttiva tal-Kunsill 76/768/KEE tas-27 ta’ Lulju 1976 dwar l-approssimazzjoni tal-liġijiet ta’ l-Istati Membri li għandhom x’jaqsmu mal-prodotti kosmetiċi [1], kif l-aħħar emendata bid-Direttiva 97/1/KE [2], u b’mod partikulari l-Artikolu 8(2) tagħha, Wara li kkunsultat mal-Kumitat Xjentifiku dwar il-Kosmetoloġija, Billi l-informazzjoni xjentifika disponibbli tindika li l-livell ta’ l-idrokarburi poliaromatiċi (PAHijiet) fil-qatran tal-faħam maħdum hu fl-istess ambitu tal-livell ta’ PAH fil-qatran tal-faħam mhux maħdum; filwaqt li bosta studji juru li PAH jidħlu fil-ġilda esposta għall-qatran tal-faħam, li jistgħu jwasslu għal karċinoġenesi dermali u sistemika; filwaqt li bosta PAH huma karċinoġenesi ġenotossiċi, u konsegwentement ma jista’ jiġi stabbilit ebda livell ta’ bla perikolu, l-użu tal-qatran tal-faħam maħdum u mhux maħdum fi prodotti kosmetiċi għandu jiġi pprojbit; Billi valutazzjoni tossikoloġika oħra, ibbażata fuq informazzjoni ġdida mogħtija mill-industrija, ta’ benzethonium chloride, turi li jinkiseb marġini ta’ sigurtà aċċettabbli sakemm l-użu tiegħu jiġi limitat għal preservattivi, f’konċentrazzjoni limitata u għal ħin ridott ta’ kuntatt mal-ġilda; Billi, fuq il-bażi ta’ l-aħħar riċerka xjentifika u teknika, jista’ jintuża l-octyl methoxycinnamate bħala filtru ta’ l-UV fi prodotti kosmetiċi; Billi l-miżuri previsti f’ din id-Direttiva huma bi qbil ma’ l-opinjoni tal-Kumitat dwar l-Adattazzjoni għal Progress Tekniku tad-Direttiva dwar it-tneħħija ta’ l-ostakoli tekniċi għall-kummerċ fis-settur tal-prodotti kosmetiċi, ADOTTAT DIN ID-DIRETTIVA: L-Artikolu 1 Id-Direttiva 76/768/KEE qiegħda b’hekk tiġi emendata kif jidher fl-Anness: L-Artikolu 2 1. L-Istati Membri għandhom jieħdu l-miżuri meħtieġa sabiex jiżguraw li mill-1 ta’ Lulju 1998 għas-sustanzi preskritti fl-Anness, la l-fabbrikanti u lanqas l-importaturi stabbiliti fil-Komunità ma għandhom iqiegħdu fis-suq prodotti li ma jkunux jikkonformaw mal-ħtiġiet ta’ din id-Direttiva. 2. L-Istati Membri għandhom jieħdu l-miżuri meħtieġa biex jiżguraw li l-prodotti msemmija fil-paragrafu 1 li jkun fihom sustanzi preskritti fl-Anness ma jinbigħux jew b’xi mod ieħor ma jiġux ipprovduti lill-konsumaturi finali wara t-30 ta’ Ġunju 1999. L-Artikolu 3 1. L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi meħtieġa sabiex jikkonformaw ma’ din id-Direttiva mhux aktar tard mit-30 ta’ Ġunju 1998. Dawn għandhom bla dewmien jinfurmaw lill-Kummissjoni bihom. Meta l-Istati Membri jadottaw dawn id-dispożizzjonijiet, dawn għandu jkun fihom referenza għal din id-Direttiva jew għandhom ikunu akkumpanjati b’din ir-referenza fil-waqt tal-pubblikazzjonijiet uffiċjali tagħhom. Il-proċedura għal din ir-referenza għandha tiġi adottata mill-Istati Membri. 2. L-Istati Membri għandhom jikkomunikaw lill-Kummissjoni d-dispożizzjonijiet tal-liġi nazzjonali li huma jadottaw fil-qasam kopert b’din id-Direttiva. L-Artikolu 4 Din id-Direttiva għandha tidħol fis-seħħ fit-tielet ġurnata wara l-pubblikazzjoni tagħha fil-Ġurnal Uffiċjali tal-Komunitajiet Ewropej. L-Artikolu 5 Din id-Direttiva hija indirizzata lill-Istati Membri. Magħmula fi Brussel, fl-14 ta’ Lulju 1997. Għall-Kummissjoni Martin Bangemann Membru tal-Kummissjoni [1] ĠU L 262, tas-27.9.1976, p. 169. [2] ĠU L 16, tat-18.1.1997, p. 85. -------------------------------------------------- L-ANNESS L-Annessi tad-Direttiva 76/768/KEE qed jiġu emendati kif ġej: 1. Fl-Anness II: In-numru ta’ referenza 420 li ġej qed jiġi miżjud: "420. Il-qatran tal-faħam mhux maħdum u maħdum" In-numru ta’ referenza 415 li ġej qed jitħassar: "415. Id-diisobutyl-phenoxy-ethoxy-ethyldimethylbenzylammonium chloride (benzethonium chloride)" 2. Fl-Anness VI: (a) L-Ewwel Parti In-numru ta’ referenza li ġej qed jiġi miżjud: "a | b | ċ | d | e | 53 | Benzethonium chloride | 0,1 % | Prodotti tat-tlaħliħ biss" | | (b) It-Tieni Parti: "tat- 30.6.1997" qed jinbidel bi "tat- 30.6.1998" għan-numri ta’ referenza 16, 21, 29. 3. Fl-Anness VII: (a) L-Ewwel Parti: In-numru ta’ referenza li ġej qed jiżdied: "a | b | ċ | d | e | 12 | Octyl methoxycinnamate | 10 %" | | | (b) It-Tieni Parti: - In-numru ta’ referenza 13 qed jitħassar. - "tat- 30.6.1997" qed jinbidel bi "tat- 30.6.1998" għan-numri ta’ referenza 2, 5, 6, 12, 17, 25, 26, 29 u 32. --------------------------------------------------