Id-Deċiżjoni tal-Kunsill

tat-2 ta' Ġunju 1997

dwar il-konklużjoni tal-Ftehim Proviżorju ta'Assoċjazzjoni Ewro-Mediterranja dwar il-kummerċ u koperazzjoni bejn il-Komunità Ewropea, min-naħa l-waħda, u l-Organizzazzjoni għall-Liberazzjoni tal-Palestina (PLO) għall-benefiċċju ta' l-Awtorità Palestinjana tax-Xatt tal-Punent u l-Medda ta' Gaża

(97/430/KE)

IL-KUNSILL TA' L-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea, u b'mod partikolari l-Artikoli 113 u 130Y, flimkien ma' l-ewwel sentenza ta' l-Artikolu 228(2) u t-tieni subparagrafu ta' l-Artikolu 228(3) tiegħu,

Wara li kkunsidra il-proposta tal-Kummissjoni [1],

Wara li kkunsidra l-opinjoni tal-Parlament Ewropew [2],

Billi, taħt l-Artikolu 130u tat-Trattat, il-politika Komunitarja fl-isfera ta' koperazzjoni fl-iżvilupp għandha tgħin l-iżvilupp sostenibbli ekonomiku u soċjali tal-pajjiżi li qed jiżviluppaw, l-integrazzjoni mingħajr problemi u eventwali fl-ekonomija dinjija u l-kampanja kontra l-faqar f'dawk il-pajjiżi;

Billi dan il-Ftehim Proviżorju ta' Assoċjazzjoni Ewro-Mediterranja dwar kummerċ u koperazzjoni bejn il-Komunità Ewropea, min-naħa l-waħda, u l-Organizzazzjoni għall-Liberazzjoni tal-Palestina (PLO) għall-benefiċċju ta' l-Awtorità Palestinjana tax-Xatt tal-Punent u l-Medda ta' Gaża, min-naħa l-oħra, iffirmat fi Brussel fl-24 ta' Frar 1997 għandu jservi sabiex jissoda r-rabtiet bejn il-Palestinjani u l-Unjoni Ewropea fil-qafas tas-sħubija Ewro-Mediterranja u għandu jwitti t-triq għall-bidu ta' negozjati bil-għan li jiġi konkluż Ftehim ta' Assoċjazzjoni Ewro-Mediterranja,

IDDEĊIEDA DAN LI ĠEJ:

Artikolu 1

Il-Ftehim Proviżorju ta' Assoċjazzjoni Ewro-Mediterranja dwar kummerċ u koperazzjoni bejn il-Komunità Ewropea, minn naħa waħda, u l-Organizzazzjoni għall-Liberazzjoni tal-Palestina (PLO) għall-benefiċċju ta' l-Awtorità Palestinjana tax-Xatt tal-Punent u l-Medda ta' Gaża, minn naħa l-oħra, flimkien ma' l-Annessi, Protokolli, l-Iskambji ta' Ittri u Dikjarazzjonijiet tiegħu qiegħed jiġi approvat f'isem il-Komunità.

It-test ta' l-atti msemmija fl-ewwel paragrafu huwa mehmuż ma' din id-Deċisjoni.

Artikolu 2

Il-President tal-Kunsill għandu jagħti n-notifika pprovduta fl-Artikolu 75 tal-Ftehim Interim f'isem il-Komunità.

Artikolu 3

Il-Kummissjoni, assistita mir-rappresentanti ta' l-Istati Membri, għandhom jirrapresentaw lill-Komunità fil-Kumitat Konġunt mwaqqaf taħt l-Artikolu 63 tal-Ftehim Temporanju.

Għall-iskopijiet tat-tieni subparagrafu ta' l-Artikolu 63(1) ta' l-imsemmi Ftehim, il-posizzjonii tal-Komunità fil-Kumitat Konġunt għandha tiġi adottata mill-Kunsill, fuq proposta mill-Kummissjoni, f'kull okkażjoni skond id-disposizzjonijiet relattivi tat-Trattat li jistabbilixxi l-Komunità Ewropea.

Magħmul fil-Lussemburgu, fit-2 ta' Ġunju 1997.

F'isem il-Kunsill

Il-President

H. Van Mierlo

[1] ĠU No C 128, ta' l-24.4.1997, p. 1.

[2] ĠU No C 132, tat-28.4.1997.

--------------------------------------------------