Official Journal L 122 , 22/05/1996 P. 0014 - 0014
Id-Direttiva tal-Kunsill 96/30/KE tat-13 ta' Mejju 1996 li temenda d-Direttiva 94/80/KE li tistabbilixxi arranġamenti dettaljati għall-eżerċizzju tad-dritt tal-vot u li wieħed jippreżenta ruħu bħala kandidat fl-elezzjonijiet muniċipali minn ċittadini ta' l-Unjoni li jirrisjedu fi Stat Membru li ma għandhomx iċ-ċittadinanza tiegħu IL-KUNSILL TA' L-UNJONI EWROPEA, Wara li kkunsidra t-Trattat li jistabbilixxi l-Komunità Ewropea, u b'mod partikolari l-Artikolu 8b(1) tiegħu, Wara li kkunsidra l-proposta mill-Kummissjoni, Wara li kkunsidra l-opinjoni tal-Parlament Ewropew [1], Wara li kkunsidra l-opinjoni tal-Kumitat Ekonomiku u Soċjali [2], Billi l-Anness tad-Direttiva tal-Kunsill 94/80/KE tad-19 ta' Diċembru 1994 KE li tistabbilixxi arranġamenti dettaljati għall-eżerċizzju tad-dritt tal-vot u li wieħed jippreżenta ruħu bħala kandidat fl-elezzjonijiet muniċipali minn ċittadini ta' l-Unjoni li jirrisjedu fi Stat Membru li ma għandhomx iċ-ċittadinanza tiegħu [3], jelenka l-unitajiet bażiċi tal-gvern lokali f'kull Stat Membru; Billi, wara l-adeżoni ta' l-Awstrija, il-Finlandja u l-Isvezja, l-Anness tad-Direttiva 94/80/KE għandu jiġi emendat sabiex jipprovdi referenza għall-unitajiet basiċi tal-gvern lokali ta' dawn it-tliet pajjiżi; Billi, skond l-Att ta' Adeżjoni ta' dawk il-pajjiżi, id-Direttiva 94/80/KE hija applikabbli għall-gżejjer Åland, fejn ċittadini Finlandiżi li ma jgawdux iċ-ċittadinanza reġjonali ta' dawk il-gżejjer u ċittadini ta' l-Istati Membri l-oħra tal-Unjoni huma soġġetti għall-istess kondizzjoni relatata mal-perjodu ta' residenza għall-eżerċizzju tad-dritt tal-vot u li wieħed jippreżenta ruħu bħala kandidat fl-elezzjonijiet muniċipali, ADOTTA DIN ID-DIRETTIVA: Artikolu 1 "fl-Awstrija: Gemeinden, Bezirke in der Stadt Wien fil-Finlandja: kunta, kommun, kommun på Åland fl-Isvezja: kommuner, landsting.'" Artikolu 2 Din id-Direttiva għandha tidħol fis-seħħ fil-jum tal-pubblikazzjoni tagħha fil-Ġurnal Uffiċjali tal-Komunitajiet Ewropej. Artikolu 3 Din id-Direttiva hi ndirizzata lill-Istati Membri. Magħmula fi Brussel, it-13 ta' Mejju 1996. Għall-Kunsill Il-President S. Agnelli [1] ĠU C 65, ta' l-4.3.1996, p. 201. [2] Opinjoni mogħtija fid-29 ta' Frar 1996 (għadha mhix pubblikata fil-Ġurnal Uffiċjali). [3] ĠU L 368, tat-30.12.1994, p. 38. --------------------------------------------------