Official Journal L 049 , 28/02/1996 P. 0017 - 0028
Id-Direttiva tal-Kummissjoni 96/5/KE tas-16 ta’ Frar 1996 dwar ikel ipproċessat ibbażat fuq iċ-ċereali u ikel tat-trabi għat-trabi u għat-tfal żgħar (Test b’rilevanza għaż-ŻEE) IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ewropea, Wara li kkunsidrat id-Direttiva tal-Kunsill 89/398/KEE tat-3 ta’ Mejju 1989 dwar l-approssimazzjoni tal-liġijiet ta’ l-Istati Membri dwar oġġetti ta’ l-ikel intenzjonati għal użu nutrizzjonali partikolari [1], u b’mod partikolari l-Artikolu 4 tagħha, Billi l-miżuri tal-Komunità kkunsidrati b’din id-Direttiva ma jaqbżux dak li huwa meħtieġ sabiex jintlaħqu l-għanijiet li hemm diġà pprovdut għalihom bid-Direttiva 89/398/KEE; Billi ikel ipproċessat ibbażat fuq iċ-ċereali u ikel tat-trabi għat-trabi u għat-tfal żgħar huwa wżat bħala parti minn dieta diversifikata u ma jikkostitwixxix is-sors uniku ta’ nutriment tat-trabi u t-tfal żgħar; Billi hemm varjetà kbira ta’ prodotti in kwistjoni li jirriflettu dieta varjata ħafna ta’ trabi li jkunu qegħdin jiġu miftuma u ta’ tfal żgħar minħabba ċ-ċirkostanzi soċjali u kulturali li jeżistu fil-Komunità; Billi l-kompożizzjoni essenzjali tal-prodotti in kwistjoni għandha tkun addattata għall-kondizzjonijiet nutrittivi tat-trabi u tat-tfal żgħar f’kondizzjoni ta’ saħħa tajba hekk kif stabbilit bid-data xjentifika aċċettata b’mod ġenerali, waqt li jingħata kas tal-fatturi msemmija hawn fuq; Billi għandhom jiġu stabbiliti l-kondizzjonijiet nutrittivi essenzjali għall-kompożizzjoni taż-żewġ kategoriji wesgħin ta’ dawn il-prodotti, jiġifieri l-ikel ipproċessat ibbażat fuq iċ-ċereali u l-ikel tat-trabi; Billi għakemm, minħabba in-natura ta’ prodotti bħal dawn, għandhom jiġu mposti numru ta’ ħtiġiet mandatarji u restrizzjonijiet oħra fuq il-livell ta’ vitamini, minerali, u nutrijenti oħra, nutrijenti bħal dawn jistgħu jiġu miżjudin b’mod volontarju mill-fabbrikanti sakemm huma jużaw esklussivament is-sustanzi elenkati fl-Anness IV għal din id-Direttiva; Billi l-użu tal-prodotti li magħhom ġew miżjuda b’mod voluntarju nutrijenti bħal dawn f’livelli osservati bħalissa fil-Komunità ma jidhrux li jirriżultaw f’teħid eċċessiv ta’ dawk in-nutrijenti minn trabi u tfal żgħar; billi se tingħata attenzjoni għal kwalunkwe żviluppi futuri tas-sitwazzjoni, u jekk ikun hemm bżonn, jittieħdu l-miżuri xierqa; Billi d-dispożizzjonijiet relatati ma’ l-użu ta’ addittivi fil-manifattura ta’ ikel ipproċessat ibbażat fuq iċ-ċereali u ikel tat-trabi ser jiġu stabbiliti f’Direttiva tal-Kunsill; Billi l-użu ta’ ingredjenti ta’ l-ikel ġodda sejjer jiġi ttrattat b’mod orizzontali għal kull tip ta’ oġġetti ta’ l-ikel f’miżura separata; Billi din id-Direttiva tirrifletti l-għarfien kurrenti dwar dawn il-prodotti; billi kwalunkwe emenda, li tippermetti għal innovazzjoni bbażata fuq il-progress xjentifiku u tekniku, sejra tkun deċiża bil-proċedura stabbilita fl-Artikolu 13 tad-Direttiva 89/398/KEE; Billi, minħabba l-persuni li għalihom huma ntenzjonati dawn il-prodotti, għandhom jiġu stabbiliti l-kriterji mikrobijoloġiċi meħtieġa u l-livelli massimi ta’ kontaminanti, bla telf ta’ żmien; Billi bi qbil ma’ l-Artikolu 7 tad-Direttiva 89/398/KEE il-prodotti koperti b’din id-Direttiva huma soġġetti għar-regoli ġenerali stabbiliti bid-Direttiva tal-Kunsill 79/112/KEE tat-18 ta’ Diċembru 1978 dwar l-approssimazzjoni tal-liġijiet ta’ l-Istati Membri relatati ma’ l-ittikkettjar, il-preżentazzjoni u r-riklamar ta’ l-oġġetti ta’ l-ikel [2], kif l-aħħar emendata bid-Direttiva tal-Kummissjoni 93/102/KE [3]; Billi f’din id-Direttiva ż-żidiet u l-eċċezzjonijiet għal dawk ir-regoli ġenerali huma adottati u mfissra aktar, fejn meħtieġ; Billi, b’mod partikolari, in-natura u d-destinazzjoni tal-prodotti koperti b’din id-Direttiva jeħtieġu ttikkettjar nutrizzjonali li juri l-valur ta’ l-enerġija u n-nutrijenti prinċipali li jkun fihom; billi, mill-banda l-oħra, għandu jiġi speċifikat il-metodu wżat skond il-punt 8 ta’ l-Artikolu 3(1) u l-Artikolu 10 tad-Direttiva 79/112/KEE, sabiex ma jkunx hemm użu mhux xieraq li jista’ jkun ta’ ħsara għas-saħħa tat-trabi; Billi, waqt li talbiet mhux speċifikament projbiti jistgħu ġeneralment isiru għall-prodotti in kwistjoni f’konformità mar-regoli applikabbli għal kull xorta ta’ oġġetti ta’ l-ikel, talbiet bħal dawn għandhom, fejn xieraq, jagħtu kas tal-kriterji ta’ kompożizzjoni speċifikati f’din id-Direttiva; Billi l-Kumitat Xjentifiku dwar l-Ikel ġie, skond l-Artikolu 4 tad-Direttiva 89/398/KEE, ikkonsultat dwar id-dispożizzjonijiet li jistgħu jaffettwaw is-saħħa pubblika; Billi l-miżuri li għalihom hemm provdut f’din id-Direttiva huma skond l-opinjoni tal-Kumitat Permanenti dwar l-Oġġetti ta’ l-ikel, ADOTTAT DIN ID-DIRETTIVA: L-Artikolu 1 1. Din id-Direttiva hija ‘Direttiva speċifika’ fi ħdan it-tifsira ta’ l-Artikolu 4 tad-Direttiva 89/398/KEE. 2. Din id-Direttiva tkopri l-oġġetti ta’ l-ikel għal użu nutrittiv partikolari li jissodisfa l-ħtiġiet partikolari tat-trabi u t-tfal żgħar b’saħħithom fil-Komunità u li huma ntenzjonati sabiex jintużaw minn trabi waqt li jkunu qegħdin jiġu miftuma, u minn tfal żgħar bħala suppliment għad-dieta tagħhom u/jew għall-addattament progressiv tagħhom għall-ikel ordinarju. Dawn jikkomprendu: (a) ‘Ikel ipproċessat ibbażat fuq iċ-ċerejali’ li huwa diviż fl-erba’ kategoriji li ġejjin: (i) ċereali sempliċi li huma jew li jridu jkunu kostitwiti mill-ġdid bil-ħalib jew b’likwidi nutrittivi xierqa oħra; (ii) ċereali b’ikel b’ammont għoli ta’ proteini miżjud li huma jew li jridu jkunu kostitwiti mill-ġdid bl-ilma jew b’likwidu ieħor ħieles mill-proteini; (iii) għaġin li għandu jintuża wara li jissajjar fl-ilma jagħli jew f’likwidi xierqa oħra; (iv) biskuttini u gallettini li għandhom jintużaw jew direttament jew, wara li jitfarrku, biż-żieda ta’ l-ilma, ħalib jew likwidi oħra addatti. (b) ‘Ikel tat-trabi’ għajr l-ikel ipproċessat ibbażat fuq iċ-ċerejali. 3. Din id-Direttiva ma tapplikax għal ħalib intenzjonat għat-tfal żgħar. 4. Għall-għan ta’ din id-Direttiva: - ‘trabi’ għandha tfisser tfal taħt l-età ta’ tnax-il xahar, - ‘tfal żgħar’ għandha tfisser tfal ta’età ta’ bejn sena u 3 snin. L-Artikolu 2 L-Istati Membri għandhom jiżguraw li l-prodotti li hemm riferenza għalihom fl-Artikolu 1 jiġu mqiegħda fis-suq fil-Komunità biss kemm-il darba jikkonformaw mar-regoli stabbiliti f’din id-Direttiva. L-Artikolu 3 Ikel ipproċessat ibbażat fuq iċ-ċereali u ikel tat-trabi għandu jiġu ffabbrikat minn ingredjenti li l-konvenjenza tagħhom għal użu nutrittiv partikolari mit-trabi u t-tfal żgħar kienet ġiet stabbilita minn data xjentifika aċċettata b’mod ġenerali. L-Artikolu 4 1. Ikel ipproċessat ibbażat fuq iċ-ċereali għandu jikkonforma mal-kriterji ta’ kompożizzjoni speċifikati fl-Anness I. 2. Ikel tat-trabi li huwa deskritt fl-Anness II għandu jikkonforma mal-kriterja ta’ kompożizzjoni speċifikati fih. L-Artikolu 5 Dawk is-sustanzi nutrittivi biss elenkati fl-Anness IV jistgħu jiġu miżjuda fil-manifattura ta’ ikel ipproċessat ibbażat fuq iċ-ċereali u ta’ ikel tat-trabi. Fi żmien tnax-il xahar mid-dħul fis-seħħ ta’ din id-Direttiva, għandhom jiġu stabbiliti livelli massimi, fejn ikun hemm bżonn, flimkien ma’ dawk diġà stipulati. Il-kriterji ta’ purità ta’ dawk is-sustanzi għandhom jiġu stabbiliti f’fażi aktar tard L-Artikolu 6 Ikel ipproċessat ibbażat fuq iċ-ċereali u ikel tat-trabi ma għandu jkun fih ebda sustanzi fi kwantità tali li tista’ tipperikola s-saħħa tat-trabi u tat-tfal żgħar. Għandhom jiġu stabbiliti l-livelli massimi meħtieġa bla telf ta’ żmien. Għandhom jiġu stabbiliti kriterji mikrobijoloġiċi kif meħtieġ. L-Artikolu 7 1. L-ittikkettjar tal-prodotti konċernati għandu jkollu flimkien mad-dettalji li għalihom hemm provdut fl-Artikolu 3 tad-Direttiva 79/112/KEE, id-dettalji mandatarji li ġejjin: (a) Dikjarazzjoni dwar l-età xierqa li minnha jista’ jibda jintuża l-prodott, filwaqt li tingħata attenzjoni għall-kompożizzjoni tiegħu, għall-palat u għal karatteristiċi partikulari oħra. L-età mistqarra ma tridtx tkun ta’ inqas minn erba’ xhur għal kwalunkwe prodott. Prodotti rakkomandati għall-użu mill-età ta’ erba’ xhur jistgħu jindikaw li huma xierqa minn dik l-età sakemm persuni indipendenti li għandhom kwalifiki fil-mediċina, fin-nutrizzjoni jew fil-farmakoloġija, jew professjonisti oħra responsabbli għall-maternità u l-kura tat-tfal, ma jagħtux parir ieħor. (b) Informazzjoni rigward il-preżenza jew in-nuqqas ta’ glutina jekk l-età indikata li minnha jista’ jibda jintuża l-prodott hija taħt is-sitt xhur. (ċ) Il-valur ta’ l-enerġija disponibbli espressi f’kJ u kcal, u l-kontenut ta’ proteini, ta’ karboidrati u ta’ lipidi espressi f’forma numerika, għal kull 100 g jew 100 ml tal-prodott kif mibjugħ u, fejn xieraq, għall-kwantità speċifikata tal-prodott kif propost għall-konsum; (d) Il-kwantità medja ta’ kull sustanza minerali u ta’ kull vitamina rregolata b’livell speċifiku fl-Anness I u fl-Anness II rispettivament, espressi f’forma numerika, għal kull 100 g jew 100 ml tal-prodott kif mibjugħ u, fejn xieraq, għal kull kwantità speċifikata tal-prodott kif propost għall-konsum; (e) Istruzzjonijiet għall-preparazzjoni xierqa, fejn meħtieġ, u dikjarazzjoni dwar l-importanza li wieħed isegwi dawk l-istruzzjonijiet. 2. L-ittikkettjar jista’ jkollu: (a) il-kwantità medja tan-nutrijenti msemmija fl-Anness IV meta tali dikjarazzjoni ma tkunx koperta bid-dispożizzjonijiet tal-punt (d) tal-paragrafu 1, espressa f’forma numerika, għal kull 100 g jew 100 ml tal-prodott kif mibjugħ u, fejn xieraq, għal kull kwantità speċifika tal-prodott kif propost għall-konsum; (b) b’żieda ma’ l-informazzjoni numerika, informazzjoni dwar il-vitamini u l-minerali murija fl-Anness V, espressa bħala persentaġġ tal-valuri ta’ riferenza mogħtija hemm, għal kull 100 g jew 100 ml tal-prodott kif mibjugħ, u fejn xieraq, għal kull kwantità speċifikata tal-prodott kif propost għall-konsum, sakemm il-kwantitajiet preżenti huma ta’ l-inqas ugwali għal 15 % tal-valuri ta’ riferenza. L-Artikolu 8 L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi meħtieġa biex jikkonformaw ma’ din id-Direttiva sat-30 ta’ Settembru 1997. Għandhom jinfurmaw minnufih lill-Kummissjoni b’dan. Dawk il-liġijiet, ir-regolamenti u dispożizzjonijiet amministrattivi għandhom jiġu applikati b’tali mod li: - jippermettu l-kummerċ fi prodotti li jikkonformaw ma’ din id-Direttiva, sa l-1 ta’Ottubru 1997, - jipprojbixxu l-kummerċ ta’ prodotti li ma jikkonformawx ma’ din id-Direttiva, b’effett mill-31 ta’ Marzu 1999. Meta l-Istati Membri jadottaw dawn id-dispożizzjonijiet, dawn għandu jkun fihom riferenza għal din id-Direttiva jew għandhom ikunu akkumpanjati minn tali riferenza fil-waqt tal-pubblikazzjoni uffiċjali tagħhom. Il-proċedura għal riferenza bħal din għandha tiġi adottata mill-Istati Membri. L-Artikolu 9 Din id-Direttiva għandha tidħol fis-seħħ fl-għoxrin jum wara l-pubblikazzjoni tagħha fil-Ġurnal Uffiċjali tal-Komunitajiet Ewropej. L-Artikolu 10 Din id-Direttiva hija ndirizzata lill-Istati Membri. Magħmula fi Brussel, fis-16 ta’ Frar 1996. Għall-Kummissjoni Martin bangemann Membru tal-Kummissjoni [1] ĠU L 186, tat-30.6.1989, p. 27. [2] ĠU L 33, tat-8.2.1979, p. 1. [3] ĠU L 291, tal-25.11.1993, p. 14. -------------------------------------------------- L-ANNESS I KOMPOŻIZZJONI ESSENZJALI TA’ IKEL IPPROĊESSAT IBBAŻAT FUQ IĊ-ĊEREALI GĦAT-TRABI U GĦAT-TFAL ŻGĦAR Il-ħtiġiet dwar in-nutrijenti jirreferu għall-prodotti lesti għall-użu mqiegħda fis-suq bħala tali jew kostitwiti mill-ġdid kif avżat mill-fabbrikant. 1. Kontenut ta’ ċereali Ikel ipproċessat ibbażat fuq iċ-ċereali huwa mħejji primarjament minn ċerejali wieħed mitħun jew iktar u/jew minn prodotti b’għeruq li fihom il-lamtu. L-ammont ta’ ċereali u/jew ta’ għerq li fih il-lamtu ma għandux ikun inqas minn 25 % tat-taħlita aħħarija fuq il-piż xott għall-bażi tal-piż. 2. Proteini 2.1. Għall-prodotti msemmija fil-punti (a) (ii) u (a) (iv) ta’ l-Artikolu 1(2), il-kontenut tal-proteini ma għandux jaqbeż il-1,3 g/100 kJ (5,5 g/100 kcal). 2.2. Għall-prodotti msemmija fil-punt (a) (ii) ta’ l-Artikolu 1(2), il-proteini miżjuda ma għandhomx ikunu inqas minn 0,48 g/100 kJ (2 g/100 kcal). 2.3. Għal gallettini msemmija fil-punt (a) (iv) ta’ l-Artikolu 1(2), magħmulin biż-żieda ta’ ikel li fih ammont għoli ta’ proteini, u ppreżentati bħala tali, il-proteini miżjuda ma għandhomx ikunu inqas minn 0,36 g/100 kJ (1,5/100 kcal). 2.4. L-indiċi kimiku tal-proteini miżjuda għandu jkun ugwali għallinqas għal 80 % ta’ dak tal-proteini ta’ riferenza (kaseina kif definit fl-Anness III), jew il-proporzjon ta’ enerġija tal-proteini (PER) tal-proteini fit-taħlita għandu jkun ugwali għallinqas għal 70 % ta’ dak tal-proteini ta’ riferenza. Fil-każijiet kollha, iż-żjieda ta’ aċidi amminiċi hija permessa biss għall-għan li jittejjeb il-valur nutrittiv tat-taħlita tal-proteini, u fil-proporzjonijiet meħtieġa biss għal dak il-għan. 3. Karboidrati 3.1. Jekk jiġi miżjud is-sucrose, il-fructose, il-glukożju, xiroppi tal-glukożju jew l-għasel mal-prodotti msemmija fil-punti (a) (i) u (a) (iv) ta’ l-Artikolu 1(2): - l-ammont ta’ karboidrati miżjud minn dawn is-sorsi ma għandux ikun aktar minn 1,8 g/100 kJ (7,5 g/100 kcal), - l-ammont ta’ fructose miżjud ma għandux ikun aktar minn 0,9 g/100 kJ (3,75 g/100 kcal), 3.2. Jekk jiġi miżjud is-sucrose, il-fructose, il-glukożju, xiroppi tal-glukożju jew l-għasel mal-prodotti msemmija fil-punti (a) (ii) ta’ l-Artikolu 1(2): - l-ammont ta’ karboidrati miżjud minn dawn is-sorsi ma għandux ikun aktar minn 1,2 g/100 kJ (5 g/100 kcal), - l-ammont ta’ fructose miżjud ma għandux ikun aktar minn 0,6 g/100 kJ (2,5 g/100 kcal), 4. Lipidi 4.1. Għall-prodotti msemmija fil-punti (a) (i) u (a) (iv) ta’ l-Artikolu 1(2), il-kontenut lipidu ma għandux ikun aktar minn 0,8 g/100 kJ (3,3 g/100 kcal). 4.2. Għall-prodotti msemmija fil-punti (a) (ii) ta’ l-Artikolu 1(2), il-kontenut lipidu ma għandux ikun aktar minn 1,1 g/100 kJ (4,5 g/100 kcal). Jekk il-kontenut lipidu jkun aktar minn 0,8 g/100 kJ (3,3 g/100 kcal): (a) l-ammont ta’ aċidu lauric ma għandux ikun aktar minn 15 % tal-kontenut lipidu totali; (b) l-ammont ta’ aċidu myristic ma għandux ikun aktar minn 15 % tal-kontenut lipidu totali; (ċ) l-ammont ta’ aċidu linoleiku (fil-forma ta’ gliċeridi = linoleates) ma għandux ikun inqas minn 70 mg/100 kJ (300 mg/100 kcal) u ma għandux ikun aktar minn 285 mg/100 kJ (1200 mg/100 kcal). 5. Minerali 5.1. Sodju - il-melħ tas-sodju jista’ jiġi miżjud biss ma’ l-ikel ipproċessat ibbażat fuq iċ-ċereali għal għanijiet teknoloġiċi, - il-kontenut ta’ sodju fl-ikel ipproċessat ibbażat fuq iċ-ċerejali ma għandux ikun aktar minn 25 mg/100 kJ (100 mg/100 kcal). 5.2. Kalċju 5.2.1. Għal prodotti msemmija fil-punt (a) (ii) ta’ l-Artikolu 1(2), l-ammont ta’ kalċju ma għandux ikun inqas minn 20 mg/100 kJ (80 mg/100 kcal). 5.2.2. Għal prodotti msemmija fil-punt (a) (iv) ta’ l-Artikolu 1(2), mmanifatturati biż-żjieda ta’ ħalib (gallettini tal-ħalib) u ppreżentati bħala tali, l-ammont ta’ kalċju ma għandux ikun inqas minn 12 mg/100 kJ (50 mg/100 kcal). 6. Vitamini 6.1. Għal ikel ipproċessat ibbażat fuq iċ-ċereali l-ammont ta’ thiamin ma għandux ikun inqas minn 25 μg/100 kJ (100 μg/100 kcal. 6.2. Għal prodotti msemmija fil-punt (a) (ii) ta’ l-Artikolu 1(2): | Għal kull 100 kJ | Għal kull 100 kcal | Minimu | Massimu | Minimu | Massimu | Vitamina A (μg RE) | 14 | 43 | 60 | 180 | Vitamina D (μg) | 0,25 | 0,75 | 1 | 3 | Dawn il-limiti huma applikabbli wkoll jekk il-vitamini A u D jiġu miżjudin ma’ ikel ieħor ipproċessat ibbażat fuq iċ-ċerejali. -------------------------------------------------- L-ANNESS II KOMPOŻIZZJONI ESSENZJALI TA’ IKEL TAT-TRABI GĦAT-TRABI U GĦAT-TFAL ŻGĦAR Il-ħtiġiet dwar in-nutrijenti jirreferu għall-prodotti lesti għall-użu, mqiegħda fis-suq bħala tali jew kostitwiti mill-ġdid kif avżat mill-fabbrikant. 1. Proteini 1.1. Jekk il-laħam, it-tajr, il-ħut, il-ġewwieni jew sorsi oħra tradizzjonali ta’ proteini huma l-uniċi ingredjenti msemmija fl-isem tal-prodott, allura: - il-laħam, it-tajr, il-ħut, il-ġewwieni u s-sorsi l-oħra tradizzjonali ta’ proteini msemmija, fit-total, għandhom jikkostitwixxu mhux inqas minn 40 % tal-piż tal-prodott kollu, - kull laħam, tajra, ħut, ġewwieni u sorsi oħra tradizzjonali ta’ proteini msemmi għandu jikkostitwixxi mhux inqas minn 25 % fil-piż, tat-total tas-sorsi tal-proteini msemmija, - il-proteini totali mis-sorsi msemmija ma għandhomx ikunu inqas minn 1,7 g/100 kJ (7 g/100 kcal), 1.2. Jekk il-laħam, it-tajr, il-ħut, il-ġewwieni jew sorsi oħra tradizzjonali ta’ proteini, weħidhom jew ikkombinati, huma msemmija l-ewwel fl-isem tal-prodott, kemm jekk il-prodott jiġi ppreżentat bħala ikla kif ukoll jekk le, allura: - il-laħam, it-tajr, il-ħut, il-ġewwieni u s-sorsi l-oħra tradizzjonali ta’ proteini msemmija, fit-total, għandhom jikkostitwixxu mhux inqas minn 10 % tal-piż tal-prodott kollu, - kull laħam, tajr, ħut, ġewwieni u sorsi oħra tradizzjonali ta’ proteini msemmi għandu jikkostitwixxi mhux inqas minn 25 % fil-piż, tat-total tas-sorsi tal-proteini msemmija, - il-proteini mis-sorsi msemmija ma għandhomx ikunux inqas minn 1 g/100 kJ (4 g/100 kcal), 1.3. Jekk il-laħam, it-tajr, il-ħut, il-ġewwieni jew sorsi oħra tradizzjonali ta’ proteini, weħidhom jew ikkombinati jissemmew, imma mhux l-ewwel, fl-isem tal-prodott, kemm jekk il-prodott jiġi ppreżentat bħala ikla kif ukoll jekk le, allura: - il-laħam, it-tajr, il-ħut, il-ġewwieni u s-sorsi l-oħra tradizzjonali ta’ proteini msemmija, fit-total, għandhom jikkostitwixxu mhux inqas minn 8 % tal-piż tal-prodott kollu, - kull laħam, tajr, ħut, ġewwieni u sorsi oħra tradizzjonali ta’ proteini msemmija għandhom jikkostitwixxu mhux inqas minn 25 % fil-piż, tat-total tas-sorsi tal-proteini msemmija, - il-proteini mis-sorsi msemmija ma għandhomx ikunu inqas minn 0,5 g/100 kJ (2,2 g/100 kcal), - il-proteini totali fil-prodott mis-sorsi kollha ma għandhomx ikunu inqas minn 0,7 g/100 kJ (3 g/100 kcal), 1.4. Jekk il-prodott huwa nnominat fuq it-tikketta bħala ikla, imma ma jsemmix laħam, tajr, ħut, ġewwieni jew sorsi tradizzjonali oħra ta’ proteini fl-isem tal-prodott, allura: - il-proteini totali fil-prodott mis-sorsi kollha ma għandhomx ikunu inqas minn 0,7 g/100 kJ (3 g/100 kcal), 1.5. Iż-żieda ta’ aċidi amminiċi hija permessa biss għall-għan ta’ titjib tal-valur nutrittiv tal-proteini preżenti, u biss fil-proporzjonijiet meħtieġa għal dak il-għan. 2. Karboidrati Il-kwantitajiet tal-karboidrati totali preżenti fil-meraq u n-nettari tal-frott u l-ħxejjex, fil-platti bi frott biss u fid-diżerti jew fil-pudini ma għandhomx jaqbżu: - 10 g/100 ml għal meraq tal-ħxejjex u xorb ibbażat fuqhom, - 15 g/100 ml għal meraq u nettari tal-frott u xorb ibbażat fuqhom, - 20 g/100 g għal platti bil-frott biss, - 25 g/100 g għal diżerti u pudini, - 5 g/100 g għal xorb ieħor li mhuwiex ibbażat fuq il-ħalib. 3. Xaħam 3.1. Għall-prodotti li hemm riferenza għalihom fil-punt 1.1 ta’ dan l-Anness: Jekk il-laħam jew il-ġobon huma l-uniċi ingredjenti jew huma msemmija l-ewwel fl-isem ta’ prodott, allura: - ix-xaħam totali fil-prodott mis-sorsi kollha ma għandux jaqbeż il-1,4 g/100 kJ (6 g/100 kcal), 3.2. Għall-prodotti l-oħra kollha: ix-xaħam totali fil-prodott mis-sorsi kollha ma għandux jaqbeż il-1,1 g/100 kJ (4,5 g/100 kcal), 4. Sodju 4.1. Il-kontenut finali ta’ sodju fil-prodott għandu jkun jew mhux iktar minn 48 mg/100 kJ (200 mg/100 kcal) jew mhux iktar minn 200 mg għal kull 100 g. Madankollu jekk il-ġobon huwa l-uniku ingredjent imsemmi fl-isem tal-prodott, il-kontenut finali ta’ sodju fil-prodott ma għandux ikun iktar minn 70 mg/100 kJ (300 mg/100 kcal). 4.2. Il-melħ tas-sodju ma għandux jiġi miżjud ma’ prodotti bbażati fuq il-frott, lanqas ma’ diżerti, pudini għajr għal għanijiet teknoloġiċi. 5. Vitamini Il-Vitamina Ċ F’meraq tal-frott, nettaru tal-frott, jew meraq tal-ħxejjex il-kontenut finali tal-vitamina Ċ fil-prodott għandu jkun jew mhux inqas minn 6 mg/100 kJ (25 mg/100 kcal) jew mhux inqas minn 25 mg għal kull 100 g. Il-Vitamina A F’meraq tal-ħxejjex, il-kontenut finali tal-vitamina A fil-prodott m’għandux ikun inqas minn 25 μg RE/100 kJ (100 μg Re/100 kcal) [1]. Il-Vitamina A ma għandhiex tiġi miżjuda ma’ ikel ieħor tat-trabi. Il-Vitamina D. Il-Vitamina D ma għandhiex tiġi miżjuda ma’ ikel tat-trabi. [1] RE = l-ekwivalenti kollha għal trans retinol. -------------------------------------------------- L-ANNESS III KOMPOŻIZZJONI TA’ AĊIDI AMMINIĊI TAL-KASEINA | (g għal kull 100 g ta’ proteina) | Arginine | 3,7 | Cystine | 0,3 | Histidine | 2,9 | Isoleucine | 5,4 | Leucine | 9,5 | Lysine | 8,1 | Methionine | 2,8 | Phenylalanine | 5,2 | Threonine | 4,7 | Trytophan | 1,6 | Tyrosine | 5,8 | Valine | 6,7 | -------------------------------------------------- L-ANNESS IV SUSTANZI NUTRITTIVI 1. Vitamini Il-vitamina A Retinol Retinyl Acetate Retinyl palmitate beta carotene Il-vitamina D. Il-vitamina D2 (= ergocalciferol) Il-vitamina D3 (= cholecalciferol) Il-vitamina B1 Thiamin hydrochloride Thiamin mononitrate Il-vitamina B2 Riboflavin Riboflavin-5’-phosphate, sodju Niacin Nicotinamide Aċidu Nikotiniku Il-vitamina B6 Pyridoxine hydrochloride Pyridoxine-5-phosphate Pyridoxine dipalmitate Aċidu Pantoteniku D-pantothenate, kalċju D-pantothenate, sodju Dexpanthenol Folate Aċidu foliku Il-vitamina B12 Cyanocobalamine Hydroxocobalamin Biotin D-biotin Il-vitamina Ċ aċidu L-assorbiku Sodium L-ascorbate Calcium L-ascorbate 6-Palmityl-L-ascorbic acid (ascorbyl palmitate) potassium ascorbate Il-vitamina K Phylloquinone (Phytomenadione) Il-vitamina E D-alpha tocopherol DL-alpha tocopherol D-alpha tocopherol acetate DL-alpha tocopherol acetate 2. Aċidi amminiċi L-arginine | u l-idrokloridi tagħhom | L-cystine | L-histidine | L-isoleucine | L-leucine | L-lysine | L-cysteine | L-methionine | | L-phenylaline | | L-threonine | | L-tryptophan | | L-tyrosine | | L-valine | | 3. Oħrajn Kolin Klorur tal-kolin Ċitrat tal-kolin Bitartrat tal-kolin Inositol L-Carnitine L-carnitine hydrochloride 4. Melħ ta’ minerali u elementi ta’ traċċi Kalċju Karbonat tal-kalċju Klorur tal-kalċju Melħ tal-kalċju u aċidu ċitriku Glukonat tal-kalċju Calcium glycerophosphate Calcium lactate Ossidu tal-kalċju Idrossidu tal-kalċju Melħ tal-kalċju ta’ aċidu ortofosforiku Manjesju Karbonat tal-manjesju Klorur tal-manjesju Melħ tal-manjesju ta’ aċidu ċitriku Glukonat tal-manjesju Ossidu tal-manjesju Idrossidu tal-manjesju Melħ tal-manjesju ta’ aċidu ortofosforiku Sulfat tal-manjesju Magnesium lactate Magnesium glycerophosphate Potassju Klorur tal-potassju Melħ tal-potassju ta’ aċidu ċitriku Glukonat tal-potassju Potassium lactate Potassium glycerophosphate Ħadid Ċitrat tal-ħadid Ferric ammonium citrate Glukonat tal-ħadid Ferrous lactate Sulfat tal-ħadid Fumarat tal-ħadid Ferric diphosphate (Ferric pyrophosphate) Ħadid elementali (carbonyl + electrolytic + idroġinu-mnaqqas) Ferric saccharate Sodium ferric diphosphate Karbonat tal-ħadid Ram Copper-lysine complex Karbonat tar-ram Ċitrat tar-ram Glukonat tar-ram Sulfat tar-ram Żingu Aċetat taż-żingu Klorur taż-żingu Ċitrat taż-żingu Zinc lactate Sulfat taż-żingu Ossidu taż-żingu Glukonat taż-żingu Manganiż Karbonat tal-manganiż Klorur tal-manganiż Ċitrat tal-manganiż Glukonat tal-manganiż Sulfat tal-manganiż Manganese glycerophosphate Jodju Jodju tas-sodju Jodju tal-potassju Potassium iodate Sodium iodate. -------------------------------------------------- L-ANNESS V VALURI TA’ RIFERENZA GĦALL-ITTIKKETTJAR NUTRITTIV GĦAL IKEL INTENZJONAT GĦAL TRABI U TFAL ŻGĦAR Nutrijent | Valur ta’ riferenza ta’ l-ittikkettjar | Vitamina A | (μg) 400 | Vitamina D | (μg) 10 | Vitamina Ċ | (mg) 25 | Thiamin | (mg) 0,5 | Riboflavin | (mg) 0,8 | Ekwivalenti tan-Niacin | (mg) 9 | Vitamina B6 | (mg) 0,7 | Folate | (μg) 100 | Vitamina B12 | (μg) 0,7 | Kalcju | (mg) 400 | Ħadid | (mg) 6 | Żingu | (mg) 4 | Jodju | (μg) 70 | Silenju | (μg) 10 | Ram | (mg) 0,4 | --------------------------------------------------