Official Journal L 345 , 31/12/1996 P. 0078 - 0078
Id-Deċiżjoni tal-Kunsill tas-6 ta' Diċembru 1996 li tikkonċerna l-konklużjoni ta' Ftehim taħt forma ta' Skambju ta' Ittri bejn il-Komunità Ewropea, minn naħa waħda, u r-Renju tan-Norveġja, min-naħa l-oħra, dwar il-Protokoll 2 għall-Ftehim bejn il-Komunità Ekonomika Ewropea u r-Renju tan-Norveġja (96/753/KE) IL-KUNSILL TA' L-UNJONI EWROPEA, Wara li kkunsidra t-Trattat li jistabbilixxi l-Komunità Ewropea, b'mod partikolari l-Artikolu 113 flimkien ma' l-ewwel sentenza ta' l-Artikolu 228(2) ta' l-istess Trattat, Wara li kkunsidra l-proposta mill-Kummissjoni, Billi Ftehim taħt il-forma ta' Skambju ta' Ittri bejn il-Komunità Ewropea, minn naħa waħda, u r-Renju tan-Norveġja, min-naħa l-oħra, dwar il-Protokoll 2 għall-Ftehim bejn il-Komunità Ekonomika Ewropea u r-Renju tan-Norveġja [1] ġie negozjat sabiex tiġi kkunsidrata l-adeżjoni tar-Repubblika ta' l-Awstrija, ir-Repubblika tal-Finlandja u r-Renju ta' l-Isvezja ma' l-Unjoni Ewropea u l-implimentazzjoni tal-Ftehim Uruguay Round; Billi l-Ftehim għandu jiġi approvat, IDDEĊIEDA DAN LI ĠEJ: Artikolu 1 Il-Ftehim taħt forma ta' Skambju ta' Ittri bejn il-Komunità Ewropea, minn naħa waħda, u r-Renju tan-Norveġja, min-naħa l-oħra, dwar il-Protokoll 2 għall-Ftehim bejn il-Komunità Ekonomika Ewropea u r-Renju tan-Norveġja qed hawnhekk jiġi approvat f'isem il-Komunità. It-test tal-Ftehim huwa mehmuż ma' din id-Deċiżjoni. Artikolu 2 Għandhom jiġu addottati regoli dettaljati għall-applikazzjoni ta' din id-Deċiżjoni mill-Kummissjoni mgħejjuna mill-Kunitat imsemmi fl-Artikolu 15 tar-Regolament (KE) Nru 3448/93 [2] skond il-proċedura imsemmija fl-Artikolu 16 ta' dak ir-Regolament. Artikolu 3 Il-President tal-Kunsill huwa b'dan awtorizzat sabiex jaħtar il-persuna li jkollha il-jedd li tiffirma il-Ftehim imsemmi fl-Artikolu 1 sabiex torbot lill-Komunità. Magħmul fi Brussel, fis-6 ta' Diċembru 1996. Għall-Kunsill Il-President D. Spring [1] ĠU L 171, tas-27.6.1973, p. 1. [2] ĠU L 318, ta' l-20.12.1993, p. 18. --------------------------------------------------