Id-Deċiżjoni tal-Kummissjoni

tat-12 ta’ Jannar 1996

li tistabilixxi ċ-ċertifikati żootekniċi tas-semen, ta’ l-ova u ta’ l-embriji mill-ekwidi rreġistrati

(Test b’relevanza għaż-ŻEE)

(96/79/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 90/427/KEE tas-26 ta’ Ġunju 1990 dwar il-kondizzjonijiet żootekniċi u ġenealoġiċi li jirregolaw il-kummerċ intra-Komunitarju f’ ekwidi [1], b’mod partikolari l-Artikolu 8(2) tagħha,

Billi għandhom jidhru dettallji speċifiċi fiċ-ċertifikat żootekniku sabiex tiġi stabbilita l-oriġini u l-identifikazzjoni ta’ l-annimal li minnu ġejjin is-semen, l-ova jew l-embriji;

Billi ċ-ċertifikat innifsu jista’ jiġi evitat sakemm id-dettallji msemmija f’din id-Deċiżjoni huma diġà preżenti fid-dokumentazzjoni ta’ referenza li tirreferi għas-semen, għall-ova jew għall-embriji;

Billi l-miżuri previsti f’din id-Deċizjoni huma skond l-opinjoni ta’ l-Kumitat Permanenti dwar iż-Żootekniċi,

ADOTTAT DIN ID-DEĊIŻJONI:

Artikolu 1

Id-dettallji li ġejjin għandhom jissemmew fiċ-ċertifikat għal semen ta’ l-ekwidi rreġistrati:

1. Data dwar iż-żiemel donatur:

- il-korp tal-ħruġ,

- l-isem u l-indirizz tal-ktieb ġenealoġiku ta’ oriġini,

- ir-razza,

- in-numru oriġinali ta’ iskrizzjoni fil-ktieb ġenaloġiku (meta disponibbli),

- l-isem ta’ l-annimal,

- id-data tal-ħruġ taċ-ċertifikat,

- is-sistema ta’ identifikazzjoni (eż. microchip, tpinġija, timbru, stampa),

- l-identifikazzjoni,

- l-informazzjoni jekk it-tip tad-demm jew test li jagħti garanzija xjentifika ekwivalenti għall-verifika tar-razza jkunu twettqu,

- id-data tat-twelid,

- l-isem u l-indirizz tas-sid,

- l-isem u n-numri tal-ktieb ġenaloġiku tal-ġenituri u tal-missier ta’ l-omm kif ukoll l-isem tal-kotba ġenealoġiċi,

- ir-riżultati tat-testijiet ta’ atteġġament u ta’ l-istimi tal-valur ġenetiku (mhux obbligatorju).

2. Data dwar is-semen:

- identifikazzjoni,

- in-numru ta’ dożi,

- id-data tal-ġbir,

- l-isem u l-indirizz taċ-ċentru(i) tal-ġbir tas-semen inkluż in-numru tar-reġistrazzjoni,

- l-isem u l-indirizz tad-destinatarju.

Artikolu 2

Id-dettallji previsti fl-Artikolu 1 jistgħu jiġu indikati:

1. fil-forma ta’ ċertifikat li jikkonforma mal-mudell fl-Anness I;

2. fid-dokumentazzjoni li takkumpanja s-

semen

ta’ l-ekwini. F’dan il-każ l-awtoritajiet kompetenti għandhom jiċċertifikaw li d-dettallji stabbiliti fl-Artikolu 1 huma indikati f’dawk id-dokumenti, permezz tal-formula li ġejja:

"Is-sottoskritt jiċċertifika li dawn id-dokumenti jikkontjenu d-dettallji msemmija fl-Artikolu 1 tad-Deċiżjoni tal-Kummissjoni 96/79/KE."

Artikolu 3

Id-dettallji li ġejjin għandhom jissemmew fiċ-ċertifikat ta’ l-ova ta’ ekwidi rreġistrati:

1. Data li tikkonċerna d-debba donatur:

- d-data kollha speċifikata fl-Artikolu 1, Nru 1.

2. Data dwar l-ova:

- identifikazzjoni,

- id-data tal-ġbir,

- l-isem u l-indirizz tal-grupp(i) tal-ġbir ta’ l-ova inkluż in-numru tar-reġistrazzjoni,

- l-isem u l-indirizz tad-destinatarju.

Jekk ikun hemm aktar minn ovum waħda f’tibna singola, dan għandu jiġi dikjarat fiċ-ċar u barra minn hekk l-ova kollha għandu jkollha l-istess omm.

Artikolu 4

Id-dettallji previsti fl-Artikolu 3 jistgħu jiġu ndikati:

1. fil-forma ta’ ċertifikat li jikkonforma mal-mudell fl-Anness II;

2. fid-dokumentazzjoni li takkumpanja l-ova ta’ l-ekwini. F’dan il-każ l-awtoritajiet kompetenti għandhom jiċċertifikaw li d-dettallji stabbiliti fl-Artikolu 3 huma indikati f’dawk id-dokumenti, bil-formola li ġejja:

"Is-sottoskritt jiċċertifika li dawn id-dokumenti jikkontjenu d-dettallji msemmija fl-Artikolu 3 tad-Deċiżjoni tal-Kummissjoni 96/79/KE."

Artikolu 5

Id-dettallji li ġejjin għandhom jissemmew fiċ-ċertifikat ta’ l-embriji ta’ l-ekwidi rreġistrati:

1. Data dwar iż-żiemel donatur u d-debba donatur:

- id-data kollha speċifikata fl-Artikolu 1, Nru 1.

2. Data dwar l-embriji:

- identifikazzjoni,

- id-data tal-ġbir,

- id-data ta’ l-inseminazzjoni jew ta’ l-akkoppjament,

- l-isem u l-indirizz tal-grupp(i) tal-ġbir ta’ l-embriji nkluż in-numru tar-reġistrazzjoni,

- l-isem u l-indirizz tad-destinatarju.

Jekk hemm aktar minn embriju wieħed f’tibna singola, dan għandu jiġi dikjarat fiċ-ċar u barra minn hekk l-embriji kollha għandu jkollhom l-istess parentela.

Artikolu 6

Id-dettallji previsti fl-Artikolu 5 jistgħu jiġu indikati:

1. fil-forma ta’ ċertifikat li jikkonforma mal-mudell fl-Anness III;

2. fid-dokumentazzjoni li jakkumpanja l-embriju(i) ta’ l-ekwini. F’dan il-każ l-awtoritajiet kompetenti għandhom jiċċertifikaw li d-dettallji stabbiliti fl-Artikolu 5 huma indikati f’dawk id-dokumenti, bil-formula li ġejja:

"Is-sottoskritt jiċċertifika li dawn id-dokumenti jikkontjenu d-dettallji msemmija fl-Artikolu 5 tad-Deċiżjoni tal-Kummissjoni 96/79/KE."

Artikolu 7

Din id-Deċiżjoni hija indirizzata lill-Istati Membri.

Magħmula fi Brussel, fit-12 ta’ Jannar 1996.

Għall-Kummissjoni

Franz Fischler

Membru tal-Kummissjoni

[1] ĠU L 224, tat-18.8.1990, p. 55.

--------------------------------------------------

L-ANNESS I

+++++ TIFF +++++

--------------------------------------------------

L-ANNESS II

+++++ TIFF +++++

--------------------------------------------------

L-ANNESS III

+++++ TIFF +++++

--------------------------------------------------

31996D0079