Official Journal L 126 , 09/06/1995 P. 0015 - 0018
Ir-Regolament tal-Kummissjoni (KE) Nru 1306/95 tat-8 ta’ Ġunju 1995 li jemenda r-Regolament (KE) Nru 3223/94 dwar regoli dettaljati għall-applikazzjoni ta’l-arranġementi ta’ l-importazzjoni għall-frott u l-ħxejjex ta’ l-ikel IL-KUMMISSJONI TAL-KOMUNIAJIET EWROPEJ, Wara li kunsidrat it-Trattat li jistabbilixxi l-Komunità Ewropea, Wara li kunsidrat ir-Regolament tal-Kunsill (KEE) Nru 1035/72 tat-18 ta’ Mejju 1972 dwar l-organizzazzjoni tas-suq tal-frott u l-ħxejjex ta’ l-ikel [1], kif l-aħħar emendat bir-Regolament tal-Kummissjoni (KE) No 997/95 [2], u b’mod partikolari l-Artikolu 23(2) tiegħu, Billi r-Regolament tal-Kummissjoni (KE) Nru 3223/94 tal-21 ta’ Diċembru 1994 dwar regoli dettaljati sabiex jiġu applikati l-arranġamenti ta’ l-importazzjoni għall-frott u l-ħxejjex ta’ l-ikel [3], kif emendat bir-Regolament (KE) Nru 553/95 [4], idaħħal mekkaniżmu dirett sabiex jiġu reġistrati l-prezzijiet fi swieq rappreżentattivi bil-ħsieb li jiġi fissat valur standard fuq il-prodotti importati għalbiex jiġi stabbilit il-valur tal-prodotti importati mal-kunsinna hekk li jkunu jistgħu jiġu klassifikati fit-Tariffa Doganali Komuni; Billi, fil-każ ta’ ċerti prodotti friski importati għall-proċessar, japplikaw prezzijiet tad-dħul separati mill-1 ta’ Mejju u, għal dawn il-prodotti, li ma jinbiegħux mal-kunsinna fis-swieq rappreżentattivi, jista’ jintuża mekkaniżmu dirett li jirreġistra l-prezzijiet għall-klassifika tagħhom skond it-tariffa; billi l-mekkaniżu msemmi jista jinvolvi biss il-klassifika fit-tariffa tal-prodotti interessati fuq il-bażi jew tal-prezz frank abbord (f.o.b.) fuq prodotti, biż-żieda ta’ l-ispejjeż ta’ l-assigurazzjoni u tat-tagħbija sal-limiti tat-territorju tad-Dwana Komunitarja, jew il-valur tad-dwana riferit fl-Artikolu 30(2)(ċ) tar-Regolament tal-Kunsill (KEE) Nru 2913/92 tat-12 ta’ Ottubru 1992 li jistabbilixxi l-Kodiċi Doganali Komunitarju [5], kif emendat bl-Att ta’ l-Adeżjoni ta’ l-Awstrija, l-Fillandja u l-Isvezja; Billi, jekk l-awtoritajiet tad-Dwana jikkunsidraw illi hija meħtieġa garanzija skond l-Artikolu 248 tar-Regolament tal-Kummissjoni (KEE) Nru 2454/93 tat-2 ta’ Lulju 1993 li jistabbilixxi dispożizzjonijiet sabiex jiġi implimentat ir-Regolament tal-Kunsill (KEE) Nru 2913/92 li jistabbilixi l-Kodiċi Doganali Komunitarju [6], kif l-aħħar emendat bir-Regolament (KE) Nru 3254/94 [7], iridu jeħtieġu illi jrid jiġi depożitat ammont egwali għall-ammont massimu tad-dazju li japplika għall-prodott fil-kwistjoni; billi, jekk l-importatur jagħżel li jikklassifika l-prodotti tiegħu fuq il-bażi tal-valur tad-Dwana riferit fl-Artikolu 30(2)(ċ) tar-Regolament (KEE) Nru 2913/92, irid jiddepożita garanzija egwali għall-ammont massimu tad-dazju li japplika għall-prodott involut; Billi l-miżuri provvduti f’dan ir-Regolament huma skond l-opinjoni tal-Kumitat tal-Ġestjoni tal-Frott u l-Ħxejjex ta’ l-Ikel, ADOTTAT DAN IR-REGOLAMENT: Artikolu 1 Ir-Regolament (KE) Nru 3223/94 huwa hawnhekk emendat kif ġej: 1. Il-kelma "l-L-Anness" fl-Artikoli 2, 4, 5 u 6 tiġi mibdula bil-kliem "il-Parti A ta’ l-L-Anness". 2. L-Anness jiġi mibdul bl-Anness ma’ dan ir-Regolament. 3. Il-paragrafu li ġej jiddaħħal wara l-Artikolu 5(1): "1a. Il-prezz tad-dħul li fuq il-bażi tiegħu jiġu klassifikati l-prodotti elenkati fil-Parti B ta’ l-Anness huma elenkati fit-tariffa doganali tal-Komunitajiet Ewropej irid ikun egwali, skond kif jagħżel l-importatur: (a) jew fuq il-prezz frank abbord (f.o.b.) fuq il-prodotti fil-pajjiż ta’ l-oriġini tagħhom flimkien ma’ l-ispejjeż ta’ l-assikurazjoni u tal-vjaġġ sal-limiti tat-territorju tad-Dwana Komunitarja, meta dan il-prezz u dawn l-ispejjeż ikunu magħrufa mal-waqt li fih issir id-dikjarazzjoni tad-dwana. Jekk l-awtoritajiet tad-Dwana jidhrilhom illi tinħtieġ garanzija skond l-Artikolu 48 tar-Regolament (KEE) Nru 2454/93, l-importatur irid jiddepożita garanzija egwali għall-ammont massimu tad-dazju li japplika għall-prodott involut; (b) jew għall-valur tad-dwana kkalkolat skond l-Artikolu 30(2)(ċ) tar-Regolament (KEE) Nru 2913/92 applikat biss għall-prodotti fil-kwistjoni importati. F’dan il-każ, id-dazju għandu jiġi mnaqqas kif ipprovvdut fl-Artikolu 4(1). F’dan il-każ l-importatur irid jiddepożita l-garanzija riferita fl-Artikolu 248 tar-Regolament (KEE) Nru 2454/93, egwali għall-ammont massimu tad-dazju li japplika għall prodott fil-kwistjoni." 4. L-ewwel subparagrafu ta’ l-Artikolu 5(2) jiġi mibdul b’dan li ġej: "2. L-importatur għandu jkollu xahar żmien mill-bejgħ tal-prodotti fil-kwistjoni, bla ħsara għal-limitu taż-żmien ta’ erba’ xhur mid-data ta’ l-aċċettazzjoni tad-dikjarazzjoni għar-rilaxx fiċ-ċirkolazzjoni ħielsa, sabiex jipprova illi ddispona mil-lott skond il-kondizzjonijiet li jikkonfermaw il-korrettezza tal-prezzijiet riferiti fit-tieni subparagrafu tal-paragrafu 1 (a) jew il-paragrafu 1 a (a), jew sabiex jistabbilixxi l-valur tad-Dwana riferit fil-paragrafu 1 (b) u l-paragrafu 1 a (a). In-nuqqas li jintlaħqu l-waħda jew l-oħra minn dawn it-temmiet taż-żmien għandu jwassal għat-telf tal-garanzija depożitata, mingħajr preġudizzju li jiġi applikat il-paragrafu 3." Artikolu 2 Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu fil-Ġurnal Uffiċjali tal-Komunitajiet Ewropej. Għandu jibda japplika mill-1 ta’ Mejju 1995. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussell, fit-8 ta’ Ġunju 1995. Għall-Kummissjoni Franz Fischler Membru tal-Kummissjoni [1] ĠU L 118, ta’ l-20.5.1972, p. 1. [2] ĠU L 101, ta’ l-4.5.1995, p. 16. [3] ĠU L 337, ta’ l-24.12.1994, p. 66. [4] ĠU L 56, ta’ l-14.3.1995, p. 1. [5] ĠU L 302, tad-19.10.1992, p. 1. [6] ĠU L 253, tal-11.10.1993, p. 1. [7] ĠU L 346, tal-31.12.1992, p. 1. -------------------------------------------------- L-ANNESS II-PARTI A Il-Kodiċi tan-NM | Id-Deskrizzjoni | Il-Perjodu taż-żmien ta' l- applikazzjoni | 0702001507020020070200250702003007020035070200400702004507020050 | It-tadam | Mill-1 ta' Jannar sal-31 ta' Marzu; Mill-1 sat-30 ta' April Mill-1 sal-14 ta' Mejju Mill-15 sal-31 ta' Mejju Mill-1 ta' Ġunju sat-30 ta' Settembru Mill-1 sal-31 ta' Ottubru Mill-1 ta' Ottubru sal-20 ta' Diċembru Mill-21 sal-31 ta' Diċembru | 07070010 | Il-Ħjar | Mill-1 ta' Jannar sa l-aħħar ta' Frar | 07070015 | Il-Ħjar | Mill-1 ta' Marzu sat-30 ta' April | ex07070020 | Ħjar ieħor għajr dak maħsub għall-proċessar | Mill-1 tal-15 ta' Mejju | ex07070025 | Ħjar ieħor għajr dak maħsub għall-proċessar | Mis-16 sat-30 ta' Settembru | ex07070030 | Ħjar ieħor għajr dak maħsub għall-proċessar | Mill-1 sal-31 ta' Ottubru | 07070035 | Il-Ħjar | Mill-1 sal-10 ta' Novembru | 07070040 | Il-Ħjar | Mill-11 ta' Novemru sal-31 ta' Diċembru | 07091040 | Articokks | Mill-1 ta' Novemru sal-31 ta' Diċembru | 0709907107099073070990750709907707099079 | Qarabagħli | Mill-1 sal-31 ta’ Jannar Mill-1 ta’ Frar sal-31 ta’ Marzu Mill-1 ta’ April sal-31 ta’ Mejjo Mill-1 ta’ Ġunju sal-31 ta’ Lulju Mill-1 ta’ Awwissu sal-31 ta’ Diċembru | 080510610805106508051069 | Il-Larinġ ħelu, frisk | Mill-1 sal-31 ta’ Diċembru | 08052031 | Il-Klementina | Mill-1 ta' Novembru sal-31 ta' Diċembru | 08052033080520350805203708052039 | Il-Mandolin (inklużit-tanġerin u s-satsuma); il-wilkings u ibridi simili taċ-ċitru | Mill-1 ta' Novembru sal-31 ta' Diċembru | 0805303008053040 | Il-Lumi | Mill-1 ta' Ġunju sal-31 ta'Ottubru Mill-1 ta' Novembru sal-31 ta' Diċembru | 0806004008061050 | Il-Għeneb tal-mejda [1] | Mill-21 ta' Lulju sal-31 ta' Ottubru Mill-1 sal-20 ta' Novembru | 080810710808197308081079 | It-Tuffieħ ta' belludja [2] | Mill-1 sal-31 ta' Lulju | 080810920808109408081098 | | Mill-1 ta' Awissu sal-31 ta' Diċembru | 08082047080820510808205708082967 | Il-Lanġas [3] | Mill-1 sal-15 ta' Lulju Mis-16 sal-31 ta' Lulju Mill-1 ta' Awissu sal-31 ta' Ottubru Mill-1 ta' Novembru sal-31 ta' Diċembru | 080910200809103008091040 | Il-Berquq | Mill-1 sal-20 ta' Ġunju Mill-21 sat-30 ta' Ġunju Mill-1 sal-31 ta' Lulju | 0809203108092039 | Iċ-Ċirasa | Mill-21 sal-31 ta' Mejju | 0809204108092049 | | Mill-1 ta' Ġunju sal-15 ta' Lulju | 0809205108092059 | | Mis-16 sal-31 ta' Lulju | 0809206108092069 | | Mill-1 sal-10 ta' Awissu | 0809302108093029 | Il-Lanġas u n-noċiprisk | Mill-11 sal-20 ta' Ġunju | 0809303108093039 | | Mill-21 ta' Ġunju sal 31 ta' Lulju | 0809304108093049 | | Mill-1 ta' Awissu sat-30 ta' Settembru | 0809402008094030 | Il-Għajnbaqar | Mill-11 sat-30 ta' Ġunju Mill-1 ta' Lulju sat-30 ta' Settembru | IL-PARTI B Il-Kodiċi tan-NM — applikazzjoni | Id-Deskrizzjoni | Il-Perjodu taż-żmien ta' l– | ex07070020ex07070025ex07070030 | Il-Ħjar maħsub għall-proċessar | Mill-1 sal-15 ta' Mejju Mis-16 ta' Mejju sat-30 ta' Settembru Mill-1 sal-31 ta' Ottubru | [1] Għajr għall-għeneb imperatur tal-kodiċi tan-NM 08061021, mill-1 sal-31 ta' Jannar. [2] Għajr għat-tuffieħ ta' belludja tas-cider tal-kodiċi tan-NM 08081010, ippreżentat bil-massa, mill− 15 ta' Settembru sal-15 ta' Diċembru. [3] Għajr għal-lanġas tal-meraq tal-kodiċi tan-NM 08082010, ippreżentat bil-massa, mill-1 ta' Awissu sal 31 ta' Diċembru. --------------------------------------------------