Official Journal L 109 , 16/05/1995 P. 0044 - 0047
Id-Deċiżjoni tal-Kummissjoni tat-8 ta’ Mejju 1995 li tistabbilixxi, rigward il-salmonella, garanziji addizzjonali għall-kunsinni lejn il-Finlandja u l-Isvezja ta’ ċerti tipi ta’ bajd maħsuba għall-konsum tal-bniedem (95/168/KE) IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ewropea, Wara li kkunsidrat id-Direttiva tal-Kunsill 92/118/KEE tas-17 ta’ Diċembru 1992 li tippreskrivi l-ħtiġijiet għas-saħħa ta’ l-annimali u s-saħħa pubblika li jirregolaw il-kummerċ fi, u l-importazzjonijiet lejn, il-Komunità ta’ prodotti li mhumiex suġġetti għall-ħtiġijiet imsemmija preskritti fir-regoli speċifiċi tal-Komunità imsemmijin f’Anness A (I) tad-Direttiva 89/662/KEE u, dwar il-patoġeni, tad-Direttiva 90/425/KEE [1], kif l-aħħar emendata bl-Att ta’Adeżjoni tal-Awstrija, il-Finlandja u l-Isvezja, u partikolarment Anness II, Kapitolu 2, l-ewwel inċiż; Billi bid-Deċiżjonijiet 94/968/KE [2] u 95/50/KE [3], il-Kummissjoni approvat il-programmi ta’ operazzjonijiet għall-kontroll tas-salmonella ppreżentati mill-Finlandja u mill-Isvezja; billi dawn il-programmi fihom miżuri speċifiċi għall-bajd tat-tiġieġ li jbidu maħsuba għall-konsum dirett tal-bniedem; Billi l-Finlandja ntrabtet li ċentri tal-ippakkjar se jaċċettaw biss dak il-bajd li joriġina minn qtajja’ ta’ tiġieġ li jbidu suġġetti għal kontrolli regolari għas-salmonella; billi l-Isvezja provdiet għall-kontrolli tas-salmonella fuq il-qtajja’ kollha tat-tiġieġ li jbidu li l-bajd tagħhom jitqegħdu fis-suq; Billi garanziji addizzjonali ekwivalenti għal dawk li l-Finlandja u l-Isvezja jimplimentaw taħt il-programmi ta’ operazzjonijiet tagħhom għandhom ikunu stabbiliti; Billi ċentri ta’ l-ippakkjar għandhom għalhekk jipprovdu garanzija li l-bajd maħsub għall-Finlandja u għall-Isvezja joriġina minn qatgħat ta’ tiġieġ li jbidu li kienu suġġetti għal test mikrobijoloġiku bit-teħid ta’ kampjuni; Billi r-regoli li jirrelataw għal testijiet mikrobijoloġiċi bħal dawn bit-teħid ta’ kampjuni għandhom jitħejjew u jippreskrivu l-metodu tat-teħid ta’ kampjuni, in-numru ta’ kampjuni li għandhom jittieħdu u l-metodu bijoloġiku li għandu jintuża biex ikunu eżaminati l-kampjuni; Billi għandu jitqies ir-Regolament tal-Kunsill (KEE) Nru 1907/90 tas-26 ta’ Ġunju 1990 dwar ċerti standards ta’ marketing talbajd [4], kif l-aħħar emendat bir-Regolament (KE) Nru 3117/94 [5], ir-Regolament tal-Kummissjoni (KEE) Nru 1274/91 tal-15 ta’ Mejju 1991 li jdaħħal regoli dettaljati sabiex jiġi implimentat ir-Regolament (KEE) Nru 1907/90 dwar ċerti standardsta’ marketing ghall-bajd [6], kif l-aħħar emendat bir-Regolament (KE) Nru 3239/94 [7], u d-Deċiżjoni tal-Kunsill 94/371/KE ta’ l-20 ta’ Ġunju 1994 li tippreskrivi kondizzjonijiet speċifiċi tas-saħħa pubblika għat-tqegħid fis-suq ta’ ċerti tipi ta’ bajd [8]; Billi l-Finlandja u l-Isvezja jridu japplikaw il-ħtiġijiet ta’ l-importazzjoni għall-kunsinni li joriġinaw minn pajjiżi terzi mill-anqas stretti daqs dawk preskritti f’din id-Deċiżjoni; Billi l-miżuri previsti f’din id-Deċizjoni huma skond l-opinjoni tal-Kumitat Veterinarju Permanenti, ADOTTAT DIN ID-DEĊIŻJONI: Artikolu 1 1. Għall-iskopijiet ta’ din id-Deċiżjoni, id-definizzjonijiet mogħtija fir-Regolamenti (KEE) Nru 1907/90 u (KEE) Nru 1274/91 għandhom jgħoddu. 2. Madankolli, għall-iskopijiet ta’ din id-Deċiżjoni, "bajd" tfisser bajd tat-tiġieġ maħsuba għall-konsum tal-bniedem u li jaqgħu taħt il-kategoriji li ġejjin: - Bajd Grad "A", - Bajd Grad "B". 3. Din id-Deċiżjoni ma tgħoddx għall-bajd li huma maħsuba għall-produzzjoni tal-prodotti tal-bajd jew kunsenjati lill-impriżi tal-industrija ta’ l-ikel approvati skond id-Direttiva tal-Kunsill 89/437/KEE [9], sakemm il-pakketti li qegħdin fihom huma mmarkati biċ-ċar biex juru dik id-destinazzjoni. Artikolu 2 1. Iċ-ċentri ta’ l-ippakkjar għandhom għalhekk jipprovdu garanzija li bajd maħsub għall-Finlandja u għall-Isvezja joriġina minn qtajja’ ta’ tiġieġ li jbidu li kienu suġġettati għal test mikrobijoloġiku bit-teħid ta’ kampjuni li sar skond id-dispożizzjonijiet preskritti f’Anness I. 2. Għall-iskopijiet tal-garanzija msemmija fil-paragrafu 1, il-bajd irid ikun akkumpanjat b’ċertifikat kif preskritt f’Anness II. Artikolu 3 Il-garanziji addizzjonali previsti f’din id-Deċiżjoni ma jgħoddux għal bajd li joriġina fi stabbiliment suġġett għal programm rikonoxxut, skond il-proċedura preskritta f’Artikolu 18 tad-Direttiva 92/118/KEE, bħala ekwivalenti għal dawk implimentati mill-Finlandja u mill-Isvezja. Artikolu 4 Din id-Deċiżjoni tkun riveduta qabel il-31 ta’ Diċembru 1996. Ir-reviżjoni tkun bażata fuq rapport, imħejji mill-Finlandja u mill-Isvezja, fuq l-esperjenza miksuba, li għandu jkun ippreżentat qabel it-30 ta’ Settembru 1996. Artikolu 5 Din id-Deċiżjoni hija indirizzata lill-Istati Membri. Magħmula fi Brussel, fit-8 ta’ Mejju 1995. Għall-Kummissjoni Franz Fischler Membru tal-Kummissjoni [1] ĠU L 62, tal-15.3.1993, p. 49 [2] ĠU L 371, tal-31.12.1994, p. 36 [3] ĠU L 53, tad-9.3.1995, p. 31 [4] ĠU L 173, tas-6.7.1990, p. 5 [5] ĠU L 330, tal-21.12.1994, p. 4 [6] ĠU L 121, tal-15.5.1991, p. 11 [7] ĠU L 338, tat-28.12.1994, p. 48 [8] ĠU L 168, tat-2.7.1994, p. 34. [9] ĠU L 212, tat-22.7.1989, p. 87 -------------------------------------------------- ANNESS I 1. Teħid ta’ kampjuni Fil-każ ta’ tiġieġ imkabbra fuq passiġģieri jew fil-beraħ, kampjuni komposti tal-feċi, kull kampjun jikkonsisti f’kampjuni separati ta’ feċi frisk, kull wieħed jiżen mill-anqas gramma, għandhom jittieħdu saltwarjament min numru ta’ postijiet fil-bini fejn jinżammu t-tiġieġ jew, fejn tiġieġ bhal dawn għandhom aċċess liberu għal aktar minn bini wieħed ġo farm partikolari, dawn il-kampjuni għandhom jittieħdu minn kull grupp ta’ bini tal-farm fejn jinżammu t-tiġieġ. Fil-każ tat-tiġieġ li jbidu fil-gaġeġ, dawn il-kampjuni għandhom jittieħdu mill-barraxa jew mill-wiċċ tat-twaqqigħ mill-ħofra. 2. In-numru ta’ kampjuni li għandhom jittieħdu In-numru ta’ kampjuni jrid jagħmilha possibbli li tinstab b’95 % li tista’ torbot fuqha preżenza ta’ 5 % ta’ salmonella. 3. Test mikrobijoloġiku għall-eżami ta’ kampjuni Is-salmonella trid tkun iżolata skond il-metodu standard tal-Organizzazzjoni Internazzjonali għall-Istandardizzazzjoni (ISO 6579: 1993). 4. Frekwenza ta’ teħid ta’ kampjuni Il-qatgħa għandu jittieħed kampjuni minnha f’perjodu ta’ ġimaghtejn qabel jibdew ibidu u minn hemm ’il quddiem mill-anqas darba kull 25 ġimgħa. -------------------------------------------------- ANNESS II +++++ TIFF +++++ --------------------------------------------------