Official Journal L 048 , 03/03/1995 P. 0021 - 0021
Id-Deċiżjoni tal-Kunsill tad-19 ta' Diċembru 1994 dwar il-konklużjoni ta' Ftehim fil-forma ta' Bdil ta' Ittri bejn il-Komunità Ewropea u r-Renju tal-Marokk dwar il-qafas tal-impostazzjoni għall-importazzjonijiet fil-Komunità tat-tadam u qargħa bagħli żgħir li joriġinaw fi, u jiġu importati mill-, Marokk (95/35/KE) IL-KUNSILL TA' L-UNJONI EWROPEA, Filwaqt li kkunsidra t-Trattat li jistabbilixxi l- Komunità Ewropea, u b'mod partikolari Artikolu 113 flimkien mal-ewwel sentenza tal-Artikolu 228(2) tiegħu, Filwaqt li kkunsidra l-proposta mill-Kummissjoni, Billi fil-Kuntest tal-Urugwaj Round dwar negozjati multilaterali dwar il-kummerċ il-qafas ta' l-impostazzjoni għat-tadam u qargħa bagħli żgħir inbidel; Billi Artikolu 25 tal-Ftehim dwar Kooperazzjoni bejn bejn il- Komunità Ekonomika Ewropea u r-Renju tal-Marokk jipprovdi li, meta jinbidlu r-regoli eżistenti, il- Komunità tista’ temenda l-qafas tal-impostazzjoni stabbilit fil-Ftehim dwar il-prodotti in kwistjoni; Billi l-Komunità qablet mar-Renju tal-Marokk li l-imsemmi qafas jiġi aġġustat abbażi ta' Ftehim fil-forma ta' bdil ta' ittri; Billi issa dan il-Ftehim għandu jiġi approvat; Billi huwa wkoll meħtieġ li jiġu stabbiliti r-regoli dettaljati għall-implimentazzjoni ta' dan il-Ftehim fil-forma ta' bdil ta' ittri, IDDEĊIEDA KIF ĠEJ: Artikolu 1 Il-Ftehim fil-forma ta' bdil ta' ittri bejn il- Komunità Ewropea u r-Renju tal-Marokk dwar il-qafas għall-importazzjoni fil- Komunità Ewropea tat-tadam u l-qargħa bagħli żgħir li joriġinaw fi u jiġu importati mill-Marokk huwa b'dan approvat għall- Komunità Ewropea. It-test tal-Ftehim huwa mehmuż ma’ din id-Deċiżjoni. Artikolu 2 Il-President tal-Kunsill huwa b’ dan awtorizzat li jinnomina l-persuna awtorizzata li tiffirma l-Ftehim sabiex torbot lill- Komunità. Artikolu 3 Il-miżuri dettaljati sabiex jiġi implimentat dan il-Ftehim, inklużi l-miżuri ta' sorveljanza possibbli, għandhom jiġu addottati, kif xieraq, skond il-proċedura stabbilita f'Artikolu 33 tar-Regolament tal-Kunsill (KEE) Nru 1035/72 tat-18 ta' Mejju 1972 dwar l-organizzazzjoni komuni tas-suq tal-frott u l-ħaxix [1] jew skond id-dispożizzjonijiet tar-Regolament tal-Kunsill (KE) Nru 1981/94 tal-25 ta' Lulju 1994 li jiftaħ u jipprovdi għall-amministrazzjoni ta' kwoti tal-miżati Komunitarji għal xi prodotti li joriġinaw fl-Alġerija, Ċipru, l-Eġittu, l-Iżrael, il-Ġordan, Malta, il-Marokk it-Territorji Okkupati, it-Tuneżija u t-Turkija, u li jipprovdi għar-regoli dettaljati li jestendu u jaddattaw dawn il- kwoti tal-miżati [2]. Fejn il-implimentazzjoni tal-Ftehim jitlob kooperazzjoni mill-qrib mar-Renju tal-Marokk, il-Kummissjoni tista’ tieħu l-passi kollha meħtieġa biex taċċerta din il-kooperazzjoni. Magħmula fi Brussell, fid-19 ta' Diċembru 1994. Għall-Kunsill Il-President K. Kinkel [1] ĠU L 118, ta' l-20.5.1972, p. 1. Ir-Regolament kif emendat l-aħħar bir-Regolament tal-Kummissjoni (KE) Nru 2753/94 (ĠU L 292, tat-12.11.1994, p. 3). [2] ĠU L 199, tat-2.8.1994, p. 1. --------------------------------------------------