Ir-Regolament tal-Kunsill (KE) Nru 3259/94 tat-22 ta' Diċembru 1994 li jemenda r-Regolament (KEE) Nru 2930/86 li jiddefinixxi l-karatteristiċi tal-bastimenti tas-sajd
Official Journal L 339 , 29/12/1994 P. 0011 - 0013
Finnish special edition: Chapter 4 Volume 7 P. 0003
Swedish special edition: Chapter 4 Volume 7 P. 0003
CS.ES Chapter 04 Volume 02 P. 191 - 193
ET.ES Chapter 04 Volume 02 P. 191 - 193
HU.ES Chapter 04 Volume 02 P. 191 - 193
LT.ES Chapter 04 Volume 02 P. 191 - 193
LV.ES Chapter 04 Volume 02 P. 191 - 193
MT.ES Chapter 04 Volume 02 P. 191 - 193
PL.ES Chapter 04 Volume 02 P. 191 - 193
SK.ES Chapter 04 Volume 02 P. 191 - 193
SL.ES Chapter 04 Volume 02 P. 191 - 193
Ir-Regolament tal-Kunsill (KE) Nru 3259/94 tat-22 ta' Diċembru 1994 li jemenda r-Regolament (KEE) Nru 2930/86 li jiddefinixxi l-karatteristiċi tal-bastimenti tas-sajd IL-KUNSILL TA' L-UNJONI EWROPEA, Wara li kkunsidra t-Trattat li jistabbilixxi l-Komunità Ewropea, u b'mod partikolar l-Artikolu 43 tiegħu, Wara li kkunsidra l-proposta mill-Kummissjoni, Wara li kkunsidra l-opinjoni mill-Parlament Ewropew [1], Wara li kkunsidra l-opinjoni mill-Kumitat Ekonomiku u Soċjali [2], Billi issir referenza għall-karatteristiċi tal-bastimenti tas-sajd fil-politika komuni tas-sajd, li teħtieġ definizzjonijiet uniformi tal-karatteristiċi tal-bastimenti; billi r-Regolament tal-Kunsill (KEE) Nru 2930/86 tat-22 ta' Settembru 1986 li jiddefinixxi l-karatteristiċi tal-bastimenti tas-sajd [3] ġie addottat għal dan il-għan; Billi l-azzjoni Komunitarja f'dan il-qasam għandha tkun imsejsa fejn hu possibli fuq ir-rakkommandazzjonijiet diġà addottati mill-organizzazzjonijiet internazzjonali speċjalizzati; Billi ġiet magħrufa l-ħtieġa ta' sistema internazzjonali komuni dwar il-kejl tat-tunellaġġ tal-bastimenti minħabba d-diverġenzi kbar fit-tunellaġġ ta' bastimenti individwali ta' l-istess tul; billi, fid-dawl ta' dan, ġiet iffirmata l-Konvenzjoni Internazzjonali dwar il-Kejl tat-Tunellaġġ tal-Bastimenti f'Londra fit-23 ta' Ġunju 1969 (ICTM 1969) taħt il-patroċinju ta' l-Organizazzjoni Marittima Internazzjonali (IMO); Billi l-Konvenzjoni tiddefinixxi t-tunellaġġ gross bħala funzjoni tal-volum totali ta' l-ispazji kollha magħluqa ta' bastiment; billi l-metodoloġija għall-kejl tat-tunellaġġ gross hija pprovduta fl-Anness I tal-Konvenzjoni; Billi l-Konvenzjoni msemmija tapplika mit-18 ta' Lulju 1994 għall-bastimenti kollha li mhumiex eżentati, inklużi l-bastimenti tas-sajd ta' 24 metru u iktar fit-tul li jidħlu għal vjaġġi internazzjonali; billi l-bastimenti ta' inqas minn 24 metru tul huma, fost ħwejjeġ oħra, eżentati mill-Konvenzjoni; Billi r-Regolament (KEE) Nru 2930/86 estenda d-dispożizzjonijiet ta' l-Anness I mal-Konvenzjoni msemmija għall-bastimenti tas-sajd kollha tal-Komunità; Billi l-Istati Membri għaddew mill-esperjenza ta' ċerti diffikultajiet huma u jimplimentaw fis-sħiħ id-dispożizzjonijiet tar-Regolament (KEE) Nru 2930/86, b'mod partikolari fejn għandhom x'jaqsmu bastimenti iżgħar tas-sajd; billi, għall-dawn il-bastimenti iżgħar, il-metodoloġija stabilita fl-Anness I tal-Konvenzjoni msemmija mhix addattata f'ċerti każi; Billi għandu jkun hemm dispożizzjonijiet flessibli għall-bastimenti eżistenti, u b'mod partikolari għal dawk li huma inqas minn 15-il metru fit-tul, sabiex tkun tista' ssir stima dwar it-tunellaġġ tagħhom; Billi għall-bastimenti ta' inqas minn 15-il metru tul hija mixtieqa definizzjoni iktar sempliċi tat-tunellaġġ gross; Billi l-bastimenti tad-daqs ta'15-il metru tul jew ikbar għandhom jiġu mkejla skond il-Konvenzjoni msemmija minħabbain l-importanza ikbar tal-volum tas-superstruttura ta' dawn il-bastimenti; Billi huwa meħtieġ il-posponiment tat-temma taż-żmien tat-18 ta' Lulju 1994 għall-kejl mill-ġdid tal-bastimenti eżistenti li huma tat-tul ta' 15-il metru u inqas minn 24 metru minħabba d-domandi tekniċi involuti fil-kejl tal-bastimenti skond il-metodoloġija tal-Konvenzjoni ta' l-1969. ADOTTA DAN IR-REGOLAMENT: L-Artikolu 1 Ir-Regolament (KEE) Nru 2930/86 hu hawnhekk emendat kif ġej: 1. l-ewwel subparagrafu ta' l-Artikolu 3 għandu jiġi mibdul b'dan li ġej: "Il-wisa' tal-bastiment għandu jkun il-wisa' massimu kif iddefinit fl-Anness I tal-Konvenzjoni Internazzjonali dwar il-Kejl tat-Tunellaġġ tal-Bastimenti, minn hawn 'il quddiem imsejħa "l-Konvenzjoni ta' l-1969";."; 2. L-Artikolu 4(1)għandu jiġi mibdul b'dan li ġej: "1. (a) It-tunellaġġ ta' bastiment tas-sajd għandu jkun it-tunellaġġ gross kif speċifikat fl-Anness I tal-Konvenzjoni ta' l-1969. (b) It-tunellaġġ gross tal-bastimenti tas-sajd il-ġodda b'tul globali egwali għal 15-il metru jew iktar u li bdew jinħadmu fit-18 ta' Lulju 1994 jew wara għandu jitkejjel kif speċifikat fl-Anness I tal-Konvenzjoni ta' l-1969. (ċ) It-tunellaġġ gross tal-bastimenti tas-sajd il-ġodda u dawk eżistenti b'tul globali ta' iktar minn 15-il metru għandu jiġi mkejjel skond il-formola pprovduta fl-Anness I ma' dan ir-Regolament. (d) It-tunellaġġ gross tal-bastimenti eżistenti kollha li huma egwali għal tul ta' 24 metru jew iktar bejn il-perpendikularijiet għandu jerġa' jiġi mkejjel skond l-Anness I mal-Konvenzjoni ta' l-1969 qabel it-18 ta' Lulju 1994. Fil-każ tal-bastimenti f'din il-kategorija li ma jidħlux għal vjaġġi internazzjonali skond it-tifsira tal-Konvenzjoni ta' l-1969 u li b'konsegwenza ta' dan huma eżentati mid-dispożizzjonijiet tal-Konvenzjoni, it-temma taż-żmien għandha tkun posposta għall-31 ta' Diċembru 1994. (e) Bla ħsara għall-paragrafi 2 u 3, it-tunellaġġ gross tal-bastimenti eżistenti b'tul globali egwali għal 15-il metru jew iktar u inqas minn 24 metru bejn il-perpendikularijiet jistgħu jiġu stmati skond il-metodoloġija mfassla fl-Anness ma' dan ir-Regolament fiċ-ċirkostanzi fejn il-Kummissjoni tikkunsidra dawn il-valuri huma eżatti biżżejjed. L-Istati Membri għandhom, madankollu, ikejlu t-tunellaġġ tal-bastimenti f'din il-kategorija skond l-Anness I mal-Konvenzjoni ta' l-1969 fiċ-ċirkustanzi li ġejjin: - fuq it-talba tas-sid tal-bastiment, - fuq applikazzjoni mis-sid tal-bastiment, għall-bastiment tiegħu, għalbiex jipparteċipa f'kull skema fejn titħallas il-għajnuna finanzjarja tal-Komunità, fejn din il-għajnuna tiddependi mit-tunellaġġ tal-bastiment. Il-għajnuna Komunitarja konċessa skond ir-Regolament tal-Kunsill (KE) Nru 3699/93 tal-21 ta' Diċembru 1993 li jistabbilixxi l-kriterji u l-arranġamenti li jirrigwardaw l-assistenza strutturali għas-settur tas-sajd u l-akwakultura għall-ipproċessar u l-bejgħ tal-prodotti tiegħu [4] għandha, madankollu, tiġi implimentati skond id-dispożizzjonijiet fis-seħħ ta' dan ir-Regolament. Sa l-1 ta' Jannar 2004, tista' tinżamm ir-referenza għal kejl b'tunellaġġ espress bħala GRT sabiex jiġu implimentati l-iskemi ta' l-għajnuna li jirrigwardaw l-Artikoli 8 u 9 tar-Regolament (KE) Nru 3699/93, sakemm l-informazzjoni li għandha x'taqsam ma' din l-unità ta' kejl tkun ġiet innotifikati lill-Kummissjoni sat-18 ta' Lulju 1994 skond il-proċeduri koperti bir-Regolament tal-Kummissjoni (KE) Nru 109/94 tad-19 ta' Jannar 1994 li jirrigwarda r-reġistru tal-bastimenti tas-sajd tal-Komunità [5]; - fejn it-tibdiliet u l-modifikazzjonijiet tal-karatteristiċi tal-bastiment jiġu meqjusa mill-awtoritajiet kompetenti ta' l-Istati Membru li huma varjazzjoni sostanzjali tat-tunellaġġ eżistenti. L-Istati Membri għandhom jiżguraw illi l-bastimenti kollha li jibqgħu f'din il-kategorija jiġu mkejla mill-ġdid qabel l-1 ta' Jannar 2004 skond l-Anness I mal-Konvenzjoni ta' l-1969."; 3. Għandu jiġi miżjud l-Anness li jidher fl-Anness ma' dan ir-Regolament. L-Artikolu 2 Dan ir-Regolament għandu jidħol fis-seħħ fis-seba' jum wara l-pubblikazzjoni tiegħu fil-Ġurnal Uffiċjali tal-Komunitajiet Ewropej. Għandu jibda japplika mill-1 ta' Jannar 1995, bl-eċċezzjoni tad-dispożizzjonijiet tal-punt 2 ta' l-Artikolu 1 li jirrigwardaw l-Artikolu 4(1)(d) tar-Regolament (KEE) Nru 2930/86 u li għandu japplika mit-18 ta' Lulju 1994. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, fit-22 ta' Diċembru 1994. Għall-Kunsill Il-President H. Seehofer [1] ĠU C 323, tal-21.11.1994. [2] L-Opinjoni mogħtija fl-14 ta' Settembru 1994 (għadha mhix ippubblikata fil-Ġurnal Uffiċjali tal-Komunitajiet Ewropej). [3] ĠU L 274, tal-25.9.1986, p. 1. [4] ĠU L 346, tal-31.12.1993, p. 1. [5] ĠU L 19, tat-22.1.1994, p. 5. -------------------------------------------------- L-ANNESS L-ANNESS Bastimenti ġodda < 15 -il metru fit-tul globali It-tunellaġġ gross tal-bastimenti l-ġodda tas-sajd b'tul globali ta' inqas minn 15-il metru huwa definit bħala: GT = K · V fejn: K1 = 0,2 + 0,02 log10 V u V huwa l-volum, mogħti bi: V = a 1Loa · B1 · T1 fejn: Loa = it-tul globali (l-Artikolu 2 tar-Regolament (KEE) Nru 2930/86) B1 = il-wisa' f'metri skond il-Konvenzjoni ta' l-1969 T1 = il-fond f'metri skond il-Konvenzjoni ta' l-1969 al = il-funzjoni tal-Loa Bastimenti eżistenti < 15-il metru tul globali It-tunellaġġ gross tal-bastimenti tas-sajd eżistenti b'tul globali ta' inqas minn 15-il metru huwa definut bħala: GT = K · V fejn V huwa l-volum, mogħti bi: V = a 2Loa · B1 · T1 fejn: B1 = il-wisa' f'metri T1 = il-fond f'metri a2 = il-funzjoni tal-Loa Bastimenti ta' 15-il metru tul globali - 24 metru tul bejn il-perpendikularijiet It-tunellaġġ gross tal-bastimenti ta' 15-il metru tul u iktar u ta' tul bejn il-perpendikularijiet ta' inqas minn 24 metru huwa definit bħala: GT = K · V fejn V huwa l-volum totali magħluq kif definit fil-Konvenzjoni ta' l-1969. Għall-bastimenti eżistenti, il-V jista' jiġi stmat proviżorjament bil-formola: V = a 2Loa · B1 · T1 fejn: a3 = il-funzjoni tal-Loa, il-B1, it-T1 u s-sena tal-kostruzzjoni. Il-funzjonijiet a1, a2, u a3 għandhom ikunu fissati fuq il-bażi ta' l-analiżijiet statistiċi tal-kampjuni rappreżentattivi magħquda flimkien mill-flotot ta' l-Istati Membri. Dawn għandhom jiġu speċifikati flimkien mad-definizzjonijiet tad-dimensjonijiet B1 u T1 u mar-regoli ddettaljati għall-applikazzjoni tal-formoli f'Deċiżjoni tal-Kummissjoni. --------------------------------------------------