Official Journal L 178 , 12/07/1994 P. 0066 - 0068
Finnish special edition: Chapter 3 Volume 59 P. 0031
Swedish special edition: Chapter 3 Volume 59 P. 0031
Id-Direttiva tal-Kunsill 94/28/KE tat-23 ta' Ġunju 1994 li tniżżel il-prinċipji dwar il-kondizzjonijiet żootekniċi u ġenealoġiċi applikabbli għall-importazzjonijiet minn pajjiżi terzi ta' l-annimali, is-semen, l-ova u l-embrijoni tagħhom, u li temenda d-Direttiva 77/504/KEE dwar l-annimali ta' razza pura ta' l-ispeċji bovina IL-KUNSILL TA' L-UNJONI EWROPEA, Fir-rigward tat-Trattat li jistabilixxi l-Komunità Ewropea, u partikularment l-Artikolu 43 tiegħu, Wara li ikkunsidra l-proposta mill-Kummissjoni [1], Wara li kkunsidra l-opinjoni tal-Parlament Ewropew [2], Wara li ikkunsidra l-opinjoni tal-Kumitat Ekonomiku u Soċjali [3], Billi t-trobbija ta' annimali ta' razza pura hija ġeneralment parti mill-attivitajiet normali tal-biedja; billi huma jikkostitwixxu fonti ta' dħul għall-proporzjoni tal-popolazzjoni tal-biedja; Billi l-annimali mrobbija puri, bħala annimali ħajjin, huma inklużi fil-lista ta' l-Anness II mat-Trattat; Billi r-regoli f'armonija ma' l-iskali tal-livell tal-Komunità tal-kundizzjonijiet żootekniċi u ġenealoġiċi li jirregolaw l-kummerċ fil-Komunità jew il-promozzjoni ta' l-annimali kollha, partikolarment ta' l-ispeċi tal-baqra, tal-ħanżir, tan-nagħġa u tal-mogħża u ekwidej, ġew imħejjija; Billi, f'dan il-kuntest, il-Kunsill adotta d-Direttiva 77/504/KEE tal-25 ta' Lulju 1977 fuq l-annimali li huma ta' razza pura ta' l-għammra ta' l-ispeċi tal-baqra [4], id-Direttiva 88/661/KEE tad-19 ta' Diċembru 1988 fuq il-livelli żootekniċi applikabbli għat-trobbija ta' l-annimali ta' l-ispeċi tal-ħanżir [5], id-Direttiva 89/361/KEE tat-30 ta' Mejju 1989 fir-rigward tan-ngħaġ u l-mogħoż imrobbija puri [6], id-Direttiva 90/427/KEE tas-26 ta' Ġunju 1990 fuq l-kundizzjonijiet żootekniċi u ġenealoġiċi li jirregolaw il-kummerċ fil-Komunità ta' l-ekwidej [7] u d-Direttiva 91/174/KEE tal-25 ta' Marzu 1991 li tirrappreżenta l-ħteġijiet żootekniċi u ta' l-arblu tar-razza għall-promozzjoni ta' l-annimali mrobbija puri [8]; Billi, speċjalment biex jiżguraw żvilupp razzjonali tat-trobbija tal-qobla mrobbija puri u b'hekk titkabbar il-produttivita' f'dan is-settur, prinċipji għandhom ikunu preżentati fuq livell tal-Komunità rigward il-kondizzjonijiet żootekniċi u ġenealoġikali applikabbli għall-importazzjoni ta' dawn l-annimali, is-semen, l-ova u l-embrijoni tagħhom minn pajjiżi terzi; Billi għandha ssir dispożizzjoni għad-Direttiva tal-Kunsill 90/675/KEE ta' l-10 ta' Diċembru 1990 li tniżżel il-prinċipji li jirregolaw l-organiżżazzjoni ta' l-ispezzjonijiet veterinari fuq il-prodotti li jidħlu fil-Komunità minn pajjiżi terzi [9] u d-Direttiva tal-Kunsill 91/496/KEE tal-15 ta' Lulju 1991 li tippreżenta l-prinċipji li jirregolaw l-organiżżazzjonijiet ta' l-ispezzjonijiet veterinari fuq l-annimali li jidħlu fil-Komunità minn pajjiżi terzi [10] biex ikunu applikati għall-annimali u l-prodotti riferuti f'din id-Direttiva; Billi l-Kummissjoni għandha tkun fdata bir-responsabbilta' li tadotta miżuri ta' implimentazzjoni f'ċerti oqsma ta' natura teknika, ADOTTAT DAN IR-REGOLAMENT: Artikolu 1 1. Din id-Direttiva tniżżel il-prinċipji dwar il-kondizzjonijiet żootekniċi u ġenealoġikali applikabbli għall-importazzjonijiet minn pajjiżi terzi ta' annimali, semen, ova u embrijoni li huma koperti mid-Direttivi 77/504/KEE, 88/661/KEE, 89/361/KEE, 90/427/KEE u 91/174/KEE u bid-deċiżjonijiet tal-Komunità li jimplimentaw dawn id-Direttivi. 2. Din id-Direttiva għandha tgħodd mingħajr preġudizzju għar-regoli tas-saħħa ta' l-annimali tal-Komunità applikabbli għall-importi minn pajjiżi terzi ta' l-annimali, is-semen, l-ova u l-embrijoni tagħhom kif riferuti fil-paragrafu 1. 3. Din id-Direttiva m' għandhiex teffettwa: - l-applikazzjoni tar-regoli fuq ċerti sostanzi li għandhom azzjoni ta' l-ormoni jew tirostatika jew fuq beta-agonistiċi fl-istokk tal-biedja, - importi ta' l-annimali, semen, ova u embrijoni riferuti fil-paragrafu 1 u maħsuba għall- esperimenti tekniċi jew xjentifiċi mwettqa taħt il-kontroll ta' l-awtoritajiet kompetenti. 4. L-importi ta' l-annimali, inklużi dawk li mhumiex koperti minn paragrafu 1, riferuti fil-paragrafu 1, ta' ova u embrijoni ma jistgħux ikunu projbiti, ristretti jew ma jitħallewx fuq raġunijiet żootekniċi jew ġenealoġiċi barra dawk li joħorġu minn din id-Direttiva. Iżda, fejn jidħlu l-importazzjonijiet tas-semen ta' l-annimali mhux riferuti fil-paragrafu 1 ir-regoli nazzjonali żootekniċi u ġenealoġiċi għandhom jgħoddu sa l-adozzjoni tar-regoli tal-Komunità. Artikolu 2 1. Għall-iskopijiet ta' din id-Direttiva, "awtoritajiet" tfisser kull organiżżazzjoni, organiżżazzjoni ta' trobbija ta' l-istokk, organiżżazzjoni ta' dawk li jrabbu, impriża privata jew servizz uffiċjali, li hu rikonoxxut rigward l-ispeċi u/jew ir-razza konċernata, ghall-iskop li jżommu ktieb jew reġistru tal-merħla skond id-dispożizzjonijiet tad-Direttivi 77/504/KEE, 88/661/KEE, 89/361/KEE, 90/427/KEE u 91/174/KEE. 2. Barra minn hekk, (a) id-definizzjonijiet ta' l-Artikolu 1 tad-Direttivi 77/504/KEE, 88/661/KEE u 91/174/KEE u fl-Artikolu 2 tad-Direttivi 89/361/KEE u 90/427/KEE ikunu applikati rispettivament kif ikun hemm bżonn; (b) għall-iskopijiet li tkun applikata n-nomenklatura konġunta [11], żwiemel imrobbija puri għat-trobbija ifissru żwiemel reġistrati, bl-eċċeżżjoni ta' żwiemel imsewwija. Artikolu 3 1. Lista ta' l-awtoritajiet dwar l-ispeċi u/jew ir-razez ikkonċernati li huma approvati għall-iskopijiet ta' din id-Direttiva tkun imħejjija, skond il-proċedura mniżżla fl-Artikolu 12, dwar l-annimali u l-prodotti riferuti fl-Artikolu 1(1) u għal kull tielet pajjiż. 2. Biex tidher fil-lista li hemm provduta fil-paragrafu 1, l-awtorita' tat-tielet pajjiż trid: (a) tidher f'lista mħejjija mill-awtoritajiet kompetenti tat-tielet pajjiż u ikkomunikata lill-Kummissjoni u lill-Istati Membri; (b) tħares, fil-każ ta' kull speċi u/jew kull razza, il-ħtieġijiet relevanti mniżżla mil-liġijiet tal-Komunità għall-awtoritajiet approvati fil-Komunità u partikolarment: - id-dispożizzjonijiet applikabbli għad-dħul u r-reġistrazzjoni fil-kotba jew reġistri tal-merħla, - d-dispożizzjonijiet applikabbli biex ikunu aċċettati l-annimali għal skopijiet tat-trobbija, - d-dispożizzjonijiet applikabbli għall-użu tas-semen, ova u embrijoni ta' l-annimali, - il-metodi użati biex jaraw il-progress u jagħmlu stima tal-valur ġenetiku ta' l-annimali; (ċ) ikunu sorpriżi minn servizz ta' spezzjoni uffiċjali tat-tielet pajjiż, (d) jintrabtu li jdaħħlu jew jirreġistraw fil-kotba jew reġistri tal-merħla tagħhom l-annimali, semen, ova u embrijoni u l-annimali li jirriżultaw minnhom kif riferut fl-Artikolu 1(1) li joriġina f'awtorita rigward l-ispeċi u/jew ir-razza konċernata u rikonoxxuta taħt il-liġijiet tal-Komunità. 3. Il-lista riferuta fil-paragrafu 1 tista' tkun emendata mill-proċedura mniżżla fl-Artikolu 12. 4. Ir-regoli ta' implimentazzjoni li jirriżultaw minn dan l-Artikolu, u partikolarment mill-paragrafu 2 (d), jekk jinħoloq il-każ, ikunu adottati mill-proċedura mniżżla fl-Artikolu 12. Artikolu 4 Biex ikunu mportati, l-annimali riferuti fl-Artikolu 1 iridu: - ikunu mdaħħla jew reġistrati fi ktieb jew reġistru tal-merħla miżmum minn awtorita msemmija f'lista kif riferut fl-Artikolu 3(1), - ikunu akkumpanjati minn ċertifikat ta' l-arblu tar-razza u żootekniku mħejji skond il-proċedura mniżżla fl-Artikolu 12, - ikunu akkumpanjati minn evidenza li se jiddaħħlu jew ikunu reġistrati fi ktieb jew reġistru tal-merħla tal-Komunità skond regoli dettaljati li jridu jkunu stabbiliti skond il-proċedura mniżżla fl-Artikolu 12. Artikolu 5 Biex ikunu mportati, is-semen kif riferut fl-Artikolu 1 irid: - ikun ġej minn annimal mdaħħal jew reġistrat fi ktieb jew reġistru tal-merħla miżmum minn awtorita li tidher f'waħda mill-listi riferuti fl-Artikolu 3(1); - jiġi minn annimal li għadda minn spezzjonijiet ta' progress u l-istima tal-valur ġenetiku li jrid ikun stabbilit skond il-proċedura mniżżla fl-Artikolu 12 fuq il-bażi tal-prinċipju li hemm provdut f'dan ir-rispett mir-regoli tal-Komunità; - ikun akkumpanjat minn ċertifikat ta' l-arblu tar-razza u żootekniku mħejji skond il-proċedura mniżżla fl-Artikolu 12. Artikolu 6 Biex ikunu mportati, l-ova ta' l-annimali riferuti fl-Artikolu 1 trid: - tkun ġejja minn annimal mdaħħal jew reġistrat fi ktieb jew reġistru tal-merħla miżmum minn awtorita li tidher f'waħda mill-listi riferuti fl-Artikolu 3(1); - tkun akkumpanjata minn ċertifikat ta' l-arblu tar-razza u żootekniku mħejji skond il-proċedura mniżżla fl-Artikolu 12. Artikolu 7 Biex ikunu mportati, l-embrijoni riferuti fl-Artikolu 1 iridu: - ikunu ġejjin minn annimal mdaħħal jew reġistrat fi ktieb jew reġistru tal-merħla miżmum minn awtorita li tidher f'waħda mill-listi riferuti fl-Artikolu 3(1); - ikunu akkumpanjati minn ċertifikat ta' l-arblu tar-razza u żootekniku mħejji skond il-proċedura mniżżla fl-Artikolu 12. Artikolu 8 Fuq talba ta' Stat Membru, akkumpanjata mill-ġustifikazzjonijiet li hemm bżonn jew fuq inizzjattiva tagħha stess, il-Kummissjoni tista', skond il-proċedura fl-Artikolu 12, tippreżenta aktar ħtieġijiet żootekniċi u ġenealoġikali għall-importazzjoni, minn pajjiżi terzi, ta' ċerti annimali, semen, ova, u embrijoni biex tikkunsidra s-sitwazzjoni speċifika ta' dawn it-pajjiżi terzi. Artikolu 9 1. Id-Direttiva 91/496/KEE tapplika rigward l-annimali kif riferuti fl-Artikolu 1(1). 2. Id-Direttiva 90/675/KEE ta' l-10 ta' Diċembru 1990 tapplika rigward is-semen, ova u embrijoni kif riferuti fl-Artikolu 1(1). 3. Ir-regoli speċifiċi ta' implimentazzjoni dettaljata għall-iskopijiet ta' l-ispezzjonijiet żootekniċi li jirriżultaw minn dan l-Artikolu jkunu adottati, kif u meta hemm bżonn, skond il-proċedura mniżżla fl-Artikolu 12. Artikolu 10 Bil-għan li jippermettu l-listi riferuti fl-Artikolu 3(1) u l-kondizzjonijiet li hemm provduti fl-Artikoli 4, 5, 6 u 7 ikunu mħejjija, spezzjonijiet fuq il-post isiru minn esperti mill-Kummissjoni u l-Istati Membri. L-esperti mill-Istati Membri responsabbli għal dawn l-ispezzjonijiet ikunu nominati mill-Kummissjoni fuq proposta mill-Istati Membri. Dawn l-ispezzjonijiet isiru f'isem il-Komunità, li tħallas l-ispejjeż involuti. Il-frekwenza ta', u l-arranġamenti għal, dawn l-ispezzjonijiet ikunu stabbiliti skond il-proċedura mniżżla fl-Artikolu 12. Artikolu 11 Id-Direttiva 77/504/KEE hija minn'issa emendata kif ġej: - fl-Artikolu 2, it-tieni indent, l-Artikolu 3, it-tieni paragrafu, u fl-Artikolu 5, il-kelma "embrijoni" tkun mibdula b "ova u embrijoni". Artikolu 12 Fejn il-proċedura mniżżla f'dan l-Artikolu għandha tintuża, il-Kumitat Permanenti taż-Żooteknika mwaqqaf mid-Deċiżjoni 77/505/KEE [12] jaġixxi skond ir-regoli preżentati fl-Artikolu 11 tad-Direttiva 88/661/KEE. Artikolu 13 1. L-Istati Membri jġibu fis-seħħ il-liġijiet, ir-regolamenti u d-dispożizzjonijiet amministrattivi meħtieġa biex jimxu ma' din id-Direttiva fl-1 ta' Lulju 1995. Huma minnufiħ javżaw lill-Kummissjoni dwar dan. Meta l-Istati Membri jadottaw dawn id-dispożizzjonijiet, għandhom ikollhom riferenza għal din id-Direttiva jew jkunu akkumpanjati bl-imsemmija riferenza fl-okkażjoni tal-pubblikazzjoni uffiċjali tagħhom. Il-metodi biex issir l-imsemmija riferenza tkun imniżżla mill-Istati Membri. 2. L-Istati Membri għandhom jikkomunikaw lill-Kummissjoni t-test tad-dispożizzjonijiet ewlenin tal-liġi domestika li huma jadottaw fil-qasam iggvernat minn din id-Direttiva. 3. Sakemm ikunu mplimentati d-dispożizzjonijiet riferuti f'din id-Direttiva, ir-regoli nazzjonali relevanti għandhom jgħoddu in konformita mad-dispożizzjonijiet ġenerali tat-Trattat. Artikolu 14 Din id-Direttiva tidħol fis-seħħ fil-ġurnata ta' l-pubblikazzjoni tagħha fil-Ġurnal Uffiċjali ta' l-Komunitajiet Ewropej. Artikolu 15 Din id-Direttiva hija indirizzata lill-Istati Membri. Magħmula fil-Lussemburgu, fit-23 ta' Ġunju 1994. Għall-Kunsill Il-President G. Moraitis [1] ĠU C 306, tal-11.11.1993, p. 11. [2] ĠU C 20, ta' l-24.1.1994, p. 518. [3] ĠU C 127, tas-7.5.1994, p. 7. [4] ĠU L 206, tat-12.8.1977, p. 8. Direttiva kif l-aħħar emendata bid-Direttiva 91/174/KEE. (ĠU L 85, tal-5.4.1991, p. 37). [5] ĠU L 382, tal-31.12.1988, p. 36. [6] ĠU L 153. tas-6.6.1989, p. 30. [7] ĠU L 224, tat-18.8.1990, p. 55. [8] ĠU L 85, tal-5.4.1991, p. 37. [9] ĠU L 373, tal-31.12.1990, p. 1. Direttiva kif l-aħħar emendata bir-Regolament (KEE) Nru 1601/92 (ĠU L 173, tas-27.6.1992, p. 13). [10] ĠU L 268, ta' l-24.9.1991, p. 56. Direttiva kif l-aħħar emendata bid-Deċiżjoni 92/438/KEE (ĠU L 243, tal-25.8.1992, p. 27). [11] L-Anness I tar-Regolament tal-Kunsill (KEE) Nru 2658/87 tat-23 ta' Lulju 1987 dwar it-tariffa u n-nomenklatura statistika u dwar it-Tariffa Komuni tad-Dwana kif l-aħħar emendat bir-Regolament (KEE) Nru 3080/93 (ĠU L 277, ta' l-10.11.1993). [12] ĠU L 206, tat-12.8.1977, p. 11. --------------------------------------------------