Official Journal L 086 , 06/04/1993 P. 0016 - 0033
Finnish special edition: Chapter 3 Volume 49 P. 0069
Swedish special edition: Chapter 3 Volume 49 P. 0069

Id-Deċiżjoni tal-Kummissjoni

tal-5 ta’ Frar 1993

fuq il-kondizzjonijiet tas-saħħa ta’ l-annimali u ċertifikazzjoni tal-veterinarju għall-importazzjoni ta’ annimali tar-razza ta’ l-ekwidi rreġistrati għat-tnissil u produzzjoni

(93/197/KEE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jjistabbilixxi l-Komunità Ekonomika Ewropea,

Wara li kkunsidrat id-Direttiva tal-Kunsill 90/426/KEE tas-26 ta’ Ġunju 1990 dwar il-kondizzjoni tas-saħħa ta’ l-annimali li jirregolaw it-tmexxija u l-importazzjoni għall-pajjiżi terzi ta’ l-ekwidi [1], kif l-aħħar emendat mid-Direttiva 92/36/KEE [2], u partikolarment l-Artikolu 15 punt (a) u l-Artikolu 16 tagħha,

Billi permezz tad-Deċiżjoni tal-Kunsill 79/42/KEE [3], kif l-aħħar emendata mid-Deċiżjoni tal-Kunsill 93/100/KEE [4], il-lista tal-pajjiżi terzi mil-liema l-Istati Membri jawtorizzaw l-importazzjonijiet ta’ l-euqidae partikolarment kienu stabbiliti;

Billi huwa wkoll neċessarju biex tiġi kkunsidrata r-reġjonalizzazzjoni ta’ ċerti pajjiżi terzi li jidhru fuq il-lista msemmija fuq, li huwa s-suġġett tad-Deċiżjoni tal-Kummissjoni 92/160/KEE [5], kif emendata mid-Deċiżjoni 92/161/KEE [6];

Billi l-awtoritajiet responsabbli veterinarji impenjaw ruħhom biex jinnotifikaw lill-Kummissjoni u lill-Istati Membri, bit-telegramma, telex jew telefax, fi żmien 24 siegħa mill-konferma ta’ l-okkorrenza ta’ kwalunkwe marda infettiva jew kontaġġjuża fl-ekwidi tal-lista A u B ta’ l-Uffiċċju Internazzjonali tal-mard Epiżootiku jew ta’ l-adozzjoni tat-tilqim kontra kwalunkwe minnhom jew, f’perjodu proprju, ta’ kwalunkwe bidliet fir-regoli ta’ l-importazzjoni nazzjonali li jikkonċernaw ekwidi;

Billi l-kondizzjonijiet biex jiġu akkwistati għall-importazzjonijiet ta’ l-ekwidi għat-tnissil u produzzjoni japplikaw mingħajr preġudizzju għall-ħtiġijiet tad-Direttiva tal-Kunsill 86/469/KEE [7] li l-ebda sustanzi tireostatiċi, estroġeniki, androġeniki jew gestaġeniki ma huma użati għal skopijiet ta’ simna f’ekwidi;

Billi l-Istati Membri jimportaw l-ekwidi skond id-dispożizzjonijiet tad-Direttiva tal-Kunsill 91/496/KEE [8], kif l-aħħar emendata mid-Deċiżjoni 92/438/KEE [9], li tistipula l-prinċipji li jirregolaw l-organizzazzjoni tal-ħarsien veterinarji fuq annimali li jidħlu fil-Komunità minn pajjiżi terzi;

Billi l-eżistenza ta’ sitwazzjonijiet ekwivalenti tas-saħħa bejn ċerti pajjiżi terzi jiġġustifikaw stabbiliment ta’ ċerti żoni ta-saħħa għall-importazzjoni ta’ l-ekwidi;

Billi l-kategoriji differenti ta’ l-ekwidi għandhom il-fatturi tagħhom u l-importazzjonijiet tagħhom huma awtorizzati għal skopijiet differenti; fejn, għalhekk bżonnijiet tas-saħħa speċifiċi jridu jiġu stabbiliti għall-importazzjonijiet ta’ l-ekwidi rreġistrati u l-ekwidi għat-tnissil u l-produzzjoni;

Billi, peress minħabba l-eżistenza ta’ sitwazzjonijiet differenti tas-saħħa, huwa għalhekk neċessarju biex jistabbilixxu ċerti ċertifikazzjonijiet tas-saħħa għall-ekwidi rreġistrati u għall-ekwidi għat-tnissil u produzzjoni;

Billi l-miżuri li tipprovdi għalihom din id-Deċiżjoni huma skond l-opinjoni tal-Kumitat Permanenti Veterinarju,

ADOTTAT DIN ID-DEĊIŻJONI:

Artikolu 1

Mingħajr preġudizzju għad-Deċiżjoni 92/160/KEE, l-Istati Membri għandhom jawtorizzaw importazzjonijiet ta’ ekwidi rreġistrati u ekwidi għat-tnissil u produzzjoni:

- ġejjin minn pajjiżi terzi li jidhru fl-Anness I, u

- jikkonformaw mal-bżonnijiet stipulati fil-kampjun xieraq taċ-ċertifikat tas-saħħa ta’ l-annimali iddikjarat fl-Anness II.

Artikolu 2

Din id-Deċiżjoni hija indirizzata lill-Istati Membri.

Magħmula fi Brussel, fil-5 ta’ Frar 1993.

Għall-Kummissjoni

René Steichenm

Membru tal-Kummissjoni

[1] ĠU L 224, ta’ l-1.8.1990, p. 42.

[2] ĠU L 157, tal-25.6.1992, p. 10.

[3] ĠU L 146, tas-6.6.1979, p. 14.

[4] ĠU L 40, tas-17.2.1993, p. 23.

[5] ĠU L 71, ta’ l-1.3.1992, p. 27.

[6] ĠU L 71, ta’ l-1.3.1992, p. 29.

[7] ĠU L 275, tas-16.9.1986, p. 36.

[8] ĠU L 268, ta’ l-24.9.1991, p. 56.

[9] ĠU L 243, tal-25.8.1992, p. 27.

--------------------------------------------------

L-ANNESS I

Grupp A

l-Awstrija, il-Finlandja, Groenlandja, l-Islanda, in-Norveġja, l-Isvezja, l-Isvizzera

Grupp B

L-Awstralja, il-Belarus, il-Bulgarija, il-Kroazja, ir-Repubblika Ċeka, Ċipru, l-Estonja, l-Ungerija, il-Latvja, il-Litwanja, ir-Repubblika ex-Jugoslava tal-Maċedonja, il-Montenegro, in-New Zealand, il-Polonja, ir-Rumanija, ir-Russja [1], is-Serbja, ir-Repubblika ta’ l-Islovakkja, l-Islovenja, l-Ukranja

Grupp Ċ

il-Kanada, Hong Kong [2], il-Ġappun [3], l-Istati Uniti ta’ l-Amerika

Grupp D

l-Arġentina, il-Barbados [4], Bermuda [5], il-Bolivja [6], il-Brażil [7], iċ-Ċili, Kuba [8], il-Ġamajka [9], il-Messiku, il-Paragwaj, l-Urugwaj

Grupp E

L-Alġerija, il-Baħrejn [10], l-Iżrael, il-Ġordan [11], il-Kuwajt [12], il-Libja [13], Malta, il-Mawrizju, l-Oman [14], it-Tuniżija, il-Emirati Għarab Magħquda [15]

[1] Għarfien tal-pajjiż kif iddikjarat fid-Deċiżjoni tal-Kummissjoni 92/160/KEE.

[2] Żwiemel irreġistrati biss.

[3] Żwiemel irreġistrati biss.

[4] Żwiemel irreġistrati biss.

[5] Żwiemel irreġistrati biss.

[6] Żwiemel irreġistrati biss.

[7] Żwiemel irreġistrati biss.

[8] Żwiemel irreġistrati biss.

[9] Żwiemel irreġistrati biss.

[10] Żwiemel irreġistrati biss.

[11] Żwiemel irreġistrati biss.

[12] Żwiemel irreġistrati biss.

[13] Żwiemel irreġistrati biss.

[14] Żwiemel irreġistrati biss.

[15] Żwiemel irreġistrati biss.

--------------------------------------------------

L-ANNESS II

A. Ċertifikat tas-saħħa għall-importazzjonijiet ta’ l-ekwidi rreġistrati u ekwidi għat-tnissil u produzzjoni mill-pajjiżi terzi assenjati minn grupp A.

B. Ċertifikat tas-saħħa għall-importazzjonijiet ta’ l-ekwidi rreġistrati u ekwidi għat-tnissil u produzzjoni mill-pajjiżi terzi assenjati minn grupp B.

C. Ċertifikat tas-saħħa għall-importazzjonijiet ta’ l-ekwidi rreġistrati u ekwidi għat-tnissil u produzzjoni mill-pajjiżi terzi assenjati minn grupp B. Ċ

D. Ċertifikat tas-saħħa għall-importazzjonijiet ta’ l-ekwidi rreġistrati u ekwidi għat-tnissil u produzzjoni mill-pajjiżi terzi assenjati minn grupp D.

E. Ċertifikat tas-saħħa għall-importazzjonijiet ta’ l-ekwidi rreġistrati u ekwidi għat-tnissil u produzzjoni mill-pajjiżi terzi assenjati minn grupp E.

+++++ TIFF +++++

--------------------------------------------------

31993D0197