Official Journal L 240 , 24/08/1992 P. 0018 - 0018
Ir-Regolament tal-Kunsill (KEE) Nru 2410/92 tat-23 ta' Lulju 1992 li jemenda r-Regolament (KEE) Nru 3975/87 li jistabbilixxi l-proċedura għall-applikazzjoni tar-Regoli dwar il-kompetizzjoni għall-impriżi fis-settur tat-trasport bl-ajru IL-KUNSILL TAL-KOMUNITAJIET EWROPEJ, Wara li kkunsidra t-Trattat li jistabilixxi l-Komunità Ekonomika Ewropea, u b'mod partikolari l-Artikolu 87 tiegħu, Wara li kkunsidra l-prosposta mill-Kummissjoni [1], Wara li kkunsidra l-opinjoni tal-Parlament Ewropew [2], Wara li kkunsidra l-opinjoni tal-Kumitat Ekonomiku u Soċjali [3], Billi r-Regolament (KEE) Nru 3975/87 [4] ifforma parti minn pakkett ta' miżuri inter-relatati adottati mill-Kunsill bħala l-ewwel pass lejn it-tlestija tas-suq intern tat-trasport; billi l-għan tiegħu kien għaldaqstant limitat għat-trasport internazzjonali bl-ajru bejn l-ajruporti tal-Komunità; Billi, għalhekk, fil-preżent il-Kummissjoni m'għandha l-ebda mezz sabiex tinvestiga direttament każijiet ta' suspett ta' ksur ta' l-Artikoli 85 u 86 tat-Trattat u m'għandhiex il-poteri li tieħu deċiżjonijiet jew li timponi dawk il-penalitajiet kif meħtieġa sabiex hija tawtorizza ftehim taħt l-Artikolu 85(3) u sabiex twaqqaf il-ksur stabbiliti minnha dwar trasport fi Stat Membru; Billi t-trasport bl-ajru interament fi Stat Membru huwa issa wkoll soġġett għal miżuri ta' liberalizzazzjoni Komunitarji; billi huwa għalhekk mixtieq li jkunu stabbiliti regoli li taħthom il-Kummissjoni, tieħu azzjoni mill-qrib u kostanti ma' l-awtoritajiet kompetenti ta' l-Istati Membri, tista' tieħu l-miżuri mitluba għall-applikazzjoni ta' l-Artikoli 85 u 86 tat-Trattat f'dan il-qasam tat-trasport bl-ajru, f'sitwazzjonijiet fejn il-kummerċ bejn l-Istati Membri jista' jkun effettwat; Billi hemm bżonn li jiġi stabbilit qafas legali żgur u ċar għat-trasport bl-ajru fi Stat Membru, waqt li tkun żgurata l-applikazzjoni konsistenti tar-regoli tal-kompetitizzjoni; billi, għalhekk, l-għan tar-Regolament (KEE) Nru 2975/87 għandu jkun estiż għal dan il-qasam tat-trasport bl-ajru, ADOTTA DAN IR-REGOLAMENT: L-Artikolu 1 Il-kelma "internazzjonali" hija hawnhekk imħassra mill-Artikolu 1(2) tar-Regolament (KEE) Nru 3975/87. L-Artikolu 2 Dan ir-Regolament għandu jidħol fis-seħħ fil-jum ta' wara l-pubblikazzjoni tiegħu fil-Ġurnal Uffiċjali tal-Komunitajiet Ewropej. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, fit-23 ta' Lulju 1992. Għall-Kunsill Il-President J. COPE [1] ĠU C 255, tat-30.8.1991, p. 9. [2] ĠU C 125, tat-18.5.1992, p. 130. [3] ĠU C 169, tas-6.7.1992, p. 13. [4] ĠU L 374, tal-31.12.1987, p. 1. --------------------------------------------------