Ir-Regolament tal-Kunsill (KEE) Nru 2137/92

tat-23 ta’ Lulju 1992

li jikkonċerna l-iskala tal-Komunità għall-klassifika tal-karkassi tan-nagħaġ u li jistabilixxi l-livell ta’ kwalità Komunitarja tal-karkassi tan-nagħaġ friski jew imkessħa u li jestendi r-Regolament (KEE) Nru 338/91

IL-KUNSILL TAL-KOMUNITAJIET EWROPEJ,

Wara li kkunsidra it-Trattat li jistabbilixxi l-Komunità Ekonomika Ewropea,

Wara li kkunsidra r-Regolament tal-Kunsill (KEE) Nru 3013/89 tal-25 ta’ Settembru 1989 dwar l-organizzazzjoni komuni tas-suq fis-settur tal-laħam tan-nagħaġ u tal-mogħoż [1] u partikolarment l-Artikolu 4(2) tiegħu,

Wara li kkunsidra l-proposta mill-Kummissjoni,

Billi l-istandard tal-klassifikazzjoni tal-karkassi hija meħtieġa sabiex tittejjeb it-trasparenza tas-suq f’dan is-settur;

Billi l-klassifikazzjoni għandha issir fuq bażi tal-għamla u ta’ l-ammont tax-xaħam; billi dawn iż-żewġ kriterji flimkien jippermettu li l-karkassi tan-nagħaġ jiġu maqsuma f’tipi; billi l-karkassi iklassifikati għandhom ikunu identifikati;

Billi, b’dana kollu, kriterji oħra, partikolarment il-piż, il-kulur tal-laħam u l-ammont tal-kisja tax-xaħam, jistgħu jintużaw għall-klassifikazzjoni tal-karkassi tal-ħrief li jiżnu inqas minn 13 kg; billi l-Istati Membri li jixtiequ jużaw dawn il-kriterji għandhom jinfurmaw lill-Kummissjoni u lill-Istati Membri l-oħra;

Billi, sabiex tkun assigurata l-applikazzjoni uniformi ta’ dan ir-Regolament fil-Komunità, dispożizzjoni għandha ssir għal spezzjonijiet fuq il-post minn Grupp ta’ Ispezzjoni tal-Komunità;

Billi r-Regolament tal-Kunsill (KEE) Nru 338/91 tal-5 ta’ Frar 1991 li jiddetermina l-istandard Komunitarju tal-kwalità tal-karkassi tan-nagħaġ friski jew iffriżati [2] applikati fis-snin tal-marketing 1991 u 1992, sakemm ikunu stabbiliti l-istandards Komunitarji tal-klassifikazzjoni tal-karkassi;

Billi mhux xieraq li fil-preżent jkunu stabbiliti l-livelli aċċettabli f’dan il-każ; billi ikun aħjar jekk l-ewwel tinġabar ċerta esperjenza, akwistata matul perjodu ta’ żmien twil biż-żejjed fir-rigward ta’ l-applikazzjoni tal-iskala tal-klassifikazzjoni li hemm provvediment dwarha f’dan ir-Regolament; billi huwa għalhekk meħtieġ li tkun estiża l-applikazzjoni tar-Regolament (KEE) Nru 338/91 b’sena, b’ l-eċċezzjoni għall-miżuri li hemm provvediment dwarhom fl-Artikolu 7 fir-Regolament (KEE) Nru 3013/89, li dwarhom l-estensjoni għandha tkun estiża sat-30 ta’ Ġunju 1994;

Billi jidher xieraq li jkun stabbilit bħala objettiv l-applikazzjoni obbligatorja tal-iskala tal-Komunità wara perjodi rappreżentati u transitorji suffiċenti għall-biċċeriji kollha, kif approvati għall-kummerċ intra-Komunitarju; billi, b’dana kollu għal raġunijiet ta’ amministrazzjoni tajba, din l-applikazzjoni obligatorja m’għandhiex għalfejn tapplika għal biċċeriji ż-żgħar li jinsabu f’reġjuni meta l-impatt fuq il-prezz tas-suq prodott bil-volum tal-qatla f’dawn il-biċċeriji jkun negliġibbli,

ADOTTA DAN IL-REGOLAMENT:

Artikolu 1

Dan ir-Regolament jirregola id-dispożizzjonijiet jikkonċernaw l-iskala Komunitarja tal-klassifikazzjoni tal-karkassi tan-nagħaġ.

Artikolu 2

Għall-iskop tal-klassifikazzjoni tal-karkassi, dan li ġej għandu japplika:

(a) karkassa: il-ġisem sħiħ ta’ l-annimal maqtul, kif ipprezentat wara li jkun żvenat, eviskerat u mqaxxar, preżentat mingħajr ras (li tkun tneħħiet mil-ġonta ta’ l-atlanto-oċċipitali), is-saqajn (li jkunu tneħħew mill-ġonot tal-carpo-metacarpal jew mit-tarso-metatarsal), id-denb (li jkun tneħħa bejn is-sitt u s-seba’ caudal vertebrae), is-sider, il-ġenitali, il-fwied u l-ġewwieni. Il-kliewi u x-xaħam tal-kliewi huma nklużi fil-karkassa;

(b) nofs-karkassa: il-prodott miksub meta l-karkassa tkun separata b’mod simetriku minn nofs ta’ kull parti ta’ l-għonq, tad-dahar, mill-ġembejn u l-ossu sakru u ma tul l-għadma ta’ nofs is-sider u l-ischiopublic symphysis.

B’danakollu, l-Istati Memrbi għandhom ikunu awtorizzati li jippermettu preżentazzjoni differenti meta l-preżentazzjoni tar-referenza ma tkunx użata. F’każi bħal dawn, l-aġġustament meħtieġa għall-progress minn dawk il-preżentazzjonijiet għall-preżentazzjonijiet tar-referenza għandu jkun iddeterminat skond il-proċedura stabbilita fl-Artikolu 30 tar-Regolament (KEE) Nru 3013/89.

Artikolu 3

1. Il-karkassi ta’ l-annimali ovini għandhom jinqasmu fil-kategoriji li ġejjin:

- Il-karkassi tan-nagħaġ li għandhom inqas minn tnax-il xahar,

- Il-karkassi ta’ nagħaġ oħra.

2. Il-karkassi tan-nagħaġ għandhom ikunu kklassifikati b’analiżi rispettivament ta’:

(a) il-konformità,

(b) l-kisja tax-xaħam,

kif identifikat fl-Annessi I u II rispettivament.

Il-konformazzjoni tal-klassi kif innominata fl-Anness I bl-ittra S tista tintuża mill-Istati Membri voluntarjament sabiex tinkludi l-klassi tal-konformazzjoni għolja (‘tip tal-karkassa b’muskoli-doppji’). L-Istati Membri li jkollhom l-intenzjoni li jgħamlu użu minn din l-għażla għandhom jinfurmaw lill-Kummissjoni u lill-Istati Membri l-oħra.

B’dankollu, għall-karkassa tal-ħrief li jiżnu anqas minn 13 kg, l-Istati Membri jistgħu jkunu awtorizzati sabiex jużaw il-kriterji ta’ klassifikazzjoni li ġejjin:

(a) użin tal-karkassa:

(b) kulur tal-laħam,

(ċ) kisja tax-xaħam,

kif definit fl-Anness III. L-Istati Membri li biħsiebhom jużaw din l-awtorizzazzjoni għandhom jinnotifikaw lill-Kummissjoni u lill-Pajjizi Membri l-oħra b’dan, sal-5 ta’ April 1993.

3. L-Istati Membri għandhom ikunu awtorizzati li jissuddividu kull waħda mill-klassijiet li hemm provvediment dwarhom fl-Annessi I u II f’massimu ta’ tlett subklassijiet.

Artikolu 4

1. Il-klassifikazzjoni tal-karkassi jew tan-nofs karkassi għandha issir kemm jista’ jkun malajr wara l-qatla u għanda titwettaq fil-biċċerija stess.

2. Il-karkassi kklassifikati jew in-nofs karkassi għandhom ikunu identifikati.

3. Ir-regoli dettaljati biex ikun applikat dan l-Artikolu għandhom ikunu adottati sal-31 ta’ Diċembru 1992 skond il-proċeduri stabbilita fl-Artikolu 30 tar-Regolamnet (KEE) Nru 3013/89.

Artikolu 5

Ispezzjonijiet fuq il-post għandhom isiru, b’kollaborazzjoni mal-awtoritajiet nazzjonali kompetenti, minn grupp ta’ spezzjoni tal-Komunità kompost minn esperti mill-Kummissjoni u esperti maħtura mill-Istati Membri. Dan il-grupp għandu jirraporta lura lill-Kummissjoni u lill-Istati Membri l-oħra dwar l-eżamijiet li jkunu twettqu.

Jekk ikun xieraq, il-miżuri meħtieġa għall-iskop tal-klassifikazzjoni għandhom jittieħdu skond il-proċeduri stabbiliti fl-Artikolu 30 tar-Regolament (KEE) Nru 3013/89.

L-ispezzjonijiet għandhom isiru f’isem il-Komunità, li għandha terfha l-ispejjeż.

Ir-regoli dettaljati biex ikun applikat dan l-Artikolu għandhom ikunu adottati skond il-proċeduri stabbilita fl-Artikolu 30 tar-Regolamnet (KEE) Nru 3013/89.

Artikolu 6

Dispożizzjonijiet addizzjonali li jispeċifikaw id-definizzjoni tal-klassijiet tal-konformazzjoni, kisja tax-xaħam, il-piż tal-karkassa u l-kulur tal-laħam għandhom ikunu adottati mhux aktar tard mill-31 ta’ Diċembru 1992 skond il-proċeduri stabbilita fl-Artikolu 30 tar-Regolament (KEE) Nru 3013/89.

Artikolu 7

1. Mill-5 ta’April 1993 u sakemm tiġi introdotta definizzjoni ġdida ta’ l-istandard tal-kwalità, l-Istati Memrbi għandhom kull ġimgħa jinnotifikaw lill-Kummissjoni l-prezzijiet irrekordjati fis-suq għall-klassijiet differenti fl-iskala tal-klassifikazzjoni.

2. Ir-regoli dettaljati biex ikun implimentat dan l-artikolu, u b’mod partikolari il-frekwenza u l-kobor tal-irrekordjar, għandhom ikunu adottati skond il-proċeduri stabbilita fl-Artikolu 30 tar-Regolamnet (KEE) Nru 3013/89.

3. L-informazzjoni innotifikata lill-Kummissjoni mill-Istati Membri għandha tintuża għall-preparazzjoni tar-rapport u tal-proposti li hemm provvediment dwarhom fl-Artikolu 8(2).

Artikolu 8

1. It-test tat-tieni paragrafu ta’ l-Artikolu 2 tar-Regolament (KEE) Nru 338/91 għandu jkun mibdul b’dan li ġej:

"Għandha tapplika matul is-snin ta’ marketing 1991, 1992 u 1993. B’dankollu, għandha tkompli tapplika sat-30 ta’ Ġunju 1994 sabiex ikunu mplimentati l-miżuri stabbiliti fl-Artikolu 7 tar-Regolament (KEE) Nru 3013/89."

2. Il-Kummissjoni għandha, mhux aktar tard mil-31 ta’ Marzu 1994, twassal rapport lill-Kunsill, flimkien ma’ proposti għal definizzjoni ta’ standard ta’ kwalità li fuqu l-Kunsill għandu jaġixxi b’maġġoranza kwalifikata u li għandha tidħol fis-seħħ mill-1 ta’ Lulju 1994 b’effett retroattiv għall-iskopijiet tal-kalkolazzjoni tal-laġġju tan-nagħaġ għas-sena ta’ marketing 1994.

Artikolu 9

Il-Kummissjoni għandha tissottometti rapport lill-Kunsill dwar l-implimentazzjoni ta’ dan ir-Regolamement, mhux aktar tard mill-31 ta’ Diċembru 1995.

Suġġett għall-konklużjonijiet ta’ dak ir-rapport, il-Kunsill għandu jagħmel il-mira tiegħu l-użu tat-tabella tal-klassifikazzjoni tal-Komunità għall-biċċeriji kollha tal-Komunità approvati fil-kummerċ intra-Komunitarju, jekk possibli matul s-sena ta’ marketing 1996 u f’kull każ qabel l-1 ta’ Jannar 1997, mingħajr preġudizzju għal possiblità li jiġu eskluzi biċċeriji żgħar li jinsabu f’reġjuni fejn l-impatt fuq il-prezz tas-suq prodott bil-volum tal-qatla f’dawn il-biċċeriji ikun negliġibbli.

Artikolu 10

Dan ir-Regolament għandu jidħol fis-seħħ fis-seba’ jum ta’ wara l-pubblikazzjoni tiegħu fil-Ġurnal Uffiċjali tal-Komunitajiet Ewropej.

Għandu japplika mis-sena tas-suq 1993.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fit-23 ta’ Lulju 1992.

Għall-Kunsill

Il-President

John Cope

[1] ĠU No L 289, tas-7.10.1989, p. 1. Ir-Regolament kif l-aħħar emendat bir-Regolament (KEE) Nru 1741/91 (ĠU No L 163, tat-13.6.1991, p.41).

[2] ĠU No L 41, ta’ l-14.2.1991, p.1.

--------------------------------------------------

ANNESS I

KOMFORMAZZJONI

Ævilupp tal-profili tal-karkassi, partikolarment il-partijiet essenzjali (il-kwarti tal-koxxa, id-dahar, l-ispalla)

Il-klassi tal-konformazzjoni | Deskrizzjoni |

S Superjuri | Kull profil estremament imbuzzat; żvilupp muskolari eċċezjonali (tat-tip tal-karkassi b'żewġ muskoli) |

E Eċċellenti | Il-profili kollha mbuzzati għall-estremament imbuzzati; żvilupp tal-muskoli eċċezjonali |

U Tajbin Ħafna | Profili tajbin ħafna fuq kollox mbuzzati; żvilupp tal-muskoli eċċezjonali |

R Tajjeb | Profili tajbin ħafna fuq kollox dritti; żvilupp tal-muskoli tajjeb |

O Mhux Ħażin | Profili tajbin, dritti għall-imbuzzati; żvilupp muskolari medju |

P Batuti | Profili batuti imħaffra għal imħaffra ħafna: żvilupp muskolari batut |

--------------------------------------------------

ANNESS II

GRAD TAL-KISJA TAX-XAĦAM

Ammont ta' xaħam fuq il-barra tal-karkassa u fuq is-sider

Klassi tal-kisja tax-xaħam | Deskrizzjoni |

1 baxx | Xejn jew sa kisja baxxa ta' xaħam |

2 kemm xejn | Kemm xejn kisja ta' xaħam, il-laħam viżibli kważi kullimkien |

3 medju | Laħam, bl-eċċezzjoni tal-kwarti tal-koxxa u ta' l-ispalla, kważi kullimkien miksi bix-xaħam; depositi ħfief ta' xaħam fil-kavità ta' l-għonq |

4 għoli | Il-laħam miksi bix-xaħam, imma mhux fuq il-kwarti tal-koxxa u għandu jkun parzjalment viżibbli; xi depositi distintivi ta' xaħam fil-kavità ta' l-għonq |

5 għoli ħafna | Il-karkassa b'kisja ħoxna ta' xaħam; depositi qawwija ta' xaħam fil-kavità ta' l-għonq |

--------------------------------------------------

ANNESS III

It-tabella tal-klassifikazzjoni tal-karkassa permezz ta' l-Artikolu 3(2), it-tielet subparagrafu

Kategorija | A | B | C |

| | | | | |

Piż | ≤ 7kg | 7,1–10kg | 10,1–13kg |

Kwalità | Prima | Sekonda | Prima | Sekonda | Prima | Sekonda |

Kulur tal-laħam | rożaċar | kulur ieħor jew livell ieħor tax-xaħam | rożaċar | kulur ieħor jew livell ieħor tax-xaħam | rożaċar | kulur ieħor jew livell ieħor tax-xaħam |

Klassi tax-xaħam | (1) (2) | (1) (2) | (2) (3) |

--------------------------------------------------