Ir-Regolament Tal-Kummissjoni (KEE) Nru 1497/91

tat-3 ta’ Ġunju 1991

li jemenda r-Regolament (KEE) Nru 2191/81 dwar l-għoti ta’ għajnuna għax-xiri ta’ butir minn istituzzjonijiet u organizzazzjonijiet li ma joperawx għall-profitt

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ekonomika Ewropea,

Wara li kkunsidrat ir-Regolament tal-Kunsill (KEE) Nru 804/68 tas-27 ta’ Ġunju 1968 dwar l-organizzazzjoni komuni tas-suq tal-ħalib u prodotti tal-ħalib [1], kif l-aħħar emendat bir-Regolament (KEE) Nru 3641/90 [2] u b’mod partikolari l-Artikolu 12(3) tiegħu,

Billi r-Regolament tal-Kummissjoni (KEE) Nru 2191/81 [3], kif l-aħħar emendat bir-Regolament (KEE) Nru 1679/89 [4], jipprovdi għall-għoti ta’ għajnuna għax-xiri ta’ butir minn istituzzjonijiet u organizzazzjonijiet li ma joperawx għall-profit; billi l-għajnuna għandha tingħata lil min jissupplixxi l-butir fuq it-talba tiegħu bil-miktub u wara s-sottomissjoni ta’ dokument ġustifikattiv li jġib in-numru ta’ serje maħruġ għal perjodu li ma jaqbiżx is-sitt xhur; billi dak il-perjodu għandu jiġi estiż sabiex inaqqas il-piż amministrattiv fuq l-awtoritajiet nazzjonali;

Billi l-miżuri li hemm dispożzizjonijiet dwarhom f’dan ir-Regolament huma skond l-opinjoni tal-Kumitat ta’ Ġestjoni għallĦalib u għall-Prodotti tal-Ħalib,

ADOTTAT DAN IR-REGOLAMENT:

L-Artikolu 1

Fl-Artikolu 3(6) tar-Regolament (KEE) Nru 2191/81, il-kliem "sitt xhur" qed jiġu b’dan sostitwiti bi "12-il xahar".

L-Artikolu 2

Dan ir-Regolament jibda jseħħ fit-tielet jum wara l-pubblikazzjoni tiegħu fil-Ġurnal Uffiċjali tal-Komunitajiet Ewropej.

Dan ir-Regolament jorbot fl-intier tiegħu u japplika direttament fl-Istati Membri kollha.

Magħmul fi Brussel, fil-5 ta’ Ġunju 1991.

Għall-Kummissjoni

Ray Mac Sharry

Membru tal-Kummissjoni

[1] ĠU L 148, tat-28.6.1968, p. 13.

[2] ĠU L 362, tas-27.12.1990, p. 5.

[3] ĠU L 213, ta’ l-1.8.1981, p. 20.

[4] ĠU L 164, tal-15.6.1989, p. 14.

--------------------------------------------------