Ir-Regolament Tal-Kummissjoni (KEE) Nru 3713/90

tad-19 ta’ Diċembru 1990

dwar regoli għall-implimentazzjoni ta’ deċiżjonijiet li jikkonċedu l-għajnuna mit-Taqsima Gwida tal-FAEGG għal proġetti biex itejbu l-kondizzjonijiet li taħthom prodotti agrikoli u tas-sajd koperti mir-Regolament tal-Kunsill (KEE) Nru 355/77 huma proċessati u mibjugħa

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jwaqqaf il-Komunità Ekonomika Ewropea,

Wara li kkunsidrat ir-Regolament tal-Kunsill (KEE) Nru 866/90 tad-29 ta’ Marzu 1990 dwar it-titjib tal-kondizzjonijiet ta’ proċessar u ta’ bejgħ fis-suq ta’ prodotti agrikoli [1], u partikolarment Artikolu 23 tiegħu,

Billi Artikolu 10 tar-Regolament tal-Kunsill (KEE) Nru 4256/88 tad-19 ta’ Diċembru 1988 li jippreskrivi dispożizzjonijiet għall-implimentazzjoni tar-Regolament (KEE) Nru 2052/88 rigward it-Taqsima tal-Gwida tal-FAEGG [2] ħassar ir-Regolament (KEE) Nru 355/77 [3] minbarra għal Artikoli 6 sa 15 u 17 sa 23 rigward proġetti sottomessi qabel il-31 ta’ Diċembru 1989 jew, rigward is-settur tas-sajd, qabel il-31 ta’ Diċembru 1990;

Billi Artikolu 21 tar-Regolament (KEE) Nru 866/90 jippreskrivi dispożizzjonijiet transizzjonali għal ħlasijiet rigward proġetti taħt ir-Regolament (KEE) Nru 355/77; billi l-applikazzjoni ta’ dak l-Artikolu jinvolvi intervent akbar mill-Istati Membri;

Billi huwa għalhekk meħtieġ li jiġu speċifikati d-data li jridu jidhru f’applikazzjonijiet ta’ ħlasijiet li jsiru lill-Kummissjoni mill-awtorità nominata mill-Istat Membru skond Artikolu 17(1) tar-Regolament (KEE) Nru 866/90;

Billi sabiex jiġu standardizzati applikazzjonijiet ta’ ħlas sistema kompjuterizzata għandha ssir disponibbli għall-awtoritajiet nominati;

Billi l-Kummissjoni trid tiġi mgħarrfa li l-proġetti qed jiġu implimentati fuq it-termini u fl-iskedi ta’ żmien dikjarati mid-deċiżjonijijet;

Billi sabiex jiġi permess monitorjar effettiv ta’ applikazzjonijiet ta’ ħlas Stati Membri jridu jiżguraw li, għal tliet snin wara l-pagament tal-bilanċ ta’ kull għajnuna, id-dokumenti kollha li fuq il-bażi tagħhom ġiet kalkolata l-għajnuna jinżammu disponibbli għall-Kummissjoni;

Billi l-miżuri provvduti f’dan ir-Regolament huma bi qbil mal-opinjoni tal-Kumitat ta’ l-Istrutturi Agrikoli u l-Iżvilupp Rurali,

ADOTTAT DAN IR-REGOLAMENT:

Artikolu 1

1. Applikazzjonijiet għal ħlasijiet bil-quddiem u t-tqassim ta’ kull kwart tas-sena li għandom x’jaqsmu mal-proġetti għal liema ngħatat l-għajnuna taħt ir-Regolament (KEE) Nru 355/77 għandhom jiġu sottomessi mill-awtorità nominata lill-Kummissjoni fil-forma murija f’Annessi II sa IV ma’ dan ir-Regolament.

2. Mit-tielet kwart tas-sena ta’ l-1995, il-Kummissjoni m’għandhiex tibqa tħallas bil-quddiem.

3. L-awtorità nominata għandha, l-aktar tard, flimkien ma’ l-ewwel tqassim ta’ kwart tas-sena, tibgħat lill-Kummissjoni kopji tal-forom li jridu jintużaw minn benefiċjarji għal applikazzjonijiet ta’ ħlasijiet. Dawn iridu jikkontjenu deskrizzjoni ta’ kif il-proġett huwa finanzjat, sommarju ta’ l-ispiża miġrura u tabella komparattiva ta’ investimenti ppjanati u realizzati fuq il-bażi ta’ indikaturi kwantitattivi u fiżiċi skond Anness I, punt 3.

Fl-istess limitu taż-żmien għandha tavża d-dettalji tas-sorveljanza li trid tiġi applikata u t-testi tad-dispożizzjonijiet ta’ implimentazzjoni nazzjonali jew xi dokument amministrattiv rilevanti ieħor.

Aġġornamenti tad-dokumentazzjoni riferita f’dan il-paragrafu għandhom jiġu mgħarrfa wkoll.

Artikolu 2

Applikazzjonijiet ta’ ħlas bil-quddiem għal kull kwart tas-sena m’ għandhomx jiġu aċċettati jekk it-tqassim ta’ kwart tas-sena għall-kwart tas-sena ta’ qabel ta’ l-aħħar ma ġiex trasmess.

Artikolu 3

L-awtorità nominata għandha titrasmetti lill-Kummissjoni kull sena, billi tirrifletti s-sitwazzjoni fil-31 ta’ Diċembru 1990, sinopsi ta’ l-istat ta’ progress ta’ proġetti, fil-forma murija f’Anness V.

Artikolu 4

Data kif meħtieġa f’Anness IV u V għandhom fil-prinċipju jiġu trasmessi permezz ta’ posta kompjuterizzata. Il-Kummissjoni għandha tistabbilixxi s-software meħtieġ u tagħmilha disponibbli għal kull awtorità nominata. Il-Kummissjoni tista’ wkoll tagħmel it-tagħmir disponibbli u tħarreġ persuni msejħa biex jaħdmu b’dak it-tagħmir.

Artikolu 5

L-awtorità nominata għandha tieħu l-azzjoni meħtieġa kollha biex tiżgura li d-dokumenti kollha u l-kontijiet li jappartjenu għal kull proġett huma miżmuma għal perjodu ta’ tliet snin mid-data tal-ħlas tal-bilanċ ta’ l-għajnuna.

Artikolu 6

Jekk applikazzjoni tal-ħlasijiet saret lill-Kummissjoni mill-awtorità intermedja skond ir-Regolament tal-Kummissjoni (KEE) Nru 1685/78 [4] qabel id-dħul fis-seħħ ta’ dan ir-Regolament, l-ebda akkont sussegwenti ma jista’ jitħallas mill-awtorità nominata rigward il-proġett sa wara li l-FAEGG tkun għamlet il-ħlas li tkun applikat għalih minn qabel, jew ikkomunikat l-ammont li jrid jitħallas mill-awtorità nominata.

Artikolu 7

Ir-Regolament (KEE) Nru 1685/78 huwa hawnhekk imħassar.

Artikolu 8

Dan ir-Regolament jidħol fis-seħħ fl-1 ta’ Jonnar 1991.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fid-19 ta’ Diċembru 1990.

Għall-Kummissjoni

Ray Mac Sharry

Membru tal-Kummissjoni

[1] ĠU L 91, tas-6.4.1990, p. 1.

[2] ĠU L 374, tal-31.12.1998, p. 25.

[3] ĠU L 51, tat-23.2.1977, p. 1.

[4] ĠU L 197, tat-22.7.1978, p. 1.

--------------------------------------------------

L-ANNESS I

APPLIKAZZJONIJIET TA’ PAGAMENTI BIL-QUDDIEM U TQASSIM TA’ KWART TAS-SENA GĦAL PROĠETTI MOGĦTIJA L-GĦAJNUNA TAĦT IR-REGOLAMENT (KEE) NRU 355/77

Punti Ġenerali

1. Sottomissjoni ta’ applikazzjonijet għal pagament

Applikazzjonijiet ta’ pagament, tqassim ta’ kwart tas-sena u kull tagħrif ieħor għandhom jintbagħtu f’żewġ kopji lill:

Kummissjoni tal-Komunitajiet Ewropej,

Direttorat Ġenerali għall-Agrikoltura,

EAGGF-Guidance (VI-G-5),

Rue de la Loi 200,

B- 1049 Brussels.

2. Il-kontroll finanzjarju

Jekk dispożizzjoni tal-Komunità jew nazzjonali tinkiser għad-detriment ta’ l-estimi tal-Komunità l-Artikolu 23(1) tar-Regolament tal-Kunsill (KEE) Nru 4253/88 [1], li jkopri irregolaritajiet u l-organizzazzjoni ta’ sistema ta’ tagħrif, għandu jiġi segwit.

Ammonti rkuprati iridu jew jitnaqqsu mill-pagament li applikaw għalih jew irritornati lit-Taqsima tal-Gwida tal-FAEGG. Il-Kummissjoni għandha tiġi mgħarrfa bl-ammonti rkuprati u bil-progress ta’ proċeduri amministrattivi u ġudizjarji.

L-Istati Membri jridu jieħdu l-miżuri meħtieġa għall-kontroll riferit f’Artikolu 23(1) tar-Regolament tal-Kummissjoni (KEE) Nru 4253/88 u r-rapporti nazzjonali kollha fuq il-kontroll iridu jinżammu disponibbli lill-Kummissjoni.

3. Indikaturi kwantitattivi u fiżiċi

L-indikaturi kwantitattivi u fiżiċi ikunu partikolarment:

- in-numru,

- it-tul,

- l-erja tal-wiċċ,

- il-volum,

- il-kapaċita.

[1] ĠU L 374, tal-31.12.1998, p. 1.

--------------------------------------------------

L-ANNESS II

+++++ TIFF +++++

--------------------------------------------------

L-ANNESS III

+++++ TIFF +++++

--------------------------------------------------

L-ANNESS IV

+++++ TIFF +++++

--------------------------------------------------

L-ANNESS V

+++++ TIFF +++++

--------------------------------------------------