Regolament tal-kummissjoni (EURATOM) Nru 220/90

tas-26 ta’ Jannar 1990

li jemenda r-Regolament tal-Kummissjoni (Euratom) Nru 3227/76 tad-19 ta’ Ottubru 1976 li jikkonċerna l-applikazzjoni tad-disposizzjonijiet dwar salvagwardji ta’ l-Euratom

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea dwar l-Enerġija Atomika,

Wara li kkunsidrat ir-Regolament tal-Kummissjoni (Euratom) Nru 3227/76 tad-19 ta’ Ottubru 1976 li jikkonċerna l-applikazzjoni tad-disposizzjonijiet dwar salvagwardji tal-Euratom [1], u b’mod partikulari l-Artikolu 38 tiegħu,

Billi skond l-Artikolu 38 tar-Regolament (Euratom) Nru 3227/76 imsemmi hawn fuq il-Kummissjoni tista’ tagħmel aġġustamenti tekniċi żgħar lill-Annessi tiegħu;

Billi hemm il-ħtieġa li tiġi stabbilita bidla ta’ inventarju xierqa għar-reġistrar u r-rappurtar ta’ materjal nukleari miksub minn sustanzi mhux suġġetti għal salvagwardji;

Billi l-Kummissjoni infurmat lill-Istati Membri bl-aġġustament preżenti u kkunsidrat il-veduti tagħhom,

ADOTTAT DAN IR-REGOLAMENT:

Artikolu 1

Dan li ġej għandu jiżdied mal-punt 6 "tip ta’ bidla ta’ inventarju" man-Noti ta’ Spjegazzjoni għall-Anness II tar-Regolament (KEE) Nru 3227/76:

Keyword | Kodiċi | Spjegazzjoni |

Produzzjoni ta’ materjal nukleari | MP | Materjal nukleari miksub minn sustanzi mhux suġġetti għal salvagwardji minħabba li ntlaħqu l-kondizzjonijiet minimi meħtieġa għal konċentrazzjoni (L-Artikolu 36(i)) |

Artikolu 2

Dan ir-Regolament għandu jidħol fis-seħħ 15-il jum wara l-pubblikazzjoni tiegħu fil-Ġurnal Uffiċjali tal-Komunitajiet Ewropej.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, fis-26 ta’ Jannar 1990.

Għall-Kummissjoni

Antonio Cardoso e Cunha

Membru tal-Kummissjoni

[1] ĠU L 363, tal-31.12.1976, pġ. 1.

--------------------------------------------------