Id-Direttiva tal-Kunsill

tas-27 ta’ Lulju 1990

li temenda l-Anness II tad-Direttiva 86/280/KEE dwar valuri ta’ limitu u oġġettivi ta’ kwalità għal skariki ta’ ċerti sustanzi perikolużi inklużi fil-Lista I ta’ l-Anness tad-Direttiva 76/464/KEE

(90/415/KEE)

IL-KUNSILL TAL-KOMUNITAJIET EWROPEJ,

Wara li kkunsidra t-Trattat li jistabbilixxi l-Komunità Ekonomika Ewropea, u b’mod partikolari l-Artikolu 113s fih imsemmi,

Wara li kkunsidra d-Direttiva tal-Kunsill 76/464/KEE ta’ l-4 ta’ Mejju 1976 dwar tniġġiz ikkawżat minn ċerti sustanzi perikolużi mitfugħa fl-ambjent akwatiku tal-Komunità [1], u partikolarment l-Artikolu 6 u 12 ta’ l-istess,

Wara li kkunsidra l-proposta tal-Kummissjoni [2],

Wara li kkunsidra l-opinjoni tal-Parlament Ewropew [3],

Wara li kkunsidraw l-opinjoni tal-Kumitat Ekonomiku u Soċjali [4],

Billi, sabiex ikun protett l-ambjent akwatiku tal-Komunità kontra tniġġiż minn ċerti sustanzi perikolużi, l-Artikolu 3 tad-Direttiva 76/464/KEE introduċa sistema ta’ awtorizzazzjoni minn qabel li tistabbilixxi standards ta’ emissjoni għall-iskariki tas-sustanzi fl-Lista I fl-Anness tiegħu; billi l-Artikolu 6 ta’ l-imsemmi Direttiva jistipula illi valuri ta’ limiti ser ikunu stabbiliti għal tali standards ta’ skariki u oġġettivi ta’ kwalità għall-ambjent akwatiku affettwat mill-iskarikar tas-sustanzi;

Billi l-Istati Membri huma mitluba li japplikaw il-valuri ta’ limiti salv f’każijiet fejn huma jistgħu jużaw oġġettivi ta’ kwalità;

Billi Direttiva 86/280/KEE [5], kif emendata bid-Direttiva 88/347/KEE [6], se jkollha tkun emendata u ssupplimentata, a bazi ta’ proposti mill-Kummissjoni, skond żviluppi fit-tagħrif xjentifiku li jirrelataw prinċipalment mat-tossiċità, persistenza u akkumulazzjoni tas-sustanzi msemmija f’organiżmi ħajjin u qiegħan, jew f’każ ta’ titjib fl-aqwa mezzi tekniċi disponibbli; billi huwa neċessarju, għal dak il-għan, li jiġi pprovdut għal żjidiet għall-imsemmija Direttiva, li tirrelata għall-miżuri fir-rigward ta’ sustanzi perikolużi oħra, u għall-emendi għall-kontenut ta’ l-Anness II;

Billi l-Artikolu 5 tad-Direttiva 86/280/KEE jistipula illi, fil-każ ta’ ċertu sorsi sinifikanti ta’ tniġġiż minn dawn is-sustanzi minbarra sorsi illi huma suġġetti għall-valuri ta’ limitu Komunitarji jew standards ta’ emissjoni nazzjonali, programmi speċifiċi għandhom jitfasslu biex jeliminaw it-tniġġiż;

Billi jixraq illi skariki żgħar illi huma soġġetti għad-dispożizzjonijiet ta’ l-Artikolu 5 tad-Direttiva 86/280/KEE jistgħu jkunu eżentati mir-rekwiżiti ta’ l-Artikolu 3 tad-Direttiva 76/464/KEE;

Billi, a bażi tal-kriterji stipulati fid-Direttiva 76/464/KEE, 1–2-dichloroethane, trichloroethylene, perchloroethylene u trichlorobenzene għandhom jiġu soġġetti għad-dispożizzjonijiet tad-Direttiva 86/280/KEE,

ADOTTA DAN IR-REGOLAMENT:

Artikolu 1

L-Anness II tad-Direttiva 86/280/KEE qed jiġi emendat kif stabbilit fl-Anness ma’ dan.

Artikolu 2

1. L-Istati Membri għandhom iġibu fis-seħħ il-liġijiet, ir-regolamenti u d-dispożizzjonijiet amministrattivi meħtieġa biex jikkonformaw ma’ din id-Direttiva fi żmien 18-il xahar min-notifika tagħha [7]. Huma għandhom jinformaw lill-Kummissjoni b’dan.

2. L-Istati Membri għandhom jikkomunikaw lill-Kummissjoni t-testi tad-dispożizzjonijiet prinċipali tal-liġi nazzjonali li huma jadottaw fil-qasam irregolat minn din id-Direttiva.

Artikolu 3

Din id-Direttiva hija indirizzata lill-Istati Membri.

Magħmul fi Brussel, fis-27 ta’ Lulju 1990.

Għall-Kunsill

Il-President

E. Rubbi

[1] ĠU L 129, tat-18.5.1976, p. 23.

[2] ĠU C 253, tat-29.9.1988, p. 15.

[3] ĠU C 96, tas-17.4.1989, p. 188.

[4] ĠU C 23, tat-30.1.1989, p. 4.

[5] ĠU L 181, ta’ l-4.7.1986, p. 16.

[6] ĠU L 158, tal-25.6.1988, p. 35.

[7] Din id-Direttiva kienet notifikati lill-Istati Membri fil-31 ta’ Lulju 1990.

--------------------------------------------------

L-ANNESS

EMENDI LILL-ANNESS II TAD-DIRETTIVA 86/280/KEE

1. Is-segwenti qed jinżied wara t-Titolu:

"8 . Li jirrigwarda 1,2-dichloroethane (EDC)

9. Li jirrigwarda trichloroethylene (TRI)

10. Li jirrigwarda perchloroethylene (PER )

11. Li jirrigwarda trichlorobenzene (TCB)"

.

2. Is-segwenti artikolu qed jiġi miżjud:

"VIII. Dispożizzjonijiet speċifiċi li jirrelataw għal 1,2-dichloroethane (EDC) (No 59) [1]

CAS — No 107–06–2"

Intestatura A (59): Valuri ta’ limiti għal standards ta’ skariki [2]

Tip ta’ impjant industrijali | Tip ta’ valur medju | | Għandhom ikunu mħarsa minn |

Toqol (g/tunnellata) | Konċentrazzjoni (mg/litri) |

(a)Produzzjoni biss ta’ 1,2-dicholorethane (mingħajr ipproċessar jew użu fl-istess sit) | Ta’ kull xahar | 4 | 2 | ta’ l- 1.1.1993 |

| 2,5 | 1,25 | ta’ l- 1.1.1995 |

| Ta’ kuljum | 8 | 4 | ta’ l- 1.1.1993 |

| 5 | 2,5 | ta’ l- 1.1.1995 |

(b)Produzzjoni ta’ 1,2-dichloroethane, u pproċessar jew użu fl-istess sit, salv għall-użu msemmi f’(e) hawn taħt | Ta’ kull xahar | 12 | 6 | ta’ l- 1.1.1993 |

| 5 | 2,5 | ta’ l- 1.1.1995 |

| Ta’ kuljum | 24 | 12 | ta’ l- 1.1.1993 |

| 10 | 5 | ta’ l- 1.1.1995 |

(ċ)Ipproċessar ta’ 1,2-dichloroethane f’sustanzi minbarra vinyl chloride | Ta’ kull xahar | 2,5 | 1 | ta’ l- 1.1.1993 |

| Ta’ kuljum | 5 | 2 | ta’ l- 1.1.1993 |

(d)Użu ta’ EDC biex jitneħħa xi grass mill-metall (’l bogħod mis-sit industrijali kopert minn (b)) | Ta’ kull xahar | – | 0,1 | ta’ l- 1.1.1993 |

| Ta’ kuljum | – | 0,2 | ta’ l- 1.1.1993 |

(e)Użu ta’ EDC fil-produzzjoni ta’ "ion exchangers" | Ta’ kull xahar | – | – | – |

| Ta’ kuljum | – | – | – |

Intestatura B (59): oġġettivi ta’ kwalità

Ambjent | Oġġettivi ta’ kwalità (μf/litre) | Li ser ikunu mħarsa sa mill-: |

Superfiċi ta’ l-ilma interni | 10 | ta’ l- 1.1.1993 |

Ilmijiet ta’ estwarju |

Ilmijiet tal-kosta ta’ ġewwa minbarra dawk ta’ estwarji |

Ibħra territorjali |

Il-Kummissjoni se tipparaguna r-riżultati tal-monitoraġġ eżegwit, skond it-tielet indent ta’ l-Artikolu 13(1) tad-Direttiva 76/464/KEE, b’konċentrazzjoni indikattiva ta’ 2,5 mg/litru.

Il-Kummissjoni sejra, sa l-1998, terġa’ teżamina l-oġġettivi ta’ kwalità a bażi ta’ l-esperjenza miksuba fl-applikazzjoni tal-miżuri preżenti.

Intestatura C (59): metodu ta’ referenza ta’ kejl

1. Il-metodu ta’ referenza li se jintuża biex tkun stabbilita l-preżenza ta’ 1,2-dichloroethane fl-effluwenti l-ambjent ta’ l-ilma huwa kromatografija tal-gass b’detezzjoni tal-kattura elettronika wara estrazzjoni permezz ta’ taħlita xierqa kew kromatografija tal-gass permezz tal-proċess "purge and trap" u ittrapolar bl-użu ta’ nasba kapillari kirogenikament imkessħa. Il-limitu ta’ determinazzjoni huwa 10 mg/litru għall-effluwenti a u 1 mg/litru għall-ambjent ta’ l-ilma.

2. Il-korrettezza u l-preċiżjoni tal-metodu għandha tkun ± 50 % f’konċentrazzjoni li tirrappreżenta d-doppju tal-valur tal-limitu ta’ determinazzjoni.

3. L-Istati Membri jistgħu jistabbilixxu konċentrazzjonijiet ta’ l-EDC b’referenza għall-kwantità ta’ AOX, EOX jew VOX, sakemm il-Kummissjoni hija qabel xejn sodisfatta illi dawn il-metodi jagħtu riżultati ekwivalenti u sakemm id-Direttiva tat-taħlit ġenerali tkun adottata.

L-Istati Membri kkonċernati se jistabbilixxu regolarment ir-relazzjoni fil-konċentrazzjoni bejn l-EDC u l-parametri użati.

"IX. Dispożizzjonijiet speċifiċi li jirrelataw għall-trichloroethylene (TRI) (No 121) [12]

CAS 79.01.6"

Intestatura A (121): Valuri ta’ limiti għall-istandards ta’ emissjoni [13]

Tipi ta’ impjanti industrijali | Tipi ta’ valur medju | | Għandu jkun hemm konformità ma’ dawn mill– |

Toqol (g/tunnellata) | Konċentrazzjoni (mg/litru) |

(a)Produzzjoni ta’ Trichloroethylene (TRI) u perchloroethylene (PER) | Ta’ kull xahar | 10 | 2 | ta’ l- 1.1.1993 |

| 2,5 | 0,5 | ta’ l- 1.1.1995 |

| Ta’ kuljum | | | |

| | 20 | 4 | ta’ l- 1.1.1993 |

| | 5 | 1 | ta’ l- 1.1.1995 |

(b)Użu ta’ TRI biex jitneħħa xi grass minn mal-metalli | Ta’ kull xahar | | 0,1 | ta’ l- 1.1.1993 |

| Ta’ kuljum | | 0,2 | ta’ l- 1.1.1993 |

Intestatura B (121): oġġettivi ta’ kwalità

Ambjent | Oġġettivi ta’ kwalità (μg/litre) | Li ser ikunu mħarsa sa mill– |

Wiċċ ta’ l-ilmijiet ta’ ġo l-art | 10 | ta’ l- 1.1.1993 |

Ilmijiet ta’ estwarju |

Ilmijiet tal-kosta ta’ ġewwa minbarra dawk ta’ estwarji |

Ibħra territorjali |

Il-Kummissjoni se tipparaguna r-riżultati mal-monitoraġġ illi sar, skond it-tielet daħla ta’ l-Artikolu 13(1) tad-Direttiva 76/464/KEE, b’konċentrazzjoni indikattiva ta’ 2,5 mg/litri.

Il-Kummissjoni sejra, sa l-1988, terġà teżamina l-oġġettivi ta’ kwalità a bażi ta’ l-esperjenza miksuba fl-applikazzjoni tal-miżuri preżenti.

Intestatura Ċ (121): metodu ta’ referenza ta’ kejl

1. Il-metodu ta’ referenza ta’ kejl li se jintuża biex tkun stabbilita l-preżenza ta’ trichloroethylene (TRI) f’effluwenti u l-ambjent akwatiku huwa kromatografija tal-gass b’detezzjoni tal-kattura ta’ l-ektroni wara estrazzjoni permezz ta’ taħlita xierqa.

Il-limitu ta’ determinazzjoni għat-TRI huwa 10 mg/litru għall-effluwenti u 0,1 mg/litru għall-ambjent akwatiku.

2. Il-korrettezza u preċiżjoni tal-metodu għandha tkun ± 50 % f’konċentrazzjoni li tirrappreżenta d-doppju tal-valur tal-limitu ta’ determinazzjoni.

3. L-Istati Membri jistgħu jistabbilixxu konċentrazzjonijiet ta’ TRI b’referenza għall-kwantità ta’ AOX, EOX jew VOX, sakemm il-Kummissjoni hija qabel xejn sodisfatta illi dawn il-metodi jagħtu riżultati ekwivalenti u dana sakemm id-Direttiva tat-taħlita ġenerali hija adottata.

L-Istati Membri kkonċernati ser jistabbilixxu regolarment ir-relazzjoni fil-konċentrazzjoni bejn it-TRI u l-parametri użati.

X. Dispożizzjonijiet speċifiċi li jirrelataw għall-perchloroethylene (PER) (No 111) [18]

CAS-127–18–4

Intestatura A (111): Valuri ta’ limiti għal standars ta’ skariki [19]

Tip ta’ impjant industrijali | Tip ta’ valur medju | | Li ser ikunu mħarsa sa mill– |

Piż (g/tonne) | Konċentrazzjoni (mg/litre) |

(a)Tricholoroethyle (TRI) u perchloroethylene (PER) Produzzjoni (proċessi TRI-PER) | Ta’ kull xahar | 10 | 2 | ta’ l- 1.1.1993 |

| 2,5 | 0,5 | ta’ l- 1.1.1995 |

| Ta’ kuljum | 20 | 4 | ta’ l- 1.1.1993 |

| 5 | 1 | ta’ l- 1.1.1995 |

(b)Carbon tetrachloride u erchloroethylene Produzzjoni (proċessi TETRA-PER) | Ta’ kull xahar | 10 | 5 | ta’ l- 1.1.1993 |

| 2,5 | 1,25 | ta’ l- 1.1.1995 |

| Ta’ kuljum | 20 | 10 | ta’ l- 1.1.1993 |

| 5 | 2,5 | ta’ l- 1.1.1995 |

(ċ)Użu ta’ PER għat-tneħħija ta’ grass tal-metalli | Ta’ kull xahar | – | 0,1 | ta’ l- 1.1.1993 |

| Ta’ kuljum | – | 0,2 | ta’ l- 1.1.1993 |

(d)Produzzjoni tal-Chlorofluorocarbon | Ta’ kull xahar | – | – | – |

| Ta’ kuljum | – | – | – |

Intestatura B (111): oġġettivi ta’ kwalità

Ambjent | Oġġettivi ta’ kwalità (μg/litru) | Li ser ikunu mħarsa sa mill– |

Wiċċ ta’ l-ilmijiet ta’ ġo l-art | 10 | ta’ l- 1.1.1993 |

Ilmijiet ta’ estwarji |

Ilmijiet tal-kosta ta’ ġewwa minbarra dawk ta’ estwarji |

Ibħra territorjali |

Il-Kummissjoni se tipparaguna r-riżultati mal-monitoraġġ illi sar, skond it-tielet daħla ta’ l-Artikolu 13(1) tad-Direttiva 76/464/KEE, b’konċentrazzjoni indikattiva ta’ 2,5 mg/litri.

Il-Kummissjoni sejra, sa l-1998, terġà teżamina l-oġġettivi ta’ kwalità a bażi ta’ l-esperjenza miksuba fl-applikazzjoni tal-miżuri preżenti.

Intestatura C (111): metodu ta’ referenza ta’ miżurazzjoni

1. Il-metodu ta’ referenza li se jintuża biex tkun stabbilita l-preżenza ta’ perchloroethylene (PER) fi skariki u l-ambjent akwatiku huwa l-kromatografija tal-gass bid-detezzjoni tal-kattura elettronika wara estrazzjoni permezz ta’ taħlita xierqa.

Il-limitu ta’ determinazzjoni għall-PER huwa 10 mg/litru għall-effluwenti u 0,1 mg/litru għall-ambjent akwatiku.

2. Il-korrettezza u preċiżjoni tal-metodu għandha tkun ± 50 % f’konċentrazzjoni li tirrappreżenta d-doppju tal-valur tal-limitu ta’ determinazzjoni.

3. L-Istati Membri jistgħu jistabbilixxu konċentrazzjonijiet ta’ PER b’referenza għall-kwantità ta’ AOX, EOX jew VOX, sakemm il-Kummissjoni hija qabel xejn sodisfatta illi dawn il-metodi jagħtu riżultati ekwivalenti u sakemm id-Direttiva tat-taħlita ġenerali hija adottata.

L-Istati Membri kkonċernati se jistabbilixxu regolarment ir-relazzjoni fil-konċentrazzjoni bejn il-PER u l-parametri użati.

Dispożizzjonijiet speċifiċi li jirrelataw għat-trichlorobenzene [25](TCB) (117, 118) [26]

L-Intestatura A (117, 118): limiti ta’ valuri għall-istandards ta’ emissjoni

Wieqfa:

Ma għandu jkun hemm l-ebda żieda sinifikattiva diretta jew indiretta maż-żmien fit-tniġġiż li jiġi minn skariki ta’ TCB u li jaffettwaw konċentrazzjonijiet fil-qiegħan u/jew molluski u/jew frott tal-baħar u/jew ħut.

Tip ta’ impjant industrijali | Tip ta’ valur medju | | Li ser ikunu mħarsa sa mill– |

Piż (g/tonne) | Konċentrazzjoni (mg/litre) |

(a)Produzzjoni ta’ TCB via dehydrochlorination ta’ HCH u/jew ta’ ipproċessar ta’ TCB | Ta’ kull xahar | 25 | 2,5 | ta’ l- 1.1.1993 |

| 10 | 1 | ta’ l- 1.1.1995 |

| Ta’ kuljum | 50 | 5 | ta’ l- 1.1.1993 |

| 20 | 2 | ta’ l- 1.1.1995 |

(b)Produzzjoni u/jew ta’ ipproċessar ta’ chlorobenzenes via chlorination ta’ benzene | Ta’ kull xahar | 5 | 0,5 | ta’ l- 1.1.1993 |

| 0,5 | 0,05 | ta’ l- 1.1.1995 |

| Ta’ kuljum | 10 | 1 | ta’ l- 1.1.1993 |

| 1 | 0,1 | ta’ l- 1.1.1995 |

Intestatura B (117, 118): oġġettivi ta’ kwalità

Wieqfa:

Ma għandu jkun hemm l-ebda żieda sinifikattiva maż-żmien fil-konċentrazzjoni ta’ TCB f’qiegħan u/jew molluski u/jew frott tal-baħar u/jew ħut.

Ambjent | Oġġettivi ta’ kwalità (μg/litre) | Li ser ikunu mħarsa sa mill– |

Wiċċ ta’ l-ilmijiet ta’ ġo l-art | 0,4 | ta’ l- 1.1.1993 |

Ilmijiet ta’ estwarji |

Ilmijiet tal-kosta ta’ ġewwa minbarra dawk ta’ estwarji |

Ibħra territorjali |

Il-Kummissjoni se tipparaguna r-riżultati mal-monitoraġġ illi sar, skond it-tielet daħla ta’ l-Artikolu 13(1) tad-Direttiva 76/464/KEE, b’konċentrazzjoni indikattiva ta’ 0,1 mg/litri.

Il-Kummissjoni sejra, sa l-1998, terġa’ teżamina l-oġġettivi ta’ kwalità a bażi ta’ l-esperjenza miksuba fl-applikazzjoni tal-miżuri preżenti.

Intestatura C (117, 118): metodu ta’ referenza ta’ kejl

1. Il-metodu ta’ referenza li se jintuża biex tkun stabbilita l-preżenza ta’ trichlorobenzene (TCB) fi skariki u l-ambjent akwatiku huwa l-kromatografija tal-gass b’detezzjoni tal-kattura ta’ l-elektroni wara estrazzjoni permezz ta’ taħlita xierqa. Il-limitu ta’ determinazzjoni għal kull isomer separatament huwa 1 mg/litru għall-iskariki u 10 ng/litru għall-ambjent akwatiku.

2. Il-metodu ta’ referenza użat għad-determinazzjoni ta’ TCB f’sedimenti u organiżmi huwa gass kromatografu b’detezzjoni tal-kattura ta’ l-elektroni wara preparazzjoni xierqa tal-kampjun. Il-limitu ta’ determinazzjoni għall kull isomer separatament huwa 1 m g/kg ta’ materja xotta.

3. L-Istati Membri jistgħu jistabbilixxu konċentrazzjonijiet ta’ TCB b’referenza għall-kwantità ta’ AOX, EOX, sakemm il-Kummissjoni hija qabel xejn sodisfatta illi dawn il-metodi jagħtu riżultati ekwivalenti u sakemm id-Direttiva tat-taħlit ġenerali hija adottata.

L-Istati Membri kkonċernati ser jistabbilixxu regolarment ir-relazzjoni fil-konċentrazzjoni bejn it-TCB u l-parametri użati.

4. Il-korrettezza u preċiżjoni tal-metodu għandha tkun ± 50 % f’konċentrazzjoni li tirrappreżenta d-doppju tal-valur tal-limitu ta’ determinazzjoni.

[1] L-Artikolu 5 tad-Direttiva 86/280/KEE japplika partikolarment għall-EDC użat bħala taħlita ’l bogħod mis-sit ta’ produzzjoni jew ipproċessar jekk l-iskariki annwali jammontaw għal inqas minn 30 kg/sena. Tali skariki żgħar jistgħu jkunu eżentati mir-rekwiżiti ta’ l-Artikolu 3 tad-Direttiva 76/464/KEE. Minkejja l-Artikolu 5(3) tad-Direttiva 86/280/KEE, l-Istati Membri għandhom jimplimentaw il-programmi speċifiċi tagħhom mhux aktar tard mill-1 ta’ Jannar 1993. Huma għandhom jikkomunikawhom lill-Kummissjoni fl-istess ħin.

[12] L-Artikolu 5 tad-Direttiva 86/280/KEE japplika partikolarment għat-TRI użat bħala taħlita għad-"dry-cleaning", għall-estrazzjoni ta’ grass jew irwejjaħ u għat-tneħħija ta’ grass ta’ metalli fejn l-iskariki annwali jammontaw għal anqas minn 30 kg/sena. Tali skariki żgħar jistgħu jiġu eżentati mir-rekwiżiti ta’ l-Artikolu 3 tad-Direttiva 76/464/KEE. Minkejja l-Artikolu 5(3) tad-Direttiva 86/280/KEE, l-Istati Membri għandhom jimplimentaw il-programmi speċifiċi tagħhom mhux aktar tard mill-1 ta’ Jannar 1993. Huma għandhom jikkomunikawhom lill-Kummissjoni fl-istess ħin.

[18] L-Artikolu 5 tad-Direttiva 86/280/KEE japplika partikolarment għall-PER użat bħala taħlita għad-"dry-cleaning", għall-estrazzjoni ta’ grass jew irwejjaħ u għat-tneħħija ta’ grass mill-metalli fejn l-iskariki annwali jammontaw għal anqas minn 30 kg/sena. Tali skariki żgħar jistgħu jkunu eżentati mir-rekwiżiti ta’ l-Artikolu 3 tad-Direttiva 76/464/KEE. Minkejja l-Artikolu 5(3) tad-Direttiva 86/280/KEE, l-Istati Membri għandhom jimplimentaw il-programmi speċifiċi tagħhom mhux aktar tard mill-1 ta’ Jannar 1993. Huma għandhom jikkomunikawhom lill-Kummissjoni fl-istess ħin.

[25] L-Artikolu 5 tad-Direttiva 86/280/KEE japplika partikolarment għat-TCB użat bħala taħlita jew bħala għajnuna għall-kulur fl-industrija tad-drapp, jew bħala komponent taż-żjut użat fi transformers sa meta jkun hemm leġislazzjoni Komunitarja fuq dan is-suġġett. Minkejja l-Artikolu 5(3), l-Istati Membri għandhom jimplimentaw il-programmi speċifiċi tagħhom mhux aktar tard mill-1 ta’ Jannar 1993. Huma għandhom jikkomunikawhom lill-Kummissjoni fl-istess żmien.

[26] It-TCB jistà jseħħ bħala wieħed mis-segwenti tlett "isomers":

- 1, 2, 3-TCB — CAS 87/61–6;

- 1, 2, 4-TCB — CAS 120–82–1 (Nru 118 tal-lista KEE);

- 1, 3, 5-TCB — CAS 180–70–3.It-TCB Tekniku (Nru 117 tal-lista KEE) huwa taħlita ta’ dawn it-tlett "isomers", bi preponderanza ta’ 1,2,4-TCB, u jista’ wkoll ikollu kwantitajiet żgħar ta’ di-u tetrachlorobenzene.Fi kwalunkwe każ, dawn id-dispożizzjonijiet japplikaw għat-total TCB (is-somma ta’ tlett "isomers")."

--------------------------------------------------