Deċiżjoni tal-kummissjoni

tat- 28 ta’ Marzu 1990

Dwar il-lista ta’ stabbilimienti fil-Madagascar approvati għall-importazzjoni ta’ laħam frisk fil-Komunita’

(90/165/KEE)

IL-KUMMISSJONI TAL-KOMMUNITAJIET EWROPEJ,

Wara li kkunsidrat t-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 72/462/KEE tat-12 ta’ Diċembru 1972 dwar l-ispezzjoni tal-problemi tas-saħħa u veterinarja dwar l-importazzjoni tal-laħam taċ-ċanga u tal-majjal u tal-laħam frisk jew prodotti tal-laħam minn pajjiżi terzi [1], hekk kif l-aħħar emendat permezz ta’ Direttiva 89/227/KEE [2], u b’mod partikulari l-Artikoli 4(1) u 18 (1) tagħha,

Billi l-istabbilimenti tal-pajjiżi terzi ma jistgħux jiġu awtorizzati illi jesportaw laħam frisk lill-Komunità sakemm ma jissodisfawx il-kondizzjonijiet speċjali u ġenerali imniżżla fid-Direttiva 72/462/KEE

Billi d-Deċiżjoni tal-Kummissjoni 84/576/KEE [3] ipprojbiet l-importazzjoni tal-laħam frisk li ġej mill-istabbilimenti tal-Madagascar;Minkejja illi sabiex ma jkunx hemm interruzzjoni f’daqqa tal-kummerċ eżistenti, l-importazzjonijiet inżammu sat- 30 ta’ Ġunju 1985;

Billi wara iktar spezzjonijiet imexxija skond l-Artikolu 5 tad-Direttiva 72/462/KEE u l-Artikolu 2(1) tad-Deċiżjoni tal-Kummissjoni 86/474/KEE dwar l-implimentazzjoni ta’ l-ispezzjonijiet f’waqthom li jsiru fir-rigward ta’ l-importazzjoni tal-laħam taċ-ċanga u tal-majjal u tal-laħam frisk minn pajjiżi mhux membri [4] wera illi l-i standard ta’ l-iġjene f’żewġ stabbilimenti żdiedet u għalhekk ġiet meqjusa bħala sodisfaċenti;

Billi l-istabbilimenti jistgħu, f’dawn iċ-ċirkostanzi, ikunu inklużi f’lista ta’ stabbilimenti awtorizzati għall-esportazzjoni lejn il-Komunità u għalhekk id-Deċiżjoni 84/576/KEE għandha tiġi imħassra;

Billi l-esportazzjoni tal-laħam frisk mill-istabbilimenti li jidhru fl-Anness jibqgħu suġġetti għad-disposizzjonijiet tal-Kummissjoni imniżżla postijiet oħra, b’mod partikolari dawk li jikkonċernaw is-saħħa ta’ l-annimali, u l-eżami tal-preżenza ta’ residwi Fil-laħam frisk, projbizzjoni ta’ l-użu ta’ ċertu sustanzi li fihom azzjoni ormonali fit-trobbija tal-annimali;

Billi l-miżuri previsti f’din id-Deċiżjoni huma skond l-opinjoni tal-Kumitat Veterinarju,

ADOTTAT DIN ID-DEĊIŻJONI

Artikolu 1

1. L-istabbilimenti fil-Madagascar li jidhru fl-Anness huma minn issa appruvati għall-importazzjoni tal-laħam frisk fil-Komunità skond l-istess l-Anness.

2. L-importazzjoni mill-istabbilimenti mniżżla fl-Anness għandhom jibqgħu suġġetti għad-disposizzjonijiet tal-Kummissjoni Veterinarja mniżżla x’imkien ieħor.

Artikolu 2

L-Istati membri għandhom jipprojbixxu l-importazzjoni ta’ laħam frisk li ġej minn stabbilimenti li mhux imniżżla fl-Anness.

Artikolu 3

Id-Deċiżjoni 84/576/KEE hija imħassra.

Artikolu 4

Din id-deċiżjoni hija indirizzata lill-Istati Membri

Magħmula fi Brussel, fit-28 ta’ Marzu 1990.

Għall-Kummissjoni

Ray Mac Sharry

Membru tal-Kummissjoni

[1] ĠU L 302, tal-31.12.1972, pġ. 28.

[2] ĠU L 93, tas-6.4.1989, pġ. 25.

[3] ĠU L 15, tal-5.12.1984, pġ. 25.

[4] ĠU L 279, tat-30.9.1986, pġ. 55.

--------------------------------------------------

ANNESS

LISTA TA' STABBILIMENTI

Nru | Stabbiliment/Indirizz | Kategorija |

SL | CP | CS | B | S/G | P | SP | SR |

16/26 | Biċċerija ta' Morondava, Morondava, Tulea | x | x | | x | | | | xx |

17/27 | Biċċerija Frigorifique de Majunga, Majunga | x | x | | x | | | | |

--------------------------------------------------