Official Journal L 029 , 31/01/1989 P. 0027 - 0027
Finnish special edition: Chapter 3 Volume 28 P. 0124
Swedish special edition: Chapter 3 Volume 28 P. 0124
Ir-Regolament tal-Kummissjoni (KEE) Nru 231/89 tat-30 ta’ Jannar 1989 li jemenda r-Regolament (KEE) Nru 3143/85 fuq il-bejgħ bi prezz imraħħas ta’ butir ta’ intervent maħsub għall-konsum dirett fil-forma ta’ butir konċentrat IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ekonomika Ewropea, Wara li kkunsidrat ir-Regolament tal-Kunsill (KEE) Nru 804/68 tas-27 ta’ Ġunju 1968 fuq l-organizzazzjoni komuni tas-suq tal-ħalib u prodotti tal-ħalib [1], kif emendat l-aħħar bir-Regolament (KEE) Nru 1109/88 [2], u b’mod partikolari l-Artikolu 6(7) tiegħu, Billi r-Regolament tal-Kummissjoni (KEE) Nru 3143/85 [3], kif emendat l-aħħar bir-Regolament (KEE) Nru 3036/88 [4], jintroduċi skema għall-bejgħ bi prezz imraħħas ta’ butir ta’ intervent maħsub għall-konsum dirett fil-forma ta’ butir konċentrat; Billi, minħabba s-sitwazzjoni tas-suq u t-tnaqqis ta’ ħażniet publiċi ta’ butir, it-tnaqqis fil-prezzijiet li bihom il-butir qed jinbiegħ mill-aġenziji ta’ intervent skond din l-iskema għandhom jiġu aġġustati; billi l-esperjenza turi li l-kontenut nett massimu tal-pakketti ta’ butir konċentrat għandu jiġi mnaqqas; Billi l-miżuri li hemm ipprovduti f’dan ir-Regolament huma konformi ma’ l-opinjoni tal-Kumitat ta’ Ġestjoni għall-Ħalib u Prodotti tal-Ħalib, ADOTTAT DAN IR-REGOLAMENT: Artikolu 1 Ir-Regolament (KEE) Nru 3143/85 huwa hawnhekk emendat kif ġej: 1. In l-Artikolu 2(1): - ‘240 EKU’ huwa mibdul b’ ‘EKU 225’, - ‘238 ECU’ huwa mibdul b’ ‘EKU 223’, u fl-Artikolu 2(4): - ‘300 EKU’ huwa mibdul b’ ‘EKU 285’. 2. Fl-Artikolu 5(5) ‘10 kilogrammi’ hija mibdula bi ‘tliet kilogrammi’. Artikolu 2 Dan ir-Regolament għandu jidħol fis-seħħ fil-jum tal-publikazzjoni tiegħu fil-Ġurnal Uffiċjali tal-Komunitajiet Ewropej. Fl-Artikolu 1: - punt 1 għandu japplika mill-1 ta’ Frar 1989, u - punt 2 għal butir magħmul f’pakketti mill-1 t’ April 1989 ‘l quddiem. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, it-30 ta’ Jannar 1989. Għall-Kummissjoni Ray Mac Sharry Membru tal-Kummissjoni [1] ĠU L 148, tat-28.6.1968, p. 13. [2] ĠU L 110, tad-29.4.1988, p. 27. [3] ĠU L 298, tat-12.11.1985, p. 9. [4] ĠU L 271, ta’ l-1.10.1988, p. 93. --------------------------------------------------