Official Journal L 358 , 27/12/1988 P. 0022 - 0024
Id-Deċiżjoni tal-Kunsill tal-21 ta' Diċembru 1988 dwar il-konklużjoni tal-Ftehim fil-forma ta' Skambju ta' Ittri bejn il-Komunità Ekonomika Ewropea u r-Renju tal-Marokk dwar l-importazzjoni ġewwa l-Komunità ta' insalati tal-frott priservat li joriġinaw mill-Marokk (88/649/KEE) IL-KUNSILL TAL-KOMUNITAJIET EWROPEJ, Wara li kkunsidra t-Trattat li jistabbilixxi l-Komunità Ekonomika Ewropea, u b'mod partikolari Artikolu 113 tiegħu, Wara li kkunsidra r-rakkomandazzjoni mill-Kummissjoni, Billi l-Ftehim ta' Kooperazzjoni bejn il-Komunità Ekonomika Ewropea u r-Renju tal-Marokk [1] ġie ffirmat fis-25 ta' April 1976 u daħal fis-seħħ fl-1 ta' Novembru 1978; Billi l-Ftehim fil-forma ta' Skambju ta' Ittri bejn il-Komunità Ekonomika Ewropea u r-Renju tal-Marokk dwar l-importazzjoni ġewwa l-Komunità ta' insalati tal-frott priservat li joriġinaw fil-Marokk għandu jiġi approvat, IDDEĊIDIET KIF ĠEJ: Artikolu 1 Il-Ftehim fil-forma ta' Skambju ta' Ittri bejn il-Komunità Ekonomika Ewropea u r-Renju tal-Marokk dwar l-importazzjoni ġewwa l-Komunità ta' insalati tal-frott li joriġinaw fil-Marokk hu b’dan approvat f’ isem il-Komunità. It-test tal-Ftehim huwa mehmuż ma’ din id-Deċiżjoni. Artikolu 2 Il-President tal-Kunsill hu b'dan awtoriżżat illi jaħtar il-persuna li jkollha s-setgħa li tiffirma l-Ftehim sabiex torbot lill-Komunità. Artikolu 3 Din id-Deċiżjoni għandha tidħol fis-seħħ fil-jum ta' wara l-pubblikazzjoni tagħha fil-Ġurnal Uffiċjali tal-Komunitajiet Ewropej. Magħmula fi Brussel, fil-21 ta' Diċembru 1988. Għall-Kunsill Il-President V. Papandreou [1] ĠU L 264, tas-27.9.1978, p. 2. --------------------------------------------------