Official Journal L 107 , 24/04/1986 P. 0001 - 0001
Finnish special edition: Chapter 3 Volume 20 P. 0200
Swedish special edition: Chapter 3 Volume 20 P. 0200
Ir-Regolament tal-Kunsill (KEE) Nru 1174/86 tal-21 ta’ April 1986 li jemenda r-Regolament (KEE) Nru 706/73 dwar l-arranġamenti tal-Komunità applikabbli għaċ-Channel Islands u l-Isle of Man għan-negozju fi prodotti agrikoli IL-KUNSILL TAL-KOMUNITAJIET EWROPEJ Wara li kkunsidra t-Trattat li jistabbilixxi l-Komunità Ekonomika Ewropea, Wara li kkunsidra t-Trattat ta’ Adeżjoni tal-1972, u partikolarment it-tielet subparagrafu tal-Artikolu 1(2) tal-Protokoll Nru 3 tiegħu, Wara li kkunsidra l-proposta tal-Kummissjoni, Billi ċerti dispożizzjonijiet veterinarji dwar l-Irlanda ta’ Fuq u li jirrigwardaw l-marda tal-ilsien u d-dwiefer u negozju f’annimali ħajjin, laħam frisk u prodotti b’bażi tal-laħam ġie liberalizzat; Billi r-Regolament (KEE) Nru. 706/73 (1) ġabar liċ-Channel Islands u l-Isle of Man mall-Irlanda ta’ Fuq għall-iskopijiet tas-settur veterinarju; Billi, biex jitnaqqas ir-riskju ta’ mard, huwa neċessarju li dawn il-gzejjer jitħallew iżommu r-regoli veterinarji tagħhom dwar il-marda tal-ilsien u d-dwiefer li kienu fis-seħħ s’issa, ADOTTA DAN IR-REGOLAMENT; Artikolu 1 L-Artikolu 3 tar-Regolament (KEE) Nru 706/73 [1] qiegħed hawn jiġi mibdul bis-segwenti: "L-Artikolu 3 Mill-I ta’ Settembru 1973, id-dispożizzjonijiet tal-Komunità f’dawn l-oqsma: - leġislazzjoni veterinarja, - leġislazzjoni rigward is-saħħa tal-annimali, - leġislazzjoni rigward is-saħħa tal-pjanti, - il-marketing taż-zrieragħ u pjanti ċkejknin, - leġislazzjoni dwar l-ikel, - leġislazzjoni dwar l-għalf għall-annimali, - standards ta’ marketing u kwalità, għandhom japplikaw bl-istess kundizzjonijiet bħal fir-Renju Unit dwar prodotti li jirriferi għalihom l-Artikolu 1 importati fil-gżejjer jew esportati mill-gżejjer għall-Komunità. Madankollu, iċ-Channel Islands u l-Isle of Man jistgħu jżommu, għal dak li jirrigwarda negozju ta’ annimali ħajjin, laħam frisk u prodotti b’bażi ta’ laħam, id-dispożizzjonijiet speċifiċi dwar il-marda tal-ilsien u d-dwiefer li japplikaw għall-importazzjonijiet. Liema dispożizzjonijiet ma għandhomx ikunu iktar restrittivi minn dawk fis-seħħ fit-30 ta’ Settembru 1985" Artikolu 2 Dan ir-Regolament għandu jidħol fis-seħħ fil-jum tal-pubblikazzjoni tiegħu fil-Ġurnal Uffiċjali tal-Kommunitajiet Ewropej. Dan ir-Regolament għandu jorbot fl-intier tiegħu u jkun applikabbli direttament fl-Istati Membri kollha. Magħmul fil-Lussemburgu, fil-21 ta’ April 1986. Għall-Kunsill Il-President G. Braks [1] ĠU L 68, tal-15.3.1973, p.1. --------------------------------------------------